119 Plus (已結業)

這個地點都算方便, 係MTR行過黎好快~而且有好野食, 唔緊要啦~~~~環境舒適, 就自然食得招積啦! 燈光dim夠好好! 約老友食飯吹水一流啦~芝士迷一定要點的~~"爆芝煙肉" , 淨係聽個名就知道好得!!煙肉夾芝士, 好邪惡呀~而且一定要熱食啊~~ d 芝士半溶咁放入口~ 夾埋香口既煙肉~~~好食到唔想講野!!!!!醬燒芝士排骨　$148 大份抵食~~ 呢個價單可能係其他鋪頭得三四條骨~ 呢到可以有6條咁多!配以份量澎湃的芝士, 單看份量就覺得性價比高!!! 排骨方面肉厚, 帶香之餘不腥臊又無雪味, 加上醃製的味道, 當然就係好好食啦~~ 芝士鹹香令人不能抗拒, 而且仲有一球甜薯蓉, 細滑之餘仲帶著陣陣清新甜意, 吃多了都不會滯口!跟住係呢個大鐡錘, 要打碎先有得食~ 好好玩~~我地就揀左食天使面 (仲有飯同其他選擇)係辣沙底配海鮮的~~好食好夠味~~~~份量都好大得令人擔心食唔晒呀! XDDD  難得是就算凍左都仍然咁好食! 咁惹味香口! 比個讚!!Liquor Shake It 蘋果口味Shake it 係要自行搖勻飲品~~Liquor 係指韓國奶酒~~而底下的就是蘋果果醬, 送到後要自行shake shake shake~~將果醬同奶酒搖匀~~一試做下調酒師ge感覺~~甜甜的蘋果奶酒非常容易入口, 只有輕微的酒, 就算唔鍾意喝酒都會好喜歡…查看更多

收工同朋友食少少野之後去睇戲,行過見到呢間野食好似幾唔錯,咁就入咗去食嘞炸雞味道唔錯，如果啲cream多啲就更好 五花腩，味道普普通通，不過份量勝在夠大碟鐵鎚炸醬麵，朋友話自己揼醉佢好好玩，不過我就比較鐘意繑埋對手等食 炸醬麵幾好食，不過個酥皮就冇乜味。但係整體都唔差。…查看更多

今天在中環辦事，收工後就在中環晚飯。Partner 公司同事推介我們去試試韓風大鐵錘。所謂韓風大鐵錘就是新紀元廣埸低座2樓的119Plus韓式餐廳的菜式，119Plus 有數款特色飯面，由小鍋盛載，再蓋上半球形酥皮，用特製小鐵錘敲開酥皮，再吃鍋內飯面，頗有特色。119Plus是韓式餐廳，有多款韓式小食選擇，餐廳地方寬敞，樓底夠高，以街燈、車牌作裝飾，客人以年青人為主。坐下叫了鐵錘海鮮意大利飯（$138）、甜筒炸雞($88)、菠蘿特飲($38)和提子特飲($38)。先用鐵錘敲開酥皮，再品嚐鍋內海鮮意大利飯，海鮮意大利飯配料不多，蝦肉有點霉，意大利飯有點乾硬，酥皮乏味兼有點靭。甜筒炸雞的雞肉嫩滑入味，再配上醬料，味道不錯。至於菠蘿特飲和提子特飲，祗是兩款韓國汽水，倒轉放入特色酒杯，味道一般，沒有驚喜。此店食物價格屬中檔，食品水準一般。…查看更多

去咗119 Plus食飯，比佢個鐵錘吸引咗Hatai Rita菠蘿味Liquor Shake It蘋果味蟹籽手拌飯，蟹籽、肉鬆再配紫菜，好惹味!!紅塔鵝肝，個名好得意，配搭都好新鮮，蕃茄配鵝肝我都係第一次食咋加埋泡菜完全中和晒鵝肝嘅油膩感，好清新魷魚泡菜，酸酸辣辣配煙韌魷魚，唔錯鐵錘芝士煙肉通粉，大鐵錘有另外仲有炸醬麵、海鮮意大利飯同熔岩天使麵不過睇相見到個芝士煙肉通粉好吸引所以揀咗佢實物有個距離呢，想像係焗到微燶嘅芝士蓋住所有通粉變咗普通芝士煙肉，嘻!!不過鐵錘又真係好得意嘅，而且味道都唔差步兵鍋，平時覺得步隊鍋唔抵食好少嗌呢個步兵鍋平平哋就試吓啦廚師腸、餐肉、金菇、辛辣麵加塊芝士其實都幾豐富，加咗芝士好香口呀!!下次自己煮麵都要加芝士先…查看更多

今日約咗一位認識咗6年的朋友仔食飯。由於她今晚要返英國讀書。所以約咗係上環119 plus食韓國菜。餐廳地方唔大，可能只坐到50人左右啦！食物種類都算多選擇。但係職員的態度就…唔係幾好啦！尤其是係男職員。我地叫咗3款菜式，兩杯飲品。其實食物質素真係唔錯的。不過職員態度差的話，就一定會有影響的。芝士排骨~是用鐵板上的,芝士上面放咗5件排骨，粟米粒，薯蓉，薄脆。排骨有少少蕃茄味道，肉質比較唸，但排骨尾部有少少鞋，但唔影響整體味道。用芝士包住排骨嚟食，口感特別豊富。薯蓉味道都幾特別，有少少甜味的。鐡錘炸醬麵~其實我係第一次食炸醬麵的。通常只係係韓劇入面見到演員食，好似好好味咁，今日見到餐牌上有，當然要試吓。店員把鐡錘炸醬放在枱上. 碟上附有一個鐡錘. 好得意. 即刻叫朋友仔拿起鐡錘扑圓圓的外皮, 一扑就碎了. 扑開後見到有很多很多的醬汁配上韓國麵條. 但感覺醬汁好像多了一些. 跟真正的韓國炸醬麵好像有些不同. 因為看見演員食係傑傑的. 不過, 雖然醬汁多了一些, 但麵條不會過唸. 味道都唔錯. 亦不會太漏. 野人牛肉, 牛肉側面有燒過的. 中間是生的. 可以叫做半生熟. 有洋蔥墊底, 牛肉上面放有生蔥及生洋蔥, 配有韓國辣椒醬. 但我就比較喜歡不點辣椒醬食. 這樣會食到牛肉的鮮味. 雖然係半生熟, 但沒有腥味. 只是比較un咗D. 可能係因為半生熟的問題啦!我地叫咗兩款飲品. Jinre Rita 柚子Grape Fruit, 這款飲品是朋友仔叫的. 她說酒精都比較濃13度. 但她說ok的. 而且底部還有柚子肉. 都幾好飲. Hatai Rita 菠蘿Pineapple, 這款是我的. 是用韓國菠蘿汁加上冰粒. 這款菠蘿味不是太濃. 不過底部都有柚子肉的. …查看更多

今日同男朋友去左呢間位於上環永和街既119 plus韓國餐廳！之前睇左running man知道有一個鐵鎚炸醬面，睇到咀lam lam😋😋😋😋個地址都唔算難搵，但因為好少去上環，所以都搵左少少時間😅 入到去其實同我想像中有少少出入😂多數去開既韓式餐廳都會有oppa😂但今次原來係香港人打理！不過唔緊要啦（有oppa只係bonus😂😂😂)我地係黎食野既！其實呢度既裝飾都幾特別，係採用韓國消防既題材黎做 我地一共嗌左三樣野：鐵鎚海鮮意大利飯，甜筒炸雞，同埋五花肉包菜😋 我無諗過個海鮮飯會咁大😅開始擔心會食唔晒 一見到個鎚就即刻拎黎扑😂都幾好玩，但扑既時候都feel到個皮應該會好厚😧💦好啦！玩完就開始食野啦！呢個飯份量真係好充足，其實2-3人都食到，而且超級creamy! 😋😋芝士味超濃郁！好好味！我比90分👍🏻👍🏻👍🏻✨不過個面包皮真係太厚，食完會好飽食唔到其他🙈我地食左兩三塊就無食 我真係好鐘意食炸雞❤️❤️❤️入面仲有少少甜薯，好sweet！但我唔太鐘意個cream仲可以配合呢個芝士醬！（我懷疑呢個醬同海鮮飯係同一個醬🤔🤔🤔） 最後就係呢個五花肉包菜🙄🙄 我每次食韓國燒烤都勁鐘意食菜，所有肉再加菜同其他配料一齊食真係好滋味❤️❤️❤️但呢個有少少失望，五花肉有d'鞋'，又有少少凍左，配菜又少，最重要係菜先得幾塊💦😧食晒d菜都仲有勁多肉不過整體黎講都算唔錯，有機會會再試下個炸醬面！…查看更多

今天節目真豐富，下午約了好友一家一齊去AIA嘉年華玩，之後好友話帶我地去食佢之前食過的一家特色韓國餐廳港島區真係唔熟，全程由好友帶路。到達後，發現餐廳真的有別於一般韓國餐廳，裝修用色很colourful，有些椅子像汽水蓋一樣，十分有趣牆上貼滿了車牌，有黃黑間的柱子、交通標誌，又有街燈裝飾，仿似置身於韓國街頭車站翻開餐牌，首頁便有一個 “大鐵錘”系列，看來是招牌菜呢!因為有小朋友同行，所以不點辣，便選了 不辣的海鮮意大利飯又點了一些小食、兩個主菜，應該也夠食了….鐵錘海鮮意大利飯($138)這個小鑊仔盛滿意大利飯，上面在加了一個半球形酥皮蓋，十足十太空館!!小朋友看到這個便十分興奮，拿起小鐵錘想要敲了這任務當然要由小朋友操作酥皮蓋比想像中要脆一點，輕輕敲幾下便裂開了。白雪雪的海鮮飯內有青口、魷魚、大蝦、蜆肉等等，還有不少雜菌，用料豐富而且汁醬有點像卡邦尼汁，帶有少許甜味，所以十分易入口甜筒炸雞($88)是一造型十分可愛的小吃!!以圓錐筒來盛載酥香十足的炸雞，再加一個一杯白汁汁醬炸雞大概也有約6-7件吧，因為放在筒內很難數炸雞可沾白汁，不過就算不沾也十分夠味中間淡黃色的，我們最初以為是薯蓉，但一食才知道是蕃薯蓉，打時應該加了少許忌廉一起打，所以入口很滑溜，也帶有少許奶油香，更帶出蕃薯的清甜沒想到蕃薯蓉可以如美味燒牛肋骨包菜($118)店員一端上來時，牛肋骨的香氣撲鼻而至，那陣香噴噴的味道已令人食指大動雖然是牛肋骨，但大部份也是肉，只有一條大骨頭餐廳更提供鉗子及大較剪供食客將牛肋骨剪成小片，方便包生菜牛肋骨有部份位置是較厚肉的，燒至7,8成熟，這部份我就選擇不包生菜，直接食，享受那種牛肉獨有的JUICY質感廣藏綠豆餅 ($68)還好SIZE較我之前去韓國廣藏市場有細個一點(但其實已比我想像中份量要多)，不然，這晚點這麼多菜真擔心會食不完呢!綠豆餅質地綿密，加了青葱及火腿片作饀料綠豆餅還可蘸上醋汁，增加風味如不蘸醋汁，綠豆餅配襯起其他較濃味的菜式也不錯呢!燒濟州鯖魚($98)鯖魚比我平常在日式食店食開的要大條得多長過筷子呢~~~餐廳很貼心的準備了檸檬角及沙律菜中和一下條鯖魚表面燒得香脆，但內裡依然十分juicy，而且魚肉依然嫰滑!!不消一會，整條鯖魚便被食剩條骨我們4個大人+1個小朋友的食力真的不可小看!這餐真係食得又玩得小朋友玩得開心，大人食得盡興，十分滿足!!…查看更多

同幾個舊同學聚會，首選韓食，上openrice見到此餐廳評價很好，就約佢地黎試下。Menu選擇唔多，但每樣都好特別。我地就叫左甜筒炸雞，墨水海鮮卷，爆芝煙肉，野人韓牛，烤五花肉包菜，海鮮墨水炒飯甜筒炸雞味道唔錯，中間系甜忌廉整到好似雪糕甘，但是只有六件。。。野人韓牛，牛肉應該系高級一點的牛肉（但系我食唔出...),　烤得半生熟，配上大量蒜蓉，生洋葱。。。um... 有十件左右。我就唔系太識欣賞。烤五花肉包菜，e個最好食，d五花肉黤得好好食，用生菜夾住五花肉同泡菜很好食。泡菜也幾出色！！墨水海鮮炒飯，味道ok,　好似西班牙炒飯甘，系濕炒，　第一次食感覺幾新鮮！墨水海鮮卷，上面鋪左層厚芝士，烤得金黃剛剛好，令個卷生色不少！裏面包住普通海雜，味道正常！爆芝煙肉，e個真系麻麻，系兩片麵包中間夾住芝士然後外面抱住煙肉，好似食緊早餐甘，麻麻地。總括而然，此餐廳食物質素唔錯，分量偏少但系可以叫多幾樣，裝修都幾新潮，系gathering的好地方！…查看更多

　　在香港，119指的並不是消防局，而是韓國菜食店。打從去過抵吃大份的119 Korean Station後，總有想再訪的念頭萌芽。可是位處元朗，乘車去都得花上一小時，來回兩個鐘，太遠了吧。幸好在就近半分的上環就有好消息，119Plus開業了，不用山長水遠。　　鐵錘炸醬麵　$118就是119Plus的鎮店之寶。早前名MC劉在石就有嚐過這類菜式，結果將熱潮也帶來香港。要說鐵錘，用途就是來鼓開表面這個半圓球狀的外皮吧？但……其實這外皮端上桌時已是斷開了，加上軟趴趴的，就算敲，也敲不碎。結果只是裝作要敲的樣子拍拍照，然後用筷子扯開軟韌的皮層。加入了紫洋蔥製作的炸醬麵帶著微微的清甜，間中有點點豬肉提味。麵條幼身綿稔，不至水爛，偏甜的醬汁稠身不油，不過吃多了有點膩。　　其後上桌的小食－－芝士玉子卷　$68就比較靠譜。厚身大件的玉子卷上稍為澆上茄汁，再大手唧了沙律醬花，我醬怪表示難得夠點。中心的芝士不是牽絲得扯出萬丈遠的Mozarella，而是細滑順口的Cheddar。蛋卷未會太老太粗鞋，雖未有什麼蛋汁可言，但入口還是濕潤甜綿。加上酸酸甜甜的茄汁，及多添奶潤的沙律醬，吃來少點膩。　　醬燒芝士排骨　$148跟119 Korea Station那邊一樣大份抵食。這個價位可能在其他店子就只有三四條骨，甚至連嗌都未嗌到。這邊卻可以分出六份來，配以滿盆量澎湃的芝士，單看份量就覺得性價比高了。排骨方面肉厚，帶香之餘不腥臊又無雪味，不足之處就是肉稔的程度不像烤來的吧。加上醃製的味道，倒會讓人想起中式的燉排骨，稍欠惹味香口。芝士鹹香叫人沒話說，慷慨大方的份量在香港而言實屬難得。其實最特別的要說那小球甜薯蓉，細滑之餘帶著陣陣清新甜意，吃多了都不會滯口。　　對比起什麼都要翻轉瓶子倒插，Liquor Shake It　$68算是來得有趣的飲品。柚子、橙及蘋果三款口味可選，對我們來說，怎樣想也是柚子及蘋果比較保險。要注意的是份量頗多，其實小酌之下兩人分一瓶就夠了。用的是馬格利酒，即韓國的濁米酒，加入果蜜，讓客人自己搖勻。老實說我還是比較喜歡預先拌勻打好的調味馬格利，這樣搖的話不夠勻淨啊。　　想著想著又憶起以前晚上去飲酒食宵夜的日子。再過一些日子，可能兩三年？會想想要不要再去韓國……也許要看看友人什麼時候結婚……呃，我是說如果有舉行大型點點的婚禮才算。…查看更多

119 Plus是119 korea station同集團的新派韓國菜位於上環商業區, 店鋪不算大但因為商業區晚上人流比較少餐牌只有一張紙, 食物選擇都唔少最特別是大鐵錘菜式, 有韓國炸醬麵或者是西式焗飯/意大利麵等我就揀咗大鐵錘炸醬麵, 面頭蓋有一個焗得酥脆的脆皮, 下面就是炸醬麵用附有的小鐵錘把面頭的脆皮打破, 很有趣炸醬麵跟一般吃的韓國炸醬麵不同, 醬料比較水而淡, 沒有韓式炸醬麵的杰身口感, 像是吃湯麵般的口感野人韓牛肉質非常新鮮, 生食都不會有腥味, 而且很有嚼勁, 肉質彈牙爆芝煙肉一看就是芝士迷必吃, 它最外層是用煙肉包裹住麵包, 最裡面是滿滿的芝士, 旁邊有一pat cream俾你拈來吃, 可以中和返煙肉的鹹味, 而且令口感更柔滑醬燒芝士排骨同樣是我愛吃的韓式食品, 醬燒排骨入晒味, 肉質嫩滑, 加上芝士一併入口, 簡直是令人滿足的感覺, 芝士是凍咗會變口香膠質感的那種, 是可以包附在排骨上現在還有機會免費遊韓國, 只需要拍照whatsapp去以下呢個電話號碼, 將有機會嬴取來回韓國機票…查看更多

前排見有網站介紹，約左好耐終於試到本來以為會好多人，所以一早用手機訂座點知夜晚七點半準時到仍有空位，唔使講訂左座都入到，好正好好味！本身啲麵已經好符合自己個人口味，加上以前食過聲稱道地韓國炸醬麵但其實十分難食後，就有啲驚伏。但呢個超值得一試，兩個人分都ok，微辣食到上癮，唔係一般食米線嘅炸醬，好新奇好正呢個有三隻味，老實講柚子味同呢隻酒（似米酒味）唔太夾，我同友人都嫌略淡，蘋果味嘅酸可能會好飲啲，算易入口。3個人分可以每人飲到兩杯左右。呢個我對佢期望太高，啲芝士係多但好快凍，唔太痴到個排骨。排骨肉質我略嫌唔夠滑同嫩，算不過不失吧:(偷食左幾塊友人嘅炸雞，隔離仲有碗類似芝士醬點，甜筒內有蕃薯蓉，上有忌廉。雖然幾得意但我覺得唔太夾，反而單獨食炸雞幾好味值得一提嘅係服務水準好高，食野途中我跌左舊炸雞，搵唔到紙巾個陣店員主動遞紙巾。又主動遞加碗、幫我地影相，仲教我地點搖飲品。有加一服務費都係抵嘅:)p.s.店內全程播bigbang歌，我同友人聽得好開心…查看更多

今天下午到山頂郊遊！但山頂較冷，要在太陽下山前要返回地面。之後近近地在中上環一帶晚餐。只因今天是假期，這區的餐廳實有位。朋友介紹這家韓國餐廳，就坐叮叮慢慢地叮過來新紀元吧！果然來到即刻有位。很多款式的圓櫈，窗台吧位配高腳櫈。大家選了中央的位置。枱面已有韓國必備的銀色碗筷匙羹，大大水樽及杯子。　來到最重要的一環～看餐牌。幸好餐牌有圖，方便選擇。向職員落單後，慢慢等待美食送來。 野人韓牛圖片中, 牛肉中間是半生熟，這前菜看來很好食！　整碟以木盤呈上，牛肉以洋蔥墊底，上有生蒜, 另有配有麵豉醬。牛肉外圍己熟，中間呈粉紅色。脂肪少，以肉質纖維為主，牛肉味較濃，但始終是半生熟，要咬多几口。牛肉配上點點生蒜，辛辣味已經很足夠。如覺得唔夠勁，可加生洋蔥及麵豉醬。 燒五花肉包菜 來到韓國餐廳，點都要來一道五花肉。這份五花肉是要自行包菜呢！4大塊五花肉，以剪刀將每塊對半開即成8件，更方便以生菜包好。伴碟的泡菜，偏酸及辣，鹹度不足。但自己很喜歡偏酸的泡菜，聽說這是幫助消化呢！厚厚的五花肉配上泡菜，就是韓國名吃了。 鐡錘炸醬麵 單看餐牌，就知有個鐡錘卜開圓拱形的脆脆。這個任務，交給最愛玩的朋友負責。卜開脆脆，就是炸醬麵。首爾旅行時試過當地的炸醬麵，是以深啡色又杰韃韃的醬汁淋在QQ的麵上再拌勻。攪呀攪撈呀撈，就是炸醬麵。這份炸醬麵則多了其他蔬菜，菇菇及甘筍。炸醬麵少少辣，辣味以黑椒味為主。醬汁亦帶點甜味。麵身是QQ的，可是粗度未如首爾的炸醬麵。 香腸會舍　　一大餅黑色大肉腸及４條白色腸，再配大堆薯條及沙律菜。旁邊的紅色醬是生蠔必備的咯嗲汁。白色腸無驚喜。黑色大肉腸是一餅過煎熟，腸內的肉汁加熱期間，受熱而膨漲，差點迫爆腸衣。切開時流出很多汁呢，真的要小心！職員表示這是牛肉腸，食落覺得黑／胡椒味很濃。咬著咬著，都能透出汁液，整體不乾。黑腸白腸沾上咯嗲汁又几好味。　　柚子RITA　　這是韓國特色飲品之一。杯中有柚子配上韓國酒。剛才肉類香噴噴，真要飲返杯。食香的喝辣的，是這意思吧！　　今晚真是有得食有玩！…查看更多

環境舒服,性價比高@119Korea plus 早陣子和朋友們經常到大熱的119 Korea Station食飯食完之後每一個人都十分滿意,一來便宜,二來又好食,款式多而且大人細路都喜歡早幾日在新紀元廣場和朋友做GYM後路經119 Korea Station plus 意外地見到沒有人在等~和元朗店有很大的分別呢,我心想反正都是同一集團,應該差不多啦可能位於上環商業區,晚上6點左右大慨打工仔都在OT或者離開公司,人流不是太多,不過聽店員說,平時這裡下午超多人呢充滿玩味的裝飾豹紋杯?!太可愛了嗎食物價錢和元朗店差不多,但在上環區來說相對來說抵食,而款式都是差不多桌面的餐具先點一杯柚子Dry B Rita $48,我每次來必點的!這個是啤酒加入果汁的飲料,將韓啤倒轉放在有柚子汁的大杯子裡，賣相很特別呢，看落觸目驚心，其實絕對安全，小小甜的啤酒味，溝淡了的啤酒多飲也不怕呢野人韓牛 $148用上了高級的韓牛 ,輕輕燒過一下,其實是接近生食,對於這個生牛肉,對我來說是新挑戰!開始時是有點兒担心野人韓牛下面放了很多洋蔥,蒜和大醬,食之時一起伴食,嘩食落不得了!牛肉看起來是偏廋,但放入口中竟然變得柔軟和滑口,油脂在口腔內溶化,原來生牛肉是如此美味的炸雞沙律炸雞份量驚人,性價比高,炸雞用上雞球,啖啖肉最岩懶人,而且炸雞炸得外脆內軟,沒有很多油脂,配合爽脆沙律菜同食,不會有油膩感伴碟上的沙律汁,酸酸甜甜似提子汁,口味新奇獨特,但我比較喜歡沙律醬多一點燒肉生菜包$78,又是滿滿的一份,那些燒肉上桌時已傳來陣陣香味,熱辣辣的,而且那五花肉雪花紋層次分明,看到都知好味~跟碟的還有泡菜生菜和大醬食法就是用生菜加入泡菜和大醬同食,爽口生菜能減低肉的油膩感,而這裡的大醬比平時食的淡口,不會太咸,反而能突出肉的原味!泡菜能為口感更有層次,不知不覺之間我們二個女孩子把所有東西都食清光了…查看更多

炸雞啤酒的熱潮愈來愈強烈，到處都是韓式烤雞炸雞店。今日中午相約一位韓風朋友到上環一間韓式餐廳，齊齊食炸雞。 餐廳裝飾非常有特色，牆上全是韓國車牌號碼，餐桌餐椅相當有風味。 餐牌選擇很多，除了炸雞外，還有其他韓式熱食，甜品和飲料。 廚師沙律。酸酸甜甜的沙律醬，配上青瓜絲和沙律菜、藍莓和芒果，還有一隻半熟雞蛋。味道清新開胃，略微醬汁不夠多😁 魷魚泡菜。生魷魚配泡菜，味道香辣惹味，魷魚爽口彈牙，泡菜醃得香辣濃香。 芝士蛋卷。雞蛋煎得厚厚，包上芝士，加上茄醬和沙律醬。 芝士濃香帶啲甜甜的味道，份量非常豐富，一切開馬上湧出芝士。雞蛋不太滑溜，但蛋味濃郁，配上茄汁和千島醬，惹味香口😁 甜筒炸雞。甜筒中放上沙律菜，上面鋪有炸雞、蕃薯蓉、忌廉。炸雞香口惹味，雞肉肉汁不太豐富，但肉質尚算滑溜惹味😉炸粉不太厚，仍能吃到啖啖雞肉。 烤五花腩生菜包。烤得香口的五花腩，肉質嫩滑爽口，入口不會太油膩。包上辣麵豉醬和泡菜，味道濃郁香口，辣得惹味😁 鐵搥忌廉海鮮意大利飯。有創意的菜式👍🏻酥皮蓋上意大利飯，把香氣包在酥皮中。一敲碎酥皮，散出濃香的忌廉香味。 敲碎酥皮，拌入意大利飯中。意大利飯做得非常出色👍🏻👍🏻👍🏻👍🏻👍🏻忌廉和芝士份量極多，拉出長長芝士絲😍忌廉味重濃香，卻又不會太膩口。海鮮中有蝦、蜆、青口、帶子和魷魚，餡料豐富爽口。我和友人吃得飽滿，又能享受下韓式風味，實屬不錯☺️…查看更多

某日和太座, 到 上環 新紀元廣場 辦好公事之後便在樓下的這一間餐廳用膳 ~門面給人一種很有活力的感覺 ~Menu ~Liquor Shake It 橙味 $68細心留意一下個杯, 會發現是個骷髏頭, 型爆 ~以韓國奶酒為基本, 而墊底的就是橙味醬, 自己搖勻 shake it up ....味道輕甜而奶蜜, 酒香淡然, 喝下去有種很年輕很有活力的感覺, 好喝 ~紅塔鵝肝 $128賣相精巧誘人, 是蕃茄片、泡菜和鵝肝片 一層一層叠在一起 ~食材簡單, 但味道是既複習而富層次感的, 是集了鵝肝的豐沃、蕃茄的清新、泡菜的鹹辣於一身的傑作 ~芝士玉子卷 $68玉子卷表面有一條忌廉, 蛋面煎得有焦香, 一刀切下去, 即有芝士湧出, 真正能夠煮得到外熟內嫩而芝味濃香軟綿的境界, 味道一流 ~沒想過新派韓菜竟然是這樣, 既新奇又刺激 ~本篇完 ~…查看更多