101手工小火鍋 (置富嘉湖)

又係同老友食飯既時間啦，未試過呢間台式火鍋店，今日就一於試下啦，星期六晚上7點左右門口都算排左幾多人，大約等左30分鐘先入得，門口望過下d餐牌平均7x蚊都有1個鍋，湯底主打係藥膳，本身鍋個牛肉係用鮮牛，都幾滑有牛肉味，其他配料都係d菜呀丸呀之類，無乜特別，同其他連鎖店既1人鍋差唔多，醬料方面就比較少，得豉油同辣椒油，淨食鍋入面料就差d都會另加d配菜，食埋比起大字頭既連鎖店就略貴一點，整體尚算不過不失。…查看更多

疫情下想食打邊爐，但又驚危險，呢度一人一鍋就岩哂啦！價錢唔貴，份量又多👍🏻藥膳蟲草花養生雞小火鍋 🐔$71真材實料既湯底，真係見到有蟲草花，紅棗等既藥材，食落有陣藥材既味，少少甜台灣藥膳椰子雞小火鍋🐔 $76椰子湯好濃郁，蓋過藥膳既味道，而啲雞肉都好椰子味日式壽喜燒sukiyaki牛肉小火鍋 🐮$76甜甜既醬油味，最岩拎黎煮米線同牛肉三款小火鍋都好足料，蟲草花同椰子雞款既湯底更加可以就咁當湯飲，壽喜燒就略微甜左啲。如果唔想食火鍋，呢度都有一碗碗既米線選擇，味道都係一樣，但就冇咁多配料。…查看更多

都幾好食👍！但係D職員態度好差！😔叫海十問九唔應仲黑口黑面（點攪呀！🤯）我以為係偶然係咁😔去咗幾次都係咁！好食還好食D職員啲態度擺到明係（幫老細講吓）係一個四眼姐姐黎架！希望佢哋會改善下🙏…查看更多

琴晚透過hktvmall叫左佢地既外賣，木耳同個面都ok既，但杯油菜就真係衰到貼地，21蚊既菜，用筷子夾起得4片生菜，重要係浸到淋哂，一夾就散！本人都去過佢歺廳堂食好多次，堂食係算唔錯既，但今次第一次叫佢外賣竟然感样，我有啲失望囉，睇黎唔會再叫佢地既外賣…查看更多

友人選了這間餐廳，一看餐牌居然有藥膳雞米線，二話不說立即進去！友人選了壽喜燒牛肉鍋，我選了蟲草花藥膳雞火鍋，主食我選了米線，火鍋少不了生菜，故我另點了生菜。火鍋上來時我有點驚訝，因為沒想過份量這麼大，三塊雞件非常巨大，而且有很多紅棗，另有兩件豆卜，一粒花枝丸和貢丸，米線另用大碗盛起，未吃已經覺飽湯底很甜，雞件很滑亦不帶雪味，值得一讚，米線放入湯底不一會已諗且吸了湯味，十分好味整體來說，此鍋性價比十分高，份量多味道好而且價錢相宜，絕對會一試再試！…查看更多

第3次番黎食呢間啦本來第一次係想黎呢度打邊邊 但果時疫情剛開始 就暫停供應 於是就試左比較少人講起既米線。原本不抱期望 點知勁大驚喜我叫左個椰子雞湯底 我朋友就叫左個藥膳湯底 兩個湯底都非常足料同濃郁 有唔少湯料跟埋而且仲包左兩款台灣餸 又夠大碗 正最正係加5蚊有埋特飲三次我都係嗌佢 朱古力!!!!超級濃郁!!!自從試過佢一次米線 就無要食過佢既火鍋了 …查看更多

口痕突然想食火鍋⁉️ 一人火鍋就最適合啦💓主打台式藥膳餐👍🤗⭐ 台灣藥膳農場雞湯米線＄49湯底有清雞湯味花雕味唔算太重 🙈之後食落有驚喜❤米線有花雕味 口感彈牙雞塊都夠大塊 肉質唔錯👍推薦指數：⭐⭐⭐⭐⭐ 藥膳沙爹牛肉小火鍋＄73小火鍋配料足夠一個人食仲可以追加雞／牛／ 豚肉同其他配菜 🌟追加肉類都係＄8建議追加埋肉類就更抵食啦🥰湯底有沙茶味 唔使點醬都夠味沙茶味唔算好香口 屬於中規中矩嘅湯底🙈推薦指數：⭐⭐⭐⭐⭐ 水蜜桃紅茶 無糖茉莉花茶 加＄8水蜜桃紅茶有淡淡甜味唔算太甜👍無糖花茶較清 冇甜味養生之選😄推薦指數：⭐⭐⭐…查看更多

中午時間好想食米線，就簡左呢間養生米線食，見到個餐牌選擇好多，款款都好吸引。最後揀咗蟲草花雞米線。然後要咗一杯Latte 雪香。碗米線一上枱已經好吸引，而且好大碗，好粥了。食落湯底偏甜，可能係湯底好多紅棗嘅關係。但係食得出個湯底完全冇味精。杯Latte 雪香更加係出邊好難試到嘅飲品, 飲落會有一層脆脆，令到杯飲品嘅口感更加豐富。整體來講大家可以嚟試吓呢一間餐廳， 十分推薦。…查看更多

平時都中意食一人火鍋，比較衛生，唔想食火鍋放題咁放肆，最啱就係食個一人鍋。— — — — — — — — — — — — — — — — — — —【藥膳沙茶牛肉小火鍋】$73（配米線）火鍋最重要就係個湯底，呢個湯底夠哂濃，食到濃濃沙茶味，藥膳味就唔算太重，配米線食，吸哂d湯汁真係超正🤤呢個小火鍋真係好飽，除左有沙茶牛肉片，重有粟米、蕃茄、菜、豆卜......以呢個價錢，配料都算幾多，真係幾抵食！— — — — — — — — — — — — — — — — — — —【台式鍋燒豚肉肉燥飯】$47 肉燥好香滷水味，豚肉、肉燥份量亦都幾多，味道都算係水準之上，價錢合理！【上湯浸時蔬】跟餐+$19呢個時蔬令我好有驚喜，反而呢個湯係好濃藥材味，重有紅棗圓肉，夠哂養生！我好欣賞呢個時蔬😃— — — — — — — — — — — — — — — — — — —整體黎講，都係一間值得回頭嘅日常餐廳，價錢親民，味道又唔錯！…查看更多

疫情下，凡事講衛生，想打邊爐亦應如此。今日同朋友經過嘉湖商場，好耐冇打過邊爐，於是拍板揀火鍋店食。等咗幾張枱後，職員安排入座，好快已經成功落單，並且上煲。藥膳麻辣牛肉小火鍋個感覺有ｄ似某大型連鎖快餐店既一人火鍋，咁當然呢個係高級版啦～個湯底味道濃郁，但唔會係令人非常口渴既味精湯底。火鍋配料包羅萬有，豆卜索晒d汁好入味，洋蔥夠爽口，而牛肉色澤都唔錯。跟餐點咗個白飯，用火鍋湯底拎黎撈飯食都幾好。呢個價錢配上優質食物，難怪咁多人等位排隊啦。…查看更多

悶悶地唔知食咩好 經過天水圍嘉湖銀座 順便睇下有咩岩食 在二樓商場較入處發現以前曾經幫襯過一次既101手工涮涮鍋 關於這店已經沒有甚麼印象 況且都太耐 不如重新試一次店員有禮 安排座位也快 坐下不久已經要等位 等待時間有點耐可能人多 我點了蕃茄麻辣湯底 選了蘿蔔和黑毛豬肉片 飲品送來不久 米線終於都上場 恰到好處的小辣 有點驚喜 肉片也ok 連飲品午餐$51唔貴食得過 可再來…查看更多

突然好想打邊爐但疫情下又冇得約到成班人一齊打邊爐，我就黎左置富嘉湖既 101 手工小火鍋店啦呢度有唔同既一人鍋比我揀，我揀左呢個台灣藥膳椰子雞小火鍋，一個鍋有哂餸咁上，有齊哂唔同菜，都幾豐富下，不得不說真心好抵食，勁大鍋都係 $ 74, 所以再加左個雪花肥牛，不過肥牛就小失望，食得出係冷凍肥牛同埋都好薄兀，d 湯濃得濟，食完之後會好口渴。但咁既價錢黎講算係抵食呢度仲有其他台式飯同粉麵可以揀，唔一定要食一人鍋，朋友就揀左台灣藥膳蟲草花農場米線，都係 $ 52 , 又係勁大碗勁抵食…查看更多

我8點39分撳咗等位飛，等到9點時個店員出黎同各位等緊既人講，佢地9點截單，唔做生意(態度極差），我問個店員點解你地唔提早截飛唔比人撳，就唔使白等，個店員態度惡劣，話門口貼左9點截單（張紙好細張不貼在當眼處，好野），咁點解你唔提早截單唔比人撳飛...或者我撳飛時同我講聲，眾人問多個店員2句個店員當人透明走開左，解釋都廢事！咁既時勢，仲係啲咁既態度，祝你好運！垃圾，就算啲野好食都無用，利申，我無食過! ps, 我響九龍入黎諗住幫襯，咁樣玩啲客，真係唔該晒！…查看更多

天氣轉加上前一日在網上看到有人介紹這間店，醒起有成年冇來幫襯，趁今日休假又早過來這個商場，又知道呢度冇得book, 所以6點就過來，早D食，避開人多！今次見有人介紹椰子雞火鍋好正，果然冇令我失望，又平又好味，好🉐️😋…查看更多

👧🏻😋👅🍽✨.🐓🍜 藥膳醉雞米線 $49✨湯好甜，好重杞子味✨醉雞肉好滑.🐮🍜 鍋燒牛肉麻醬涼拌麵 $49✨麻醬夠多，撈左麻油幾特別✨牛肉係肥牛正常水準☁️啲面係凍，牛肉係熱，有少少奇怪☁️麵極林 ✨整體還好.🍫熱朱古力跟餐✨好濃，朱古力粉沖熱水冇加奶.🍋🍊 熱柑桔檸檬跟餐✨酸酸地但都好甜.🐷🧵 滷水豬大腸 $35✨份量都幾多✨好入味✨邪惡邪惡.#101手工小火鍋 #天水圍美食 #天水圍好西 #hkfoodie #tgead台式 #黃色經濟圈 #天水圍黃店…查看更多