alfafa (樂富廣場A區)

营业中

休息中

星期六去樂富一行, 就搵Alfafa, 點了烤雞肉有機磨菇忌廉汁奄列+全麥包+橙芒果茶.全麥包 - 幾香, 可惜份量太少和太薄.橙芒果茶 - 雖然有橙芒香味, 可惜用茶包和茶一點不好喝.烤雞有機磨菇忌廉汁奄列 - 烤雞有燒烤香味, 奄列煎得幾厚, 但兩者冇乜咸味要靠忌廉汁. 磨菇冇特別.燒蕃茄 - 普通, 切得好薄.上菜時間都幾慢. 星期一至五免了10% service charge = $34.星期六日要10%要$37.4唔多值.

很久沒有踏足樂富，今次重臨有些恍如隔世之感，樂富站上蓋的樂富中心，比4,5年前新增了很多新餐廳，很吸引!我沒有吃過Alfafa，看到它的佈置很雅致，而且食物種類林林總總，很人食拍大動!點了一個令我心花怒放，彷彿在思潮中，我在不停灑花轉圈的甜點拼盤($72)---上有朱古力Pancake、草莓撻、朱古力布丁、檸檬撻和朱古力Brownie!朱古力Pancake很美味，令我疲勞盡消!朱古力Pancake含一小顆一小顆的朱古力粒，入口卜卜脆!Pancake很濃蛋香，忌廉很滑!草莓撻&檸檬撻是一口size，草莓酸澀，撻身柔軟。檸檬反而清新，是一涓清泉!朱古力布丁是十分香滑的，奶味濃，應該是3.6牛奶，牛奶杯身小巧可愛。布丁底部有大量朱古力醬，十分香濃，不是淡身的朱古力糖漿，比Milktop的朱古力布丁更勝一籌!朱古力Brownie不乾身，很甜，適合愛甜人士!由於一人吃比較大份(其實可以吃得下，但是我怕糖份超標)，於是我打包了朱古力Brownie回家做第二天的早餐，依舊好吃!這份甜點拼盤很滿意 已計劃下月回來! 

與友人聚餐, 選了樂富的Alfafa~每人點了一個set dinner, 有湯有主菜有包有飲品~湯是忌廉湯, 好友們都讚味道不錯. 這是我點的炒天使面,上菜是傳來一陣香香的魚味… 這個炒天使面原來是甜甜的, 幾特別，而這片魚,聞的時候很香,但食時就淡淡的…整體來說, 不是我杯茶呢～而且份量偏少…另外,餐飲點了有機蘋果茶,陣陣蘋果香,但是喝時只有茶味呢～

在美荷樓逗留了一小時左右，出到戶外後，站了一陣我已經受不了那刺辣的陽光了，由於我們沒有計劃下個目的地，唯有先乘港鐵再算。在車廂內看著車站圖，想起樂富都好耐無去過，那不如去樂富廣場看看吧。到商場後我需要先找間餐廳飲杯冰﹑嘆冷氣，記起有食友曾寫過樂富廣場一間西餐廳，提到經濟又好吃，但又記不名字，於是便在商場水牌中查看，啊，就是Alfafa了﹗找了一會後終於到了，估不到下午時間都有不少人幫襯，所以都需要等位。之後安排去梳化位，但我見到和隔離枱只有"零距離"，便要求調位。最後安頓在開放式廚房前的位置，這邊就相對闊落多了。我們看過正餐牌及午市餐牌後，友人問服務員還有沒有其他套餐﹖服務員話餐廳只有提供午餐，基於我們完全不覺餓，還是散叫好了。特飲及甜品款式都有好多選擇，價錢都算便宜，我們一人一杯飲品及加一份甜品分享。等了20分鐘再追單才有得飲野，實在太慢了...青蘋果青瓜薄荷梳打$34，樣子甚美，內有大量薄荷葉﹑青檸﹑青瓜及檸檬，友人說味道只是青瓜味的水...這裡有好多百果香特飲，全部都好誘惑，但一個人點飲到兩杯﹖掙扎良久決定要百香果橙香(正價$34，餐飲轉配加$12)。橙汁混了百香果糖漿，味道又酸

今日有重要事到樂富一趟，在辦事前先醫下個肚。中午用膳時間，樂富廣場有好多食肆，最後選擇呢間，因為見到menu上有我最愛流心蛋，同埋好多人幫襯。但估唔到呢一切都係假象，而呢個選擇絕對係錯得超離譜。攞飛等位時，侍應(Veronica) 心不在焉，要我講2次先知我要攞飛。等左15分鐘，有2人座位，唔即時安排入座，完全唔知等乜～ 之後，仲要俾已經過左號碼嘅，即時插隊入座。  原本下一張到我，結果要多等15分鐘。入到座，戲肉先開始～ 打開menu，當然叫流心蛋。點知？佢話sold out。  有選擇困難症嘅我，好不容易諗到食乜，無得食，咪又要再諗過。  好！叫左黑椒蜆肉XX扁意粉，男友就叫了XX豬柳X飯，order埋餐飲同甜品。侍應話甜品可以後上，最好15分鐘前order。收到～男友嘅XX豬柳X飯先到～  好明顯係豬扒，並不是豬柳囉！算～ 點知？切切下，生嘅～ 有部分未煮熟。本來想叫經理了解下，男友話費事再等，只食熟的部分。而我嘅扁意粉，就等到男友完成豬扒飯後都仲未到。查問後，並沒有即時回覆。而要等我舉手再問先話：＂就快啦！只係爭d裝飾。＂ 下！我話：＂我唔係食d裝飾架！＂在我完成碟意

早一晚行過樂富朋友建議食呢間既法式薄餅, 一試驚為天人。可惜掛著食冇影相。今日中午特登來試午餐,食左個紐西蘭西冷配扁意粉, 扁意粉煮得真正的al dente, 有麥香, 只下olive oil, 反而更顯美咪, 真係simplylife 都比唔上可惜西冷冇問幾成熟, 出來對個人而言太熟 (至少medium well)但個汁算頗好味, 有dd 似 marmite / gravy, 個人極喜歡,不過唔似香港西廳平時食開果d燒汁/洋蔥/黑椒汁,或許唔係人人喜歡甜品要左個Panna Cotta, 不會太甜, 極香奶味有機會再去要試下個Egg benedict樂富咁多間餐廳我基本上都試過呢間真係最好味同煮得最有心機不過比起來係貴左dd成百蚊一個lunch set

晚上同家人食晚餐叫左3個set原本想叫豬肋骨, 但竟然賣哂....所以叫左1. 黑松露漿帶子意大利飯, 哩個真心好味, 黑松露本身已經好香, 仲加左洋蔥一齊, 真係意想不到咁好味, 帶子煎得唔錯, 7成熟, 剛剛好, 不過哩個飯最好幾個人分, 否則都有點heavy2. 藍青口配麵包, 哩個都好好味, 青口感覺都新鮮, 滑同軟屬, 可惜個汁太濃, 有些掩蓋左青口本身個味道3. 煙肉白汁天使麵, 其實無論味道和麵質都唔錯, 但比較起上面兩個餐, 的確比了下去以上三個餐可以跟餐湯或沙津: 意大利番茄雲吞湯, 個湯夠濃番茄味, 但D雲吞唔知點解係碎哂最正係沙津可以任refill, 個沙津係沙津生菜配黑醋, 菜夠新鮮, 簡簡單單好開胃然後我地加左兩個小食1. 洋蔥圈雞翼, 我想講個雞翼係真係正, 個汁有D黑醋味酸酸地, 好惹味2. pizza, ok, 無乜驚喜餐飲我加左錢要左杯沫茶牛奶, 太甜, 麻麻地但係甜品就Very nice, 叫左個法式薄餅, 當中有cream, 雪糕, 同d生果和漿, 成件事都好夾, 賣相又靚, 不過都係固句, 最好同人share, 否則都係會好heavy.

朝早上完堂肚餓就黎咗食早餐。哩都唔使等位，入面暗暗地，位又ok寬敞，見到menu好似唔錯就入黎試下。d侍應都幾nice，由我慢慢睇menu唔吹。早餐都幾多選擇，有omelette，bagel，通粉，等等...早餐好似去到11點半。我揀咗＄48嘅salmon spinach egg benedict，連熱飲。飲品叫咗earl grey tea。杯茶係茶包沖嘅，無咩特別。等咗十分鐘個egg benedict就到咗。賣相唔錯，佢下面嗰舊係芝麻bagel，跟住係波菜，三文魚，流心蛋，上面係淡淡地味類似cheese sauce。d菜唔特別新鮮又唔係唔新鮮。個bagel唔係特別香芝麻味，不過煙煙韌韌過得去。第一舊切落去d蛋黃即刻流出黎，每啖d味道都嘅夾，蛋黃幾香，只係多左小小cheese sauce。問題係第二邊隻蛋...完全唔係流心蛋。蛋黃熟到變淺黃色硬身！！！我食埋下面d包就無食因為已經飽。收碟果陣個侍應look大隻眼望住個熟晒嘅蛋黃...雖然隻蛋失咗手，但係我都可能再黎因為環境算唔錯，d凳又幾舒服，價錢幾合理(但lunch同dinner就望落無禁抵)。埋單＄50幾（＄48+10％）。

今晚去樂富打波，約朋友先食個晚飯才出發！上網見到呢間餐廳有三個好評一於試試。待應服務不錯，但食物以這個價格真係無下次！三個人選了3個晚餐share.第一味燒豬肋骨，以一168蚊價錢抵食！但十分乾和嚡！如果你對食物質素無要求可以一試。第二味西冷有扒，真的要佩服廚師功力！一塊3mm 厚的牛扒真的可以煮到七成熟！塊扒無用鬆肉粉，要燒汁居然有南乳加豉油味，如果果fusion菜抵讚！不過朋友一路食一路眼都突！好薄呀！第三樣墨汁意大利飯！汁太稀，似珍珠米！ 環境真不錯，最少食完無趕你走，因為無人等位！不過水都無杯！餐湯一般！餐包好味！但十分慳，只有4分一個！三位共五元！如果你有多餘錢和對食物無要求可以一試！還有甜品外觀不錯，但對不起我沒有勇氣一試了

約會家中老爺食晏，已是每星期例行事務幸得老人家年過八十，都會跟我這位為食廚娘四處開餐、而且中西通刹，除了不要辣遷就老人家關係，我絕大部份找上地鐵沿線、巴士站附近，較易滙合 Alfafa已是數度再訪，你可能會問、筆者為何還會樂始不倦為它再牵動過百字執筆寫下食誌無它．以地點就腳度，它對個人來說尚算取勝、而且食物亦算可取再講．以地區性能保持服務應有氺準實屬難得．．今日的磨菇湯綿綿帶順滑、小小幾口濕濕喉嚨、正合老人家，小小的胃子反而，今次沙律菜就略為失色早早拌好之沙律菜，加入了陣醋、曝露於空氣多時顏色上也開變黑，視覺上或多或少、也有扣分之必要幸而味道沒有變質．．． 每次到來我也離不開要上這一個雞肉亞麻子紅米飯$71.紅米與白米約在20/80之比例間，有着輕輕之微細軟糯但又不像意大利飯般帶着嘴勁感，入口creamy、個人甚為欣賞値得推介 天使麵伴薄豬扒$82.老爺一埋枱已眼仔碌碌地看着鄰枱之漂亮小姐切吓、切吓．．我道: 喜歡嘛? 就這個好嘛?眼看老人家甜甜的笑容、身胞明白了 看着他不靈光之刀功，但又不敢阻止他舞動平日少用刀义之新鮮感偷吃一口，鬆是其鬆、但鬆肉粉之功勞也不少哦!伴上之咖

Lunch時間,打算試下呢間餐廳啦。雖然客少D,但見佢裝潢好似好有品味錦,又open kitchen,又open space,心諗野食應該唔會差得去邊,最多貴D啫。但原來佢人少少並唔係無道理既,食完真係又唔抵又失望。初初一坐低覺得環境幾舒服,D侍應又鬼錦有禮貌。但坐落先發覺問題來了。侍應係好有禮,不過只限trainee, 叫個睇落資深小小既會比面色你睇同動作極慢囉。個open kitchen真係好鬼嘈,如果我響大排檔或者屋企廚房我一定覺得好正,但係以佢地裝修...我真係覺得好梗耳。講番食物,我地叫左2 個set lunch, 一個pizza一個飯一個雞翼。姑勿論好唔好食,但成個set lunch連湯連餐茶都唔係熱而係微暖既時候,除左響我心目中扣左好多分之外,我仲會諗:你地個open kitchen D爐具係咪壞左?點解得聲而唔熱既?定係果D由廚房傳黎既嘈音係background music,專播比食客聽架?我個set lunch係個烤美國有骨豬柳天使麵,我唔知係我唔識欣賞定係其他原因:除左烤醬好食不過少左D之外,美國有骨豬柳好乾唔淋,天使麵好DRY無味無彈性。雞翼其實幾好食,如果佢可以

趣遊樂富街市過後，來到附近一間叫Alfafa的餐廳。店名指的是一種豌豆科植物，中文名叫苜蓿芽，樣子很像豆芽但比豆芽幼小很多，最常見用於沙律，它的營養價值很高，但熱量低而且高纖，能降膽固醇及有助預防動脈硬化。網路曾經盛傳食用苜蓿芽會引發自體免疫疾病，誘發紅斑性狼瘡，但目前似乎未獲得證實。然而，它始終是發芽豆類，擁有很高的蛋白質，所以有痛風病的人不能經常食用。Alfafa其實是Delifrance的副線，目前在鰂魚涌、黃埔、樂富均有分店，店名取其清新、簡單、健康之意，主打健康飲食，包括自家製全蛋意大利麵和自製手打乳酪，店方更採用比較有益的意大利葵花油。餐廳整體以橙色裝潢為主，分室外區和室內區，室內正中位置放了一張長餐桌，廚房是開放式的，配上柔和的吊燈、木地板、布梳化，很有家的感覺。梳化椅背位均墊了咕𠱸，靠上去非常很舒服。晚餐選了充滿歐陸風情的Paella餐，可選海鮮飯($118)或八爪魚墨魚汁飯($108)。套餐包括是日餐湯或沙律，餐飲沒有固定，可自由選擇，部份特色餐飲可能要補錢。當日餐湯是南瓜甘荀湯，柑橘色非常漂亮，上面還以忌廉造出餐廳logo的拉花，賣相不錯，不過質感有點水水的，內裡有

週日到訪樂富廣場遊覽珍寶珠展覽，到訪前在商場的Alfafa用膳。餐廳一般西餐咖啡廳設計，餐桌放置密度稍高。店內另有開放式廚房，為餐廳補足了一點開揚感覺。午市有套餐亦有散點美食，持匯豐或恆生信用卡散點美食可享九折優惠。先來餐包，暖暖的，無乜特別。餐湯沙律二選一，點了甘筍南瓜湯，湯中用忌廉畫了一嫩葉圖案，賣相加分。湯質不算滑，內含棵棵甘筍及南瓜微粒，味道帶天然瓜湯甜味，都唔錯。主菜烤美國有骨豬柳天使麵，豬柳幾腍肉味亦幾香。天使麵偏向油身及硬身，配上多一些醬汁會更佳。雜錦大燴薄餅，主要食材有火腿、粟米、洋葱、菜絲等等，並以少許香醋調味，靠近日式口味，個人還是喜愛意式薄餅多一點。餐飲蜜桃茶，以Twining茶包沖泡，喝畢淡淡桃香留於口中，解渴清新。

這次是見到朋友在 Facebook 上分享了Alfafa 的 Crepe 的照片，就決定去試試！雖然我是衝著 Crepe 去，但其實 Alfafa 不是甜品店啦。Menu 有意粉、飯、薄餅等，晚市亦有套餐供應，包括沙律/餐湯和飲品。注意部分食物如肉眼扒、Back Ribs 只提供套餐，不能單獨 Order。這次因為想試套餐以外的食物，選擇了單點餐牌的主食再加飲品。Meat Lover Pizza 吃了一口就說「好好味！」，有火腿、雞肉（？），味道夠濃，薄餅底香口又脆。下次絕對可以再點！拿坡里汁藍青口天使麵，藍青口和天使麵的味道 OK，加了黑椒會比較突出。麵質不會糊，有口感，個人好討厭煮得太糊的天使麵。海鮮法式烤鍋焗飯（配四式芝士汁），芝士香味重，不過入口味道一般般。下次可以試試其他飯。極好味的 Crepe！平時只會吃一卷卷的 Crepe，但其實一直覺得不太抵，又細又頹。我點的是 有「焦糖香蕉•法國朱古力杏仁脆•法式忌廉•雪糕」，只要 $44。但餅夠大塊，香蕉片是焦糖燒過，餅底還有脆脆呢！口感十足！我覺得比平時食到一卷卷那種抵好多呢！單點的 Pink Grapefruit Orange

我跟朋友們的小聚，不一定是重口味的火鍋中式小菜，簡簡單單的歐陸小餐廳也是一個很美好的飯聚地點。而且身邊有朋友對飲食花費不願付出太多，百多元已經是上限，但往往又要我決定用餐地點，想作個平衡有時都有難度。有次跟公關傾談中，得知在樂富有間不錯的歐陸小店，其實心裡很多的問號，一向覺得領匯範圍下食店通常都是連鎖經營，價錢雖然不會太過嚇人，但要有驚喜的似乎不易。再者，還要是走歐陸風情更加不多，於是安排下來了這裡這小店Alfafa試試。Alfafa第一間店原來在港島區的康怡花園，而近期才來到樂富及紅磡開設分店。我家距離樂富不願，到來前心裡想如果質素不錯的話，應該會考慮到把這裡當作食堂。食物價格平均是百多元水平，沙律小食，意粉薄餅飯類一應俱全，甚至連法式Crepe甜品亦有供應，走著多元化路線，絕對是連一家大細也適合的用餐地點。如果有小朋友到來的話，最受歡迎的永遠是薄餅。這裡的餅底一向是我喜愛的薄脆風格，來一個煙三文魚日式芥末薄餅，焗得香脆，芥末味不太剛烈，但香氣跟芝士來得自然合拍，煙三文魚片份量不少，愈吃愈喜歡。看到餐牌上有一款主力推介的燴飯頗吸引，烤原隻虎蝦配龍蝦汁燴飯，當然也要試試。份量是出乎意料