Alchemy ORIGIN

一直都想搵個機會來這間始創店朝聖，碰巧舊同事在這裡返工於是約於此食飯。舊同事說想慢慢嘆咖啡同吹水晚市絕對是最佳時機，平日午膳時間一位難求，隊尾最起碼到店外的扶手電梯。可惜當晚 single origin brew 及 手沖咖啡都賣光了，L 退而求其次選了一杯由自家烘焙的咖啡豆沖制的 flat white，這款自家豆較 nutty 配合鮮奶味道均衡，而且很順滑。舊同事 D 則選了一杯 mocha , 巧克力與 nutty 的咖啡亦都很平衡。甜品則選了自家制咖啡胡桃蛋糕，與一口熱咖啡完美配搭，胡桃份量亦算多。至於另一款甜品都幾特別，生酮花生醬黑巧克力忌廉卷花生醬味道不會蓋過黑巧克力的味道。口感不錯不會太乾亦不會因為冷凍下變得太過濕潤。雜菌黑松露醬芝士意大利三文治包含了大量的菇，加上黑松露入口香濃。暖暖的芝士亦滿瀉。另外一份是檸檬汁烤雞煙肉意大利三文治， 檸檬汁平衡了肉的油膩感。置身於此環境享用一杯咖啡，慢慢談天真的不錯！…查看更多

今晚要去鰂魚涌上堂，喺聽書之前先醫飽嗰肚。獨個兒的我當然找間cafe 靜一靜，抖一抖。咖啡店歐陸式設計，優雅時尚，燈光柔和，舒適寧靜，正是叉電的好地方。座位都幾多，有大枱、二人枱，仲有望住街景嘅吧枱，適合各人需要。QR code 下單，分別有Happy hour menu、Coffee、Feature Drinks、Chocolate、Tea、Salad、Sandwich 、Toast、Special、Burger、Pasta、Panini和Dessert。牛油果多士配沙律 （$80）睇落好fresh，岩晒我！軟熟嘅多士塗了鹹香醬料，放上牛油果件和車厘茄片，相間擺放，好靚！配搭清新，健康美味。旁邊有大量新鮮爽脆的雜沙律菜，加了些車厘茄、合桃和芝士片，再自己淋些檸檬橄欖油醬，酸咪咪，好開胃。咖啡胡桃蛋糕（$34）幾厚身，鬆軟乾身，並不油膩。入口微暖，淡淡咖啡味，亦有啲果仁香，甜度適中。Baileys Chocolate ($76)  拉花圖案清楚優美，陣陣朱古力香和酒香，令我陶醉。入口順滑，濃濃嘅朱古力中嚐到Baileys酒嘅香甜，例比好岩，太喜歡！如果大杯啲就更好。…查看更多

Alchemy Origin 環境舒適，樓底高，暖色系木配合弧形線條設計，落地玻璃望出街外，有減壓感。菠蘿雞堡同薯角，賣相好吸引，漢堡包烤到外脆內軟，咬落去暖笠笠又帶少少牛油香，好有口感。 夾住嘅雞扒啖啖肉，帶少少香辣感，好惹味。中間有菠蘿同蕃茄、生菜，菠蘿鮮甜多汁，食落口感清新。焗外面微脆，入面綿綿地好冧，份量仲要好滿足。忌廉雞肉長通粉，翠綠色醬汁，聞落已經有陣陣羅勒香味。 長通粉煮得啱啱好，煙韌彈牙，唔會腍晒，掛滿忌廉青醬，每雞肉份量足，件件都係啖啖肉。伯爵茶朱古力，入口朱古力味濃郁，質地順滑，唔會過甜，尾段有淡淡伯爵茶香。檸檬蛋糕，口感鬆軟又帶少少紮實，唔會油笠笠。…查看更多

環境清幽，適合傾談，更獲得本年度「The World's 100 Best Coffee Shops」的殊榮，值得一試。煙三文魚沙律配檸檬醋醬 ($97)煙三文魚份量多，沙律菜爽脆，加上酸咪咪的檸檬醋醬，清新開胃。雜菌豬頸肉漢堡配芥末籽醬 ($129)+$10 for Sunny-Side-Up Egg香氣撲鼻，包酥脆鬆軟，豬頸肉厚身，爽彈有脂香，配搭蕃茄、沙律菜、紫洋蔥、蘑菇和太陽蛋，微辣惹味，帶有多層次口感。貝果配藍莓忌廉芝士醬 ($39)Bagel邊位微脆，質感煙韌，加上藍莓忌廉芝士醬，啖啖滋味。鮮奶咖啡(Large) ($44)口感柔順，啡味香濃不苦澀。…查看更多

太古坊嗰頭夜晚可能較少人留意，但其實係有好多餐廳。入面有間幾靚嘅Cafe - Alchemy ORIGIN ，以全淡粉紅橙色嘅設計為主調，不論牆壁、傢俬同擺設都係粉嫩色調，地方仲好闊落，坐得舒服，係同閨蜜Chill一Chill嘅好地方！🍛 紅咖喱鴨胸忌廉長通粉配搭係幾特別，紅咖喱忌廉汁creamy，但鴨胸嘅份量比較少。整體好夠味而且辣度足夠。🍔 烤雞菠蘿漢堡配檸檬醋醬及焗薯配料十足的漢堡！外觀吸引，雞肉嫩滑，配甜甜的菠蘿係夾嘅。🍰 自家製咖啡胡桃蛋糕可能因為做法偏乾，必需要配咖啡一齊食。👉 咖啡 | Latte咖啡可以揀Regular定Large，亦有3款咖啡豆俾你選擇，幾細心…查看更多

太古坊有一間沉醉在木系的簡約Cafe「Alchemy ORIGIN」，而且全以落地玻璃設計，超高天花毫無壓迫感，給人一種舒服簡約感，特別寫意。🍵 宇治抹茶鮮奶抹茶茶香濃郁不苦澀，香滑綿密且帶點回甘。☕️ Large Latte入口口感順滑，細緻綿密，這種層次感確讓人回味。🥬 煙三文魚沙律配檸檬醋醬煙燻三文魚鹹香柔嫩，與爽脆沙律菜融合，再有清新檸檬醋醬喚醒味蕾，輕盈又滿足。🍔 雜菌豬頸肉漢堡配芥末籽醬漢堡加入了多汁豬頸肉搭配香氣四溢的雜菌，芥末籽醬微辣提味，層次豐富，一咬爆汁！🥯 貝果配藍莓忌廉芝士醬外脆內彈的貝果，塗上酸甜藍莓與絲滑忌廉芝士，甜而不膩，啖啖煙韌的甜美口感，為這一餐畫上完美的句號。…查看更多

【鰂魚涌Alchemy Origin · 商務區親子溫馨簡餐店👨‍👩‍👧‍👦☕️】行入鰂魚涌太古坊商廈，晚間燈光柔軟不刺眼💡，小朋友見到圓潤餐具同寬敞空間就蹦蹦跳🥳～ 推門聞到咖啡香夾青醬暖香，暖黃燈光配木桌超溫馨💖，即刻feel到“帶娃食飯都可以好舒適”😌，本以為只係返工餐鋪，點知一款咖啡+漢堡+意面+貝果，老婆同小朋友都食到喊“下次要再來🥰”～🔹☕️Piccolo Latte（SOE Elias Shufe）細杯3oz香氣爆發✨！入口堅果醇厚，後調果香回甘，奶泡綿密到粘杯，收工飲一杯即刻鬆弛，老婆都話想續杯☕️～🔹🍔Cajun Chicken and Pineapple BurgerCajun香料辛香衝鼻🌶️，雞肉外脆內嫩juicy流汁💦，菠蘿片酸甜解膩🍍，烤薯仔外脆內綿，小朋友舐晒手指唔捨得停🍟！🔹🍝Chicken Penne in Pesto Cream Sauce意面彈牙Q彈🍝，青醬混奶油醬汁掛面剛好，雞肉嫩到唔使費咬🐔，羅勒清新+芝士鹹香🧀，小朋友食晒大半碗舔埋嘴🤤！🔹🥯Bagel with Blueberry Cream Cheese貝果外脆內軟🥯，藍莓奶油芝士酸甜不膩🫐，每口都咬到新鮮藍莓粒，小朋友食完仲要打包做早餐📦🥞！整體體驗：商務區難得嘅親子友好店😌，味道超出預期👍，價錢抵食抵玩，空間舒適帶娃無壓！下次一定再帶老婆小朋友試晒其他招牌🌟✨！📍 地址：Alchemy Origin (鰂魚涌)鰂魚涌太古坊Two Taikoo Place A座地下GA1-3號舖#鰂魚涌親子簡餐☕️ #商務區溫馨晚餐💖 #帶娃食飯推薦👨‍👩‍👧‍👦 #咖啡必試☕️ #青醬意面🧀 #太古坊美食🍴…查看更多

今日我同朋友一齊去到鰂魚涌做嘢 跟住佢話想去食Cafe 所以我哋就搵咗一間Cafe 我見OpenRice呢間評價都唔錯 所以就諗住嚟試下 估唔到都幾有驚喜☕️首先想講吓環境真係好舒服 佢個裝修主要係用深紅色再加啲綠色植物 俾人一個放鬆可以安靜一下嘅感覺 朋友都好鍾意佢呢個裝修環境 🤍嘢飲方面我就叫咗ice latte 佢杯啡沖得好好 咖啡豆出品唔錯 奶同啡嘅比例剛剛好 唔會話太有奶感 ☕️☕️我朋友叫咗個意粉 跟住我就因為想食多啲 所以就叫咗佢哋all day Breakfast 我覺得佢嘅all day Breakfast比起一般餐廳item會更更加豐富 有齊晒牛角包太陽蛋牛油果煙肉仲有薯角 你睇相都知道其實真係超豐富🤍🤪 啱晒男士們食一定夠大份 食完真係大滿足跟住朋友話想試吓佢嘅keto Friendly甜品 望落好似話好健康 又冇麵粉又冇糖咁 本身都驚會唔會唔好食？ 但點知原來出奇地超好食 芝士食落好smooth 😛 而且亦都好香 跟住先發現原來佢有其他分店 下次有機會都試吓先…查看更多

今次黎到鰂魚涌嘅Alchemy Origins 🤎呢度嘅環境真係超級舒服，無論係同朋友聚會定係自己靜靜享受，都好啱。☕️飲品我叫咗杯Mocha，特別要求轉左杏仁奶☺️結果好驚喜～呢杯Mocha好香朱古力味☺️，但同時又唔會遮咗咖啡嘅香濃味 仲帶住杏仁嘅淡淡香味 飲落去好順口😍跟住 我地仲試咗厚切煙肉卡邦尼意粉🥰呢道菜份量超足，煙肉味好香，意粉仲吸咗好多醬汁，食落去真係好滿足～同埋最特別就係佢個煙肉係厚切🥰甜品我地叫左Keto friendly嘅意大利芝士卷 真係好適合想減肥或者保持健康嘅朋友 芝士滑滑地好creamy口感一流 🤎同埋知道佢係無糖即刻食落無咁有罪疚感 總括嚟講 Alchemy Origins真係一個放鬆嘅好地方 無論飲品定食物 都好高水準 下次再嚟鰂魚涌 我一定會再黎呢間☺️…查看更多

今日去咗鰂魚涌呢間隱藏版咖啡館 Alchemy ORIGIN，佢哋同時主打高質創意料理，今次試勻咖啡、主食同甜品，每樣都充滿驚喜！餐廳裝修走木系元素，坐得好舒服。🍔雜菌豬頸肉漢堡配芥末籽醬 豬頸肉炭烤香氣突出，雜菌增添juicy感，芥末籽醬微酸解膩。麵包烘到脆身，整體配搭清新有驚喜！🍛 咖哩鴨胸肉忌廉長通粉 日式咖哩混合忌廉醬汁，鴨胸肉嫩滑唔韌，長通粉掛汁力好夠，香料層次豐富卻唔會過濃。🦀蟹肉味噌意粉配鴻喜菇 和風fusion之作！味噌鹹香帶出蟹肉鮮甜🦀，鴻喜菇增加爽脆口感，值得一試。🍵生酮宇治抹茶忌廉卷 抹茶味濃郁回甘，忌廉輕盈唔膩，生酮都可以食得零罪惡感💚🍰自家製香蕉蛋糕 香蕉天然甜香突出，質感綿密濕潤，面頭烤到微脆，好香口。☕️澳白咖啡 用咗SOE Elias Shufe單一產地豆，帶明顯柑橘同蜜糖香氣🍯，全牛奶融合順滑，拉花都好靚☕️凍巧克力咖啡 Alchemy Blend深沉堅果風味🍫，可可苦甜平衡,冰涼透心又唔會太甜，夏日必點❄️…查看更多

呢間餐廳好大 有梳化 而且都幾寬闊首先叫咗一杯鮮奶朱古力牛奶味香 朱古力濃 飲落口都好順滑跟住另一杯叫咗個蜜糖青檸梳打熱辣辣行到過嚟飲啲清新爽口嘅嘢幾好煮食叫咗一個忌廉菠菜芝士合桃意粉啲忌廉汁好香好滑 菠菜同埋啲意粉好夾仲有芝士 同合桃份量兩個人都啱啱好最後仲食埋個甜品係藍莓煎厚多士 塊多士真係煎得好香口 非常厚身同朋友share啱啱好有啲藍莓紅莓醬 仲有啲糖霜食唔停口 仲好飽肚呢度仲有啲早餐選擇啲三文治，熱辣辣焗出嚟都好吸引 下次要再食…查看更多

第二次再訪，一樣的環境，一樣的舒服氛圍，改點了其他新菜式，水準依然不錯！鮮奶巧克力奶味和巧克力味道平衡，有豐盈泡沫，味道又不會太甜。烤蜜糖鴨胸配南瓜薯仔沙律以蜜糖烤制的鸭胸肉質保持粉嫩多汁，有驚喜。配搭的南瓜薯仔沙律绵密清甜，能夠中和鴨胸的濃郁，令整道菜味道豐富且均衡。蟹肉味噌意粉配鴻喜菇這道菜以香郁鹹香的味噌為基底，引出蟹肉絲絲的清雅甜味，增添層次感。意粉吸飽了味噌醬汁，口感滑順而帶有微微鹹甜。鴻喜菇爽脆，帶有淡淡的清香和細膩的木質風味，創造出一種鹹鮮交織、東西合璧的獨特風味。法式西多士配自家制雜莓醬還是我最愛的甜品之一。厚身麵包沾滿蛋漿將底，就咁樣嘅配搭已經好吸引，仲可以配上自家製嘅雜莓醬。環境店面寬敞，而且裝潢有格調，想與朋友在這裡chill 一chill，確實是一個不錯的選擇。…查看更多

最近lunch去咗Alchemy Origin 試咗幾款主食加飲品 整體感覺好滿意 氣氛舒服 服務都幾貼心 不過用餐時間只有90分鐘‼️｜青醬忌廉雞肉長通粉青醬香氣濃郁但唔膩 忌廉質感滑順 雞肉嫩口又入味 味道平衡得好好 唔會食到尾覺得膩🙂‍↕️｜雜菌豬頸肉漢堡配芥末籽醬🍔大大塊豬頸肉 煎得香口有嚼勁 配埋雜菌嘅鮮味同微辣芥末籽醬 好有層次感 係全餐最驚喜嘅一道🤤｜厚切意大利煙肉卡邦尼意粉🍝醬汁香滑濃厚 煙肉厚切鹹香十足 肉質嫩滑 意粉硬度啱啱好 只係略嫌偏鹹少少 但整體依然好食🫢☕ Lunch set 包咗一杯 Single Origin Brew Coffee 豆香明顯 有果酸但唔澀😆 亦可以加錢轉其他飲品 例如 Flat White 奶泡滑順 咖啡味突出 或者Matcha Latte茶味濃郁又唔太甜 都係唔錯嘅選擇😍…查看更多

又重拾熟悉的味道～Alchemy 是我喜愛的 café 之一，加上港九新界都有分店，十分方便，是一間環境舒適、味道有品質及價錢合理的聚腳點。現場有不同種類、產地及味道的咖啡豆可供購買。香煎虎蝦配辣蕃茄汁意粉虎蝦大大隻，彈牙鮮美，意粉沾滿微辣的蕃茄汁和芝士粉，非常惹味。青醬忌廉雞肉長通粉不得不讚這道菜的雞肉非常出色，既嫩身，又入味。長通粉很掛汁，青醬味道清新，忌廉creamy，即使吃完一整碟，也不會太腬。貝果配藍莓忌廉芝士醬除了招牌的法式吐司，今日之後這個貝果已成為我最愛的甜品之一。貝果被烤焗得表面非常香脆，但入面煙韌。而藍莓忌廉芝士醬是整個貝果的靈魂，酸甜的藍莓、香濃的忌廉芝士，兩者混合起來，非常美味。鮮奶巧克力除了咖啡，一直想試這裏的巧克力，還記得上次傍晚來的時候想點巧克力，不過已經售罄了。今次終於可以一嚐這裏的巧克力。看見美麗的拉花，令人心情愉悅。先呷一口，滿意！泡沫綿密、巧克力香郁，為晚餐作一個圓滿的句號。…查看更多

週末店子非常滿客，每次光顧都可以享用90分鐘的咖啡時光。Pork Neck Salad with Papaya and Sweet & Spicy Dressing 泰式風味濃郁且清爽，適合熱辣辣的今天。豬頸肉份量頗多，肉質厚實，多汁爽口，醬汁甜帶微微辣，配合青木瓜沙律及新鮮沙律菜，開胃滿足口感。Honey Bee (Honey Lime Soda)配了一杯清爽蜜糖青檸梳打，很好的搭配。Flat White + French Toast 兩樣一齊享用才有意思。咖啡可以選擇豆的產地和奶類，SOE Elias Shufe 帶柑橘品味。法式西多士配雜莓醬，飽肚又清爽，自家製的雜莓醬微甜微酸。…查看更多