1523 釗級廚房

難得入元朗，經過呢間餐廳，好奇食啲乜，🤩🤩原來食喇沙嘅就吸引我入去，聽店員講原來呢度新開嘅，湯底夠濃，唔太辣，份量夠，海鮮都豐富，有蝦、青口、蜆，一個人份量好夠，😍😍女仔可能覺得飽食唔晒🤣，店員話可以叫少粉㗎，好有興趣食其他，如果下次再嚟元朗會再試，喇沙真係好好味，😋😋😋😋仲有檸檬茶好掂，👍🏻👍🏻👍🏻價錢比我想像中平，真係平、靚、正，起碼我覺得可以推介，店員都好Nice😊😊😊…查看更多

天氣開始轉冷，見到依間餐廳出了不少冬季菜式入來試吓。有想不到有的驚喜。菜式應該係粵菜但不肯定，似某個家鄉菜。我点了花雕藥膳醉雞米線，好啱依個天氣食，雞味濃，帶少少酒香，食到暖笠笠 😍超正。食完出了一身汗，好爽！！餐應仲有不少特式菜，飽魚花膠雞湯翅/藥膳乳鴿/泡椒魚皮 等......樣樣都想試，绝對會再幫襯😊…查看更多

呢間小店既咸豬手幾出名，一般都要預訂，walk in咁岩問到仲有咸豬手，於是dinner就食佢😊慢煮原隻德國咸豬手$169必食推薦👍🏻大大隻豬手外層脆卜卜，食落夠晒咸香入味🤤連皮連肉一齊食，口感又脆又煙韌富，點埋個醬令味道更加豐富，醬汁同豬手既味道好夾，而且令口感濕潤d，食落無咁乾。薯條同翠肉瓜兩樣配菜都唔差，薯條上仲有紫菜粉，幾鮮味，翠肉瓜加上少少黑椒粒，食落更香。份量足夠2-3人分享。黑松露意粉$83松露味略嫌唔夠香濃，蘑菇同蝦都無乜味，味道普通。忌廉汁蟹棒肉意粉$83蟹棒肉比較少，無乜鮮味，但有好重既洋蔥味，可能本人麻麻洋蔥🧅覺得味道一般😅夏威夷pizza$79Pizza size略細，大概一個手掌🖐️size，不過都足料，有好多菠蘿、煙肉同芝士，味道普通。椰菜花餐湯+$20餐湯食落好香椰菜花味，食真d好似仲有d薯仔味，飲落一粒粒既口感，味道唔錯。職員服務態度好好，好關心客人需要☺️用餐過程幾舒服，只係地方比較淺窄，堂食空間唔多。…查看更多

成日諗唔到食咩就會去呢間1523，lunch性價比好高。👍🏽食物種類好多，所以次次嚟都會同朋友一齊share，可以試多啲唔同款式。😋😋今次食咗芝士焗忌廉汁吞拿魚長通粉同埋香煎煙燻醬豬扒配蒜蓉。📌芝士焗忌廉汁吞拿魚長通粉熱辣辣，味道好夠，仲有好多芝士喺上邊，啱晒我呢啲重口味嘅人。📌香煎煙燻醬豬扒配薯蓉豬扒好大塊，我鍾意食肥肉嘅位，入口即溶，同埋啲配菜都好鮮甜、好好食。份量好大份，我同朋友兩個人次次嚟都食唔晒。😋…查看更多

［元朗抵食西餐-1523釗級廚房］-因為男朋友好鍾意食蟹柳😂😂😂所以當我哋發現呢間餐廳🍴有蟹柳意粉🍝諗都冇諗就入咗去食😋之後我哋就變咗常客🤣食咗三年-餐廳食物價格親民味道唔錯😙👍🏻今日同大家分享平時嗌開嘅lunchset -😋香煎煙燻醬豬扒配薯蓉 $78前排疫情嚴重😷隔咗排冇黎食好似加左少少價💁🏻‍♀️但係味道有驚喜！好食咗😋首先講吓個豬扒豬扒有兩塊😌分量十足🤪勁大塊煎得好香😙肥瘦適中😍食落好juicy 配埋自家製醬汁🤩酸酸甜甜中和左豬扒嘅油膩感👍🏻好味😋同埋佢把刀好好切🤣👍🏻而佢個薯蓉🥔好滑好creamy☝🏻仲有啲脆皮瓜🤩淋左啲橄欖油🫒再用火烤加咗鹽同黑椒調味保留左瓜嘅鮮甜同埋好多汁😍好味指數：🌕🌕🌕🌕🌘-😋忌廉汁蟹棒肉意粉 $46今次食隻味好似唔同咗🥲之前隻汁係偏甜少少😗個人鍾意之前隻味不過依家都好重忌廉味同埋落咗好多蟹柳🦀讚👍🏻四十幾蚊一個意粉包埋湯🥣🥄非常抵食😌好味指數：🌕🌕🌕🌖…查看更多

之前同朋友去咗15 23度寫我哋兩個人食我哋嗌咗兩個餐一個係紅酒汁西冷扒配薯蓉另外一個係香煎煙燻像豬扒配薯蓉我哋本身以為佢嘅份量唔係好多點知送到嚟嘅時候係有兩塊豬扒仲有一塊好厚嘅西冷扒我哋兩個最後仲淨返好多嘢食如果係兩個人嚟食嘅話嗌一個餐就好…查看更多

每次黎1523都會食得好飽～今次叫咗個雙層魚柳漢堡配薯條，魚柳炸得啱啱好，超級脆～薯條份量超級多，炸得好脆，配埋紫菜粉令到佢變得好惹味，就算食到好飽都令你食唔停口！…查看更多

值得一試的餐廳😍，平時都多人排隊，今日可能晏，所以唔駛等位，餐廳不大，檯和檯之間比較近，雖然坐位近，但感覺都可以，牆上貓狗攪笑的畫，配趣致圖畫櫈，緊係要打咭啦😍午餐送磨菇湯，香濃，湯比較杰，真材實料👍#新型黑椒牛肉漢堡包配薯條；手指公咁粗的薯條，外脆內軟，灑了紫菜碎更好味😋；牛肉漢包，包好大個，但肉汁較少，又未至於乾和柴皮，可以一試😌#厚切牛脷配薯蓉配芥末籽；牛脷熟度剛好，厚身軟熟多汁，配上少許酸酸地的芥末籽，除去了油膩👍👍👍…查看更多

今日lunch喺度食本身想叫個豬肋骨又無即磨咖啡又無都路緊要啦 咁我叫嗌咗個豬扒意粉等咗好耐豬扒意粉到個意粉完全冇味都算嗰塊豬扒硬到切唔開咬落去都咬唔入咁。跟住同個侍應講廚房叫出嚟話豬扒未解好凍喎真係成間餐廳都唔知想點最後我唔要個餐等其他人食完就算唔會再幫襯…查看更多

講到德國咸豬手，尖沙咀曾經有間德國餐廳係好正嘅，可惜已經無做😔想搵隻好食嘅豬手都難。你可能會推薦我食Beerliner🧐但係新都薈食過一次隻豬手，層皮焗唔脆，🔪切起上嚟層皮太韌完全切唔到，之後就無再食過！聽聞元朗多美食，就趁住放假走入去搵豬手食！先嚟一份🧄🧈🐓牛油蒜香雞翼，正係見到個面鋪滿蒜蓉就知惹味！食落口因為係焗出黎，所以表面會有啲脆口，而肉心位置係有汁同嫩滑。主角🇩🇪🐷德國咸豬手出場！真係好大隻，用我隻standard size 嘅肉✋🏻掌比較係大小小。切落去係脆皮，痴住皮個層骨膠原已經焗到變啫喱狀，入口即融，仲有痴住個咀唇👄個樣口感！味道方面唔會超級鹹，肉質都唔柴皮，點埋佢地個自家製芥末醬係好好味😋！如果想食豬手嘅你，可以📞打電話book 定先，因為豬手係每日限量供應架！…查看更多

中午放飯一條友行元朗順便搵下好野食，行左好多間1係人多1係無開，行到呢間釗級廚房之前都想試好耐，見無乜人就入去慢慢坐底食，睇完餐牌就叫個紅酒汁西冷牛排配薯蓉，加5蚊薯蓉轉薯條，飲品計半價。先黎個餐湯係蘑菇湯，菇味都有係個賣相差少少。得左大約15 分鐘主菜到，牛排厚身有半吋厚，順帶一提侍應落單時無問我牛排要幾成熟，最後黎左well done......，成塊牛排有小部份位有7成既，但部份都well done，又多筋，咬都難咬，浪費左塊排，食得好辛苦。本身諗住會唔會係d普通薄牛排先無預有5成或7成揀，但一塊厚西冷正路係理由會直接well done俾個客，呢方面認真差。…查看更多

周圍搵搵 搵下邊間未比人book既西餐食飯，搵左好多間都book爆哂，之前係網上見人講呢間幾好就打去喇，一打去就有位了 立刻去馬！仲留左隻豬手！去到門口 裝修比較舊 似一般快餐店，嘟一嘟就入去睇下食乜了，員工態度正常，我地等左大概十幾分鐘就上菜了，上菜都正常，野食方便豬手我覺得幾好食，薯條就麻麻地 上面果層粉既味 我唔鍾意，牛扒一般般，正常水準！！之後再叫多左個意粉 🍝 但無乜特別 、 無影相！埋單價錢正常…查看更多

🐮香煎厚切🐮👅配飯 牛舌外表超似午餐肉煎得香口唔油 而且口感唔錯整體食物溫度好熱 係新鮮即整既感覺👍🏻.🐔滑捋捋雞扒漢堡薯條 因為即整關係 呢個真係等得比較耐 食完碟飯先上菜薯條🍟有紫菜碎😍 不過略微炸得過火左dd雞扒調味有驚喜 sauce有少少辣 所以都幾開胃 肉質仲好juicy!!😋.店鋪位置唔大 12點去到過左陣已經爆場飲品正正常常 整體性價比都唔錯而且店員好有禮貌 值得再幫襯!!見到餐牌夜晚99$ 有一大塊牛扒感覺好似好抵食~…查看更多

如題叫左份晚市特價肉眼扒$99.9 + $20 跟餐有湯有蒜蓉包加熱飲 連加一 $132我揀左5成熟，出到來賣相其實唔差。但係一切落去就feel到鬆肉粉嘅威力，食落直頭係山竹牛肉嘅質地，連味道都係。本住唔浪費先食埋佢，直頭影響心情😒個湯係冬菇忌廉湯。你冇睇錯我冇打錯，係冬菇，唔係蘑菇。不過其實個菇味係出好多，但係都幾多渣。蒜蓉包係蒜蓉醬搽四分一塊方包，咪咁囉。我本身都幾鍾意食牛扒，所以比重啲weighting。咁樣評分吓，我唔推薦呢間餐廳。$132 呢個價錢 其實唔係特別平，從消費者角度，大家樂鐵板餐都係$60-70 都係跟湯跟嘢飲。呢間係double價錢。…查看更多

1523釗哥廚房 元朗佢做緊四週年做緊優惠，$1有六隻單骨雞翼，食落似m記脆雞翼，炸粉都夠脆，但味道唔算太濃，一蚊雞真係好抵食。另一個係99蚊有牛扒配薯菜，比佢吸引左入去。牛扒好大塊，有隻半手掌咁大，可惜係牛扒落得太重鬆肉粉，食落似茶餐廳嗰種難食嘅牛排，冇咩牛味，令人失望。薯蓉有黑松露味，份量正常；紅酒汁反而唔錯，蔬菜味幾出，味道有層次。加左＄20要左跟餐配湯同飲品。有得意啲嘅野飲，例如我就要左小朋友鴛鴦，係平時餐廳好少見嘅野。湯係西蘭花湯，食得出好真材實料；蒜蓉包就唔夠脆，不過味道同香味都夠嘅。另外要左蟹肉意大利飯（$93）令人驚喜，蟹肉份量幾多，食每一啖都會有食到少少，加上甜嘅果乾同果仁，有咬口，亦都香口好多。份量叫幾大份下，飯嘅口感不過不失，味道係偏甜口味嘅意大利飯，甜甜地，同以往食開嘅好唔同，但都好食。…查看更多