Apinara

营业中

休息中

平時lunch都成日經過呢間餐廳但又未有機會試到，終於的起心肝放工買外賣返屋企食。位置太古廣場2樓當眼位置，未到7點估唔到都已經好多人食緊。泰式蟹肉奄列，擺盤好靚，已經見到蟹肉同炸蒜係面，份量好大卷左好多層，每層夾住滿滿蟹肉，第一層既蛋仲帶點脆口，一咬又感覺軟棉，非常好味。菠蘿肉鬆海鮮雞肉炒飯，雖然外賣冇左個菠蘿擺盤，但食落都係正! 有菠蘿肉，雞肉，鹽焗腰果同肉鬆，面頭仲有原隻開邊虎蝦，肉質爽口彈牙夠鮮甜。成個飯乾爽又帶點酸酸甜甜咁，好開胃。泰式素春卷，拎到返屋企都係一樣咁香脆，裡面有好多不同既蔬菜絲，加埋泰式醬汁好香好惹味。泰式豬肉炒河粉，河粉係大片同闊身，都幾滑。豬肉片份量足夠唔會太乾!

這天放工後同朋友在金鐘睇戲之前醫一醫肚先。金鐘太古廣場名店林立，一聽個名都覺得是比較高檔次，本身都諗住d餐廳會比較高價，估唔到搵到這間泰國菜，一看餐牌價錢都相當親民就決定食呢間。餐廳裝修無論牆身、餐桌以致天花板的燈飾比較優雅，而燈光特意調較至暗黃配合氣氛。 每枱都有份餐前小吃是蝦片。蝦片炸得相當鬆脆，重點是味道帶有胡椒味非常香口，是一份醒胃的小吃。 //香脆紅咖哩魷魚球(6件) $108//這是期間限定餐牌，曼谷唐人街滋味系列。一上桌就比外觀吸引了，這個擺設架好特別，打卡一流！魷魚球外層炸了金黃酥脆，炸粉不算太厚，食到粒粒魷魚口感，非常彈牙。每粒魷魚球表層放了紅咖哩醬加一塊檸檬葉，咖哩醬香而不脆，就算不吃辣的朋友也吃到。 //青咖哩雞 $148 + 印度薄餅 $38//雞肉嫰滑而咖哩落足香料，十分惹味。薄餅大大塊烤至燶邊而中間軟身，沾滿了咖哩汁一起吃這個咖哩更加滋味//菠蘿肉鬆海鮮雞肉炒飯 $148//又是賣相一流的菠蘿炒飯，飯頂放了兩隻酥炸過的虎蝦可以連殼食。金黃色的炒飯連雞肉、青口、腰果、菠蘿、肉鬆等等一起吃，色香味俱全。菠蘿是用真材實料新鮮菠蘿，入口香甜多汁，這個價錢有這樣高質，

之前係海港城食過姊妹店 Lady Nara 既泰式下午茶之後，已經好想再試下晚餐原來係金鐘太古廣場入便都有 Nara Thai Cuisine 的品牌  Apinara貴為連續10年被評為 「Thai Tatler 泰國最佳食府 」，質素有一定保證餐廳裝潢以泰式渡假風為主，走高雅路?，環境舒適寬敞，燈光柔和有氣氛而且旁邊特設酒吧區，適合係附近放工後既朋友仔落黎 Happy hour ，飲番杯，傾下計，relax 一下食物方面:蝦片 : 炸得鬆化香脆，帶點黑椒味，最鐘意食既開胃小食泰式椰子雞湯 : 加左小辣，雞湯味濃郁，有啖啖清香椰香味，雞胸肉嫩滑，再加埋草菇、香茅及其他泰式香料，甜甜辣辣，非常開胃黃金脆魷魚 : 外皮脆漿很薄，魷魚新鮮彈牙，再加入鹹蛋黃去炒，非常邪惡既小菜泰式蟹肉奄列 : 期間限定的曼谷唐人街滋味菜式，賣相係一個外皮鬆軟厚厚既蛋卷，面頭放滿蟹肉，切開後入便係捲住塞到滿既蟹肉，再配上炸乾蔥鵏乾蒜及是拉差辣醬一起吃，食返泰國的風味菠蘿肉鬆海鮮雞肉炒飯 : 最鐘意食用半個菠蘿既菠蘿炒飯，炒飯底用蝦頭油去炒，加入青口、蝦粒、雞粒、肉鬆、腰果、新鮮菠蘿去炒，夠曬鮮味，再加埋大大隻

記得去泰國旅行的時候曾經到過呢一間餐廳Apinara當時已經覺得好好食，仲諗如果香港有就好了。今日我哋唔使去到泰國，去金鐘就可以食到一間米芝蓮級數嘅泰國餐廳。餐廳裝修有氣派，好喜歡佢哋嘅燈飾，好友泰國風情，令人有放鬆的感覺。餐牌有多款選擇，而且各有特色，當中有傳統嘅菜式及一些有創意嘅款式。我選擇了兩款唐人街風味特色菜：。香脆紅咖喱魷魚球🦑炸得香口，魷魚粒彈牙，有口感，配埋佢地特色醬汁好食到不得了，必點之一。泰式蟹肉奄列做法同本地奄列非常不同，將奄列炸脆，內有新鮮蟹肉，鮮味十足。花膠雞絲斑蘭金麵睇到花膠就知道滋補，混入雞絲，湯底濃郁滋補，選用菜麵，非常健康。泰國咖啡&熱香茅茶咖啡香濃，香茅茶有清新感覺香味十足，兩款飲品都適合冬天

🤎🤎金鐘- Apinara🤎🤎又到左Happy Friday~ 難得的metime 加上好朋友喺附近放工，緊係去食餐好既同吹水啦🤪平時經過Apinara 都見到有人等緊位，今次終於可以試下啦🤤環境都幾舒適，枱與枱之間唔會太迫，有適當的空間，打開menu 見到佢地有期間限定菜式，朋友都話想試下，所以一共嗌左4樣野，再每人一杯飲品。👍👍👍❤️香脆紅咖哩魷魚球❤️我以為係一塊塊既魷魚，原來咬開係類似魚餅既入面有d 粒粒魷魚，爽爽脆脆咁，好香好好味，上面有d 醬酸酸地做點綴，呢個係全餐飯最好食既👍💛芒果軟殼蟹米紙卷💛大大隻軟殼蟹喺米紙卷上面，食落都幾fresh, 點埋d 醬汁有加分效果。🤍椰子雞湯🤍好濃呀😍😍😍😍一飲酸酸甜甜勁香，而且入面d 雞同菇都好多，我地一人飲左2碗都仲有剩。推介推介👍👍👍不過一定要趁熱飲，下低啲火熄左之後個湯開始變杰。💛菠蘿炒飯💛味道比較淡，不過配料都幾多，有腰果有肉鬆，食食吓有啲菠蘿粒粒同雞粒，幾fresh。🧡海鹽焦糖泰式奶茶🧡上面d cream 加埋一齊好飲，有焦糖味但略為偏甜。🤍椰子沙冰🤍有d 粒粒，飲落似珍多冰🤤餐廳環境靚，食物唔錯，其中最喜歡魷魚球同埋椰子雞湯，而

Apinara主打正宗泰國菜✨係連續10年獲選為「 Thai Tatler 泰國最佳食府 」嘅Nara團隊之一☝🏻呢個價錢 咁嘅食物質素 Cp值好高‼️.📌餐前小食 $18炸蝦餅勁香脆 食晒成餐飯再食都仲係脆卜卜🦐食落好香口 黑椒味幾出🧂.📌菠蘿肉鬆海鮮雞肉炒飯 $148炒飯底用左蝦頭油炒 加埋青口 好夠鮮味🦐🦪再撈勻菠蘿肉,鹽焗腰果同肉鬆 口感豐富 入口酸酸甜甜 好開胃😽炒飯炒得好乾爽 飯粒有咬口 即使有juicy嘅菠蘿都唔會濕晒🍍平時多數都係用罐頭菠蘿 呢度係新鮮嘅 仲有半個菠蘿裝住 食完個炒飯可以刮埋嚟食😌面頭原隻開邊炸虎蝦 炸得好香口 肉質爽口彈牙夠鮮甜🍤.📌炸豬頸肉配青木瓜沙律 $158豬頸肉嘅份量都幾多 每一舊都切得好靚🐷炸表面脆卜卜 咬落夠爽彈 肉質軟腍 肥瘦適中 唔會太多肥膏🤤配埋旁邊個辣醬好惹味🌶️木瓜沙律用木兜裝住 成碟菜賣相夠晒精緻🥰不過木瓜沙律味道好淡 唔夠酸辣味🥺.📌椰香奶黃流心湯丸 $68呢個幾特別 係泰國宮廷嘅甜品🍮入面有奶黃湯丸, 三色丸子, 香芋粒, 黃豆脆脆, 鮮椰肉, 椰奶 超豐富 顏色好靚🤩奶黃餡唔算太濃香 不過同三色丸子口感都好軟糯 好有咬口🍡香芋

之前都有食過佢哋喺海港城嘅姊妹店Lady Nara😌咁啱見到佢哋喺太古廣場都有間分店叫Apinara，就決定外賣返屋企食🏠香菜紅咖喱魷魚球 $108呢個係新出嘅曼谷唐人街菜式🇹🇭魷魚球以墨魚肉同埋魷魚粒搓成，質感彈牙🦑調味上亦都混入左紅咖喱醬同埋少少芫荽，而且出奇地有陣冬陰公嘅香味😂但係又唔怕好辣，有啲似泰式魚餅嘅味道😋海鮮沙律伴香菜奄列 $138第一次見呢個配搭嘅泰式沙律😆面頭係酸酸辣辣嘅泰式海鮮沙律，有大蝦、魷魚、同魚柳🐟而個醬汁都係偏甜唔辣（好難得唔食得辣嘅我都食到泰式沙律🤩），亦加入咗洋蔥、芫荽、花生碎等增加香味，非常之清新🥬而底下就係切開左一片片嘅奄列，就咁睇已經望到入邊加入左大量嘅芫荽，不過入口荽味又唔係好重🤔好適合點埋個酸辣汁一齊食，啲汁索晒入個蛋餅入面，食起上嚟冇咁乾🍳泰式椰子雞湯 $128每次食親泰國菜都好鍾意叫椰子雞湯，呢度有得揀辣或者唔辣😗我呢個就係走辣嘅version，呢度嘅椰子雞湯做得唔錯🥥質地幾濃郁，香茅同青檸嘅味道都非常突出，味道偏酸🍋（好啱我口味），可以平衡返椰汁嘅厚度，酸酸地咁越飲越上癮🤤另外個湯入面仲有雞髀肉、草菇等嘅配料🍄雞肉嘅份量都幾多，肉質都仲

Apinara來自泰國米之蓮餐廳，相信質素有一定保障。食物方面有好多選擇，服務都唔錯。泰式生蝦生蝦爽口彈牙，感覺上幾新鮮，而且保持到佢嘅溫度。點一點個醬汁，加埋蒜頭辣椒一齊食，帶出生蝦嘅鮮甜。河蝦冬陰炒飯炒飯望落唔係太紅，食落帶有淡淡嘅冬陰公酸辣味，味道容易接受。 上面有大大隻河蝦，蝦上有啲蝦籽點綴，咬落河蝦幾彈牙，煎得幾香口。炒飯入面都仲有啲蝦肉，擠埋啲檸檬汁落去，就更加開胃啦。香脆紅咖喱魷魚球熱辣辣嘅魷魚球 ，咬落好彈牙，食到有粒粒嘅魷魚係入面。食落香茅味道較明顯，整體鹹鹹地，但唔會辣。見到期間限定都可以叫黎試下。鮮椰子沙冰飲落好香椰味，食到椰子肉係入面，估唔到仲有三色冰入面個啲配料。沙冰打得夠幼細，杯上插上大大朵花，相當有泰國風味。

金鐘超高質泰國菜，性價比超高， 環境衛生舒適， 食物價錢合理。1.泰式椰子雞湯當中不得不推介的是泰式椰子雞湯， 味道開胃酸酸甜甜，雞肉嫰滑無比，非常惹味2.泰式蟹肉奄列層次口感特別， 做法似玉子燒，但質感香脆無比，一層層奄列包著大量蟹肉，份量勁大3. 36小時紅咖喱慢煮牛肋條用左36小時既紅咖喱炆煮牛肋條，非常入味，肉質嫩滑，看得出廚師花盡心思製作4. 足料泰式菠蘿炒飯一個好多泰式餐廳都擁有既菜色， 是次炒飯配以炸過的蝦仁，雞粒，腰果及肉鬆、層次豐富，份量十足且有獲氣。

我最近期發現有一間低調但高質的泰餐係金鐘大古廣場，味度同質素好有保證。 （5⭐️最高）Lunch set 泰式滷水豬手配白飯 - 凍飲泰奶(5⭐️)上菜是一盤上， 當中包含湯、兩款小食、甜品及主菜湯： 泰式冬蔭功：蝦好爽口， 微辣湯唔會太槍喉嚨😋💕小食： 有酸甜扎肉：先開一開個胃；炸泰式小雲吞， 內裏的肉好juice😋主菜：無骨滷豬手， 啖啖肉， 而且好滑， 好入味👍🏻泰奶：夠凍夠甜🥰泰式豬肉炒河粉-凍飲泰奶（5⭐️)湯： 泰式椰子雞湯（走辣）， 真係好香椰子味， 無骨雞肉啖啖肉。 滋味😜主食： 泰式闊身河粉， 同豬肉比例約1:3 。 食既時候， 加小小青檸檬🍋汁， 令佢馬上level up😍甜品： 係西米露， 甜度適中， 亦可以有少少解辣作用😝

今日和朋友去金鐘太古廣場購物，之後一起去太古廣場2樓Apinara吃泰菜，朋友話這間過江龍米芝蓮泰國餐廳好正，食過返尋味。我第一次去，見到圖文並茂的餐牌已很興奮，朋友是識途老馬，由他發辦。一坐低便奉上暖水和蝦片，蝦片香脆。期間限定曼谷唐人街滋味颇有特色，我們叫了一份泰式蟹肉奄列。奄列一拿來已聞到香味，大大份奄列賣相吸引，金黃的奄列上佈滿蟹肉，切開奄列內也有蟹肉，吃入口蟹肉鮮甜蛋香口，很美味。泰式冬蔭釀燒雞每日限量供應，是泰國總店推介，果然是好介紹。原隻黃油雞先以檸檬葉，香茅等冬蔭功香料醬醃製，再釀入冬蔭功炒雜菇，雞焗至外皮香脆，肉質惹味多汁又有雞味，磨菇吸滿雞肉精華，超美味!菠蘿肉鬆海鮮雞肉炒飯好睇又好食。炒飯底以蝦頭油炒製，飯面有開邊大大隻鮮甜的虎蝦，炒飯內有青口和帶子提鮮，還有酸甜的新鮮菠蘿肉，雞肉，肉鬆和腰果，飯炒到粒粒分明軟硬適中，入口有層次口感，出色!我們兩人吃飽飽，將食剩半隻雞和炒飯帶回家，家人都吃得好開心，下次再叫多幾個人來試多幾款招牌美食。 店服務稱心有效率，座位舒適。

「Apinara」位於金鐘太古廣場 是屢獲泰國米芝蓮推介的著名泰國食府「Nara」的姊妹品牌概念店❤️餐廳裝修優雅別緻 環境寧靜氣氛悠閒 坐得好舒適🥰整體份量偏大所以價錢合理✨泰式東北小食拼盤 $168 Signature Northeastern Appetizer Platter依個小食拼盤好特別 佢集結四款泰國東北地區地道小食 每款有3件左右😍有兩款泰式香腸 我比較中意粗身個款 充滿肉汁💦泰式豬肉丸🧆外面脆脆地但好辣下👅🌶泰式肉碎沙律配生菜不會辣🥬食落反而幾清新😬✨泰式蟹肉奄列 $158 🍳🦀️ Thai Crab Meat Omelette是曼谷唐人街滋味餐牌其中一款的菜式 期間限定嫁！奄列好巨型份量超足 4人食都夠😮厚厚的蛋捲煎得焦金黃🍳入面同面頭都鋪滿大量蟹肉 啖啖肉好鮮甜😋旁邊配上炸蒜🧄同泰式辣醬🌶更加惹味啊✨菠蘿肉鬆海鮮雞肉炒飯 $148Pineapple Fried Rice with Seafood, Chicken & Pork Floss擺盤好有心思好吸睛😍份量好大 面頭有隻開半的炸大蝦🦐配料豐富 海鮮有帶子青口配埋雞肉腰果肉鬆 仲有提子乾同新鮮菠蘿🍍甜甜地好開胃👍

餐廳環境充滿泰國氣息 而且cocktail都好出名 餐廳都設有個大吧檯 所以唔飲酒都要試下Special Drinks🍹餐牌有特別推介 叫做「泰國唐人街滋味」係三款中泰合壁的菜式 我地挑選左其中一款 另外試左幾款食物 去完成當晚既豐富晚餐❤️🦀泰式蟹肉奄列-奄列本身帶有濃郁蟹味 裡面仲有好多蟹肉 啖啖鮮味 份量十足 係一個名副其實既蟹奄列👍🏻👍🏻🐚泰式椰子蜆煲-好鮮甜既湯底 d蜆未食哂就已經飲哂個湯😂蜆仲要大大隻 好肥美 好推薦大家一定要試既菜式❤️🐖泰式鴛鴦豬手-哩個豬手有齊滷水同燒烤 仲配合兩個唔同既醬汁 燒烤豬皮都幾脆 個人比較鍾意滷水 因為質地較滑 容易入口 可以一次過滿足不同人既需要👍🏻🍹Aloe Vera Drink & Pandan Longen Honey Tea-兩杯飲品飲落都有香茅既味道 真係好似去左泰國咁😂唔會太甜 生津解渴 不錯不錯👍🏻

金鐘超高質泰國菜喺金鐘買完雪山鞋，順便睇吓有咩食見到呢間泰國菜好似坐得幾舒服環境幾舒服就入去試吓餐廳有幾款期間限定菜式我哋選擇咗泰式蟹肉奄列 $158嘩！估唔到咁大份，口感好似玉子燒但質感帶點香脆，好似每塊蛋都煎過一層層除咗奄列面層大量蟹內，奄列內也有大量蟹肉啖啖蟹肉相當滋味建議4個人食會好啲，份量實在太大份🤣我哋兩個人食飽到Hi Hi 🤣泰式椰子雞湯 $128呢度嘅泰式椰子雞湯可選擇走辣味道剛好，不會太咸也不會太酸清香椰子🥥味，雞件嫩滑入味大蝦蝦頭膏炒河粉 $138推薦必食！🤩河粉大大塊每塊都炒得乾身入味，吸盡大蝦蝦頭膏鮮味相當惹味，仲有好多新鮮大蝦🍤，份量相當足！椰香奶皇流心湯丸 $68蝦子餅一見到呢個組合就話要食🤣全部都喺佢最鍾意食，放埋一齊簡直喺佢心頭好！香蕉薄餅 配 榛子醬及煉奶 $98口感比較煙靭，略嫌榛子醬唔係好夠如果另外伴上榛子醬可以自由添加就更好Thai Iced Citrus Tea $48即泰式凍檸茶，濃濃的紅茶底，好喜歡💕Thai Milk Tea $48泰式奶茶也是濃茶底，色香味俱全Apinara地址：金鐘金鐘道88號太古廣場2樓205號舖

《Apinara - 金鐘》之前喺海港城食過一間環境同菜式都好精緻既泰菜，上次淨係食咗幾個菜，其實都仲有好多菜式想食，不過一直都未有機會再去試多次🥲星期四過咗去金鐘做嘢，收咗工同同事見到一間個裝修好似我食過嗰間泰菜，上網search過之後發現原來係同一個集團嘅，怪唔之得佢嘅菜式同埋裝修都有八成相似啦，我哋當日等位大概10分鐘左右就入得，同樣地當日得兩個女仔食，所以都只係叫咗三樣同埋兩杯飲品🤓最後都仲食淨少少💁🏻‍♀️香脆紅咖喱魷魚球 $108其實佢個咖喱魷魚球咖喱味唔算好強，本來以為佢係有咖喱汁點，原來佢個魚球係用咗咖哩去製作，所以睇落紅卜卜，不過咬落唔辣，入面嘅魷魚一粒粒清晰見到，另外仲食到少少香草味，齋食同點檸檬汁食都好味道😋💁🏻‍♀️燒豬頸肉配青木瓜沙律 $158燒豬頸肉嘅份量都幾多，配埋青木瓜沙律唔單止可以解膩，鮮甜香辣嘅青木瓜沙律仲可以幫助帶出肉嘅炭燒味😉我哋兩個人食呢一個小食略嫌份量太多，最後食唔晒，所以最好叫多一個人share會比較好啲💁🏻‍♀️菠蘿肉鬆海鮮雞肉炒飯 $148菠蘿炒飯我真係好少食，不過呢一個炒飯嘅材料真係幾多下，又食到海鮮，又食到雞肉同肉鬆，而且菠蘿嘅份量絕對唔