616日式火鍋

其實本人在這餐廳已吃過幾次, 原因是每次在尖沙咀行完街想找吃的時侯, 但又沒有預先訂位, 便走上616看一看, 次次都不用等候。 最初兩次係散叫, 後來三次係吃放題, 出品都覺ok, 但當我最近在尖沙咀另一 餐廳吃了一次放題之後(團購的, 加埋一都要每人$170, 食品包括湯底係完全沒味道的), 才回味原來 616 的食品是蠻不錯的, 所以回來給它一個讚!!! 雖然品質不是每次完全一樣, 但都吃得出魚生的鮮味, 選擇也不少, 本人就最喜歡吃牛肉鍋 ^_^…查看更多

開了幾年了，一直未有機會試這餐廳，這間餐廳主要是食放題，但我卻不太熱衷，不想是為了食飽而食，店員說可散叫，於是我便坐下了~叫了一份M9霜花和牛併黑豚（肉眼）套餐（$78）加州卷（$28）及軟殼蟹手卷（$28）、炸雞軟骨（$40）~M9霜花和牛併黑豚（肉眼）套餐包括牛肉4片、豬肉4片、烏冬、及蔬菜及甜品~M9霜花和牛只得4片，但是味道不錯，很軟腍，也充滿牛肉香味，就算沒有腌料也好味，輕輕把牛肉一灼，食到真的的鮮味~黑豚（肉眼）味道就比較淡，一定要點豉油才有味~烏冬上枱時還結着冰，煮熟後味道普通，不算嫩滑~蔬菜有鮮冬菇、粟米、豆腐、金菇及南瓜，味道不錯，最緊要新鮮~湯底很淡，近乎沒味~甜品失踪了~加州卷低食夾大件，而且味道也不錯~軟殼蟹手卷是即做的，軟殼蟹還暖暖的，只是有點油~炸雞軟骨值得一讚，雞軟骨包了脆醬炸，很香口，味道有點像台式鹽酥雞，味道很好~整體食物不俗,可以一試~…查看更多

打完wargame 呢過個高消耗運動補充下, 於是去了616逢日至四$198+10%, 除了shabu shabu外,還有魚生刺身,上菜速度都幾快, 牛肉刨得很薄, 一淥就熟了, 牛味比起牛陣差左d, d 丸比較粉左刺身都ok 新鮮, 三文魚都肥美, 比較遜色是八爪魚其他炸物d 粉好似唔洗錢,吉列蝦尤如"沙律海鮮卷" 好厚粉.......值得一提是燒雞泡魚干, 雖然切到一條粗一條幼(好明顯係求其), 但味道出乎地好....但服務是明顯人手不足, 好多時加水加茶甚至埋單都親力親為…查看更多

叫了兩個放題，除了有刺生、壽司等傳統日本食品，也有火鍋。第一次食日本嘢有火鍋，即本試試。火鍋其實和一般中式酒樓食的差不多，沒什麼特別，如果只是想食火鍋，去一般酒樓應該會更便宜更多選擇。火鍋料份量不少，只是叫了一份平價和牛都一大碟，多到有點不合理，仲使食其他嘢？傳統日式食品，三文魚刺生算新鮮，都合格；至於鮮味就不要有太高期望，與其他中下價魚生店賣的都差不多。天婦羅的粉漿太厚，蝦天婦羅好似吉列蝦。但蝦肉好爽，爽到有啲唔自然。服務都算好，久不久有人會嚟添茶，火鍋會添水。最值得讚是地方寬敝，其實他佔了6樓全層，地方夠大，行人通道濶落。枱和枱之間也有足夠空間，坐得舒服。整体以這個價錢來說算合格，沒有驚喜也不會太失望，想食日本嘢去下無妨。…查看更多

如果俾我揀，真係有排都唔會輪到去呢度打邊爐。不過老總叫到，冇得say no，唯有跟著走。或許是星期一的關係，生意十分淡薄，七點未夠坐到八點半有多，也只得幾檯客，真係戥佢擔心。晚市有放題，$198有壽司、刺身、燒物、串燒、炸物等任你吃過夠，不過我們對此沒有興趣。開了兩個鍋，一是昆布淮山木魚湯底，另一係豬骨湯底，大概是本人的口味比較重，我會喜歡後者多些。配料方面，所謂的澳洲M12和牛，雪花紋還算多，不過肉質真的麻麻，只輕輕的淥下，已經有點韌，全無肉味可言。這已經是全店最頂級的肉? 似乎幾不可思議。豚肉是刨得超薄的，一碟只得六片。豬本應要熟些少才對，可是淥了一會兒便縮得很細，也要吃了。同樣的，是沒什麼味道，唯有沾上麻醬來吃。有豬有牛，亦來一碟羊。羊肉又是片得薄薄的，共六片，這個有味道了，是羊羶味，雖然唔係靚貨，至於是有點個性，不會吃了豬牛或是羊都不知道。對，要求很低，但在這個地方，期望太高也只是徒然。老總還點了魷魚，又是得六粒，真係矜貴。吃一粒，質感並不爽口，還好未致韌得咬不動，但鮮味卻是失蹤了，叫人失望。本人其實幾喜歡蘿蔔的，但這六件就是厚厚的，要烚鬼咁耐才食得。味道算不上清甜，好在是無渣，才不是太差劣。其餘的素菜如豆腐、冬菇、金菇菜、靈芝菇和紹菜等都是很普通，大概是因為湯底以至配料都不重味，那吸味的素菜也變得平淡，反而煙韌的烏冬更受歡迎，全被清掉。火鍋未能滿足，老總亦忍唔住叫兩客三文魚壽司。當然，由飯糰到魚生亦未見上乘，算是填肚貨色好了。坦白說是十分不滿意，我也罕有地要去吃漢堡飽溝貨。…查看更多

由於星期五外出晚餐，一般餐厅都要等位，但这家就不用了！看楼下打着招牌，不用一百可以用火锅，鱼生，各款日本料理，不出所料，星期五周末等都没有特价！不要紧，不用物超所值，最重要好食和值！我和同事两人，点了任食，虽然吧台一人一锅的格局，可惜两人两汤底要另加钱，早知我和同事分单当分别入座。整体餐厅装修应该花了不少钱，场地又大，可惜没有一个员工有heart！！不论由带位，落单，传菜等等在这店的员工好像发梦一样，那晚跟本也不客满，但等食物的时间多于用餐的时间，可能又和任饮任食有关！两小时的时间限定，当然也不希望客人食到虧本! 食物除了三文鱼比一般寿司连锁店好之外，各款食材不但没有驚喜,只有激氣! 总之坐在吧台，眼看一碟碟厨房出来的食物堆了一大堆,过了十多分种暴露于空气中也没有员工主动去传菜，看见房间内的人客一次又一次走出来追这些追那些，相信我不是最没有耐性的人！最後我们两人埋单六百多，找家三四星的酒店，自助餐该更化算！…查看更多

我地第二日要跑渣打馬拉松，男友提議我地應該食多點東西，第二日先有力跑喎，就行經一間放題鋪頭，仲驚要等位，點知搭到lift 上去見到好鬼吉，乜諗唔知係咪難食，點會咁少人？！都坐入去啦！結果喜出望外，所有東西都好好味。打邊爐-------湯底要加錢，18蚊一個，但都冇乜所謂，俾得過。邊爐料好新鮮，佢既牛肉或羊肉等等，係即order 即切的。唔會淋晒咁，但佢係超薄的，我個人唔介意薄一點，但有些人或者會嫌佢口感唔好都未定。佢既牛肉肥瘦適中，一邊肥一邊瘦，好均勻。粟米甘香！豆腐軟滑。冬菇,菜，都好新鮮！蝦就好特別，淥完後係超爽的，唔知會唔會搵梳打粉浸過，但唔諗咁多黎講，爽爽咁又幾好味，但少左一點蝦味。帶子都好好味。我覺得佢好多邊爐料都係貴價貨，又真係估佢唔到。熟食-------有很多種類，唔可以話樣樣都好食，鯖魚味道不錯，但鞋口了一點。羊架好好味，真係好想點第二次，但怕食唔到其他野，所以冇叫。雞泡魚乾好似普通魚乾咁，但我諗佢燒完好好味，煙煙un un 咁，又香。日本燒汁串燒，沒有甚麼特別。稻庭烏冬，極力推介，真係好好味，好滑既烏冬。刺身-------樣樣都唔錯，每樣刺身都係肥美既部份咁。甜蝦刺身，隻隻連埋大大個有膏蝦頭，超新鮮超好味。壽司亦恰道好處，食料新鮮加埋適中大小的飯團，不是求其整既粗製濫做的食物。至於飲品係唔包既，好似都唔駛十蚊一杯，還可以啦！因為佢地係成支汽水俾埋你既，唔係機斟的。要提的是tempura，難食，粉太厚，可以不點！佢仲有些野食係另外加錢點的，價錢都合理，可以考慮，我們就沒有點加錢的，因為唔加錢的已好夠食。會再黎的，都會介紹朋友仔。…查看更多

無意中發掘o既日本shabu shabu餐廳，好優雅o既白色sofa襯埋樹枝屏風！Nice~ 或者係樓上鋪關係，只有小貓三兩隻，叫左個shabu shabu set, 都好似幾吸引, 幾多牛肉!!!d牛肉好新鮮, 夠雪花, 正!!!同埋佢d西式o野都幾好食, 叫左個意粉, 個白汁整得幾好, 夠creamy!同埋最緊要係夠清靜, 有空間感, o岩同friend gathering... nice!!…查看更多

我同男朋友食宵夜時段$158因為無嘜人既關係, 一入去係有位住最正係刺身,包括三文魚, 原隻甜蝦, 帶子, 蟹子魷魚, 吞拿魚( 當然仲有其他)真係好新鮮~~~~~~我覺得加埋一都唔洗2百搵到咁既刺身除左呢度我暫時未搵到第間海膽一板要另外比錢, 但只需$58, 下次有機會要試下之後食壽司,燒鰻魚壽司同京蔥吞拿魚腩壽司好~~~~火鍋就有和牛, 好似係M9?同羊肉都唔錯, 但怕騷既人要小心, 因為"碌"完成個鍋都會有騷味我覺得咁既價錢淨係食刺身已經好抵,仲要有埋火鍋, 燒物同天婦羅,係無飲品~~不過我唔介意~~~下次再帶爸爸媽媽再食~~~~…查看更多

這間日本火鍋店主打無火火鍋但每次我來只會光顧午市款項多,價錢合理,而且還飯類套餐還會另跟日式沙津.麵豉湯,蒸蛋,配料,甜品麵鼓湯很足料雜錦天婦羅定食即時炸,所以等得較耐有兩隻蝦,冬菇,南瓜,蟹柳,矮瓜,份量多香脆,粉唔厚而男友吃的雜錦魚生飯都唔差但我只是記得有三文魚,吞拿魚 (因懶得寫食評,拖了很久)魚生尚算新鮮而大大塊而友人的炒豚肉定食就比較鹹,一定要一口飯一口豚肉,才能中和最後來一杯紅豆雪糕作結尾拿!我的滿意只局限於他們的午市…查看更多

我剛剛同家人星期六夜晚7時想去稻香打邊爐但冇位，所以去試試依間616，上到去只得幾個客人(有90%空位)，可能是否太早冇人，所以環境因為都幾好，點了和牛但好一般，其他食物唔太新鮮，重有點好難食，最重要的是點了菜如沒有不會通知你，問多一次個果伙都黑面，服務水準完全唔掂。…查看更多

好難食..!!!!我個個星期6都打邊爐;今次睇下依間616點嘅;點知搭升降機上到去;人都無乜;我心諗;尖咀到到都咁多人;點解會咁少人呢..;到我食完就明白點解;一坐低;就見到張桌子大大隻字寫住;請不要浪費食物.否則全單加50%!!下;大佬;又吾係任食邊爐;點解食吾哂要加50%呀!!2個人食左194$;仲要係優惠套餐;最後甜品超難食;!!芒果布丁好似食更水咁!!…查看更多

同亞妹行街,行行見到佢個招牌,寫住日式火鍋,咪上去睇吓,上到去,點知唔洗等位.咪試吓.我地兩個唔係好餓,唔想浪費.坐低睇到,除咗放題自助餐外,可以散叫,或選擇套餐.我地叫咗二人餐,有日式沙律-(幾妤味)、日式和牛火鍋(好食,不過得8片)、,炸天婦羅(每樣有兩件-蝦,南瓜,蕃薯,魚)、鵝肝(少少油膩)、稻庭烏冬(good)、甜品(焦糖燉蛋/雪糕),有飲品-汽水/橙汁/蘋果汁(果汁小姐)$298.竟然晚市有8折,另加一.幾妤食,和好飽! 下次想留肚試放題,$188平日另+1,食足兩小時,見到人地叫刺生(ok新鮮和厚)、M9牛、壽司任叫,而且見到人地Order都幾快,都應該幾抵(起碼一定可以回本先)! 另外,疑似老闆物體,殷勤招待!送多一個焦糖燉蛋甜品比我潻(不過如果係熱的,應該會仲好食些)…查看更多

今日約左幾個中學同學食飯, 開頭諗住去大吉食不過有個fd 話前幾日見到有一間又有hot pot 又有壽司 又有和食 任食 , 咁就去試下啦 , 一去到就知係邊間 , 之前都黎食過 不過就冇放題 . 入正題! 一去到唔使等位 , 開始食sashimi 同 sushi 先 , 點左三文魚 , 劍魚腩 , 甜蝦 , maguro , 章紅 , 立魚 等等 ........ 我地3個人一食就知咩事.....d 野唔係急凍野 有d仲比大吉好食 不過要等就差d lor d 壽司要等耐小小 可能係即來即做關係 不過等都ok既 好食過之前 .之後叫左d lamb rack 同 hot pot , m9 牛肉任食 我地叫左都有4-5碟 d 肉ok呀 不過差就係冇得任飲 要成$8 一支可樂 最後我地3個決定叫支清酒 每人飲小小 好似 百幾蚊 叫咩上x 如水 都幾易飲口 .最後真係飽到3個大男人好似有左咁 haha......應該會同女朋友再黎試一次 .....…查看更多

今日同5個同事LUNCH去左616食午餐, 雖然我地有訂位, 但原來唔FULL喎大把位, 我地一人叫左一款定食, 每款定食都有沙律, 麵豉湯, 蒸蛋, 甜品, 但係就冇飲品汁燒雞扒定食 - 雞扒都OK, 但汁就少得滯雜菜炒牛肉定食 - 好大碟, 味道唔錯鰻魚飯定食 - 鰻魚汁少左啲, 啲飯都唔係珍珠米甜品 - 曲奇雪糕, 幾好食金菇牛肉卷定食 - 牛肉比較燶, 味道一般天婦羅定食 - 天婦羅幾好食, 份量都算多銀雪魚定食 - 呢款真係要特別講一講, 價值$60既定食, 銀雪魚少到呢, 啲肉好淋, 個蒸蛋好似未熟咁, 稀到好似水咁, 麵豉湯一般, 碗飯唔係珍珠米埋單$290 雖然佢有印花咭, 又係儲滿印花就可以免一個午餐, 但今次食完後唔會再有下次囉!…查看更多