龍鳳食堂

今日去左荃灣工廠區入面既一間餐廳，環境同食物都好有懷舊冰室既感覺我地本身諗著都係坐底食午餐，但係整整下都夠鐘食下午茶，索性叫下午茶，呢到既下午茶真係超抵，30幾40蚊就得我地分別叫左西炒飯同埋窩蛋免治牛肉飯，西炒飯炒得好有獲氣，而且都有好多料，有腸仔，蛋，火腿，蕃茄等等，飯都炒到粒粒分別，唔會太油又唔會太乾，大廚有啲功力! 窩蛋免治牛肉飯而家出面都唔係好多茶餐廳有做，呢到仲有得食，上黎個陣見唔到隻蛋仲以為佢漏左，點知原來佢係放左係啲飯入面，真係估佢唔到，免治牛肉好夠味，加埋中間隻窩蛋，蛋黃流出黎包著牛肉同埋飯一齊攪勻，一啖食落去，個味道同口感真係好正我地仲叫咗個咖哩牛肉煲，呢個煲黎到個陣好香，咖哩味濃郁，牛肉本身有煎過，所以有少少脆口既感覺，但又唔會好韌，都仲好軟嫩，食落去好有口感，掛埋咖哩汁，好送飯最後我地仲叫左去懷舊餐廳必叫既瑞士雞翼，雞翼完全入曬味，瑞士汁個種甜甜地既味真係好令人懷念，而且雞翼煮到好淋，基本上唔使咬都已經可以啃到舊骨出黎，好出色! 我地仲特登再叫多4隻食!整體來講，呢到既野食味道好好，價錢都好抵，絕對適合做平時既飯堂!…Read More

中午lunch time叫了盒海鮮炒飯，一打開已心知不妙，一陣濃味⋯還希望這個色水是xo醬的問題。吃一啖便證實了整個飯的確炒濃了，可看到有部分飯粒都變焦了。每次都是份量多也沒用，每啖都是苦味，吃不下去，最後全掉了。計上次叫個滑蛋叉燒飯，來到是膠水蛋花汁的，今次第二次中招了。想幫襯返香港小店，但有些店真的不了。…Read More

📍龍鳳食堂 (荃灣)荃灣沙咀道26-38號匯力工業中心地下3號舖🥬 椒絲腐乳炒時菜腐乳味夠濃，鹹香入晒菜芯，椒絲又唔會太辣，啖啖都好惹味。炒得啱火，菜唔會淋晒，仲保持到爽口，配飯一流，簡單又有層次。🐂 黑椒牛柳牛柳炒得啱啱好，唔韌又有肉汁，黑椒香味夠勁，唔會搶晒牛味。啖啖都好有鑊氣，送飯一流，食完仲有少少辣勁留喺口腔度。🍳 蔥油牛扒煎雙蛋飯牛扒煎到外脆內嫩，蔥油香味滲晒落飯，雙蛋煎到邊脆心流，撈埋飯一齊食真係冇得輸。份量夠足，食完超滿足。🐖 避風塘豬扒炒出前一丁豬扒炸得香脆，避風塘蒜香超惹味，炒埋出前一丁真係邪惡到爆。每啖都有蒜香、辣味、脆口感，食完唔捨得停口，罪惡感滿分。🧊☕ 凍檸啡咖啡香濃，加埋檸檬清新酸香，飲落有層次感，唔會太甜又唔會太酸。冰凍爽口，醒神之選，夏天飲一啖即刻精神晒。🧊🍋 凍檸茶茶底夠香，檸檬味清新，甜度啱啱好，唔會搶晒茶味。冰凍爽口，飲落好解渴，係茶餐廳必點之選，簡單但唔平凡。回頭:yes yes!!!!真係好岀色！勁有鑊氣同埋份量都好足😋😋😋…Read More

荃灣嘅龍鳳食堂，我同同事成日lunch 都會食佢，近公司而且食物又有鑊氣。平時趕工就買外賣返office食。主打港式家常小炒同飯類，味道地道又夠味，我最推薦嘅係「生炸雞髀太陽蛋蔥油飯」。雞髀炸得香脆，外皮金黃鬆化，咬落去卡滋卡滋聲，裏面雞肉依然嫩滑多汁。太陽蛋煎得岩岩好，蛋黃半溶半熟，撈飯食特別滋味。蔥油飯就咁食都好味，蔥香油香，邪惡好滋味。同事就相對無咁邪惡，揀左「豉椒豆卜滑雞飯」，滑雞真係好滑嫩，而且份量好多，豆卜吸滿咗豉椒醬汁，味道鹹香帶少少微辣，十分惹味好送飯。飲品要咗杯「紅豆冰」，紅豆煮得夠綿密，冰涼入心，喺食完熱辣辣嘅午餐後好醒胃，係一個好好嘅結尾。…Read More

今日出黎荃灣做野，搵到呢間街坊飯堂！裝修懷舊似舊式冰室，一入去聽到啲熟悉既吵雜聲勁有feel，廚房仲要聞到勁香蒜味，果然係平民美食基地💥🍜 避風塘豬扒炒公仔麵邪惡度爆錶！公仔麵炒到好彈牙，重點係鋪到滿瀉嘅黃金炸蒜😍蒜香味勁濃，豬扒大件得黎好軟身，夾埋炸蒜一齊食脆卜卜夠晒咸香，食到停唔到口🫶🍚 避風塘揚州炒飯將經典再上一層樓！炒飯底好乾身，蛋絲蝦仁叉燒料足，靈魂係面頭嗰浸避風塘蒜酥，撈勻之後每啖飯都有脆蒜，鑊氣直逼大排檔，必試🔥🐮 黑椒牛柳驚喜之作！牛柳唔係薄切欺場，厚肉咬落鬆軟，黑椒汁辛香濃稠唔死鹹，洋蔥青椒爆炒索盡醬汁，送飯簡直無敵☕ 紅豆冰鴛鴦懷舊野必似！啡茶比例順滑唔澀，底層綿密紅豆蓉甜度剛好，撈勻飲有咬口又解辣，冰涼透心❄️…Read More

## 食評：荃灣龍鳳食堂今日我喺荃灣南豐紗廠附近，去咗一間工廠大廈食堂買外賣。餐廳環境寬敞，帶有懷舊風格，令人感到親切。### 食物1. **黑椒牛柳**： - 呢個小菜做得唔錯，黑椒汁香濃，牛柳肉質鮮嫩，帶有明顯的牛味，份量亦夠，用黎送飯非常合適。2. **鴨腿湯飯**： - 湯嘅味道唔錯，鴨腿肉質多汁，份量充足，配搭白飯食落去十分滿足。3. **芝士蝦球燴飯**： - 味道有啲出乎意料，唔算特別驚喜，但總體來講味道還可，蝦球的芝士味道適中，配搭米飯都幾合襯。4. **豬扒太陽蛋蔥油飯**： - 豬扒份量大，肉質亦算不錯，配有兩隻太陽蛋，蛋黃流心，搭配蔥油非常香，整體味道令人滿意。### 總結整體來講，呢間平民食堂性價比非常高，食物質素穩定，適合想快速解決一餐的人。下次再來試試其他菜式！…Read More

荃灣好多地道嘢食，朋友話有間叫龍鳳食堂嘅餐廳係佢嘅飯堂，咁我就嚟試吓叫咗個生炸蔥油雞髀配煎雙蛋飯，個雞髀不愧係生炸，炸得極之香脆可口，而且雞肉好入味，配埋海量嘅蔥油，令一啖接着一啖，好好食；另外叫咗個鹹魚雞粒炒飯，份量好慷慨，而鹹魚同雞粒都好多，成個飯好飽肚；佢呢度有個好出色嘅避風塘豉油王炒麵，對於我呢個避風塘愛好者嚟講真係一大福音，毫不猶豫之下就叫咗，個炒麵上面鋪滿咗好多嘅炸蒜，微辣之餘又非常惹味，我好快就將成個炒麵食晒；最後叫咗個豆腐煲，入面有好多冬菇同炆得好入味嘅豆腐，用嚟送飯真係一流呢間餐廳嘅食物好多樣化，除咗我以上所叫嘅食物之外，佢哋仲有芝士撈麵等香港特色嘢食，味道好出色，嚟到荃灣一定要食…Read More

今日你荃灣諗住去工業區嗰邊去探個朋友，佢唔得閒落嚟食飯，唯有我喺附近買幾個飯上去食。見到呢間龍鳳食堂第一個感覺比我係覺得啲炒粉麵飯應該係會好好食，所以我就揀咗幾個買外賣。第一個係好多人都鍾意食嘅楊州炒飯，楊州炒飯看似好簡單可以炒到，但係炒得又香又好味唔係人人做到，呢個飯食落真係有嗰種好香嘅味而且好多配料，第二個係星洲炒米，呢個星洲炒米，首先佢唔會炒到啲粉一嚿嚿，而且個辣度啱啱好，跟住我見到餐牌吸引到我嘅呢兩個係甜豉油滑蛋蝦仁飯、甜豉油滑蛋叉燒飯，我朋友一打開個飯盒就話好吸引，冇諗過連外賣上嚟都有好想食嘅感覺，呢兩個飯嘅甜豉油調到個味非常非常之正，而且個蛋係剛剛好唔會太熟又唔會好生，當然滑蛋同叉燒都係好味。…Read More

平時叫外賣都會叫呢間茶餐廳今日經過 就一於試吓堂食門口有好多eye catching嘅poster 入到去有一行卡位 再有一啲對住坐嘅位一坐低 職員就會比低中湯同埋一杯水湯好足料 有豬骨 紅蘿蔔 同埋啲瓜餐牌有午市快餐 每日都有唔同款亦都有得叫小菜 又或者即炒今日堂食 就叫咗一啲平時外賣少叫啲嘅嘢食芝士蝦球燴伊麵 紅豆咖啡芝士醬好足 一定夠撈個麵個伊麵唔會煮到太腍太爛 食落去反而有少少煙靭而芝士蝦球 啲蝦都算大隻同埋彈牙仲有青椒同洋蔥做配料 食落去唔會太熱氣 芝士又唔會好膩好咸紅豆同咖啡都好夾 咖啡唔會太苦太濃飲落會偏甜 可能因為有紅豆嘅關係避風塘豬扒炒公仔麵 凍奶茶表面已經好多避風塘碎碎食落去好有鑊氣 有好多塊嘅豬扒仲有啲炒銀芽 個麵炒得乾身 所以食落去唔會好油 而個味就有少少似平時食炒麵嘅味 但就多咗避風塘嗰陣辣辣地 脆脆地嘅味好滿足凍奶茶係港式茶餐廳風格夠茶味 夠大杯食食吓夠兩點見到佢哋有下午茶平時好多茶餐廳都要2:30先有但呢度兩點就已經有啦忍唔住叫咗好耐冇食嘅西多士係傳統港式下午茶 多士中間有花生醬佢仲成支蜜糖俾我哋加另外試埋佢哋嘅瑞士雞翼配雜果沙律瑞士雞翼好入味 甜甜地咁雞翼都好大隻雜果沙律係傳統沙律醬撈但佢又唔會多到好膩嗰隻份量啱啱好 食落去好Fresh 茶餐廳黎講 呢間真係又抵食又好味講緊嘅係搵返傳統嘅港式茶餐廳味…Read More

行完南豐紗廠，喺附近覓食，見到龍鳳食堂，比餐牌嘅設計吸引住，用咗香港懷舊特色嘅設計 今次叫咗兩款小菜，味道都不錯啫啫雞煲：雞煲嘅材料都算豐富，有洋蔥、冬菇、叉燒（唔知點解有叉燒），當然唔少得嘅係雞肉啦，仲有少許蔥花作點綴，雞的味道濃郁，雞肉食落去亦嫩滑，不過略嫌太多油中式牛柳：份量好多，食極都食唔晒，牛柳整得軟淋淋，多汁，配上啱啱夠熟嘅洋蔥，令牛柳帶上少許洋蔥味，必叫嘅菜式最後豪爽地叫咗兩杯紅豆冰同紅豆咖啡冰，跟餐加$8，結束完美的一天！…Read More

最近我同朋友去咗龍鳳食堂呢間港式茶餐廳，喺荃灣工廠區入面，估唔到午巿咁旺場，座無虛席！我哋叫咗個沙嗲肥牛煲，肥牛份量超多，配菜仲有好多青椒同洋蔥。肥牛煮得剛好，肉質滑嫩，加上沙嗲醬嘅香味，食落去真係好過癮🥩🫑🧅 轉套餐只需加$8，就有例湯、大大碗白飯同飲品。例湯係合掌瓜湯，清淡又滋補，夏天飲啱哂。我仲加咗$6轉特飲，揀咗紅豆冰少冰，甜度適中，飲落去清涼消暑，非常合心意🫘🥛另外，我哋仲叫咗魚香茄子煲，味道同樣出色，茄子炒得軟熟入味，魚香醬嘅風味非常濃郁，配埋白飯食真係好味到不得了！轉套餐都係加$6，實在抵玩。我哋仲點咗蒜蓉炒時菜，菜心炒得脆口，佈滿蒜香，真係啱食又健康🥬最後一讚店員嘅服務態度，朋友唔小心倒瀉水，好細心咁用布幫我哋抹乾👍🏻…Read More

工作關係成日會經過荃灣工廠區，今日經過一間餐廳比門口芝士控同避風塘炒粉麵飯吸引到。入到去係傳統工廠食堂格局，裝修簡單，見到好多舊式可樂擺設，令人感覺好親切。呢度嘅客人多數係附近工廠嘅工友，午膳時間好熱鬧。🥰中式芝士燴雞扒飯 🍚🧀中式芝士即係酒樓芝士焗龍蝦嘅芝士，估唔到呢度都食到!雞扒煎得外脆內嫩少少燶，每一啖都充滿邪惡芝士嘅濃香。叫完飯先知可以轉伊麵，下次唔使去酒樓啦。🤤京都豬扒 🍖京都豬扒香脆，外層焦香，內裡嫩滑。豬扒嘅醬汁甜中帶鹹，味道層次分明。仲要大大碟上，食完真係好滿足。🤯紅豆冰 🍧天氣開始熱，叫紅豆冰真係爽到爆！紅豆得好淋，但唔係好甜，配上碎冰，食落清涼解渴。童年回憶返晒嚟。💸紅豆鴛鴦 ☕️紅豆鴛鴦融合咗紅豆嘅香甜同奶茶順滑同咖啡香濃，口感滑順，甜中帶微苦，層次分明。諗諗下我好似一次過飲咗3杯飲品。🤤餐廳絕對足料但唔貴，兩個人食完飽到上心口夜晚都唔使食。好想返嚟再試試避風塘炒麵。…Read More

早餐有幾款供應到11:30，但11點左右已經見到店員開始準備大量外賣午餐，睇嚟附近打工仔都好支持龍鳳食堂！豐盛早餐昜粉麵套餐、歐陸海陸空早餐、超値單拼套餐、輕食早餐歐陸早餐有配埋炒蛋，茄汁豆同多士，可以加錢轉菠蘿包；單拼湯麵高質抵食，香煎豬扒分開上唔會浸到冧晒輕食套餐有包、多士、蘿蔔糕等等，朋友叫咗沙嗲牛多士同鹹牛肉炒蛋多士都非常足了！最特別係餐飲可以轉配紅豆奶茶同紅豆咖啡（圖為紅豆齋啡），落咗好多紅豆但唔會太甜，為早餐畫上完美句號另外朋友叫嘅檸水都有三大塊新鮮靚檸檬好足料…Read More

食堂味道，堂食可能更美味 📍地點：荃灣🍽️菜式：港式💰人均消費：午餐 HK$~🔖服務費/ 茶芥：✅ / ❎（💰HK$_位）🧻餐巾/ 濕紙巾：✅ / ❎🪑座位類型：方枱/ 長枱 / 卡位 / 吧枱 / 圓枱 / 外賣📝落單方式：侍應生落單 / QR code落單 / 平板落單 / 點餐紙落單免費🅿️：❎ 【乾炒豬扒公仔麵、紅豆奶茶】💰HK$54+8炒麵味道夠而且乾身，豬扒有先走油而且份量多。紅豆奶茶，紅豆煮到爛，必點！ 【福建炒飯】💰HK$56香港特產，福建炒飯。材料多樣，蛋炒飯底。 【肉醬意粉】💰HK$48蕃茄醬調得好有層次，應該有不同香料加進去。意粉絕對是茶餐廳風味，又挺有味道。 【生炒雞絲飯】💰HK$51材料充足有蛋香，炒得有鑊氣。 #foodcourt #foodxcourtx #foodxcourtxTW#荃灣搵食地圖 #荃灣美食 #荃灣 #港式 .@龍鳳食堂🏷️沙咀道26-38號匯力工業中心地下3號舖…Read More

荃灣龍鳳食堂，午市快餐有好多選擇，送例湯及熱飲，另外仲有各式炒粉麵飯、咖喱、中式芝士燴飯、素食粉麵、龍鳳獨家避風塘、港式扒飯餐、蔥油飯/麵、小炒、蒸類、煲仔，全部即叫即做。豉椒豆卜滑雞飯：滑雞炆得入味，豆卜吸收晒豉椒既味道，一Ｄ都唔咸，而且調配得恰到好處，超級惹味，真係可以撈多碗飯。黑椒汁雙漢堡扒餐肉腸仔飯：漢堡扒煎得焦香，我最鍾情黑椒汁既辛香但不嗆喉既口感，百吃不厭。咖哩生炒牛肉飯：米粒加左咖哩汁炒，每一粒都香到不得了，牛肉雖然都係用咖喱炒過，但入口仍然好嫩好多汁，咖喱令整個炒飯特別有風味。生炸雞脾太陽蛋蔥油飯：大大隻既炸雞脾，咬落去脆卜卜，雞皮酥脆，裡面既雞肉非常嫩滑，配上太陽蛋、蔥油和濃稠既黑豉油，滋味無比。西多士：炸至金黃香脆，蛋香味濃，在進食前塗上厚厚既牛油及香甜既糖漿，既邪惡又美味。總結，以茶餐廳價錢，食到有水準既食物，而且份量十足，值得推介。…Read More