龍鳳食堂

今日去左荃湾工厂区入面既一间餐厅，环境同食物都好有怀旧冰室既感觉我地本身谂著都系坐底食午餐，但系整整下都够钟食下午茶，索性叫下午茶，呢到既下午茶真系超抵，30几40蚊就得我地分别叫左西炒饭同埋窝蛋免治牛肉饭，西炒饭炒得好有获气，而且都有好多料，有肠仔，蛋，火腿，蕃茄等等，饭都炒到粒粒分别，唔会太油又唔会太干，大厨有啲功力! 窝蛋免治牛肉饭而家出面都唔系好多茶餐厅有做，呢到仲有得食，上黎个阵见唔到只蛋仲以为佢漏左，点知原来佢系放左系啲饭入面，真系估佢唔到，免治牛肉好够味，加埋中间只窝蛋，蛋黄流出黎包著牛肉同埋饭一齐搅匀，一啖食落去，个味道同口感真系好正我地仲叫咗个咖哩牛肉煲，呢个煲黎到个阵好香，咖哩味浓郁，牛肉本身有煎过，所以有少少脆口既感觉，但又唔会好韧，都仲好软嫩，食落去好有口感，挂埋咖哩汁，好送饭最后我地仲叫左去怀旧餐厅必叫既瑞士鸡翼，鸡翼完全入晒味，瑞士汁个种甜甜地既味真系好令人怀念，而且鸡翼煮到好淋，基本上唔使咬都已经可以啃到旧骨出黎，好出色! 我地仲特登再叫多4只食!整体来讲，呢到既野食味道好好，价钱都好抵，绝对适合做平时既饭堂!…Read More

📍龙凤食堂 (荃湾)荃湾沙咀道26-38号汇力工业中心地下3号舖🥬 椒丝腐乳炒时菜腐乳味够浓，咸香入晒菜芯，椒丝又唔会太辣，啖啖都好惹味。炒得啱火，菜唔会淋晒，仲保持到爽口，配饭一流，简单又有层次。🐂 黑椒牛柳牛柳炒得啱啱好，唔韧又有肉汁，黑椒香味够劲，唔会抢晒牛味。啖啖都好有镬气，送饭一流，食完仲有少少辣劲留喺口腔度。🍳 葱油牛扒煎双蛋饭牛扒煎到外脆内嫩，葱油香味渗晒落饭，双蛋煎到边脆心流，捞埋饭一齐食真系冇得输。份量够足，食完超满足。🐖 避风塘猪扒炒出前一丁猪扒炸得香脆，避风塘蒜香超惹味，炒埋出前一丁真系邪恶到爆。每啖都有蒜香、辣味、脆口感，食完唔舍得停口，罪恶感满分。🧊☕ 冻柠啡咖啡香浓，加埋柠檬清新酸香，饮落有层次感，唔会太甜又唔会太酸。冰冻爽口，醒神之选，夏天饮一啖即刻精神晒。🧊🍋 冻柠茶茶底够香，柠檬味清新，甜度啱啱好，唔会抢晒茶味。冰冻爽口，饮落好解渴，系茶餐厅必点之选，简单但唔平凡。回头:yes yes!!!!真系好岀色！劲有镬气同埋份量都好足😋😋😋…Read More

荃湾嘅龙凤食堂，我同同事成日lunch 都会食佢，近公司而且食物又有镬气。平时赶工就买外卖返office食。主打港式家常小炒同饭类，味道地道又够味，我最推荐嘅系「生炸鸡髀太阳蛋葱油饭」。鸡髀炸得香脆，外皮金黄松化，咬落去卡滋卡滋声，里面鸡肉依然嫩滑多汁。太阳蛋煎得岩岩好，蛋黄半溶半熟，捞饭食特别滋味。葱油饭就咁食都好味，葱香油香，邪恶好滋味。同事就相对无咁邪恶，拣左「豉椒豆卜滑鸡饭」，滑鸡真系好滑嫩，而且份量好多，豆卜吸满咗豉椒酱汁，味道咸香带少少微辣，十分惹味好送饭。饮品要咗杯「红豆冰」，红豆煮得够绵密，冰凉入心，喺食完热辣辣嘅午餐后好醒胃，系一个好好嘅结尾。…Read More

今日出黎荃湾做野，揾到呢间街坊饭堂！装修怀旧似旧式冰室，一入去听到啲熟悉既吵杂声劲有feel，厨房仲要闻到劲香蒜味，果然系平民美食基地💥🍜 避风塘猪扒炒公仔面邪恶度爆表！公仔面炒到好弹牙，重点系铺到满泻嘅黄金炸蒜😍蒜香味劲浓，猪扒大件得黎好软身，夹埋炸蒜一齐食脆卜卜够晒咸香，食到停唔到口🫶🍚 避风塘扬州炒饭将经典再上一层楼！炒饭底好干身，蛋丝虾仁叉烧料足，灵魂系面头𠮶浸避风塘蒜酥，捞匀之后每啖饭都有脆蒜，镬气直逼大排档，必试🔥🐮 黑椒牛柳惊喜之作！牛柳唔系薄切欺场，厚肉咬落松软，黑椒汁辛香浓稠唔死咸，洋葱青椒爆炒索尽酱汁，送饭简直无敌☕ 红豆冰鸳鸯怀旧野必似！啡茶比例顺滑唔涩，底层绵密红豆蓉甜度刚好，捞匀饮有咬口又解辣，冰凉透心❄️…Read More

## 食评：荃湾龙凤食堂今日我喺荃湾南丰纱厂附近，去咗一间工厂大厦食堂买外卖。餐厅环境宽敞，带有怀旧风格，令人感到亲切。### 食物1. **黑椒牛柳**： - 呢个小菜做得唔错，黑椒汁香浓，牛柳肉质鲜嫩，带有明显的牛味，份量亦够，用黎送饭非常合适。2. **鸭腿汤饭**： - 汤嘅味道唔错，鸭腿肉质多汁，份量充足，配搭白饭食落去十分满足。3. **芝士虾球烩饭**： - 味道有啲出乎意料，唔算特别惊喜，但总体来讲味道还可，虾球的芝士味道适中，配搭米饭都几合衬。4. **猪扒太阳蛋葱油饭**： - 猪扒份量大，肉质亦算不错，配有两只太阳蛋，蛋黄流心，搭配葱油非常香，整体味道令人满意。### 总结整体来讲，呢间平民食堂性价比非常高，食物质素稳定，适合想快速解决一餐的人。下次再来试试其他菜式！…Read More