ABS About Savour

📍ABS About Savour呢間餐廳我最多可以話係中環隱世既餐廳 佢哋係一間主打西班牙食材嘅日式居酒屋而成個環境都係以木為主題佢哋所有嘅食材都係每日新鮮運到港菜式配搭上面佢哋都好有講究好有心思能夠將新鮮嘅食材變成一道道嘅特色fusion菜食物個方面 今次分別點咗:-西班牙紅蝦他他配魚子醬 佢要將蝦膏吱落個他他撻嗰度食食落去佢個蝦味好香濃-溏心爆膏瀨尿蝦:呢個瀨尿蝦不得了 食落超惹味佢用左金橘牛油燒加上備長炭嘅炭香而且廚師特登做到七八成熟係因為想做到有流心嘅效果而且食落係好鮮甜-西班牙式炸薯粒配溫泉蛋佢有三種食法先食原味 之後撈蛋黃食 最後撈個七味粉食-北寄貝配海鮮麵豉高湯燒呢個高湯好鮮甜如果可以獨立變成一碗湯就好-蘇格蘭XL蟶子佢將藜麥變成薄脆 食落口感好特別而個聖子口感都好彈同好大隻-日本鮟鱇魚肝配西班牙多士呢個鮟鱇魚肝係季節性既菜食食落好濃 配酒一流-西班牙海鮮飯個飯薈到岩岩好唔會太濕又唔會太硬恰到好處-澳洲和牛舌芯配青蔥米脆呢個隱藏菜式 not on the list 架個青蔥米脆好香口 配牛舌芯絕對係一個super match -西班牙伊比利亞羊柳配西班牙烏魚子個羊柳就五成熟食落冇羊嗰陣騷味同個肉質都好嫩Location : 香港上環歌賦街51號地舖…查看更多

－家人三大兩細想搵間本地小店食中秋飯，經同事推介中環有間食瀨尿蝦餐廳，又話啲瀨尿蝦爆曬膏，又話海鮮夠晒新鮮。咁咪試吓佢真定假囉點知⋯⋯⋯西班牛扒，好有熟成味好有炭香味呢個瀨尿蝦又係好鮮甜😍海鮮麵仔吸收咗好多海鮮湯嘅味道👍完全樣樣都好食，食得出係用靚材料，新鮮材料煮出嚟。加油啊你哋ABS ，見到個日唔係太多客人，但係食材都仲係好新鮮，招呼得好好，喺香港你哋一定係頭幾名嘅海鮮餐廳💪💪食完就同小朋友玩吓燈籠先…查看更多

Menu is compact, but we felt spoilt for choice. The seafood is ultra fresh especially razor clamand not to be missed. Mantis shrimp is insanely juicy and flavourful! If they happen to have that for their daily catch do not pass on it.Highly recommend seafood paellaExceptional hospitality by Brian’s team. We were very well taken care of, even as they were very busy. Overall elevated but unpretentious and genuinely fun experience.…查看更多

放假咁啱經過中環，突然想起半年前食過嘅一間西班牙餐廳，老闆好好記性，竟然都仲記得我哋💕💕💕一去到梗係唔少得招牌菜瀨尿蝦啦，超級爆膏好惹味，真心香港未食過咁嘅質地嘅瀨尿蝦，我覺得如果大家都鍾意食海鮮嘅，點都要試一次，然後老闆同我哋講佢哋嚟緊會轉Menu，咁我哋都試咗兩個新嘅菜式，每一次嚟到最舒服嘅就係咩都唔使諗，因為老闆會因應當日有啲咩特別嘢而幫我哋安排，仲有一個北記麵豉湯值得推介，老闆好好我哋叫咗一支清酒，飲完之後佢私人再請我哋飲咗半支，依一間餐廳除咗樓梯行得好辛苦之外，其實啲嘢食都真係幾好食，起碼唔使好似流浮山或者鯉魚門咁悶，期待佢哋嚟緊轉Menu下一次再嚟支持！💕💕💕…查看更多

我食到啦😍😍等左好耐期待左好耐既餐廳，老闆介紹左幾道菜俾我哋食，當然一定唔少得要食溏心爆膏瀨尿蝦啦😍 d 蝦膏多到爆，入口鮮甜，推介😆非常鐘意海膽既我一定要叫呢個花蟹蟹肉沙律配日本海膽，海膽勁多，多到成口一啖都食唔哂🤣另一個非常推薦係北寄貝配海鮮麵豉高湯燒，佢非常大隻，湯勁襯，加埋清酒勁之夾😎D人都非常好服務，而且廚師又係藍帶，非常專業，好難得搵到一間咁用心既餐廳，一定要推介俾朋友，下次會再嚟😊…查看更多

這間店的「推介」手法十分不誠實！星期五晚得三張枱，我哋一坐低，佢就強烈建議我哋要嗌夠幾多先夠食，勁推瀨尿蝦，本來有興趣一問價原來要$688一隻😮 然後我想叫一隻聖子試吓$128，佢就話要兩隻起😮冇叫，價錢實在不合理。算，海洋價？俾得起都唔想咁樣俾人劏。 最差就係你食食吓，突然問我哋要唔要加個用paella 嘅蝦膏整出一式兩味嘅tartare, 我哋傻妹以為佢好心用paella材料整多樣俾我哋試吓，因為得個2粒好細嘅tartare 同紅蝦頭，$398！又係唔講價錢。佢哋就博你唔問價就劏你食咗先，感覺好差。星期五晚得嗰三枱，就係咁劏客。推介手法好不誠實完全失望，亦都不推介。食物質素真一般，正常味道但劏你雙倍價錢！俾錢食可以但被人咁故意地劏就好唔gur. 不要去被劏…查看更多

當你坐低老闆會介紹餐廳有咩時令菜，好似嗰啲野生瀬尿蝦，日本刀貝等等，又會介紹個廚師係藍帶學廚。我想講一隻瀬尿蝦賣7xx，如果你真係好好食都叫見識下。但當你食到隻又淋又無肉嘅瀬尿蝦，真係忍唔住要寫低佢如果你收得人咁嘅價錢，當個廚見到隻咁嘅瀬尿蝦就唔應該上俾個客啦。班馬瀬尿蝦街市賣緊100蚊隻，你加個野生2隻字再點啲火，賣人7xx，但係結果係一隻咁嘅水蝦可能好多人覺得2個人食幾千蚊一餐好平常，我想講依家酒店好多餐廳都係做呢個價錢，唔使特登行上去呢個位食佢lor，除非你真係有錢想送俾佢使下。…查看更多

老闆非常唔老實，故意隱瞞食物價錢及收起餐牌，不停過黎介紹食物同飲客人order嘅酒🙃問佢拎餐牌，就話要親自介紹比客人，然後故意唔提及食物價錢，淨係肯講主食西班牙飯$288，令人覺得其他前菜最多都係$500內，點知埋單先發現幾千蚊一位，連女仔都食唔飽，環境仲要好似平價餐廳。兩隻蝦仔好意思收8舊水😌最重要係銷售手法好差，完全係故意欺詐客人！完全影衰香港飲食業！！！聽講附近中環城寨都係同一個老闆開，建議大家抵制！其實一粒星都唔想俾😑只係OpenRice最少要俾一星…查看更多

大蛋糕走咗後，其實無乜動力發掘新地方出巡，好耐無去試過新餐廳，所以比較長時間無出post, 今次比美食節目引咗嚟試，老闆一嚟就suggest 點選擇食乜，海鮮類每日供應大細唔同，價錢都會有唔同，問清楚先order咗4樣嘢昆布西班牙吞掌魚潑Kombu Spanish Tuna Tapas平時居酒屋既開胃菜炭烤鱈魚片Japanese Cod Fish Snack質地似薯片，上枱熱熱地，送酒小食西班牙乳豬Iberico Baby Pig 1/4份量幾多，脆皮而肉質一咬分離，脂肪唔多，無乜罪惡感，伴碟薯片現場鮮製溏心瀨尿Creamy Zebra Mantis Shrimp美食節目內既item, 呢隻係大少少比較易剥殼，焦香既蝦膏同蝦肉各半，呢個係吸引我試既原因…查看更多

無論食物質素 環境 工作人員 全部都值得五星好評 除咗location比較難外 要行內層樓梯外 都唔錯食物每樣都好用心嚟煮最特別係個瀨尿蝦 8成熟嘅瀨尿蝦 調味有驚喜 超爆膏另外嗰個聖子脆脆片 好濃鬱 出面食唔到 蟶子嘅泡沫 用咗黑松露 日本蔥 調味 好特別仲有個值得推薦嘅 北寄貝 個湯要另外加幾滴 sake 本身我哋唔飲酒 老闆就請咗我哋一杯細細杯嘅sakeso far 冇一件有伏 值得推介老闆十分有禮 老闆娘十分可愛 老闆仲即刻請我哋食雪糕 個雪糕自家製 芝麻磨粉…查看更多

難得唔使湊兩個寶貝😝，當然要搵間老婆最鍾意嘅西班牙菜食吓啦，我自己又鍾意食日本野，咁啱前排同事介紹左間西日野叫我去食，嗱嗱聲打電話book 位，好彩佢哋話19:30仲有兩個位🥹原來佢哋主要係食新鮮海鮮嘅餐廳，咁去到呢啲小店當然問吓有咩新鮮事食啦，店員好有心機講解，咁就叫佢幫我哋安排（因為中午食咗kfc咁就叫佢唔好安排澱粉質俾我就OK）之後每樣都好有驚喜，食得出廚師們嘅熱誠，呢啲水準唔係間間餐廳都食到💪💪加油呀你哋💪💪…查看更多

利申非打手，謝謝人情味小店令到婆婆有個不一樣的生日話說今年仲未諗到同婆婆去邊度食生日飯，點知問婆婆想食？佢話喺電視台見到隻瀨尿蝦好想食，但係上網一查原來喺中環，因為我哋係住粉嶺嘅，既然婆婆想食都要去啦！當日去到經理好熱情咁招待我哋，咁我哋就叫咗個流心爆膏嘅瀨尿蝦同埋好幾款嘅海鮮，瀨尿蝦超級多膏柚子味好惹味，好耐冇見過婆婆婆婆咁開心，北記貝湯鮮甜，加上經理送咗小小清酒俾我哋加咗入個湯度，酒香加埋海鮮湯嘅鮮味10分夾，其他菜式都好特別，反正一次試唔晒，雖然地方細細，但估唔到咁有驚喜，好啦費事講得太多俾人話我係打手，重點嚟啦！埋單嘅時候經理同我哋對單，發現瀨尿蝦竟然係半價同埋送咗個甜品拼盤俾我哋😱原來經理細個係同老人家住，得知婆婆喺粉嶺咁遠出嚟,所以見到婆婆食得咁開心加上生日做咗個半價俾我哋，走嗰時婆婆仲話下年生日都要再過嚟，謝謝Abs各位店員，你哋要加油呀💕…查看更多

話說有一日屋企人喺IG見到呢隻瀨尿蝦，今次慕名而來要試，賴尿蝦味道非常震撼，本身自己都多食海鮮嘅，但係半生熟嘅瀨尿蝦真係第一次食到，超級惹味生熟度做到啱啱好，餐廳經理用心去介紹先知道原來總廚大有來頭，此外紅蝦他他都係必叫嘅，啲膏多到好似源源不盡，其實每一道菜都各有特色,睇得出佢哋擺咗好多心機落去，總括嚟講一餐飯喺小店嚟講都10分出色，雖然價錢都有啲貴，但係大時大節試吓亦無妨，期待下一次佢哋轉新Menu，希望再有驚喜👍🏻…查看更多

呢間小店已經bookmark左好耐 終於約到幾個朋友食啦一入到去有個哥哥仔就好熱情咁介紹佢地既招牌菜 然後叫左個瀨尿蝦，一出到黎我地就哇哇聲😳真係好大隻同埋舊舊d蝦膏都流哂出黎咁制呀😳原來佢地每日都有1-2款既限定既菜式 我地都叫左個花蟹沙律配多士，唔好睇佢好似好細隻咁其實入面塞爆哂d蟹肉，上面仲有我最鐘意食既海膽😋哥哥仔話原來用左2-3隻蟹去拆肉，唔怪得食極都有啦😂跟住就叫左個西班牙紅蝦他他，一上菜有本書打開有d煙出好似變魔術咁，又幾過癮喎，打開有幾個波波，原來紅蝦他他放左係入面，好得意呀！跟住教用個蝦頭吱d蝦膏落他他上面食，好濃郁既蝦膏連埋他他一齊食，好滿足呀！之後叫左款北寄貝 佢話唔係用醬汁去燒 係用個海鮮麵豉湯一齊整，食北寄貝又飲埋湯，個湯好鮮味，好正呀！最後叫左個西班牙海鮮飯，d蜆大大隻，啖啖肉勁鮮甜！個飯有好濃郁既海鮮味好入味，呢個飯係我食過最好食既海鮮飯！我地仲有好多野未試，下次一定會再黎試其他野…查看更多

早前見呢間餐廳網上好多好評，心想應該有驚喜，特登同朋友去試試。當日點咗爆膏賴尿蝦、平貝、蟹同牛扒，整體味道算中規中矩，無乜特別記憶點，未至於難食，但亦談不上驚艷。💸 價錢方面，埋單大約 $2,900，食材選擇上算係高級路線，不過無論味道、擺盤或者整體餐飲體驗，都未能令人覺得值回票價。環境就似一般街坊日式料理，唔係話一定要高級裝潢，但以呢個價位會期望多啲。.📝 餐廳雖然有提供餐牌，不過員工介紹嘅菜式有唔少都唔喺餐牌上，可能因為海鮮係時價，所以冇清晰標價。服務上似乎想營造一種「度身訂造」嘅感覺，替每檯客人推介合適菜式，概念上唔錯，但實際上會有啲迷惘 —— 客人唔知應該跟餐牌揀，定係信店員介紹。加上冇明碼實價，對預算敏感或者鍾意事前計劃嘅食客嚟講，可能會食得有啲唔安心。.🤔 睇返網上啲評論都幾一面倒好評，所以今次體驗完之後，有啲落差。可能每人口味唔同，不過就我哋當日所試，整體比較「正常」，無乜想再特登翻兜嘅衝動。.🔚 總結：唔介意食貴啲嘢，但前提係價值與味道相符。今次就有啲食完無乜感覺，輕輕地失望咗一下。…查看更多