Amante Bar & Restaurant

聽說這家不錯，今天安排東涌一日遊，提早網上訂位。看完戲 從東薈城過去，2點 吃飯客人不多，包場一樣。 點了 一份牛排 和 一份 豬排午餐。餐湯 不錯，椰菜花忌廉湯，creamy。正。😆😆牛排豬排不過不失，沒有驚喜。但勝在 價錢實惠。 值得一試。…查看更多

真係人生第二次入東涌，本來朋友話去東薈城食飯但我在網上找到這間店，看到很多好評，最後都堅持不去一些大牌食店支持一下小店。怎料到會是怎這樣的結果。店內只有兩個侍應都是講英文，點菜時態度一般，點點下又行開咗做其他事，之後另一個話唔好意思，服務態度有問題。冷盤到時得兩隻蠔，問侍應就話因為係大隻所以得兩隻，真係冇嘢講。雞翼炸到乾晒，pizza 簡直嚇親從來未見過啲咁嘅pizza, 不如去超市買急凍仲好食。意粉好細碟價錢比較貴而又少，味道pizza hut 都好食過佢。最後塊$398安格斯肉眼扒唔知以為食紙巾，又乾又冇牛味，件扒應該雪咗超過5年。好嬲，大家去這小店真係要三思而行。避免再中伏。…查看更多

逛商場係我同閨蜜們嘅例行活動 今日去遠少少行outlet 順道幫襯領展商場呢間西餐廳 佢哋食物水準唔錯 價錢合理 -🦪#Fresh jet oyster $165🍤#Prawn cocktail $68揀咗兩款冷盤 法國生蠔大隻 蠔身唔算飽滿 只有淡淡海水味 相比之下 大蝦肉質爽口彈牙 醬汁醒胃-🥕#Carrot soup $48入口綿滑 濃稠度適中 跟湯嘅田園沙律附上自家製黃芥末意醋醬 雜菜中亦多加羽衣甘藍同蘑菇粒 -🥠#Pan fried foie gras $108鵝肝厚身 外皮煎得香脆微焦 入口即溶味道豐腴 底下嘅意式香草麵包 盡情吸收油脂甘香 啲咁邪惡又難抗拒嘅嘢 梗係要同朋友分嚟食😈🤤-🥩# Grilled US 1855 premium angus rib eye with gravy sauce $268好耐冇試過食牛扒食得咁盡 即係主菜連薯仔菜蔬肉汁全數清碟 推薦食呢個‼️ 牛扒有十安士 七成熟 肉質軟嫩又多汁 肉汁醬做得出色 流質度高 肉汁油脂比例拿捏得好 開心仲要一浪接一浪 因為好耐冇食原隻焗薯仔配酸忌廉啦🤩😝😍-🍝#Crab meat spaghetti $138松露卡邦尼醬杰身又黏住意粉 啖啖充滿忌廉般嘅滑溜口感 食晒碟意粉會好飽肚 好彩有唔少蟹肉同青蘆筍 減低飽膩感-🍸#Cosmopolitan $60艶紅顔色好吸引 蔓越莓汁主導 酒精度唔高 -🍹#Fruit punch $58加碼版嘅果汁賓治 有菠蘿汁橘子汁蜜瓜汁等等 味道甜甜酸酸得嚟甜味較重-🍰#Blueberry cheesecake $58我哋要求小店每款蛋糕俾啲 結果碟中有兩款 自家製藍莓芝士蛋糕密度高 芝士味有但唔強 食落少甜口感尚算綿密 朱古力慕絲蛋糕唔係自家製 -📍#Amante Bar & Restaurant東涌富東村富東商場地下1號舖…查看更多

住在東涌， 有次想和老公在附近撐枱腳，找到這家有情調的西餐廳。地點位於地鐵站東涌地鐵站對面，地理位置方便。餐廳外面又紅色霓虹燈和紅色磚牆， 餐廳裝修有獨立間隔，適合兩個人撐枱腳。食物方面我們點了一個 five course menu。頭盤先上一個凍海鮮拼盤， 有生蝦, 響螺頭 ，生蠔。生蠔有淡海水味， 非常鮮味又唔腥。 響螺也非常新鮮，肉質煙韌。跟著有焗蒜蓉bone mellow， 這是餐廳一個新款菜式， 非常獨特。 他是一條原骨切開一半， 上面的bone mellow配搭一層厚厚的蒜蓉， 聞到一陣陣蒜蓉香， 口感是水水融融的，非常特別。來到主菜：極上安格斯牛扒， 份量大概有200 gram。 很重牛肉味， 肥瘦均稱， 一切下去啖啖肉汁流出。 旁邊的配菜有炒茄子，西蘭花等，炒得很香， 再加上一個濃濃的焗薯， 很有滿足感。另外， 主菜還有一個海鮮焗飯， 海鮮汁香濃， 用料十足。甜品有兩款，分別有芝士蛋糕和朱古力蛋糕。 比較喜歡芝士蛋糕， 質感是比較硬的那一種， 芝士味香濃。…查看更多

同朋友一齊喺東涌Outlet購物，之後肚仔餓，要食嘢😆，朋友就帶咗我嚟呢間喺東涌站對面嘅西餐廳，佢話佢食過好食😋我哋叫咗幾樣嘢share😊- $188嘅 Cold Seafood Platter：有四種海鮮：生蠔🦪、海螺🐚、青口、蝦仁🍤，全部都新鮮美味，特別係法國🇫🇷嚟嘅生蠔，新鮮爽滑，有淡淡嘅海水味，好正😋；螺肉有咬頭又彈牙，味鮮😋- $158嘅 Bone Marrow：大牛骨🦴喺中間被破開一半，裏邊充滿骨髓；骨髓口感爽滑，有濃郁嘅牛油香味，上邊仲有燒得好香嘅乾蔥絲，一齊食好yummy😋- $198嘅 Iberico Pork Chop：西班牙🇪🇸伊比利亞豬扒充滿豬肉味，非常甘香，肉質軟熟，油份足夠，好好食😋- $268嘅 1855 Black Angus Prime Beef 10oz：牛肉🥩極鮮嫩，油脂分布好均勻，肉質柔軟，有濃郁牛肉味同牛油香，超oishii😋- $58嘅 Blue Berry Cheese Cake：唔係好甜，非常creamy, 極度濃郁芝士味😋- $43嘅 Virgin Mojito 同 $50嘅 Mimosa：一杯mocktail一杯cocktail ，兩杯都清新好飲，非常 refreshing 😋基本上全部食物都高質美味，呢餐真係有小驚喜😋；仲有，兩位店員姐姐服務好殷勤，抵讚😊…查看更多

今次試吓東涌呢間西餐廳，係名副其實嘅小店，地方都幾細。得一個侍應，幾nice☺️btw佢講英文㗎，所以記得要用英文落單。.頭盤叫咗四隻法國生蠔，食落都幾新鮮！唔錯😚😚😚另外飲咗蘑菇湯，係幾稀身嗰種，飲落冇咁易濟，都ok。.主菜食咗法式牛骨髓伴法包，都幾特別！👀係要用匙羹筆牛骨入面嘅脂肪食👀送法包食冇咁膩。另一個主菜嘅燒春雞都ok，雞髀位幾滑😋豬扒就還好，有點嚡🤣.當然要食甜品！甜品係藍莓芝士蛋糕同埋朱古力蛋糕，唔會太甜，都唔錯。.整體都OK，不過嘢食上得好慢🥱…查看更多

估唔到東涌有間有用心製作，食物唔錯嘅西餐廳🥂呢度嘅食物選擇多，我哋都叫咗好多嘢食，全部水準都相當有驚喜。▶️Cold Seafood platter 呢個海鮮拼盤相當新鮮，生蠔新鮮夠飽滿鮮甜；海螺大大嚿，厚肉亦都好新鮮。青口細細粒但係都相當甜又新鮮👍🏻蝦大隻爽口🦐呢度嘅海鮮真係值得一讚，而且價錢性價比非常高！▶️Potato soup 🥔 呢度茄薯仔湯口感有薯仔蓉，落少少胡椒味道更突出。▶️Mushroom Salad 沙律菜新鮮，配埋沙律汁幾開胃。▶️Bone marrow 牛骨髓亦都相當唔錯。呢個唔係好多地方有。用香脆麵包配嚟食仲可以點酸酸嘅沙律汁，相當夾！▶️Angus beef 🥩 medium 牛扒五成熟，煎得恰到好處。輕輕調味已經好食😋牛扒味夠香。佢仲有其他配菜：焗薯加少少sour cream同煙肉碎，好食！仲有蘆筍、西蘭花🥦、茄子🍆▶️牛肝菌意大利飯呢個食完唔會好「濟」，有芝士幾香，調味唔會太鹹，飯軟硬極都啱啱好。▶️甜品最後揀咗呢兩款Blueberry cheese cake 🫐🧀 🍰 唔算太甜，芝士未夠香，面上仲有藍莓味。Chocolate mousse cake 朱古力夠濃郁，朱古力慕絲加蛋糕口感幼滑。…查看更多

朋友跟我說東涌富東商場有間隱世西餐廳，因為是位於富東邨街市外面。今日行完大澳，回程就順便去吃埋個晚餐才回家😉Amante Bar & Restaurant ，裝修簡潔得來又帶點情調，在這𥚃邊喝邊聊邊食蠻舒服的啊😚法國生蠔，肉質肥厚，海水味重且鮮甜！是日餐湯，蕃茄濃湯，真係好濃郁，好濃的蕃茄味！bone marrow ，原來可以這樣食，很特別，跟香脆的麵包一起食👍🏻黑松露蟹肉蘆筍意粉，蟹肉碎上混入意粉和醬汁內，所以吃意粉時亦會有啖啖的蟹肉！醬汁亦夠香滑且夠多而且不會蓋過黑松露的味，意粉軟硬適中且入味！美國肉眼配燒汁，肉眼肉質粉嫩，重牛味，配菜不是普通的薯條而是一整個薯仔，薯仔上面有舖了一隔酸酸甜甜的醬汁，跟薯仔很匹配，而且薯仔焗得剛剛好，不會太硬或太蓉！咁有情調的晚餐又怎能少咗甜品和Cocktail - Fruit punch and Shirley Temple 🥰🥰🥰…查看更多

Cold Seafood Platter $188呢個拼盤裏面有生蠔、螺、青口、凍蝦。整體質素都唔錯～ 螺夠彈牙厚肉 生蠔唔會腥 屬於爽口既生蠔🦪 青口都ok 凍就略嫌唔夠鮮甜🤔Open Food $158口感較油膩 不過點佢既檸檬芥末醬即時解決到佢既油膩感～ 配法包都幾好食😋Set Salad 沙律幾好味 估唔到有啲驚喜 因為食完油膩既野次後有個沙律清下口腔☺️Set Soup 番茄甘筍湯 正正常常 不過是日餐湯會不定期更改～Set C - Lamb Chops $278羊架五成 肉質粉嫩 唔會騷 不過有啲韌Set E - Ribeye $298Blue Berry Cheese Cake $58朱古力慕絲蛋糕同藍莓芝士蛋糕都好味😋 朱古力慕絲更加有層次 而且唔會好甜 係黑朱古力版本黎！Fruit Punch $58Shirley Temple $58呢兩杯都幾好飲第一杯酸酸甜甜第二杯偏甜少少 因為落咗少少櫻桃汁～…查看更多

成為東涌新居民,第一時間就要去試下有咩好野~~ 今日同老公係新居整左成日新居, 當然要好好對自己食餐好`!東涌MTR一出對出富東商場有間裝修簡單得來又有情調嘅西餐廳。慢慢先黎個前菜先~~~ Avocado with Prawn & Crabmeat牛油果加上蟹肉同蝦，好正好match既配搭，入邊有好多一絲絲嘅蟹肉，配上牛油果，一啖咬食落口，口感豐富，食完一啖接一啖Cold Seafood Platter海鮮拼盤入邊都唔少野，生蠔，青口，大蝦，翡翠螺。特別鍾意翡翠螺超級肥美，一路食海鮮一路飲番杯Cocktail真係極級享受。我哋都揀咗兩杯比較特別既Margarita on the Rocks 同 Espresso Martini 🍸 Margarita on the Rocks 酒味唔算太濃，好易入口，加上有啲青檸同少少鹹鹹地，女士們好啱飲。鍾意飲咖啡嘅老公叫Espresso Martini ，我覺得呢個酒味比較濃啲，加上有好香嘅咖啡，爸爸話飲一小啖，已經夠係佢口腔回味。係時候都要嚟個main course，Set dinner好抵，buy one get one free。我哋叫咗香蒜燒羊扒配露絲瑪莉燒汁同美國肉眼扒配燒汁。羊扒上菜仲用左個好特別既樹木紋盤，擺得好靚，估唔到都有三舊羊扒，仲有一個焗薯，羊扒唔會太瘦有啲肥膏，但又唔會太’留‘，肉質鮮嫩口唔騷，正！而我最鍾意嘅肉眼扒薄薄地一大塊，本身都已經有調味，所以冇落燒汁。Set dinner仲有配餐湯，加錢有甜品，甜品我比較鍾意朱古力mousse呢一間簡直誠意推介，服務態度非常好，食物高質素但係又唔貴。老公話以後周年紀念都唔使市區食，去Amante就得啦！…查看更多

第一次試Amante Bar & Restaurant，雖然餐廳細細，但坐落都幾舒服。 試咗四隻法國fine de claire生蠔，好新鮮肥美，肉質爽口彈牙，好滿足呀！ 跟住前菜有鵝肝多士同buffalo wings。鵝肝多士好正呀！！煎得好甘香，個醬好match鵝肝，食落都唔會太膩，同埋多士表層夠脆。Buffalo wings咬落去好juicy！鍾意佢個汁分開裝，可以keep住雞翼好脆，同埋唔食得辣既可以自己控制點幾多汁。 Soup of the day有驚喜，好濃郁。 燒春雞好香好嫩滑，咁厚肉但都唔會煮到好老咁。雖然醃得略爲濃咗少少，但整體好鍾意佢調個味道！而且醬汁味道同雞都好夾！ 牛排都好重牛味，切到中間都係粉紅色，肉質都幾林。牛排配既蘑菇汁好好味！個side dish焗薯上面既sour cream可以解膩，幾啱同牛排一齊食，不過個焗薯可以再多啲調味。 叫咗兩杯cocktails，一杯係snowball，味道偏甜，好易入口。另一杯係build your own揀咗peach flavour，桃味唔算好出，但整體都好飲。 甜品係blueberry cheese cake 同 chocolate mousse cake，朱古力味好濃而且mousse好滑!…查看更多

最近工作走到嚟東涌附近， 夜晚收工後係附近食個晚餐搵到一家質素極高嘅餐廳不但環境舒適，食物都高水準令到心情一下子放鬆了^～^ Oyster 生蠔我真係好鍾意食生蠔亦都有要求～而呢度啲生蠔真係非常新鮮肥美唔落檸檬食都完全唔會腥呀！證明來源新鮮又保存得好～mussels with white wine sauce 青口配白酒汁醬汁經過廚師特別調製做到酒味同青口的海鮮味融洽 剛剛好不會被酒搶味～份量比其他餐廳偏多，都幾抵食Soup of the day這裏每一日都有特別嘅餐湯而這一款有濃厚的菇忌廉呀～感覺得到餐湯都非常用心製作Iberico Pock chop黑毛豬架配焗薯仔肉質燒到非常鮮嫩，一d都唔老厚身的黑毛豬咬落去可以直接咬斷，真係熟度剛剛好呀！餐廳調配的黑椒燒汁非常惹味，完全突出曬豬架的肉香薯仔上麵包住的白色秘製醬汁很特別！有驚喜， 估唔到係酸酸甜甜的味道令到成個薯仔食完都唔會覺得滯呀Spaghetti Carb Meat蟹肉配意大利麵蟹肉分量同醬汁非常足夠而又平均，食到最後一啖都有蟹肉同白汁黐住啲成條麵上面這裏的環境有浪漫優雅的氣氛非常之適合小酌一杯酒～所以今次聽員工介紹，order以下呢兩款都係餐廳嘅signature～外相非常精緻， 酒味也不會濃烈，少女都好適合阿…查看更多

豬先生豬小姐無聊入咗東涌行outlet 之後就去附近搵下有咩岩食 之後就揀中左「Amante Bar & Restaurant」餐廳正正喺巴士站對出 雖然唔起眼 但卻係東涌少有嘅西餐廳餐廳燈光昏暗有氣氛 播住抒情英文歌 Amante係意大利文 有戀人嘅意思 感覺寧舍浪漫海鮮拼盤有凍蝦 翡翠螺 青口同生蠔 拼盤冰鎮上場 保持冰冷感海鮮全都非常新鮮 充滿天然鮮味 輕輕加入檸檬汁提鮮已足夠哂最欣賞係凍蝦同生蠔 凍蝦非常爽口 充滿彈性而來自澳洲嘅生蠔雖然唔算大隻 但蠔肉尚算肥美 咸海水嘅鮮美是有的牛油果大蝦蟹肉沙律果然係signature dish經常食superfood牛油果嘅豬小姐 最知道牛油果幾時係最岩食 尼度嘅牛油果熟嘅程度剛剛好 幼滑軟腍大蝦同海鮮拼盤嘅凍蝦一樣咁高質素 加埋黑椒作輕輕調味 更顯其鮮味不吝嗇嘅微咸蟹肉 仲有生菜 車厘茄 全部都係我嘅最愛 尼款沙律真係無得彈 好味又健康餐湯每日都唔同 而是日款式番茄忌廉湯蕃茄味超級濃 而且非常creamy blend得好細膩 入口好滑香草包散發出美味嘅香草獨特香 熱烘鬆軟 撕一口包包再點湯食 索哂味牛肝菌意大利飯水準極高 黑松露意大利飯都食得多 牛肝菌意大利飯真係比較少牛肝菌嘅菇味較輕卻帶有嚼勁 飯粒帶黏性且飽滿而且忌廉同芝士嘅濃度亦都唔重 所有味道嘅輕描淡寫卻為我帶來驚喜意式燒春雞配香草蜜糖汁用圓形木砧板作底盤好raw好特別春雞已預先以香料醃製 香草味已一早已滲透雞肉裏微焦嘅雞肉偏實淨 點上醒胃蜜糖汁 帶比我香甜淡淡肉嘅滋味另外有熱呼呼嘅美式焗薯食 好滿足blueberry cheese cake & tiramisu 好靚嘅presentation 四粒小方格排排坐blueberry cheese cake充滿濃烈嘅甜美藍莓味 可減低cream cheese帶來嘅膩tiramisu口感細緻有層次 兩款都唔太甜： 感覺無咁罪惡每款食物都令人滿意 教人回味 靚女waitress有禮貌又招呼周到 好勤力咁浸水 換碟同介紹菜式豬小姐大力推介「Amante Bar & Restaurant」比Amante們尼享受一下二人世界 cheers…查看更多

Seriously, never wrote a good review on openrice. This is my first, and definitely highly recommended. The waitress is super nice! The steak is really out of my expectations, plus the lobster! Yummm.... Will come back for sure! Not to mention the music here is really nice…查看更多

上星期日同老公過黎東涌行下，發覺東薈城無乜好食，行過去富東商場，比我地發現有間幾有懷舊氣息既西餐廳，即刻入去試試～侍應好有禮貌，介紹我地今日既海鮮頭盤好新鮮，咁當然要試下～頭盤有生蠔、蝦、翡翠螺、青口生蠔係澳洲出產，雖然瘦咗啲唔係太大隻，但好新鮮好有海水味。青口就不過不失，蝦好清甜爽口，我最鍾意係個翡翠螺，超鮮甜，最貼心嘅係佢哋會預先剪走晒啲內臟，拎出嚟啖啖肉，大愛～煙三文魚沙律菜好新鮮，煙三文魚好香煙熏味，佢仲加咗啲蘑菇增加口感。西洋菜湯呢個湯好特別，中西合璧，我從來未試過用西洋菜煲既西湯，聞落去係中式西洋菜湯嘅香味，飲落去有少少似西蘭花湯嘅感覺，應該仲加咗薯仔，估唔到呢個中西合璧嘅組合咁夾，好香好好飲！黑松露蟹肉意粉 呢個係餐廳嘅signature dish, 又係侍應姐姐推介。嗯～果然無介紹錯，個意粉好香黑松露味，有好多蟹肉，係Carbonara既變調。食落好Rich好creamy, 每一條意粉都掛滿汁同一絲既蟹肉，廚師仲加入左蘆筍，令到口感層次更加豐富～美國安格斯1855肉眼扒 食西餐點少得牛扒，呢塊安格斯1855肉眼扒好濃牛味，肉質彈牙，廚師煎得啱啱好，保留到啲肉汁，中間帶粉紅～濃郁嘅牛味喺口中久久不散～甜品係Homemade Blueberry cheesecake & tiramisu 個cheesecake 甜左小小，不過都好味，但相對我比較喜歡個Tiramisu，咖啡味香濃，質地幼滑，餅底有酒香，但又唔會濕立立，我好怕啲Tiramisu個底整到好濕，呢個做得幾出色！另外值得一讚係呢度嘅Service幾好，每食完一碟侍應姐姐都會幫你換碟，今餐真係食得好滿足好開心！…查看更多