龍鳳店

营业中

休息中

最近去了一間很有特色還有朋友推薦，而且覺得區外人可以慕名而來的食店。龍鳳店的炒雞蛋夾三文治絕對是創意之作，多款樽仔奶茶也吸引開下午一點，如果想堂食一定要早點去等位，因為只有兩張桌子。很好彩在老闆準備開門時剛到還沒有人排隊之後聽就算買外賣都要等45分鐘。蛋治每款看起來都有興趣想試，不怕吃太飽也可以選蛋包飯喔！若果惠顧蛋治，樽仔奶茶和指定飲品均有減$5的優惠。樽仔奶茶有好幾款，價錢由$25至$38，不同的茶底亦有少甜和無糖的選擇。我選 雀舌奶茶 ($32) 能用齒頰留香來形容，茶的味道鮮爽回甘，很適合夏天喝。如果想更感受獨特濃郁的茶香氣，建議選少甜，口感亦很順滑。因為每樽奶茶看起來都一樣，所以樽身有寫英文字母標記。1S是 少甜世一港式奶茶 ($38)，JS是 少甜白蘭翠玉奶茶 ($32)見有些不想等外賣都直接改成買奶茶，可見魅力有多大！平時我們吃的蛋治都是麵包夾著滑蛋，但這裡的蛋治則是相反。黑松露大啡菇蛋治 ($68) - 很香的黑松露放在很嫩滑的滑蛋山上！一切開便看到變得很濕潤的麵包和濃厚多汁的大啡菇，味道較另外點的兩款淡味點。蟹膏蛋治 ($58) - 滑蛋上換成蟹子，蟹膏的味道不明顯，

呢間店都開左好耐，有一次朋友介紹我嚟食我先知原來呢間咁好食，而且好有特色蟹膏蛋治真係好好食啲蛋好滑，加埋樽仔奶茶更加正雖然啲樽仔奶茶唔算好平，都廿幾蚊，但真係好好飲，茶底香，又有唔同味揀。

🔅🔅🔅🔅🔅🔅🔅🔅總分: 4/5 (經過嘅話一定會再食！)推薦俾:鍾意滑蛋嘅人 🍳🍳🍳🍳🍳🍳🍳🍳🔅鵝肝蛋治 ($78)正常嘅蛋治都係麵包包住蛋但係佢係蛋包住麵包 (講到1999)如果要話味道係咪十分特別其實又唔係但係佢嘅炒蛋整到好滑 份量好足配埋鵝肝多士好有幸福感！🥪🥪🥪🥪🥪🥪🥪🥪地址: 龍鳳店 (元朗)元朗水車館街66號錦榮大廈地下3B號舖環境嚟講~依間真係小店嚟啲位會比較迫唔會話十分好坐同埋比較少位所以都唔可以食完坐喺度吹水太耐但老闆好好服務~

元朗的龍鳳店非常出名！要有緣先食到！鰻魚蛋治真材實料，鰻魚入口即溶，很有口感，亦很少刺骨；配上嫩滑的蛋及香草，非常香噴噴！最重要蛋是不老！鰻魚份量很多很滿足啊！

都係低醣外食之選，因為可加$10轉燒豆腐這裡的蛋治很有創意及特式是用香滑的雞蛋覆蓋住各種三文治蛋很滑而且份量又十足蛋控必試😋其中皇帝蟹棒加了$10轉燒豆腐兩塊燒豆腐夾住蟹棒，很特別，一樣好食另外此店有很多口味既樽仔奶茶都值得一試！

甚少踏足元朗國，黎親都要openrice一下。碌碌下俾我見張full of 滑蛋，但叫自己做蛋治嘅相😆咁新奇有趣，又有咁多like （118😋35🆗5🥲）梗係要試下啦😈黎到係有少少意料之外：因為我掛住睇食物相，無睇餐廳環境，以為賣呢d gimick野應該係cafe chill~chill~chill~~~點知原來係轉角小小店🤭餐廳其實只有兩張小檯，所以更多嘅人會選擇外賣，但我好好彩，黎到唔洗多等就入座🥳店員熱情招呼👍👍👍👍對於有選擇困難症嘅我黎講，呢到簡直係萬丈深淵，因為淨係蛋治已經有12款，而奶茶更加係有3X款唔同茶底唔同甜度🤯🤯🤯無睇錯‼️係3X款奶茶‼️店仔細細，竟然有兩個大雪櫃排滿奶茶，睇到奶茶控嘅我對眼bling~bling~bling💖蟹膏蛋治- 蟹肉蟹膏混和特色燒汁烹煮，夾響麵包中間，再蓋上厚厚滑蛋，灑上蟹籽同飯素，妙呀🤩妙呀😋😋😋蟹膏份量其實唔多，但已經足夠濃味😉雖然內涵比較濕，但配上滑蛋、同索索聲嘅蟹籽，食落唔會覺得膩🙂加上有飯素加持，都幾難同唔好食扯上關係🤣鰻魚蛋治- 因為深怕鰻魚味喧賓奪主，我放棄左厚切版😝試左個普通版🤓我覺得自己無揀錯架😎鰻魚汁嘅甜味實在太搶fo，如

😋味道：9/10🗣服務：9/10 🏡環境：5/10🤩特色：9/10💵人均：$70-100💰性價比：7.5/10👍🏻推薦度：9/10.🐼原來巴斯光年嘅三文治一早已經有😆元朗嘅呢間人氣小店有好特別嘅蛋治~ 最出係一層澎湃嘅炒滑蛋包住 入面就係麵包同各種涵🤤定價有啲高 不過特別得嚟味道質素都好唔錯 而呢度嘅特色奶茶都好好味😋而且服務禮貌都好 不過真係要預咗係小店 店面面積好細 入面得兩張枱同2個人煮 要等好耐🥲.（👍🏻為推薦） 👍🏻🦀蟹膏蛋治 $68 (9/10)上枱已經流晒口水🤤炒蛋好澎湃 熱辣辣出晒煙🌫味道的確好出色 炒蛋好滑中間有一層麵包同燒過嘅蟹柳😍麵包雖然稔稔地 但索晒蟹膏同滑蛋嘅汁都幾好味😙蟹膏唔算好濃 但配合成個蛋治食仲有蟹籽紫菜同木魚碎 感覺好match同埋都幾飽肚😛🐟龍鳳鰻魚蛋治 $40 (8/10)都係一樣咁澎湃🤩中間有一層鰻魚同麵包鰻魚就相對較薄 不過燒到微焦好香🥰層次上就冇蟹膏咁豐富~👍🏻☕️伯爵奶茶 $25 (餐：蛋治+飲品$20) (8.6/10)呢度嘅奶茶全部都係用膠樽仔裝住 一支支排好喺雪櫃好得意🤣味道好濃好香 口感順滑對比平時嘅奶茶多左份幽香 唔會死甜😋🌹玫瑰

-{元朗蛋治小店😙}之前黎過但疫情嚴重冇開🥺再訪終於有開！🤤龍鳳鰻魚蛋治🤤($58)要左厚切嘅鰻魚蛋治🥳鰻魚有少少刺不過吞倒嘅！係蛋夾麵包 蛋的確好滑😋但比想像中普通👀👖褲評: 7/10整體黎講偏貴🥺質素正常啦 下次會就咁試個奶茶😂性價比: 5.5/10服務: 8/10環境: Nil🚩 龍鳳店 🚩地址: 元朗水車館街66號錦榮大廈地下3B號舖 #fuudjai #fuudjai元朗 #fuudjai港式

滑蛋三文治就食得多～但呢間喺元朗嘅蛋治就真係好特別！佢係用炒滑蛋嚟包住三文治🥪揀咗蟹膏蛋治🦀面頭鋪滿晒蟹籽、紫菜同芝麻 切開中間仲夾住好多蟹膏同蟹柳 食落真係好鮮甜😍

今次已係第2次食龍鳳店. 雖然店內堂食位置很少, 但上次一試難忘! 蛋治足料豐富, 與其他朋友share, 一共嘗了4款: 蟹肉蛋治、鰻魚蛋治、鵝肝蛋治及芝士肉鬆蛋治. 全部都好好味! 個人最鐘意蟹肉及鵝肝蛋治 再加埋好多款好特別的香滑奶茶. 簡直充滿驚喜! 非常滿足的一餐! 入元朗搵食必到小店!

蛋治就食得多 但係用滑蛋包住三文治🥪就真係未食過😍外面嘅滑蛋真係炒得好滑 蛋味又濃🥚揀左蟹膏蛋治 入面嘅配料相當豐富有：蟹棒、蟹膏同蟹籽🦀夾埋食口感十足 而且仲相當鮮甜🤩

#ftf_元朗蟹膏蛋治 $58⭐️⭐️⭐️⭐️係蛋包住麵包嘅三文治！蛋味香濃滑溜，蟹膏蛋治入邊有埋蟹棒，配上鮮味嘅蟹膏同脆卜卜嘅蟹子，味道鮮甜，口感豐富，食落一啖都好滿足，好juicy。不過蟹膏多啲就會更好。燒汁牛肉蛋治 $68⭐️⭐️⭐️⭐️⭐️牛肉份量十足， 味道濃郁得黎又唔會蓋過蛋味，十分惹味！我同朋友都覺得燒汁牛肉好味過蟹膏蛋治，哈哈！雖然係話蛋治，但係都好飽肚！下次會想試埋鵝肝~伯爵奶茶 $25⭐️⭐️⭐️⭐️⭐️茶濃奶滑！四個字講完！整體鋪面比較細，唔係咁多位坐，而且都有啲逼，想回頭都唔係咁容易，哈哈！回頭率🤡🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

專程入元朗搵野食, 去到聞名嘅龍鳳店都預左要排隊, 鋪面細細得兩枱, 更多人係排隊外賣. 最後等半個鐘坐底慢慢嘆. 蟹膏芝士蛋治上面鋪左唔少蟹子, 蛋包住好多蟹柳同塗上蟹膏的多士, 除左滑滑的炒蛋, 仲食到蟹柳同蟹膏甘香, 如果蟹膏再多啲就更好. 厚切鰻魚芝士蛋治除左啖啖滑蛋鰻魚, 芝士味亦相對較突出, 味道都好豐富. 最後再配埋馬騮搣奶茶, 茶味ok唔會澀又夠滑, 相當不錯, 餐牌仲有其他茶味奶茶我覺得都值得試下. 一路見老闆都做到無停手, 所以無論堂食或者外賣去要預時間等餐.

公眾假期一嚐元朗名店，等左40分鐘先叫到外賣要一讚佢有生酮飲食之選，可以將麵包加$10轉成燒豆腐我哋叫咗一個蟹膏蛋治（$58）和厚切鰻魚蛋治轉燒豆腐（$68)，一支普通奶茶和一支少甜馬騮搣奶茶估唔到燒豆腐比想像中有口感。雞蛋好滑，蟹膏蛋治入邊仲有蟹棒，醬汁好香👍🏻奶茶都做到好有茶香👍🏻

放假終於有時間入元朗呢日公眾假期，大約3：45去到，前面有兩枱客等緊，好彩唔洗等好耐，等咗15分鐘左右就有位雖然鋪頭細細，但都幾乾淨，而且冷氣充足，每張枱仲有紙嘅口罩套比食客用，設備幾齊全😂✌嗌咗一份汁燒牛肉蛋治，一份蟹膏蛋治，一樽泰奶少甜，一樽桂花烏龍少甜首先黎咗蟹膏蛋治，睇賣相已經好吸引～雖然我ff too much, 其實原來切開唔會流心😂但無阻我嘅期待～蛋好滑好嫩，蛋下面真係見到一梳梳嘅蟹肉！蟹膏就搽咗喺方包上面，份量都唔辜寒架！食落蟹膏味幾出，但又唔會覺得膩～撈埋灑喺碟邊嘅飯素，增添少少鹹香，又唔會話搶咗蟹味👍之前見到有留言話塊包冇烘過，比塊蛋蓋住淋哂唔好食…但我覺得蛋+包+蟹肉都一樣咁柔軟，咁先好食，而且因為口感一致，所以先易入口👍當然如果鋪頭可以提供加錢烘底服務，相信唔少人都會試下～男友叫嘅汁燒牛肉蛋治～呢款醬汁味同肉味再濃啲，食落都幾惹味，牛肉唔鞋，大小都切到剛好，女士食都唔怕食到狼狽🤘泰式奶茶同桂花烏龍奶茶，兩樽都叫少甜，但感覺上桂花嗰樽再甜啲泰奶用泰國出名嘅手標牌茶葉沖，好香👍而且比起喺泰國/香港賣嘅泰奶真係少甜，易入口好多👍係我飲過甜度最適中嘅泰奶👍桂花烏龍都唔錯