Around Wellington

咁岩同事生日，所以就揀咗間西式餐廳~ 前菜我地揀咗西蘭花湯，濃郁的口感中透著清新的香氣，讓人暖心。而主菜我地揀既其中一個係招牌慢煮無骨花雕雞腿，肉質嫩滑，搭配冷稻庭烏冬，口感相得益彰，十分滿足。而香煎鱸魚柳也讓我驚喜，外脆內嫩，淋上蟹肉忌廉汁，鮮香無比，再搭配薯條，完美的口感平衡。仲有，牛油果雞肉忌廉燴意大利飯，米飯吸收了奶香與雞肉的鮮味，搭配牛油果的綿密，令人回味無窮。整體來說，餐廳環境好好，絕對值得推薦！…查看更多

蟹籽蟹肉蓋飯配甲羅燒飯成個蟹蓋都係膏 用佢黎混落啲蟹籽加肉鬆 超級好好味 招牌花雕醉雞配冷稻庭烏冬 濃濃既花雕入哂落隻雞到 杞子仲好甜加埋冷烏冬一齊食 食完真係好味到好幸福 檸觀音冰 檸檬加觀音茶 估唔到呢個配搭都幾好 解渴一流…查看更多

今日係星期二，用咗Openrice外賣自取Mastercard滿$45減$15優惠。由於優惠名額有限，趁仲有quota就好拿拿臨落order啦！呢間小店舖面細到唔想逗留，而宜家有抗疫套餐外賣自取優惠，最貴都只係$60就已經有交易，用埋Openrice優惠折咗$45就有添，我當然唔可以錯過啦！準時去到舖頭，只見舖外等買外賣的人人頭湧湧，好彩我一早訂定飯仲俾埋錢，唔駛等就有得拎飯了！我揀咗$60抗疫套餐的鮑汁花膠鵝掌飯補補佢！一打開盒飯就知自己賺咗！足足有兩大條花膠筒！仲要係咁完整嘅花膠筒，而唔係茶樓用鹼水發嘅level！據本尊煮花膠嘅經驗，目測達到42頭花膠嘅size，如果去安記買呢隻size嘅花膠筒，閒閒地都要三千蚊一斤！呢度一盒飯已有兩條靚花膠筒，咁足料，真係好懷疑間舖做唔做得住！靚花膠果然口感一流，唔係酒樓棉花雞嘅棉花級數！鮑汁美味，全部撈晒飯食。鵝掌就普通啦，好似酒樓鴨腳紮嘅鴨腳做法炸過，乾晒好似有點浪費。套餐配嘅健康自家茶原來係杞子紅棗茶，茶入面有大大粒嘅杞子同紅棗，唔係沖糖漿的，好crazy今次嘅經歷實在太刺激了！下次星期二會再戰！#支持小店…查看更多

因HSBC的源故，被迫結業的小店。最後營業為6月26日。店內外貼滿了文宣。蟹籽蟹肉蓋飯配甲羅燒飯 ｜ Crab Roe and Crab Meat Donburi w/ Japan Matsuba Kani Creamy Crab $98細心的將沙律蟹膏分為一層，而飯面則舖滿蟹肉及蟹籽。蟹膏份量適中，香氣撲鼻，完全沒有醒味，也不會太鹹，連蟹肉蟹籽一起拌飯，無論口味還是味道都一級棒。蟹蓋下還有麻醬沙律也十分美味。食量大的人，吃一個都已足夠。虎蝦蘆筍冬蔭刀削麵 ｜Tom Yum Sliced Noodle w/ King Prawn and Asparagus $88虎蝦大而且爽口彈牙，刀削麵沾有冬蔭功湯雖然不太掛湯，但味道十分濃，麵質煙韌不會軟掉，吃下去絕對有泰式風味，椰汁味香，吃到底會較辣。招牌凍朱古力 $28奶味重的朱古力。…查看更多

Carbonara麵就係Carbonara最common用嘅spaghetti，應該係現成買，冇咩特別；烚意粉嘅時間剛好，唔會太硬或太易斷肉應該都係現成煙肉，廚師專登砌到好細條，令每一啖意粉都食到煙肉，加分。汁就大家有眼睇，非傳統收乾水然後撈蛋嘅煮法；反而係港式落cream加奶煮法，再加埋蕃茜碎個presentation其實都唔錯，食落個汁夠鹹亦滑，呢味忌廉蛋汁煙肉意粉絕對會Encore。…查看更多

鋪仔細細主要係做外賣，一般午飯時間如果堂食要排長龍。菜單唔算多選擇，但係好有特色，外賣盒設計好環保，唔使另外拎個袋裝👍🏻之前食過花雕醉雞髀配凍稻庭烏冬好正，雞髀肥瘦適中，整得好入味同埋完全冇雪味，烏冬幾彈牙，配埋濃郁嘅花雕汁啱晒我！今次揀咗蟹肉蟹籽蓋飯配甲羅燒！蟹肉蟹籽份量算多，甲羅燒新鮮完全冇腥味，調味適中冇過鹹，撈飯一流！下面果幾條沙律菜仲配埋麻醬架！中環咁嘅價錢食到甲羅燒真係去邊度搵呀🤩🤩🤩…查看更多

疫情肆虐，無阻我同朋友出街支持小店。同朋友由中環碼頭行上黎威靈頓街專程揾呢間餐廳，眼見沿路都有不少吉鋪，唉生意難做。未入餐廳已經見到好多色彩繽紛嘅文宣。原本都唔諗住有太高期望，純粹幫襯下。同朋友叫左份醉雞、芝士焗豬扒配瑤柱蛋白炒飯、蒜薯牛油雞翼。等左大約10分鐘就黎，食落原來咁高質素!真係貨真價實，塊豬扒好入味，一啲都唔硬!連我好咀雕嘅朋友都話醉雞好好食。雞翼炸得皮脆肉嫩!😎😎😎❤❤離開時，我影左店內連儂牆，咁啱店外有成班警察經過睇到我影，少少驚🙈希望大家支持下佢地，值得大大力懲罰!😂食物真心高質!只係鋪面細左啲，冇辦法租金太貴啦。…查看更多

又要諗lunch食咩之際，同事突然之間send咗哩間鋪俾我。 有得試新野得就最開心☺️ 一入去，同路人一定明白💛 好多字句，令人目不暇給。鋪面雖然偏細，但係侍應嘅態度超級體貼。我哋落單嘅時候，侍應竟然主動拎消毒酒精俾我哋先洗手，令到我哋食得安心同放心 。蟹子蟹肉蓋飯配甲羅燒飯 出嚟同圖片一模一樣，超有驚喜。食甲羅燒最怕唔新鮮同腥。估唔到店舖細細，都可以煮到咁好食嘅甲羅燒。 蟹子同蟹肉份量都算多，將啲飯撈埋同甲羅燒一齊食，成件事好開心好滿足。招牌花雕醉雞配冷稻庭烏冬 醉雞好濃好入味, 同事仔食完話有d 醉😂 本身最近心情麻麻，一入到黎就覺得好有力量，食下食下竟然食曬成個飯。 係最近食過最有心思ge 餐廳！一定會再幫襯💪🏻…查看更多

At a time when social distancing is recommended to curb the spread of the Wuhan coronavirus, habits change.  I find myself exploring and hunting for quality takeaway shops.  "Around Wellington" stands out with its quality ingredients, fusion food menu and freshly-made food.  I would not hesitate to recommend its freshly-made A5 hida wagyu burger! It is value for money! The wagyu patty itself is worth half the price they charge already.   The burger set also comes with a soda and freshly-made french fries and ketchup.  The wait was around 10 minutes.  The shop does offer two small tables should you suffer a change of heart and decide to enjoy your food at the shop and the energetic service of the young staff there!…查看更多

係中環食嘢真係好貴所以就揀咗間夜晚最吸引嘅嚟食佢鋪仔少少位置唔多但係勁受歡迎所以佢Menu上面有啲item好早都已經賣晒所以我就叫上衣一個啦蟹子蟹黃雙拼飯下面仲有好多蟹肉最咪成個飯都係啖啖肉仲有啲孩子索索聲非常之吸引好快就食晒成個飯撈原來係呢間鋪頭係專做外賣嘅生意所以鋪仔細細位置唔多但係呢個黃昏時間嚟呢度食都唔會太迫都坐得幾舒服而且佢仲係非常之有良心嘅小店有好多文宣單張都可以俾我哋自己攞正呀…查看更多

記得有次在中環吃過晚飯後路經這間Around Wellington，已經被門外內貼滿的便利貼所吸引，這是從很早期已經表態的黃色小店。雖然至今已經相隔數月，但我仍然記得它們的飛騨牛漢堡的味道。自去年成立黃色經濟圈以來，生活習慣或多或少都有所改變，現在每次食飯都會先打開黃藍地圖，或許有人會說：這樣不會很麻煩嗎？連吃一頓飯都要這麼執著。老實說，是麻煩的，但作為香港人如果連這樣都做不到，那麼還有誰會支持黃色經濟圈？明白因疫情會令大家減退在外食飯的意慾，但可以的話，還是希望能夠優先選擇良心小店。Around Wellington的餐牌款式選擇多，價錢在中環地段來說亦屬於可接受範圍內。除了這個餐牌上的菜式外，還有其他食物如串燒、焗飯或意粉等，因為餐牌會因應時令食材而不時更換，所以可以向店員查詢。店內柔和的燈光與數量多到如牆紙般的文宣互相輝映，形成了和諧融洽的畫面。在等待食物的期間，不妨留意一下每張文宣，設計都非常美觀而且很有意思。而小店座位有限，繁忙時間或許需要等位，最近還增設外賣自取套餐，價錢亦更經濟實惠，實在是中環上班族的福音。小店真的絕不放過每一個可以宣傳的空間，連裝著點餐紙的杯子也會貼上一張文宣，當時覺得這張貼紙很美就拍下了。所以為何這家小店能夠門外門裡都貼到「插針都插唔入」，你懂的。這裡的食物不管是堂食或外賣都是用即棄餐具及以外賣盒盛載，個人覺得有點不環保，如果堂食能夠換成能夠重環再用的餐具和碟子會更好。賣點之一的A5飛騨和牛肉質軟腍，而且非常多肉汁，帶有非常重的和牛味，口感一流。這裡除了選用我很喜歡的A5飛騨和牛外，還有一點令我喜歡得欲罷不能，那就是它的醬汁。在一般餐廳吃到的漢堡，醬汁不外乎是黑椒汁、燒汁或千島醬，高級一點的會配黑松露醬，但這裡用的竟然是紅莓醬！酸酸甜甜的紅莓味道與漢堡非常搭，煥然一新的味道亦很有新鮮感，清新的紅莓醬使人吃完整份漢堡亦不覺膩。漢堡可以HK$28加配成Combo Set，配上汽水及薯條，這樣才是最完滿的配搭。Around Wellington用是粗薯條，真的覺得只有粗薯條才能吃到裡面的薯香，也能品嚐到薯仔的質感。即點即炸的粗薯條非常燙手，薯條炸得剛好呈金黃色，口感亦份外香脆。青咖哩配螺絲粉確是一個新穎的配搭，送來時已經聞到青咖哩的香氣，帶有微辣的刺激感。鯛魚柳用炸的方式去烹調倒是第一次吃，薄薄的炸漿包裹著細軟的魚柳，鯛魚肉質本來已經十分滑溜，炸過之後更能將肉質的鮮嫩保留著。唯一美中不足的是這份螺絲粉的份量不算多，吃完有種像是仍欠缺一點的感覺。…查看更多

【深黃店推介 - 中環多國菜 - Around Wellington🇳🇿】🐷🐷 💭流感高峰期, 再加上過萬嘅強國肺炎肆虐, 令好多香港人/豬提心吊膽, 甚至唔敢出街! 但豬仔🐷🐷覺得大家唔可以唔食嘢架嘛!!而食嘢就點都要優先考慮食黃店喎! 可憐嘅老豆要繼續喺中環返工! 最好嘅方法就係去黃店叫外賣! 安全之餘又唔使怕黃店等位等得耐! 今次介紹中環呢間小店位置方便, 地方雖少但有極大量文宣, 佢每個餐都用別出心裁嘅兜仔裝住, 叫外賣定快快手到店食都好方便!! 🐷🐷💬1⃣ 蟹籽蟹肉蓋飯配甲羅燒飯 ($98)估唔到可以喺間小店到食到蟹蓋甲羅燒飯!! 嘢食嚟到見到隻蟹蓋都唔算細隻, 而飯量就算係適中,唔會太飽! 不過個飯嘅配料就好豐富啦!! 蟹肉比想像中多, 連同蟹籽紫菜等等...幾乎每啖飯都可以有配料夾埋食!!而精華所在就當然係個蟹蓋!! 啲蟹膏佈滿成隻蟹蓋, 用嚟送飯一流!! 所有set lunch都係$78-$108, 免費送一杯飲品, 熱飲凍飲可樂都得! 🐷🐷💬2⃣ A5飛驆和牛芝士漢堡 ($98)又到豬仔🐷嘅最愛 = 🍔🍟!! 今次呢個仲要係和牛, 梗係要試下啦! 等待時間10-15分鐘, 算幾快手! 和牛扒好大塊, 咬落好似肉碎咁好淋, 而且可能因為係和牛, 肉汁非常多, 好juicy! 再加上塊溶溶哋嘅芝士又幾夾個漢堡包!! 食🍔🍟當然要夾汽水啦! set lunch 同樣免費包埋!! 唔錯呀!!🐷🐷💬3️⃣招牌花雕醉雞配冷稻庭烏冬 ($88)呢個係小店熱賣嘅招牌菜, 嚟到見到好大舊雞脾非常吸引, 聞落有好香嘅花雕酒味, 個烏冬好彈牙涼涼哋, 索左大量花雕酒味特別好食! 而重點係個花雕酒真係好濃, 食到興興地咁添🤪! 至於醉雞好大舊好多肉但又唔鞋口, 而且仲好細心咁去左骨! 個人覺得食過3次呢個係最好食嘅! 飲品一樣係免費, 揀左今日煲嘅雪梨茶, 滋潤一下!!☺🐷🐷💭小店店內有十萬9千幾張文宣, 而且都幾update添的! 另外, 鋪頭有參與罷工, IG FB 亦有作大量嘅遊行+罷工宣傳!! 各位需要繼續喺中環返工嘅朋友, 去威靈頓街試吓啦, 外賣都得架!! 小店都收信用卡!! …查看更多

之前用app叫過這店的外賣，但沒有試過堂食。這間店果然名不虛傳,難怪經常看見店外排長龍。今天午飯時間，自己一個人經過時，決定碰碰運氣,竟然立即有位，原來外面的都是排隊拿外賣。我點了紅菜頭燴意大利飯配大啡菇 ($78)，餐飲免費送，我點了薏米水(熱的)，很快已經上菜。味道很好,之前還怕紅菜頭味道，但這個像是紅色的意大利飯，啡菇也很配，薏米水也很好喝。不過，這個菜是一個立方形的外賣紙皮盒盛著,份量對於胃口大的人可能不夠。下次會再來試試其他菜式。…查看更多

花雕醉雞烏冬本人好鐘意醉雞，仲要係好濃嗰隻。之前見到朋友做完yoga去食，覺得好吸引，就試左個外賣。我！鐘！意！ 酒味夠濃!!雞脾大隻又多肉!烏冬夠彈牙!!滿分!!…查看更多

當初試係因為想支持良心小店叫過三次外賣 真係發覺真材實料 水準穩定 好 好 味 😭(1) 蟹籽蟹肉蓋飯配甲羅燒飯打開蟹香到連隔離位同事都想試啖啖蟹肉蟹膏真係不得了🤤食落蟹好香 一啲都唔會膩連飯粒嘅口感都好彈牙 粒粒分明 煮得恰到好處佢連米都唔慳究竟用料有幾好 究竟利潤有幾少 點解呢個價錢可以俾到呢個質素⁉️⁉️(2) 咖喱牛肉飯特別日子先有 要留意IG飯如上 令人非常滿意咖喱少辣 係啱香港人嘅口味牛肉唔老 質量高性價比奇高 係咪想做爛市😡(3) 花雕醉雞配冷稻庭烏冬嘩呢個真係不得了連隔離位都流口水大大舊醉雞脾 做法傳統 喺皮同肉之間見到嗰層啫喱就知係好野 😍花雕味清香 同烏冬味道好夾 (諗唔通點解 唔好諗啦)烏冬嘅煙韌 真係稻庭烏嘅味道😭真係俾餐廳呃得多 食到真材實料太感動究竟佢地用料咁高質素 賺唔賺到錢 😱中環唻講價格相宜 性價比好高 🥳對講究質量嘅人唻講簡直係一大恩賜 💕幾多餐廳收幾百蚊都做唔到 咁👏嘅👏水👏準👏又可以外賣自取 又可以網上外賣平台 我覺得唔試真係錯過左❗快啲試啦 真係好好味 😭…查看更多