1986 House

今日走到VTC果邊睇下有冇咩野食~見到1986house轉左型~多左滷水大王幾個字~我唔知道老闆廚師有冇換到人~見到外面餐牌有肉醬意粉就去ORDER姐姐話即叫即整要等10分鐘左右~行個圈先回來~行左個番來~10分多鐘了~還是沒有肉醬意粉的出現~再等了10分鐘~終於來了~即叫即整要等比較久我明白~但由店到公司約5分鐘左右~打開個錫紙看第一眼已經覺得有問題了~吃第一口 裡面的肉醬意粉凍GE~可以見到圖上的芝士就知道焗的時間很短~重可以見到係條狀~不會再有下一次…查看更多

重陽假後第一個工作天，XO仔原本約咗人食晏，點知臨時被人放飛機 ，所以好冇癮咁走咗落街搵野食。慢無目的地沿住灣仔道行，經過一條橫街仔，眼見都幾多人等位同外賣，所以就行咗埋去研究幾間餐廳o既餐牌，最後1986 House以$30提供o既特惠外賣午餐成功取勝。1986 House黑色o既門面一啲都唔起眼，門口仲滴緊水，店內空間不足，中午繁忙時間坐滿哂人，感覺好擠迫，而且唔多好坐，叫外賣攞返公司食最為舒適。如果冇睇錯，負責店舖樓面各大事項及外賣服務o既只有一位高高瘦瘦o既哥哥仔。睇見佢忙碌地落單、接電話、帶位、埋單等一腳踢，佢仍能保持笑容及溫婉o既態度，真係不得不比個「讚」佢 ！小肥原意係叫特惠外賣A餐「粟米忌廉雞扒飯」，但哥仔話個餐改咗用蕃茄汁，細佬最怕酸，故最終叫咗一客「黑松露野菌意大利飯」。落完單行咗去轉角間七仔增值，來回應該不到五分鐘，真係估唔到盒飯已經準備好，效率奇高！ 黑松露野菌意大利飯（$48堂食/$43外賣自取）：所有午市套餐都包汽水一罐，外賣自取仲有得減五蚊添，真係開心 ！一打開盒，見到只有半盒飯，諗住實唔夠飽啦，食到一半先驚覺個飯都幾溜吓，所以其實半盒份量剛剛好。黑松露野菌意大利飯忌廉汁濕滑，但唔會過杰，飯粒有口感，唔會過軟而變得一pat pat，配上大細不同o既野菌，好食又易食，小肥五分鐘內食完，同事見狀都不禁問咗句「係咪好食成咁呀？」 1986 House門面及其室內環境雖然唔夠吸引，但勝在價廉物美，友善o既哥仔效率高，除咗特惠外賣午餐抵食之外，正價午市套餐又有汽水送，外賣自取再有折，平過附近多間茶餐廳，XO仔一定會再幫襯支持 ！…查看更多

聽聞呢間餐廳午市好好生意，可能因為附近有間VTC，而且間店又真係細左啲(只有十六個位)。不過到左夜晚就冇乜人。我八點去到只有一枱人食緊。我叫左個鵝肝菠菜意大利飯，開頭我以為只包一杯飲品，但原來有湯飲。係磨菇忌廉湯，非常精緻既一小杯。磨菇打碎成蓉，成杯湯都有磨菇既香味，而且非常足料，每一啖都有磨菇蓉。如果質感能夠再creamy啲會更好。鵝肝菠菜意大利飯賣相不太好。可能碟太大，令佢望上去個份量好似好少，而且啲飯冇乜色，意大利飯用高湯煮成，顏色應該係黃黃的，但係呢個D色好白，我覺得賣相都要落番啲工夫。味道方面其實唔錯，菠菜算多，起碼每啖飯都有，鵝肝肥厚，一吉落去啲肥油標哂出黎，鐘意食肥野的人有福了。另外鵝干份量比我expect的大塊好多。(可能飯量真係太少)整體來講味道真係幾唔錯，但以咁既格局同環境就似乎貴左少少。…查看更多

這次跟同事出動，到1986吃個豐富的晚餐！真的很豐富！吃完後，我們的肚子都飽得撐住了^ ^” 我們共吃了2個套餐（連餐湯、薯條、飲品），另加了2個跟餐小食（芝士焗薯條、牛舌他他）蘑菇湯是餐飲，我們各有1碗。湯上桌前還暖的，味道還可以，裡面有不少蘑菇蓉，喝湯可以咬咬蘑菇，豐富了口感。BURGER，我們叫了雙層芝士大菇牛肉漢堡，可能因為肉不夠熱，芝士不太溶呢。那塊菇大得很，但是不太入味，所以有點淡，吃下去有點寡。但整體來說，這漢堡還算不錯的，太足料了！哈哈，這張橫切面照片還不錯吧！？漢堡包餐跟薯條的，是粗薯條那種，正，有薯味！不過我嫌調味不夠，沒有HERO的薯條好。另外，我們也點了芝士焗薯條，外面的芝士焗軟了，沾在薯條上，很惹味！真的很棒！！！不過，如果薯條本來入味的話，就更加完美了！卡邦尼意粉，這是意外地美味！沒有想過這裡能吃這麼高質素的卡邦尼意粉呀！每條粉都沾上了芝士及忌廉汁，放到嘴邊時，也嗅到芝士的香氣！味道亦恰到好處！跟餐小食，我們點了牛舌沙沙。因為我想吃牛舌，所以即使明知只有４片，我還是點了。它的賣相挺吸引，上面加上了蕃茄，黑色的是醋，吃下去，酸酸甜甜的，挺特別。不過，個人覺得，如果牛舌醃了味的話，會更惹味呢！晚餐而言，這裡的確是個好選擇！當晚也有不少情侶前往。店內有電視看，朋友吃飽後在追看叛逃，想知Carson的下場^^"…查看更多

朋友係灣仔vtc度返學，話對面橫巷開左間新餐廳，係食burger同意粉果D，話平時1unch見到好多人排隊，反應好似唔錯，於是決定搵日去試。由灣仔地鐵站A3出口出，都行左差唔多十分鐘先到，而且位於橫巷，對街外人黎講都真係唔易搵。入到去，鋪仔細細但好骨緻，牆身係紅色，配上淡黄既燈光，整體充滿英倫風。加上好多畫同復古車牌，好vintage feel。好啦，講返正題XD我食左個蕃茄乾蜆肉意大利粉，心諗會唔會D蜆用急凍果D，點知唔係急凍，係原隻連埋縠架，超級肥美，而且d蜆都好多，好足料!唔知係咪加左d蕃茄乾，所以茄味好夠!!最衰果時掛住食唔記得影相！！！！！！！然後朋友食左個雞扒野菌意大利飯，我好中2食意飯但對菇類冇乜興趣，所以冇點呢個。但食左幾啖完全愛上！唔係講笑！！D野菌味濃郁，唔係罐頭野。而且飯好creammy。最後加左個芝士焗薯條，薯條完全係誠意之作！…查看更多

聽朋友講話灣仔開左間餐廳，d 野食好好味。呢日同男朋友經過灣仔，唔知食咩好，於是就黎試下。去到差不多八點，唔洗等位。個侍應好有禮貌咁安排我地入座。 廚房原來係開放式，可以見到廚師。我地叫左個黑松露雞肉意大利飯，白酒煮蜆，牛舌沙沙同墨西哥粟米片。全部都係誠意之作！唔係講笑！估唔到咁好食！意大利飯既軟硬度岩岩好，加上忌廉汁，香得黎有少少creamy。我不嬲唔食牛舌既，但見個賣相唔錯就少少地試下。黑色果d係醋，加上蕃茄，酸酸甜甜好惹味！個蜆好有鮮味，而且好大隻，兩人食絕對夠晒！至於個粟米片賣相好靚，以為只係一般粟米片，點知沾埋d醬係咁好味！食完一塊忍唔住又食第二塊😋😋😋因為樣樣都好好味，最後兩人食到好飽。雖然甜品有女士們最愛既心太軟，但都食唔落了。下次再食！既滿足又驚喜的一餐！ …查看更多

之前中午經過VTC 想食個美式午餐見到有間新既小店 位於灣仔同銅記中間 店長係後生仔 裡面係open kitchen叫左個菠蘿芝士牛肉漢堡配薯條   個burger好大個塊扒厚切 juicy 薯條好正好大條好甜問店長原來係自家製既 同連鎖店好唔同食完好full American style總結好大件好抵食 咁既價錢灣仔區絕對食唔到質素可比burger room 想試新野既朋友可以試下…查看更多

肥髀每次學完游水，都會好肚餓！泳池附近都多食肆！見到有間新開嘅漢堡店！午餐價錢合理！入去坐响門口二人位，裝修似咖啡店！燈光微暗！酒紅色牆上排咗啲油畫！深色木桌椅！因為面積細！只有一個侍應！開放式廚房內有兩個廚師！全部後生仔！我見到午餐（C)($37)意大利磨菇漢堡！侍應細心提醒我呢款包係無肉！因為都幾肚餓！我就叫另一款午餐（B)($37)菠蘿牛肉漢堡！配熱檸茶！我問侍應哥哥個漢堡夠唔夠我同肥髀分享？佢都話夠！（唔會硬銷）等咗大約五分鐘食物就到！賣相已經好鍾意，一塊厚木板（有少少似枮板，或鐵板牛扒）盛住個漢堡，另有羅馬生菜沙律及薯條！漢堡用把刀拮住！熱辣辣剛做起！漢堡內有生菜、蕃茄、菠蘿、芝士同牛肉！我切咗一半比肥髀！牛肉味雖然唔濃但都有肉汁！菠蘿煎過，甜味出晒，配埋新鮮多汁嘅蕃茄片同生菜同半溶芝士！唔花巧但好味！羅馬生菜新鮮爽脆！沙律醬不會搶過生菜本身！酸酸地，好味！薯條好大條！粗身！外脆內軟！外面有啲黑椒粒！但唔會辣！肥髀都食到！上菜時已經自動跟埋茄醬！（細心）熱檸茶只係普通茶包沖！ok!餐具用籐籃盛真載！企理！呢餐都幾驚喜，雖然店舖細細，但食物即叫即做！侍應有禮，夠細心！佢知道我同肥髀分享！會自動比多一隻碟同刀叉，唔使我出聲，窩心！（雖然係好小事，但好多食店都做唔到）可以舒服食一餐！真不錯！…查看更多

第一次黎o既時侯，覺得呢道鋪頭細細，但入面又幾"骨紙"，就鍾入去試吓叫咗個牛肝箘意大利飯，個飯未黎既前10分鍾就已經聞到好濃o既菇香...啲香味散發到成間餐廳都係當時已經有啲期待o既感覺直至碟嘢上枱，一食落口就有感動o既感覺~$45蚊個飯+$2 涷飲(值!!)之後重有同個fd叫咗個卡邦尼意粉$58本來本人對麵無咩興趣，因為好多地方整o既麵都淡而無味，好易中伏但今次試咗呢個後，我可以話我從來無食過咁正o既意大利粉!不過佢最正最正係個漢堡包，呢個包你有驚喜!!太好食o既關係，最時掛住食唔記得影相但佢哋係鋪面有個好得意o既牌係咁(see below)哈哈，我唔知佢講o既係咪真，但我肯定你哋唔會話唔好食我哋試咗佢個芝士牛肉磨菇漢堡，個包好高，初頭望落去有塊o野好似假o既咁，原來果舊勁大舊o既黑色o野就係意大利蘑菇黎(小妹真係大開眼界)ps: 呢道啲菜式樣樣都咁正，員工都好年輕，chef & server 都幾睇得重好好笑容xDAnyway,,大家一定要去試吓!!我認我黑sale, 但pspspsps我同呢間餐廳一啲關係都無…查看更多

某日路過這餐廳，見幾吸引，回家check下openrice。看了睡眠王子的介紹後，決定一試。今天lunch就試了那個厚切豬扒。的確不錯，真才實料，應該最少有成三cm厚，賣$62都合理。其他lunch都是三四十蚊左近。這篇看來像鱔稿嗎？我不認識他們的，只是覺得這是值得支持的小店。不用總是幫襯那些連鎖餐廳吧。…查看更多

很久沒寫食評。不是我很久沒外出吃飯，只是吃的都是一些平平無其的食店，不像這店般值得推介。 前天看港姐總决賽，陳凱琳的外貌教我知道甚麼叫驚為人天的感覺。想不到闊別兩天，這感覺再一次重現我的腦海。說的不是這裏有着一個長得跟陳凱琳一樣的 侍應，記說的是這店暂未名震江湖的加拿大特厚 豬扒。以往我說話總帶一點浮誇。可是看過這裏的豬扒賣相你就會認同我的說法。起初我是被門口餐牌上的漢堡吸引進來，但當看到 鄰枱的豬扒餐，我也立即轉軚叫埋一份。 雖說這是小店，可是這裏的餐具以及員工上的制服可說一絲不苟。員工制服上印上店舖的logo，最想 不到的是連承載豬扒上的木盤也印上logo，另人不其然覺得這真的只是坐落於克街的小店嗎？ 回說我的豬扒，約十多分鐘就ready送上我面前。厚厚的豬扒，小說也有兩厘米厚。豬扒的賣相我給九十分，而味道也值相同分數。回想細時上家政堂，煎豬扒比牛扒難在於豬一定要全熟。但一但過熟，肉便變得過乾和過靭。這裏的豬扒雖說有成兩厘米厚，但內裏異常juicy。此店沒有過多調味， 突顯出高質猪扒的鮮味。配菜方面，有薯條跟沙律，味道没冇什驚喜。 我下次再來賞赏此店其他的食物。我相信如他們能跟上猪扒的水準，此店不難進身米之蓮店。…查看更多