AMONA

今年生日，特登支持左小店的爆芒香椰斑蘭西米蛋糕，色香味俱全，真心推介！✨蛋糕外形超吸引，外層係白色椰漿奶油，包裹住裡面爆滿的芒果，令人一見就心動，最後再加上斑蘭葉做點綴，簡直係夏日的完美選擇！🌿用新鮮斑蘭汁製成的戚風蛋糕，柔軟得來又帶有淡淡香氣，完全唔會乾！而中間的芒果果肉，鮮甜多汁，再配上鹹味椰漿奶油，滑得嚟又充滿泰國風味，食落完全唔覺得膩！😋最特別的是，蛋糕外層椰漿奶油加入西米，令整體口感更加豐富，每一口都有驚喜！🎉呢款充滿泰國風味的爆芒香椰斑蘭西米蛋糕，真係俘虜左我的味蕾，值得再次回味！如果你都想試下這款泰國風味的椰漿和芒果蛋糕，千祈唔好錯過呀！💚🥥🍰…查看更多

店主好好人幫我設計咗個小朋友最愛嘅車車造型蛋糕.裡面係芒果香椰斑斕西米蛋糕🥭🥭食落去斑斕味香濃，味道好出，係戚風蛋糕嚟口咸輕盈蓬鬆🍰外面嘅係斑斕香椰漿味道鹹鹹甜甜一啲都唔會膩🥭芒果新鮮果肉份量好足夠晒甜😋😋最特別係配埋泰國嘅西米，口感Q彈🎂🎂成件事好夾👍🏻👍🏻滿足…查看更多

Amona主打純素蛋糕，素食人士又多一個選擇，而這炎炎夏日，就最啱食芒果，店主推出咗西米椰汁糕改良成為全新的「爆芒香椰斑斕西米」。爆芒香椰斑斕西米斑斕戚風蛋糕口感鬆軟濕潤，芒果大大塊，份量多，香甜多汁，而泰國西米彈牙，斑斕香椰漿鹹鹹哋，特別濃郁，呢個配搭絕對係perfect match，完美呈現熱帶風情。蛋糕啖啖芒果肉，口感輕盈清新，愈食愈開胃，最適合而家悶熱嘅天氣，夠晒fresh，仲唔快d買黎試下！…查看更多

上網訂咗Baileys & coffee roll cake喺觀塘工廈拎。佢哋嘅蛋糕選擇相當多樣，所有蛋糕都係用天然食材製作，完全無添加任何防腐劑。 仲有無糖、純素等選擇，真係顧及到不同飲食需求嘅人。蛋卷中間包住香滑咖啡忌廉，一睇就知creamy，蛋糕軟熟綿密，配埋Baileys 酒，酒香味道非常濃郁，唔會太過甜膩，非常適合喜歡咖啡同酒嘅朋友。味道唔會太甜，平衡感幾好，食落好滿足！ 下次一定會再返來，試下其他款式！…查看更多

平時好少寫post，不過呢個蛋糕我覺得佢好有誠意，食得出嘅用心，店主話個開心果醬係佢自己整既，加埋軟滑開心果cream同開心果碎真係覺得個蛋糕買得太細🙂‍↔️。。重點係唔太甜! 訂生日蛋糕好大壓力架，好彩生日嗰個食得好開心🤭…查看更多

流心無流心，椰漿面好咸，chiffon cake 又乾又實咸到個個同事都食唔到，個底又太甜，唔下面D comment食開咩定係特別依款個味特別怪，另外個生日牌要加錢，一拎番去就切，但個生日牌已經溶到拎唔起加埋九百幾蚊，其實已經貴過好多酒店，造型同相好大出入，未試過食到咁嬲，早知買A1好過，真係好差，差到我要打夠二百字留個負評比佢whatsapp問係咪個蛋糕咩問題，幾日都無回覆，唯有係到同大家講唔好中伏…查看更多

前幾日朋友生日，喺社交平台見到好多人推介呢一間蛋糕店，就買咗個朋友最鍾意嘅泰式奶茶口味蛋糕俾佢🥰6"泰式奶茶戚風蛋糕 ($480)蛋糕擠滿咗細緻綿密嘅椰子cream，口感輕盈順滑，帶有淡淡椰子香，仲有幾粒手工製作嘅焦糖脆脆，增添層次感同口感。切開蛋糕之後，可以見到豐富嘅層次——有細膩香滑嘅泰式奶茶慕絲、鬆軟濕潤嘅泰式奶茶戚風蛋糕，仲有手工製作嘅焦糖脆脆，每一啖都帶嚟唔同嘅口感變化。泰式奶茶嘅茶香濃郁，加上淡淡椰子香氣，令人回味無窮。呢款蛋糕特別啱鍾意泰式奶茶嘅朋友，低糖配方令蛋糕甜度啱啱好，唔會太甜太膩，食落更順口。最難得係蛋糕採用天然原材料製作，無添加色素同防腐劑，以後買蛋糕又多一個選擇，鍾意甜品又注重健康嘅朋友一定要試下😛…查看更多

最近Labubu嘅熱潮令人不禁想沖去泰國飲返杯奶茶呀😝估唔到泰式奶茶都可以同蛋糕Crossover 🫨以雪芳蛋糕起家嘅一間小店，用心去製作低糖、無添加防腐劑嘅蛋糕，gluten free, vegan or keto都食得嘅蛋糕🍰二人份量嘅小蛋糕🧁估唔到啲忌廉又幾滑喎，而且食到有少少海鹽嘅味道😉值得一讚嘅係佢哋入面嘅蛋糕真係好鬆軟！真係會令你唔覺意慢慢食晒成個蛋糕😂茶味嘅話唔算好濃，食完之後口入面都仲會有少少回甘嘅感覺，唔錯唔錯！值得再回購😋…查看更多

📍觀塘蛋糕外賣店-Amona @amona.hk呢間位於觀塘嘅蛋糕外賣店 最主要做嘅係戚風蛋糕🎂🍰可以話係超高人氣！今日就同大家去睇吓佢哋有啲咩latest products啦！！咁啱喺度揀緊新年禮物送俾親戚朋友 見到佢哋呢一款純素朱古力禮盒🎁真係幾適合！有純素朱古力芒果乾 純素朱古力杏仁餅 同埋薑味杏仁餅！大家如果有朋友生日嘅時候都記得去佢呢一度試佢哋嘅戚風蛋糕啦！無論係價錢同味道都一定會符合你嘅需要！…查看更多

本身好鍾意黑芝麻嘅product 🖤最近朋友買左呢款「蜂蜜玄米茶黑芝麻麻薯卷蛋」完全岩哂我口味🥰卷蛋賣相幾靚仔，上面仲加左玄米粒裝飾💖芝麻卷蛋做到濕潤鬆軟口感，芝麻味道幾明顯而中間忌廉係蜂蜜玄米茶口味🍵輕盈而不膩口，有蜂蜜天然清甜，仲有淡淡茶香，麻薯軟糯，就算第2日都keep到煙韌口感，整體味道配搭得好優雅🌿蛋糕每日新鮮製造，不加防腐劑😎仲有無麩質純素蛋糕提供，岩哂唔同需要嘅蛋糕愛好者🥰…查看更多

今日朋友屋企開party，諗住買個蛋糕一齊食，上網見到觀塘呢間蛋糕店評價好高，一直都希望有機會試吓，於是訂咗一個麻糬卷蛋😍 蛋糕店位於觀塘成業街嘅怡生工業中心，地理位置方便。🍰蜂蜜玄米茶黑芝麻麻薯卷蛋蜂蜜玄米茶黑芝麻麻薯卷蛋，淨係聽個名都已經好吸引，清新嘅配搭，蛋糕清甜唔會好甜，Cream入面有玄米茶粒粒，好有茶香味，我好鐘意呢個配搭同味道😋蛋卷中間充滿好多cream但係又唔會好肥膩，Cream 中間仲有牛奶拉絲麻糬，口感十足，鍾意食麻糬嘅一定要試吓👍🏻…查看更多

搵到間甜而不膩，天然無添加的手作蛋糕，慶祝呀仔十四個月😘😍時間過得好快呀，不經不覺做了人媽媽十四個月🙃這間蛋糕店位於工業區，由觀塘地鐵站行幾分鐘就到，好方便！.5吋三重開心果士多啤梨戚風蛋糕 $380選了大家都喜歡的開心果，開心果粒鋪滿整個蛋糕，好足料呢！收到時哇一聲，好靚呀，包裝精緻。終於到晚上齊人食完飯切蛋糕，切開有驚喜，裡面有流心效果，開心果cream和蛋糕好香濃順滑，入口不太甜，鬆軟，一致認同好食。.@amona.hk …查看更多

全人手製作，多款自家制手工蛋糕甜點，有戚風蛋糕、純素蛋糕、生酮蛋糕、巴斯克蛋糕、純素朱古力、無麩質蛋糕。適合生日、婚宴、派對、回禮禮物 、散水餅、甜品批發。天然成分！無添加！低糖 ！冇防腐劑 ！最近好hit食品，點少得「開心果」，各式各樣產品出售！呢個「🎂開心果草莓蛋糕」，內裡甜甜地，外面開心果碎咸咸地，滿滿嘅開心果味道，開心果一定要試吓！面頭加上草莓，增加口感味道之餘，又增添色彩！[ 🎂 開心果 x 草莓🍓蛋糕 ] 成份：- 開心果鮮奶油- 開心果果仁糖- 壓碎的開心果- 開心果戚風蛋糕-草莓…查看更多

發掘到一間觀塘既蛋糕小店✨見到佢地ig有好多特色蛋糕 全部都好吸引🤣 佢地既蛋糕採用全天然食材 每日新鮮製作 而且選用低糖配方 更有提供生酮選擇 切合不同人士既需要👍🏻店舖位於觀塘嘅工廈 鄰近地鐵站 位置都唔難搵～✿ 開心果士多啤梨蛋糕開心果控必試！💚開心果碎滿滿咁覆蓋哂成個蛋糕表面 每啖都食到開心果 好有咬口👅海綿蛋糕鬆軟濕潤 味道方面開心果味濃郁 甜度啱啱好 而夾層既開心果醬都好creamy 入口幼滑 整體口感好豐富🤤🤤 …查看更多

AMONA地址：成業街16號怡生工業中心H座1樓H10號舖觀塘工業區隱世美食，唔係朋友介紹都唔知道有間隱世美食蛋卷蛋糕！係我見過咁多個蛋卷當中，最有誠意同埋最精緻！估唔到蛋卷都可以做得咁出色😍😋超讚呀！AMONA舖頭細細，係觀塘怡生工業中心1樓入面，雖然舖頭細細，但誠意滿滿👍絕對值得香港人支持💪店舖主張天然，無添加食材，蛋卷蛋糕唔會太甜，而且相當精緻，無論送禮自用都相當適合！每日店舖出既款式都係唔一樣今日就係依款抹茶黑芝麻麻薯蛋卷🤩！整體風味平衡，抹茶的微苦與黑芝麻的濃郁相得益彰，麻薯的Q彈令到口感超煙un，口感層次豐富，外層蛋卷酥脆，甜度適中茶香回甘，是一款精緻又充滿創意的蛋卷！…查看更多