+5ºC 手抓餅專門店

一直好想食手抓餅，今日終於嚟掃街試一試食呢度全部餸都係自己剔紙仔揀嘅，所以好唔好食某程度上都睇你點樣配搭所以今次我就唔揀啲穩陣嘅蟹柳，粟米同芝士，仲免費加咗沙律醬，酸酸甜甜，好正 不過估唔到咁樣加一加已經$40，都有少少貴重點當然要講下個手抓餅，見到煎餅姐姐將一舊好有粘性嘅粉團放喺煎板上，再用一個圓嘅嘅壓模壓成手抓餅形狀，全程唔見佢落油，可能本身粉團都有油份，而煎出嚟手抓餅一啲都唔油，袋住手抓餅嘅紙袋都唔會油立立，very good…查看更多

太安樓出名多好嘢食，呢間手抓餅網上面都好多人話好食，仲有網媒推介過，今日就試一試佢！1點去到，老闆已經密密接單密密做，鋪頭亦放滿晒麵團，應該係自己搓麵做個皮，handmade正啊🤩個餅底係要$18，加餸係要逐樣加錢。🍴手抓餅 加咗芝士 蛋 雞肉 (加咗辣椒粉同沙律醬)$41熱辣辣，即叫即整，拎上手啲餸嘅份量好少，一塊芝士，一隻蛋，勁少雞肉，應該得5,6條幼條😂個皮好好食，外皮好脆又鬆化，內層係軟，口感煙韌，食到個皮係一層層，唔會好油！蛋同芝士係正常味，冇特別香蛋味同濃芝士，而啲雞肉肉質係乾，微辣，唔係好有味，浪費咗咁好食嘅皮😮‍💨個醬係沙律醬加蜜糖，係香甜好食，辣粉都夠香嘅。推薦指數: 6/10真心有6分係因為個皮超好食，啲餸就麻麻地，又貴份量又少，可能叫啲現成腸仔煙肉會惹味好多，個人覺得整體偏貴，唔會推介，想試個皮可以食下，但唔好叫雞肉，真心葵廣慧食貓抵食又好食得多。…查看更多

《太安樓掃街🍖🥓🥞🍝🫔🌮🫓》-小編難得去太安樓一定瘋狂掃街🤣🤣見佢附近有間手抓餅好正行過經過都聞到好香🤤所以就決定試下佢😈-手抓餅（$ 18）加雞蛋（$ 7）加豬柳漢堡（$ 9）小編覺得手抓餅配豬柳漢堡簡直係冇得輸🤟🏻食完真係超級滿足手抓餅即叫即整🔥拎上手真係熱到拎唔到食落去好有驚喜😍外層鬆脆內層又好軟身豬柳好juicy食落去啖啖肉加埋蛋香真係色香味俱全😙另外仲有得免費加沙律醬或者辣椒粉小編就揀咗沙律醬但醬汁味道唔算好出果然餡料係最重要🤣🤣🤣-店舗比較簡陋 ; 主要以外賣為主都可以企喺側邊食都得但不設座位 請各位留意‼️-味道😋：8/10抵食🥳：7/10環境🥂：N/A…查看更多

又係太安樓買去公園食晚餐系列再講多次 太安樓真係好多嘢食！！！去到 填表 即整真鮮滾熱辣另外值得一提係佢好好禮貌 好有耐性完全無催我 比我慢慢揀都唔少選擇餅底 $18其他配料 $5至$9不等而辣椒粉同沙律醬就免費個人就揀咗好safe嘅芝士肉鬆😌加咗沙律醬因為即叫即整 咁啱前面都係得2個等咗幾分鐘 好ok睇住佢整 成塊芝士擺落去🤤拎到去公園都熱熱地一擺入口都有驚喜👍🏿可能因為芝士同肉鬆都係比較好相處雖然沙律醬唔係好出但都秒清 唔錯唔錯 有下次😋芝士肉鬆手抓餅加沙律醬 $32 🙆🏿‍♀️…查看更多

呀姐(高d個位，個日負責煎餅)無禮貌又黑面，成程手腳慢，黑住面慢慢龜速煎手抓餅，掛住自己偷食零食付款時大約只有5張order，但我個手抓餅+鹽酥雞等左半個鐘頭以上最後等黎個超少餡的手抓餅，半個餅都係無餡，手抓餅餅身亦比較乾，唔算好食鹽酥雞好咸，落鹽唔均勻，都幾勁雪藏雞味，不過系即炸夠熱，但只係一包夠熱的咸炸雞唔足以構成幫親的原因，更何況呆等半小時以上手抓餅價錢唔平，唔expect呢個質素無下次 無下次 無下次大家唔好上當浪費時間 浪費錢 又要俾呀姐黑面完…查看更多

今年十一月第四個星期日，我選擇晚上在「西灣河」「太安樓」食街的食店裡面享用晚餐，下午先在「太安樓」裡面購買小食和台式飲品打發時間。我選擇光顧台式手抓餅食店「+5°C手抓餅專門店」，「+5°C手抓餅專門店」的規模有點簡陋，只在店門位置擺放一個檔攤，食店店主跟店員裡面店舖裡面工作。我購買了一客餡料包括有「芝士」和「雞肉」，醬料包括有「沙律醬」和「辣椒醬」的「手抓餅」食品，至於飲品方面，我購買了冰凍「水蜜桃紅茶」。我的「手抓餅」實際製成品味道，主要包括有「沙律醬」甜味、「芝士」甜味、「雞肉」鹹味，還有來自「辣椒醬」的辣味，所以「+5°C」「手抓餅」整體味道偏向甜和辣味。至於「手抓餅」外層口感比較煙韌，未至於一咬即斷，口感則因為餡料有「雞肉」，所以口感感覺相對比較軟和飽滿，「芝士」在我享用的時候，已經逐漸接近融化，所以享用「手抓餅」期間，勉強食到有芝士拉絲的效果。至於飲品「水蜜桃紅茶」裡面的「水蜜桃」甜味算是頗為濃厚，只是享用「水蜜桃紅茶」去到末段，隨著「水蜜桃」飲品裡面飲得接近七七八八，所以最後的「水蜜桃」飲料裡面冰塊融化出來的水稍為溝淡。由於「+5°C」食店店舖規模看來頗為簡樸，兩名看店店主店員長時間專注工作，我預料食店很難提供正式收據，所以付款購買「手抓餅」的時候，不敢再問店員，估計將來再光顧「+5°C」時，我也不敢再問了。…查看更多

聽好多frd講，西灣河太安樓有好多好野食！小食主食樣樣都有。最中意小食既小妹終於黎朝聖喇🤩男朋友之前黎過已經知道有咩好吃😋然後今次就介紹我食台式手抓餅。+5°C手抓餅店面好有台灣夜市嘅感覺。仲有成二十幾種配料任你揀，小妹嘅選擇困難症又發作😂😂😂最後選擇食返最經典嘅口味🤪芝士肉鬆火腿手抓餅($39)餅皮烘得好脆，火腿微微煎香後再放上餅皮，上面鋪一層厚厚嘅肉鬆😋加埋塊芝士，再烘到芝士溶化🤩就包起入袋。成個過程一絲不掛，非常好功架。咬落去餅皮偏脆，啲肉鬆黐實晒溶左嘅芝士。口感豐富！但係就唔係好食到火腿味。同埋餅皮較大塊，第一兩啖同最後一啖淨係食到皮，唔係咁happy😂😂…查看更多

#為食妹日記 #瑩瑩周圍食.好耐冇食手抓餅，一於就食佢啦！！.難得唔洗大排長龍，家下有最低消費$30起，所以加加埋埋都唔平🙈。.揀左雞肉🐥、芝士🧀、粟米🌽3款配料，等左15~20分鐘終於到手，熱辣辣好香脆，可能煎得比較耐，塊餅都有d 黑黑地🙈，還好食落唔覺有苦味，食到餡料芝士有少少拉絲但唔多，太耐無食真係特別好味😆，如果價錢可以回落少少就更好。.好味指數：😋😋😋😋4/5推介指數：😋😋😋😋4/5抵食指數：😋😋😋3/5.🍽 +5ºC 手抓餅專門店 (西灣河)📍西灣河筲箕灣道57-87號太安樓地下A34-B號舖…查看更多

小編第一次食「+5ºC 手抓餅專門店」係半年前仍記時當時blow my mind嘅感覺🤣立足太安樓呢個美食基地想必一定有返咁上下實力即叫即整餅底$17配料自選低消$30。基本上加兩款餡料已達標小編今次加左 燒雞肉($9) 蛋($7)免費加沙津醬 總共$33雞肉質感嫩滑無骨似雞柳😋份量不少！不過調味就無乜沙津醬多啲會更好🤪餅皮即做熱辣辣依舊脆卜卜好香口惹味🥰配埋蛋香😍一流簡單但美味🤤又有飽足感讚🤤…查看更多

太安樓咁多嘢食， 我胃就得一個 ，去到都要諗下今日最想食啲乜 。今日我決定去試佢個手抓餅! 我好鍾意食手抓餅㗎 ，講真，喺香港好食嘅手抓餅真係唔多㗎， 我好想發掘多啲好食嘅手抓餅。宵夜時間，去到都有幾個人喺度排，我好貪心咁要咗個有三個餸嘅手抓餅。 一個手抓餅餅底17蚊，加咗三個餸：雞蛋、蟹柳同埋蘑菇，盛惠38蚊。 等咗大概三個字終於整好我嗰份喇! 一拎上手熱到差啲拎唔到，連影相都有困難呀。 一咬落去， 個餅皮都算酥脆， 唔會好油， 裏面嘅餸都好好食，蟹柳係比較好食嗰種蟹柳， 蘑菇爽口彈牙，全部加埋一齊食好好食呀! 好開心又搵到一間好好食嘅手抓餅!…查看更多

叫咗個芝士醬燒雞肉手抓餅，餅底$17，另外配料再加錢，每款大約$7-$9不等。餅底香噴噴，單食脆口香味四溢，但餡料算少，咬咗幾啖餅皮都未食到餡，芝士算唔錯，雞肉味道普通，可能要選擇三款配料或以上口感同餡ge份量會好d。…查看更多

小編一年去幾次台灣嚟到太安樓 見到台灣手抓餅點可以放過 😋⁣不得不感嘆一句⁣係台幣價錢嘅港幣價呀😫⁣⁣嚟到拎塊點餐牌揀自選餡料⁣小編決定食返平時係台灣食慣嘅口味⁣⁣°°°°°°°°°°°°⁣餅底+生菜+蛋+豬柳漢堡 (加沙律醬)（$38）⁣⁣睇住餅底係煎爐比人搓圓撳扁🤣⁣真係好治癒☺⁣等左5分鐘左右⁣有得食啦！😃⁣新鮮整起真係好辣手⁣記得吹下先食🤣⁣餅底煎得好脆⁣有台灣feel😘⁣蛋同餅底合左體😍香噴噴⁣可惜塊豬柳漢堡出奇地淡味⁣未食過咁無味嘅漢堡扒😂⁣沙律醬都比較稀同淡⁣⁣衝住台灣小食嘅愛⁣小編會再訪😁⁣畢竟餅底做得唔錯👍⁣…查看更多

之前寫左一編食評話到太安樓食海南雞其實同日仲食左好幾間唔同既小店呢間+5c 手抓餅專門店就係其中一間喇其實賣手抓餅既唔係只有呢間鋪不過因爲黎之前睇到雜誌介紹呢一間所以會試左呢間—好多時人以爲自己有獨立思考，但其實好容易被環境或者週圍既嘢影響左都唔知講返間鋪頭鋪頭係小食店形式，入面得一個人負責晒收錢同整嘢食所以人一多少少就要俾啲耐性等想食手抓餅可以攞張紙去寫低要啲乜再俾佢同俾錢收完錢就可以睇住佢即叫即整手抓餅到手既時候熱辣辣雖然外貌平平但內裡足料以爲佢好似好細件咁，但食完都好滿足👍🏻…查看更多

同朋友夜晚經過太安樓，大家都有啲肚餓，所以就忍唔住買左個手抓餅黎食。先係張紙到tick自己想要既餸，我揀左芝士 帶子裙邊 生菜，等左大約5分鐘就有得食。手抓餅熱辣辣咁食好香，入面都有啲汁，而且份量足，食一個都夠飽，夜晚做宵夜岩哂。…查看更多

星期六要咁慘返半日，收工後當然捉埋另一半去掃街，掃街就當然要去東區美食帶--太安樓🍴入邊小食店各式其式，想食乜都會有小編覺得呢間手抓餅又係必食的尤其而家天氣咁凍，食完包你暖笠笠每個餅都係即叫既整，所以等候時間較長，但食到熱辣辣既手抓餅係值得的餅底$16，其他配料$5-$9不過佢最低消費係$30，通常都要叫2-3個配料先夠手抓餅皮薄酥脆，煎到金黃色，食落一D都唔油膩，又好煙韌內餡好足料，仲叫左必點既芝士，食落半溶狀態，好滿足個餅底咸咸地，加埋酸甜既沙律醬同辣粉，十分惹味另一驚喜--香芋珍珠奶茶香芋奶茶係小編既最愛台式飲品，呢到既香芋味好濃郁，飲落香滑最欣賞個珍珠，係細細粒珍珠，容易食，飲落煙韌但唔會“痴”牙總括黎講:食物同飲品質素都正，手抓餅雖然較貴，但真係好好食，抵食👍👍🍳🍴味道: 9/10👩👨服務: 7/10🏠💺環境: 7/10💰💸抵食: 8.5/10總消費: $51(2人)…查看更多