5% Cafe

平日放工晚上想揾间餐厅放松下， 就谂起旺角呢间cafe， 呢间cafe有超多board game， 应该系成个旺角最多board game嘅cafe。 另外呢间cafe嘅窗边同枱边都放满晒好多得意嘅公仔， 成个环境好温馨好有爱， 令人心情好愉快好放松。千岛海鲜窝夫薄饼（8吋）($128)呢间餐厅主打窝夫， 所以会有窝夫汉堡、 窝夫薄饼，以及甜品窝夫等等。 今次一于试下佢嘅窝夫薄饼， 喺窝夫上面铺满咗海鲜同千岛酱， 海鲜有虾仁同带子等等， 窝夫饼底好脆， 用窝夫做pizza饼底几新奇，但又几好味。日式天妇罗虾卡邦尼烟肉意粉（$128）有两只天妇罗炸虾，好脆口， 卡邦尼酱汁非常浓稠， 每一啖意粉都挂晒汁，好入味， 烟肉份量亦都好多， 增加咗成碟意粉嘅口感。小食拼盘（$88）小食拼盘共有四款小食，分别系泰式鱼饼、 炭烧鸡串、蜜糖鸡翼 ，以及芝士肠， 拼盘将小食摆放得好齐整， 增加咗食欲， 味道就正正常常冇太大惊喜。Chocolate Smoothie (跟餐+$26)朱古力味好浓郁，口感几绵蜜，好杯，有排饮。Strawberry Milkshake (跟餐+$26)颜色好粉嫩，令人充满少女心， 味道唔会太甜太腻。…查看更多

今日约咗好耐冇见嘅朋友倾偈，当然要拣一间坐得舒服又好食嘅餐厅啦！上网揾到呢间5% cafe都ok，地点又方便，就系旺角同油麻地之间，一于试一试佢啦！一上到去，又系应援主题既餐厅；仲有啲适合一大班friend上嚟倾计嘅大梳化区，加埋好多公仔做摆设，睇得出店主有细心布置！🥳✨焗刁草芝士汁烟三文鱼珍珠带子意粉烟三文鱼有淡淡烟熏风味，酱汁份量好足🤤红莓雪糕窝夫：份量大，好吸引。窝夫即叫即做，咬落好脆，热热地，甜甜地。cream唔会太甜，同窝夫一齐食，冷热交溶，好好食，我就好钟意，食完好满足。整体嚟讲，食物味道有惊喜，餐厅环境轻松，服务又贴心，系个倾计玩乐好去处。…查看更多

以前中学时代就好钟意同朋友仔上楼上cafe，有board game 玩而且食物抵食，最岩消磨半日时间～是日约埋中学best frd上旺角既5% cafe聚餐，cafe 窗边放左好多得意既公仔，成个环境布置令人放松，真系好岩一大班朋友上嚟gatherings 焗刁草芝士汁烟三文鱼珍珠带子意粉($128)烟三文鱼肉质细腻，配搭细细粒珍珠带子，意粉软硬度适中因为怕两个main太饱会食唔落甜品，我地要左小食拼盘($88)取代主食，拼盘有四款-芝士肠，蜜糖鸡翼，泰式鱼饼和炭烧鸡串抹茶雪糕窝夫($78)做到真正外脆内软，雪糕茶味浓郁😍抹茶控必点，茶涩味balance左窝夫既甜味，食起身唔会太腻…查看更多

先讲讲抹茶雪糕窝夫。哩个甜品的外型吸引👍🏻😝金黄色嘅窝夫外脆内软，搭配上浓郁嘅抹茶雪糕，简直绝配！抹茶嘅香气浓厚，雪糕嘅口感滑溜，食上一谈，瞬间感受到满满幸福。窝夫底部适度嘅甜味，让成个甜品唔会过于腻口。接著系千岛海鲜窝夫薄饼~8吋嘅薄饼上铺满了新鲜海嘅鲜，搭配特制嘅千岛酱，味道相当惊喜!薄饼底部薄脆，海鲜鲜味同酱汁嘅酸甜平衡得恰到好处，让人一口接一口~每一口都能感受到海鲜鲜美，特别系虾仁同鱿鱼，口感弹牙，令人回味无穷。最后叫咗杯Blue Hawaii🍹这杯饮品色彩缤纷，味道清爽，搭配甜品和薄饼非常合适。想像就好似喺夏威夷饮菠萝汁柠檬梳打🏖🏝…查看更多

琴晚约左朋友食饭，想揾个可以坐耐啲嘅地方食下野倾下计，就俾我揾到呢间楼上boardgame cafe~cafe喺高氏大厦2楼 一出䢂就系入面都好阔落 坐得好舒服boardgame嘅种类都非常之多！除左a la carte, 仲有set menu可以选择啱啱见到openrice订座有7折添！不过我地walk in就冇啦我叫左杯iced flat white，几香浓嘅奶味朋友叫左杯iced cappuccino, 我地觉得唔落糖都ok!朋友叫左个龙脷柳拼牛肝菌汁长通粉，个汁好惹味😋龙脷柳都好大嚿！我就叫咗个焗芝士汁烟三文鱼珍珠带子意粉，有拉丝添架🤣都好好味最后买单两个人大概$300左右，我哋都坐咗两三个钟，玩咗好几款board game👍🏻推荐同朋友嚟！…查看更多