5% Cafe

营业中

休息中

上到樓上，發現應該係一間boardgame cafe嘅概念，有好多桌上遊戲可以借，幾適合週末同朋友一齊嚟消遣。呢到唔似其他boardgame cafe得好少嘢食嘢飲嘅選擇，但都以窩夫為主。我哋叫咗一個套餐，套餐價可以包一杯42蚊樓下嘅飲品，我哋加錢叫咗最受歡迎嘅雪梨桂花茶，清香淡雅，有淡淡嘅甜味，微酸，可以解膩，同時非常之refreshing同清新。最開心係叫呢啲花茶可能無限refill，可以飲完再飲🤭又可以坐得耐啲。跟餐叫咗個焗刁草芝士汁煙三文魚珍珠帶子意粉，份量十足，好多粒珍珠帶子，真係做到啖啖都有。芝士汁口感creamy，每啖都有汁，唔會太乾，煙三文魚都毫不吝嗇，咸度適宜。黑松露野菌窩夫薄餅，口感幾特別，鬆化得嚟唔會𠝹口，有厚實嘅口感，黑松露味亦都好出好濃郁，窩夫底比冇平時嘅格仔餅咁甜，所以都好適合黑松露醬嘅咸味，同時帶出少少蛋香。

✨️今日我地想介紹這間咖啡店是「5% Cafe」，我們已經來過好多次🤣每次黎到都可以玩下board game 和同朋友傾下計，當時不用排隊等候，直接入座坐卡位，Cafe店在繁忙時間用餐時間限時90分鐘，非繁忙時間就不限時，咁我地多數在非繁忙時段來食和玩。✨️今天我們分享以下美食，下次大家可以一試吧:✨小食方面: 必食推薦😍1️⃣脆脆薯條 (+$5另加黑松露醬)👍黑松露醬配搭埋脆薯條最好食，記得要加$5蚊‼️主食方面:1️⃣ 金沙鹹蛋肉鬆窩夫薄 $128🫶窩夫薄餅是這店特色，窩夫薄餅有8寸，今次都係第一次食衣隻口味，幾特別呀。因為，出面好少見餐廳做窩夫薄餅。2️⃣日式天婦羅蝦卡邦尼煙肉意粉 $128✨一般般不過賣相又幾吸引，個人覺得天婦羅蝦兩件比較少左少少甘，如果有4件就好，起碼每人食到兩件。不過味口不錯既。🍸飲品方面: 1️⃣Chocolate Smoothie (Snow Style) $68✨️賣相十分吸引，有朱古力Oero餅係面👍沙冰底都甜嘅，朱古力味都重。唔錯。2️⃣Hot Matcha Mocha $68🫰我朋友評價話好飲都OK😍✨加上餐廳廁所算乾淨和Board games 也算多，適合同朋友玩番一晚。

我養左好多年嘅寵物去左彩虹橋，系旺角行下行下搵到呢間Café，去左坐下、食下野、打發下時間入到間Café就見到門口放左好多board games比人玩，如果同埋朋友一齊黎，有得食下野，仲有得玩埋到位窗邊仲有好多公仔，真係好可愛！！我叫左：1. 黑松露醬野菌忌廉長通粉2. 香草牛油蒜茸焗白蜆3. 凍綠茶1. 黑松露醬野菌忌廉長通粉長通粉賣相好精美、用心，每條通粉都包滿忌廉汁，咬落去 通粉內嘅忌廉汁爆入口腔，真係中意食意粉嘅人就會明白幾開心2. 香草牛油蒜茸焗白蜆我真係好中竟食蜆，無論去到邊都會叫黎食，未上菜就已經聞到，碟焗蜆嘅蒜茸牛油香味。上菜時，老闆仲好細心甘提我隻碟好熱！啲蜆好鮮甜，而且無沙。碟嘅蜆汁，其實可以點麵或煮意粉！3. 凍綠茶可以揀唔甜或者加蜜糖，我就揀加少少蜜糖，綠茶好濃味，加埋蜜糖，好潤喉，好適合依家乾燥啊天氣老闆見我好唔開心，仲特登安慰我，真係好多謝佢🩵

呢間係旺角的樓上cafe，上到去有好多應援佈置，都預左食物包含打卡價，但今次真係伏伏伏，事後睇負評發現全部都係我的心聲。主菜全部收過百元，卡邦尼意粉(連加一$119)味道正正常常，不過幾啖食曬。海鮮窩夫(連加一$152)非常細份，配料只有少少肉絲+蝦仔。落街廿蚊食件格仔餅無咁嬲🙃。凍朱古力(連加一$62)普通過唔普通，餐廳毫不吝嗇地加冰，溝到質地偏稀。幫襯連鎖茶記加幾蚊就有杯特濃朱古力會開心d。再講下環境，窗邊擺滿好多毛公仔，睇落黑蚊蚊。我容易鼻敏感，就費時坐近個邊了。總結，食物質素非常一般，完全唔符合個價錢。如果我之後做應援，都唔會考慮呢間餐廳。

位於高氏大廈2樓的5%Cafe, 環境舒適，店員親切友善，食物也很不錯，就在信和中心斜對面！❤️星期一至五中午12時至下午4時，套餐有6折❤️🌸 5%黑松露手打牛肉漢堡配薯條$168牛肉好有咬口，肉質彈牙，薯條更是亮點，脆香，食到停唔到口，果然是招牌，非常出色🥳🌸焗刁草芝士汁煙三文魚珍珠帶子意粉$128味道剛好，好多汁，熱辣辣的🌸 Honey Butterfly $58 ~~好靚的賣相，寓意蝴蝶慢慢融入於紫色的晚霞，飄然遠去，甜甜的，不錯🌸 Blue Hawaii $58 ~~ 好清新，在炎炎夏日喚醒了我，好清爽的特飲，正👍🏻

餐廳燈光柔和，有好多唔同種類嘅玩具🪀同公仔🧸擺設，啱晒同朋友打卡。叫咗兩個套餐：5%黑松露手打牛肉漢堡配薯條🍟，熱辣辣香脆麵包皮卜卜脆，入面夾咗好多黑松露同埋好口多汁嘅手打牛肉，中間夾埋爽脆蕃茄同蔬菜🥬，薯條粗身，脆卜卜，配埋茄汁滋味。加埋特飲情人士多啤梨奶昔，士多啤梨奶昔，香香甜甜，上面鋪咗好多忌廉同埋繽紛朱古力碎。焗刁草芝士汁煙三文魚珍珠帶子意粉🍝，啱啱焗好熱辣辣，有多塊煙三文魚、彈性帶子，配埋多多白色芝士汁同埋彈牙意粉。套餐配嘅熱紅茶，深啡色透紅色澤，好有茶香。

2樓既cafe，有大量board game🤪 今日星期一又得兩個人撐枱腳就留番下次先，地方咁大board game又咁多款，下次一定帶埋friend 過黎~仲有旺角街景同公仔打卡😎✨炭燒雞扒窩夫漢堡比我想像中有驚喜，炭燒雞扒質嫩多汁，配料仲有生菜、蕃茄同芝士，口感好豐富，咸咸甜甜，用外皮脆口內裡鬆軟嘅窩夫做外層都幾獨特😋✨焗刁草芝士汁煙三文魚珍珠帶子意粉煙三文魚有淡淡煙燻風味，珍珠帶子鮮甜彈牙。意粉融合刁草芝士汁，濃郁奶香，醬汁份量好足，每啖都奶香濃烈我流哂口水越食越開胃🤤✨blue hawaii有種雜果賓治既味道，唔算好甜，整體感覺清涼怡人☺️✨champagne grapes soda清新爽口，葡萄氣泡沁人心脾，好解渴🤪

今天約了在旺角區工作的朋友晚飯。 先前有多人推薦附近有間好有特色的西式Cafe，適合與好友聚會。 它在旺角彌敦道577號高氏大樓2樓BC號舖，叫5% Cafe。 港鐵油麻地站 A1 出口, 步行約幾分鐘就到。 餐廳是樓上cafe，有些隱世感覺! 它以提供西式菜餚為主，餐廳裝修簡潔，環境不錯，可以看窗外景色。 門口都擺放棋類和紙牌遊戲，仲有很多不同類型的各式桌上遊戲。 另外門口還有佢哋嘅店長天竺鼠駐守，名字叫蘿蔔。 有人叫佢個名，係有反應，眼望望，十分可愛! 餐牌上的食物選擇都有很多。除了Set Menu，仲有特色套餐、沙律、薯蓉等等。 最是特別有：特色飲品和窩夫薄餅。我們要了Set Menu 的兩個套餐，主食和飲品。 *千島海鮮窩夫薄餅（8吋）第一次食窩夫薄餅這個組合，真的有驚喜好特別! 8吋的批有4大件! 窩夫做餡底既鬆軟又有口感。 餡料有：蝦、帶子、蟹柳和三文魚蓉等。千島醬和海鮮很配，海鮮有鮮味，超正! *香脆龍脷柳拼牛肝菌汁長通粉大大件龍脷柳煎得很香脆可口! 牛肝菌汁好有香味，長通粉煮得剛剛好，彈牙有口感，配合大量牛肝菌汁，入味和好吃! *飲品：熱榛子摩卡、熱香檳葡萄朱古力全是水

同朋友去左呢間Cafe食野傾計，hea左成個晏晝，好正🥹 呢到環境舒服，性價比不錯👍🏻 個陣去到可以坐好耐，勁好👍🏻🍝 黑松露醬野菌忌廉汁長通粉呢個意大利面好香黑松露味🤤黑松露同野菌配搭得啱啱好，忌廉汁濃郁，食落口感順滑，好滿足！🍗 炭燒雞扒窩夫漢堡配薯條雞扒多汁，炭燒味道好香，夾埋鬆軟嘅窩夫，食落口感豐富👍🏻薯條外脆內軟，食完一條又想再食一條🍟🍰 鮮雜莓雪糕窩夫呢個甜品真係唔錯！雜莓酸酸甜甜，加上雪糕嘅絲滑，配埋窩夫一齊食，口感層次好豐富😋🥤水蜜桃梳打飲品選擇都好豐富，我揀咗水蜜桃梳打，清新解渴，充滿水果香氣，係炎熱天氣嘅best choice🤤🍫 Chocolate Smoothie朱古力冰沙好濃郁，細膩香甜，邪惡但好飲🤤

首先，我哋點咗「焗刁草芝士汁煙三文魚珍珠帶子意粉」，呢道菜嘅味道層次非常豐富。意粉煮得剛剛好，唔會太軟，芝士汁嘅濃郁奶香配埋刁草嘅淡淡香氣，成個口感好creamy。煙三文魚切得厚薄適中，帶有輕微嘅鹹香味，珍珠帶子鮮嫩多汁，每啖都充滿海洋嘅鮮味。呢道菜將海鮮嘅鮮味同芝士嘅濃香完美結合，真係一個唔錯嘅選擇。🧀最後要講嘅係「炭燒雞扒窩夫漢堡配薯條」，呢個漢堡賣相非常有創意，用窩夫取代咗傳統嘅漢堡包。炭燒雞扒煎得外脆內嫩，煙燻香氣濃郁，再夾埋軟綿綿嘅窩夫，一啖咬落去，甜同鹹嘅味道結合得啱啱好。配菜嘅薯條炸得金黃香脆，外脆內軟，啱啱好咁平衡咗窩夫嘅甜味同雞扒嘅鹹味，真係唔錯嘅搭配。🍗至於飲品方面，我點咗「士多啤梨沙冰奶昔」，賣相非常吸引，粉嫩嘅士多啤梨色調配上綿密嘅奶昔。士多啤梨嘅果香非常濃郁，甜度適中，再加上沙冰嘅清涼感，一口飲落去真係非常refreshing。🍓朋友就點咗「菠蘿汁加Soda」，清新又帶有啲微酸，菠蘿嘅甜味同Soda嘅氣泡感完美結合，飲落去有種一啖解渴嘅爽快感。菠蘿汁嘅酸甜味度調配得啱啱好，再配埋Soda嘅微氣泡，飲落去感覺非常清新。🍍除咗嘢食同嘢飲，呢度仲有board gam

今日嚟到旺角依間Cafe，到去有不同種類的棋牌遊戲等可以任意拎嚟玩😆環境闊落聽聞依家餐廳最出名係食窩夫，於是我就挑選晚市套餐▶️炭燒雞扒窩夫漢堡配薯條 $148窩夫焗得好脆，而且入邊勁多芝士，揭開上嚟真係好拉絲，而且雞扒亦都好Juicy，外脆內軟，唔怪之得咁出名😍值得一提係啲薯條都好好好好食▶️日式天婦蝦羅卡邦尼煙肉意粉 $128卡邦尼汁非常之濃郁，而且天婦羅蝦炸得非常之好😆🍸飲品方面▶️honey butterfly (餐+23）飲品非常之靚，分咗唔同顏色，而且飲落去，亦都非常好味🤗▶️凍cappuccino (餐+6）奶泡打得非常好，外貌亦非常靚😆🧉甜品方面▶️鮮雜莓雪糕窩夫 $88窩夫上到枱，亦都暖，而且配上面頭兩款雪糕，亦有好多雜莓，不大外型非常之靚，而且食落去嘅窩夫都好有蛋汁味，而且鬆脆，一食落去就知即叫即整，真材實料😁😁整體嚟講，依一間朋友聚會餐廳都好適合，不但有好多遊戲可以喺度玩，而且食物質素都高，特別一提即係窩夫真係必食，好好味，而且員工禮貌亦非常好👍🏻

📍5% Cafe (旺角)旺角彌敦道577號高氏大樓2樓BC號舖Cafe寬敞明亮 簡約裝修配有大窗戶 高挑天花板為顧客營造舒適悠閒感覺除咗咖啡同甜點品 仲有沙律 小食等選擇 適合三五知己聚餐有大量board game✨煙燻三文魚凱撒沙律爽脆青菜 伴少許醋 係非常醒胃嘅前菜✨辣味雞翼雞翼烤得香口香辣惹味 ✨棉花糖雪糕窩夫職員推介 最受歡迎嘅窩夫 棉花糖加上朱古力醬 窩夫鬆軟 非常適合打卡✨ Homemade Apple Cider （蘋果汁，橙汁，鮮橙，肉桂，丁香，荳蔻）陣陣香氣 味道特別✨Hot Matcha Mocha 一般港式鴛鴦用紅茶撞咖啡呢杯綠茶取代紅茶 加上漸層效果 一試難忘整體用餐體驗✨味道(4/5)✨環境(5/5)✨服務(5/5)
✨抵食(4/5)

今日下午放假，同老公食個悠閒午餐，然後再去逛逛。呢幢大廈有好多樓上café，咁不如去睇睇。5% Café在二樓，地方幾大。門口位有擺左好多broad game，另外窗口位有好多公仔擺設。一大班人黎傾計、食嘢、打卡同玩遊戲，絕對唔會覺得悶。餐牌選擇都可以，我哋就揀左窩夫漢堡、意粉、兩杯特飲同甜品。5%黑椒手打牛肉窩夫漢堡配薯條：黑椒手打牛肉有牛味，軟熟唔易散。配料有生菜、蕃茄同芝士等，窩夫代替麵包皮幾特別，甜甜脆脆，味道好夾。旁邊薯條亦炸得夠熱，好脆，整體好好味。焗刁草芝士汁煙三文魚珍珠帶子意粉：剛剛焗起，非常之熱。煙三文魚幾大塊，珍珠帶子又多，芝士汁濃，調味剛好，幾好食。Chocolate Smoothie (Snow Style)：賣相好靚，杯邊有朱古力碎做點綴，朱古力味濃，口感滑，每啖都飲到朱古力碎，仲有棉花糖，夠甜好飲。Strawberry Milkshake：粉紅色一層一層夠搶眼，口感smooth，有層次感，淡淡士多啤梨味道，唔太甜，幾好。抹茶雪糕窩夫：份量大，好吸引。窩夫即叫即做，咬落好脆，熱熱地，甜甜地。cream唔會太甜，抹茶雪糕好重抹茶味，同窩夫一齊食，冷熱交溶，好好食

油麻地旺角交界嘅樓上cafe環境唔錯👍🏻而且坐得好舒服！原來平日12-16呢個時間餐牌有6折！而且包嘢飲上班族黎食lunch嘅話簡直係方便抵食焗刁草芝士汁煙三文魚珍珠帶子意粉 $118煙三文魚同珍珠帶子份量都唔少😍意粉軟硬適中啱啱好，而且撈埋汁一齊食唔會太鹹而且唔膩炭燒雞扒窩夫漢堡配薯條/沙律 $148窩夫外脆內軟🥹雞扒甜甜地而且唔會有雪藏味👏🏻整體食落甜甜地鹹鹹地咁幾夾😆沙律菜都十分新鮮😙抹茶雪糕窩夫 $88黎到聞到好香抹茶味🥹而且超大份啊！👏🏻配嘅cream好綿，抹茶雪糕甜度適中香濃窩夫一樣都係咁好食好鬆軟😍十分推薦呢間cafe嘅窩夫🧇🥹🥹🥹latte咖啡味濃郁而且唔會好甜蝶豆花茶嘅特飲帶少少柑桔味好解渴，而且佢嘅混色都好靚✨

最近我同朋友去咗位於旺角嘅 5% Cafe,真係非常愉快呀!先來講下佢哋嘅「焗刁草芝士汁煙三文魚珍珠帶子意粉」。意粉加埋上面鋪滿咗濃稠滑溜嘅芝士汁,。珍珠帶子都彈牙,煙三文魚幾夾，同其他材料好搭配, 但味道偏淡。再來講下佢哋個「炭燒雞扒窩夫漢堡」。呢個好正，推介一定要試👍👍👍。雞扒用咗炭燒料理,所以香味濃郁,肉質亦又嫩又厚實。配埋鬆軟可口嘅窩夫麵包,醬汁同包&雞扒好夾，真係完美組合。再加上一碟薯條,超有飽足感。至於佢哋嘅「Blue Hawaii」,真係又清涼又爽口。冰涼嘅雪葩同蘋果汁調和,冰涼，夏日最appropriate飲品啦!最後,我要講講佢哋嘅「玫瑰洛神花茶」。呢款茶飲色澤鮮艷,散發出幽香雅韻嘅花香,仲帶點微甜。有個火熱住，唔驚攤凍。總括嚟講,5% Cafe嘅菜式種類豐富,每一款都有自己嘅特色,而且有大量board game,物有所值。最特別係有隻天竺鼠！ 店員好好仲比咗新鮮菜我地喂。我真心推薦大家嚟試吓呢間café,相信一定會同我有一樣嘅感受!