365炸雞 (萬事達廣場) (已結業)

星期五打完波10點幾返黎美孚, 心諗得返M記, 但又想食D熱氣香口野, 於是試下365炸雞, 叫左雞脾同燒賣,等左3MIN佢就比到我, 拿到返去馬上開餐, 雞脾真係好好食, 皮脆肉多汁, 非常香同好味,  難得美孚終於有好食的炸雞脾啦! …查看更多

其實前前後後都食左幾次（5-6次）啦雞髀肉 幾次都keep到同一水準 脆 香口 仲有肉汁 必食曲薯食過兩次 有一次偏窿鹽酥雞粒食過三次 水準keep到 味道中等麻辣雞粒試左一次 啲麻辣料撈唔夠均勻 有啲雞粒會有一舊料痴住…查看更多

好多地區都有分店，最近應該新開張冇耐。招牌大大隻黃底藍黑字，外賣為主，全部都係炸！✨味道62分，環境65分，服務60分。.🔸韭菜餅($25/3pcs)⭐️正！外皮炸得酥脆，入面係滿滿既韭菜，好香。.🔸Oreo西多士($26)望落去金黃色，都算靚靚仔仔，表面揸左煉奶，有啲oreo碎，中心有少許oreo餡，整體還可以，有oreo但唔算好濃味。佢成塊上，冇切開，亦冇刀提供，我諗要自備刀..🔸唐揚魷魚鬚(S) ($32)炸皮係粗d，實淨啲嗰種，而魷魚鬚都好厚肉，底下仲放左啲薯條係底，不過外賣有少少焗腍左。.🔸Shake Shake雞脾肉(S)($24)可以揀唔同味shakeshake粉，肉質較實，唔係juicy果啲，本身比較濃味，有啲鹹。…查看更多

前兩日去左一個住美孚嘅朋友屋企玩，去之前我喺附近呢間小食店到買咗幾款小食，拎上去佢屋企一齊睇劇一齊食。Oreo西多士 $26平時西多士就食唔少，但Oreo西多士就第一次見，睇佢餐牌上面都寫到呢款係必食咁，就叫咗黎試下。見到西多士上面有一堆Oreo碎，以為只係一個有oreo碎嘅西多士，但原來中間係有Oreo夾心嘅，同平時中間係花生醬嘅西多士好唔同，真係值得一試。芝士西多士 $25除咗Oreo西多士之外，我仲叫咗芝士西多士，因為我好鍾意食芝士。呢份西多士入面有好多芝士夾心，係屬於比較軟身嘅芝士，幾正。西多士表面都有蜜糖，蜜糖芝士味咁，幾正。麻辣炸雞肶 $36即叫即炸，炸得好香脆，入面啲雞肉好滑嫩，仲有啲肉汁，外脆內滑，好食。有淡淡嘅麻辣味滲出黎，幾開胃。…查看更多

呢間365炸雞成日都見到，但次次經過嗰陣都唔肚餓，今次終於有機會試。Shake Shake 雞肶肉（大）$37有好多款唔同口味嘅粉可以自己加落去，我見到幾款都想試，就好為食咁幾款都加咗落去，包括紫菜粉、蜂蜜牛油粉、芝士粉。食落去蜂蜜牛油味好出，甜甜地幾好食，雞肉都幾滑。呢份大嘅份量大約有12粒雞肉左右，份量都幾夠。韭菜餅（3件) $25有啲似煎韭菜豬肉餃，不過就再香脆啲，同埋皮薄啲咁，餡料豐富，值得一試。炸燒賣 $16一份有八粒，炸左嘅燒賣比起平時嘅蒸燒賣嘅口感會豐富好多，口感幾彈牙。炸墨丸 $20有十粒，每粒係切開咗一半嘅墨丸，炸完之後好香。司華力腸 $15見佢寫住必食就試吓，司華力腸已經切開左做一粒粒，食用方便。口感好彈牙。…查看更多

見旺角美孚都有嘅炸雞店，上網睇有幾間分店，我諗質素都ok全部都係炸物，食完真係要飲多啲水啦招牌炸雞髀$36麻辣炸雞髀$39芝士磨菇焗雞翼$30/2隻日式炸餃子$25/6件炸蟹柳$20/6件炸墨丸$20/10件Oreo西多士$28叫咗以上食物total$200左右嘢食方面最鐘意焗雞翼焗雞翼入面有芝士蘑菇，幾好食，係炸物當中比較多汁，冇咁熱氣炸脾就正常 濃味啲好啲，不過可以加啲粉，多啲味炸墨丸 西多士都幾好，西多士甜甜地…查看更多

Shake Shake 雞肶肉（大）$37✔️多款調味粉任君選擇✔️落咗芝士粉都幾夾，唔會太搶鏡✔️雞肶滑、炸得唔乾、份量都算多韭菜餅 （3件）$25✔️滿滿嘅韭菜、肉餡都好豐富✔️外皮煎得香脆✔️必點推介😋😋脆炸雞軟骨 $32✔️炸得香脆唔厚粉✔️估唔到夾雜薯條🍟🙈位置少隱蔽、要穿過商場先揾倒🙈🙈仲送咗利是封，見門外海報好似話買滿$88就有🤣🤣🤣🥳🥳人均消費$50Igable打卡度：7/10Taste 好味度：6.5/10Worth revisiting返兜度：7/10…查看更多

星期五晚，想食炸野，就黎呢間舖頭試下。叫左一塊炸薯餅同一個中既炸魷魚酥。我70號飛，前面得68同69號飛係度等緊。68同69號飛都拎左食物走左喇，但點知店員叫埋71，72，73同74先叫我個號碼。最終係等左25分鐘先拎到啲野食走。當時我拎野食時有黑面咖。返到屋企，打開野食。個炸魷魚酥變左炸雞軟骨。嬲嬲地，打電話落舖頭同佢地講佢地比錯左野我（當時只想同佢地講返佢地比錯我，冇諗過要佢地補償）。店員即刻say sorry, 問我想退錢定黎換返。因為我屋企距離間舖頭都有15分鐘路程，所以我話咁退錢啦。跟住店員話好，問我幾點去返佢舖頭拎，同埋佢話記得我張單等得耐左啲，所以到時退錢時會送返個炸魷魚酥比我。今時今日既香港，會勇於承認自己做錯，主動題出作出補償，真係好難得，令我對呢間舖頭另眼相看！終於第二日，我去拎返個炸魷魚鬚（之前follow開我張單既店員唔係度，但佢已同同事交低左），同店員講唔洗退返錢比我。祝生意興隆！…查看更多

宜家夜晚冇咗堂食，變相多咗買外賣翻去食😇呢日係附近staycation，所以夜晚去之前就諗住買定啲外賣過去，跟住就揀咗呢間炸雞小店🐥search咗先知原來佢係一間連鎖炸雞店😮好多地方都有分店，而我今次就去咗美孚分店佢雖然近地鐵站，但個位置唔算特別好搵🤣要穿過個商場先到~~~🍞Oreo西多士($26)🪄7/10本身普通西多我已經幾鍾意食，再加埋我嘅最愛oreo，所以冇理由唔嗌啦😍西多炸到黃金色，中間撒左啲oreo碎，估唔到兩者又幾夾，不過如果中間有餡會更加正😝.🍗Shake Shake 雞髀肉($37/大)🪄7.3/10 雞髀肉切開曬一舊舊好容易食，啱曬懶人🤣炸粉唔算好厚，就算凍左食都脆脆地，唔會有油溢味雞肉好嫩，而且好入味，就算唔落調味粉都夠味調味粉可以自己任揀任落，有好多選擇，我就揀左咖喱同芝士，不過可能咖喱太重味，所以食嗰陣唔係好覺有芝士味🤭.🦴脆炸雞軟骨($32)🪄6.9/10 本身以為得雞軟骨，點知仲搭埋薯條，望落即刻豐富左🤗呢度嘅雞軟骨都幾大舊，不過食落感覺啲軟骨仲癡住啲雞膏，所以有少少臊味不過撇除呢點，雞軟骨味道都唔錯嘅～薯條味道就正正常常😝~~~⭐️回頭指數🌕🌕🌖🌑🌑呢個價錢黎講真係幾抵食，味道唔錯之餘又唔算貴👍而且全部即叫即炸，保證夠曬熱辣辣🔥唔怪得等外賣嗰陣見到有唔少附近街坊幫襯～希望佢可以開係我屋企附近，咁就可以收工買返去慰勞下自己xd…查看更多