Atelier Gute by A-1 Bakery

营业中

休息中

星期六果日食完果間巴鬼"申一棧"猶如無食過野落肚,於是系度買左個香草什菌包$6,包身都幾軟熟,但什菌餡則偏少,$6 屬偏貴!

造型同港式麵包舖o既菠蘿包一模一樣, 裡面o既奶皇/ 吉士香甜, 而且份量都好足, 味道同口感都不俗. 如果菠蘿皮可以做得香脆d, 就會更討好!

見到C_A同大食家姐都大讚A1o既咖啡菠蘿包, 行過尖東站o既分店就買左個試下, 果然有驚喜播!菠蘿脆皮香脆, 麵包係介乎丹麥酥同bricohe 之間o既質感, 好鬆而且帶牛油香味, 裡面o既咖啡醬有好濃o既咖啡味,甜中帶甘,o岩我呢個咖啡精!

甘筍蛋糕同朱古力蛋糕都係一個用紙兜裝住既圓形蛋糕, 係冇包裝既, 各$7一件!甘筍蛋糕, 其實未食之前, 我都諗住個蛋糕係冇咩甘筍味, 果然不出我所料, 真係食唔到有甘筍味, 不過就見到有少少既甘筍粒, 仲有幾粒提子乾同幾片杏仁片, 味道都唔差, 唔太甜, 又唔油膩, 如果冇食錯, 好似仲有少少玉桂味添!朱古力蛋糕已經唔係第一次食, 幾有朱古力味, 而且仲有唔少朱古力粒, 但味道唔會太甜太漏, 不過今次既質感比較鬆散, 之前食既唔係咁喎!

呢個麵包既口感好似法包, 裡面幾軟, 但外面就硬左d同韌左d, 味道淡, 唔鹹唔甜, 都食到有少少麥味, 唔係好多, 尚算ok 啦! 不過, 咁普通既麵包要$8 好似貴左d, 唔多值!

有4塊都要$7.5 都幾貴,好在佢都幾厚身,可惜合桃真係少得可憐,包身好香軟,好正~希望個麵包師傅唔好咁姑寒啦,真係得dd walnut ja!

突然好想食牛角包,就走左去a-1買,$10 有4個,昨日去都好lucky,個師傅可能心情靚,個包竟然超大個,一d都唔係佢所講既迷你包,而且上面既唔知係果醬定糖漿都勁多,真係好~雖然凍左但都好鬆化,食到唔停口

今日又行過A-1,又忍唔住入去買包,買左個綠茶紅豆忌廉包(因為佢外表真係好綠,成舊泥膠咁),都幾香綠茶味,D忌廉唔太甜,可能因為係唧落去,所以D餡就側埋一邊,D紅豆蓉就係底,整體味道都幾好,不過我比較喜歡熱辣辣嘅包(有忌廉唔熱得).

個名應該唔係咁既．．．不過相信大家都知我講邊隻包，個包即買即食，所以個面好脆，好正包包又軟綿綿的，至於個咖啡餡，濃度適中，個人覺得濃ｄ會好ｄ！而家做ｐｒｏｍｏｔｅ＄１２有兩個真係抵ｓｔａｆｆ都好好笑容

今日冇飯開,順路行開沙田,就去A-1買包吔,1.咖啡丹麥菠蘿包好正,又軟又香咖啡味,D咖啡吉士仲有咖啡嘅甘味,2.芝士包,好多芝士好開心,3.lamington,入面D蛋糕好軟,仲正過starbucks.

7點幾都有包出,咁就買黎試試。外形:好可愛,仿真蕃薯。真幾大個。同simply bread果d都幾似。包:好軟,有d甜。包0既portion唔算多蕃薯茸:好好味呀,好甜。好似新鮮蕃薯咁。而且好多餡呀。成個包都由印象到味道都好好呀。我諗比起simply bread $9一個0既蕃薯包好好多囉。

經過門口, 只係想入去聞下d香味, 見到件咖啡丹麥菠蘿, 忍唔住又要買件黎試下, 個包唔係好有"肉地", 似牛角包, 面層係鬆脆o既菠蘿皮, 入面包住D咖啡溶, 幾香咖啡味, 不過略甜, 個包當係一個輕量級茶點都唔錯, 食完先醒起, 今晚唔知會唔會失眠?

哩個法包係中型ｓｉｚｅ啦！可惜我食唔出有咩麥味，味道同口感都係同法包一樣，個皮煙韌，裡面就好軟熟，＄８一個唔太抵食

有點餓, 但又唔太開胃, 所以揀左一個$6 既白雪雪既麵包, 睇個樣已經覺得好清, 一定唔會滯! 味道果然淡淡, 唔鹹又唔甜, 但又出奇地覺得幾好味喎, 幾有麵包既清香, 而且又軟熟, 幾迎合我既口味, 下次會買多幾個食!

本身都幾鍾意食飽,不嬲經開都覺得a-1 d飽幾吸引,不過都幾貴,有時又唔肚餓,所以都唔係成日買.本身都鍾意食蕃薯gei野,之前見到個蕃薯茸包,都已經想試.今日再去睇,終於買左,仲買埋之前食過一次就鍾意gei 雞肉腸包.一俾完錢就發覺個蕃薯茸包仲係熱ga...!忍唔住即刻食,個包暖,一食到d餡就係熱ga!仲差少少辣親tim...!!好味...!都幾飽!我見到我俾錢時都幾多人買,證明都幾好食...!真係唔錯...!另外個雞肉腸包都幾好味,有d herbs味咁,自己都幾鍾意,可惜屋企附近都無a-1呀...um...