龍鳳店

营业中

休息中

想去👌🏻耐，之前去到，因為星期三休息所以食吾到。今次終於食到！ 試左佢既蟹膏三文治同樽仔伯爵奶茶少甜(ES) :三文治幾香，塊包搽滿蟹膏，入面D蟹柳用火槍燒過，蛋又好滑，好正！👍🏻👍🏻👍🏻樽仔伯爵茶，好濃茶味！下次試吓其他味先。有糖，少糖，無糖選擇！店內得2張枱，空間不大。尼度食物是即叫即整，真係要等一陣間先有得食，見到對面個客食鰻魚飯，好似好正咁，下次又去試試！PS . 老細見有個客比人抄咗牌，自己吾收個客枝奶茶錢，話幫補下，🥹。 香港仲有人情味！ 叫三文治 / 飯 ，野飲減$5 ！

🚩🚩冇得輸嘅龍鳳店🚩🚩馳名不同茶底既香滑香濃奶茶❤️鍾意飲奶茶嘅，不妨來元朗龍鳳店飲返樽仔奶茶，仲可以配上非一般滑蛋三文治🥪😋龍鳳峽/白蘭翠玉/桂花烏龍/伯爵茶/港式不同奶茶都可以選擇不同甜度（正常/少甜/無糖）價錢$25-38龍鳳蛋治鵝肝/黑松露大啡菇/汁燒牛肉/蟹膏/芝士肉鬆等 價錢$38-78

住係九龍區既我，覺得入元朗屯門都好花時間，但今次搵食搵到入元朗😗真係開心大發現!!!餐廳睇落平平無奇，甚至可能大家經過都未必會想入去，因為餐廳既座位極少，而且冇乜設計，但居然有個異想天開既發現😍因為餐廳較細，所以全程由老闆招待，服務更加格外親切，感覺好似呢度既街坊咁😂我recommend ⭐️。鵝肝蛋治 ($78) ⭐️⭐️⭐️蛋治有大約一個手掌咁大，賣相好靚，蛋整得好滑身，切開之後可以清楚睇到層次(蛋👉🏻麵包👉🏻鵝肝👉🏻麵包)，而食落都好有層次😍鵝肝煎得好香，食落入口即溶，而雞蛋既蛋香會其後係喉嚨帶返出嚟。炙燒左口魚裙邊蛋包飯 ($98) ⭐️⭐️左口魚燒得好甘香，蛋包飯既蛋依然同蛋治一樣咁滑身，上面更加有紫菜點綴，食起嚟鹹鹹地又甜甜地，入口感覺十分滿足😍Drinks 。TS 少甜泰國手標奶茶 ($27 - $5 蛋治優惠) ⭐️⭐️奶茶好滑身，茶味濃郁，而呢個係少甜，所以茶味會比較濃郁。M 馬騮搣奶茶 ($27) ⭐️⭐️⭐️奶茶好滑身，茶味超級濃，而我呢個係正常糖份，有茶既甘之後再有糖既甜，味道好豐富回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰💰(人均消費$111)環境質

好好好鐘意食鵝肝既我最鍾意食龍鳳店嘅鵝肝蛋治超足料鵝肝 我住呢到附近 龍鳳店中午開門 要早啲買 有時去到兩三點問 都話無哂😧我心諗 點解吾入多啲貨我就住得近姐 今日唔食聽日食都得如果你要食鵝肝蛋治我就建議你開鋪就嚟啦

🥪厚切鰻魚蛋治 $58炒蛋好似蛋包飯咁蓋住三文治，🥚蛋嫩滑，蛋味濃郁，芝士在蛋面，多咗份芝士獨有香味，再灑上紫菜碎。餡料有足料鰻魚，入口即化啖啖肉👍🏻多士烘過，酥脆微焦，但吸了蛋汁有少少淋質地。飲品：推薦☕️樽仔奶茶系列，店主細心係少糖同無糖之選。無糖先可以細味茶嘅甘香。店內擺滿Twinings 茶罐，可見店主都有精選過茶底。無糖白蘭翠玉奶茶$32翠玉奶茶就成日見，但加上白蘭花嘅翠玉奶茶就非常罕有，芳香回甘。無糖龍鳳峽奶茶$38台灣烏龍奶茶☺️茶香🌱值得一提🌱生酮之選，麵包可以加$10轉豆腐素食之選， 素肉鬆蛋治 / 黑松露大啡菇蛋治

難得在元朗附近行山，當然要來一趟主打流心蛋治 & 樽仔奶茶既龍鳳店🤤😍小店主要做外賣生意，堂食只有兩張枱，所以人多就未必夠位坐啦～😋鵝肝蛋治🍳🤤 $78超！足！料！炒蛋恰到好處，非常嫩滑，作為蛋控既我，係絕對既大滿足🤩😍🧋秘密代號樽仔奶茶 $25-$38超濃港式奶茶😍每種茶底都飲得出獨特的香味，想買晒咁多種黎試飲🤤仲有少甜同無糖的選擇，夠晒健康😎注意‼️千祈唔好夜晚飲，一定訓唔著🤪🤪

位於元朗嘅小店，舖頭座位唔多，等位時間比較耐，但係值得等！最出名係滑蛋分量超多嘅蛋治，發現和牛蛋包飯更出色，已經食過好多次，而家多數買外賣，唔洗咁耐。黃牛蛋包飯 $88和牛充滿油脂，入口即溶！醃料係燒汁，甜甜地，外層火炙咗有少少燶邊，好好食。蛋就唔洗多講，夠滑。個飯用燒汁炒，仲有少少牛肉粒，已encore😂鰻魚蛋治 $42你冇估錯鰻魚同麵包係麵包入面，外層全部都係炒滑蛋，入面係炒滑蛋同麵包冇得輸。因為麵包唔易切，會切到扁咗。推介指數：9/10 抵食指數：7/10

📍 龍鳳店🇭🇰 元朗水車館街66號錦榮大廈地下3B號舖難得嚟到元朗 梗係要穩下附近有乜好食😗呢間小店一直睇相都好吸引果然去到已經有啲人係度排隊😋 炙燒左口魚裙邊蛋包飯 $98個左口魚係薄切嘅 但佢好多魚油 入口即溶一啲都唔腥😚😚個飯份量好多 但就淡左少少就係白飯🤣🤣個蛋重蛋味 但都係偏淡少少 可能要自己加d調味 eg 鹽/黑椒😋 厚切鰻魚蛋治 $58 +芝士 $5鰻魚勁大舊 冇骨 好食芝士好食多士係有烘過嘅 所以少少脆但因為比d蛋蓋住 唔多唔少都會淋😋 黑松露大啡菇蛋治 $68啡菇好juicy 好正😋 世二港式奶茶 $30 少甜佢呢個係標榜濃嘅果然真係茶好濃 唔會澀 唔會濁總結 幾好食！！超級飽 好豐富

今日unch 時間諗唔到食乜，始終日日返工都係食附近既野，所以就上社交媒體睇下公司附近有咩未食過既好野食先，見到社交媒體推薦呢間近公司個名叫做「龍鳳店」，佢地賣哂廣告既招牌食物就係流心蛋三文治，相片很吸引，亦足料，所以就去試下，可能我淨係對個流心蛋有興趣啦，所以一去到就點左個蟹膏流心蛋三文治，等候時間唔算耐，黎到上台外觀一流，但我就奇怪麵包喺邊呢？原來麵包放在流心蛋下面，夾住大條蟹柳及足料蟹膏，所以係唔可以好似傳統三文治咁用手食，不過份量充味道濃，所以叫埋佢既樽仔奶茶黎試下，佢有幾隻口味既奶茶，係用唔同品種既茶葉，我自己就叫老闆推薦奶味比較重既奶茶，飲落又真係奶味好重，作為下午茶黎講，份量夠食飽有餘，所以我覺得可以翻食同介紹比同事去食下

每當區外朋友問我黎元朗要食d咩嘅時候，我都會推薦呢間龍鳳店！！雖然佢地鋪面唔大，堂食位置好少亦唔係d咩華麗嘅裝修，但勝在夠貼地，食物質素好！不過講起都真係慚愧～住左喺元朗咁耐，竟然一直都冇食過龍鳳店！所以決定約埋朋友仔一齊去試下！叫左鰻魚蛋治同鵝肝蛋治🤤炒蛋喺外面嘅蛋治真係第一次食，估唔到係咁好味！除左蛋治，當日仲叫左伯爵奶茶好好飲！好香伯爵茶味～～諗起都想再飲了🤤朋友仲買多左兩支拎番屋企飲添😆所以強烈推薦如果入開黎大西北的話 真係不妨黎試下！會有驚喜的！

好日都唔入元朗，一入就遇到間相逢恨晚嘅良心店💛鋪頭細細好易走漏眼，但其實佢哋都幾出名呢間係綠領行動💚*全民絕膠@元朗* 嘅餐廳之一，自㩦外賣盒買滿$30可以-$4❗️.小店主打創意蛋治⚠️今次試咗2款📍 蟹膏蛋治($58)/巴馬火腿蛋治 ($48)厚厚嘅香滑炒蛋🐣份量多到完完全全覆蓋下面嘅三文治🥪2層麵包分別夾住Parama ham同蟹膏蟹棒Parama ham鹹香柔軟，配埋滑蛋已經冇得輸🐖蟹個款就更加香🦀，蛋面仲要加上飯素同蟹籽🧡下層嘅蟹棒燒香過又夠大條，蟹膏唔算濃有啲可惜但整體真係好食，賣相同味道都好吸引😍

鵝肝蛋治 😋😋😋😋😋蟹膏蛋治 😋😋😋😋馬騮搣奶茶 😋😋😋😋😋伯爵奶茶 😋😋😋😋😋蛋治呢d普通野相信個個都食過，但用蛋包住麵包嘅蛋治又有冇食過呢？呢間係元朗嘅龍鳳店就係傳說中顛覆傳統整蛋治嘅小店。▪️蛋治超足料除左勁多蛋漿仲勁大塊鵝肝▫️️蟹膏蛋治裡面有好多蟹柳絲▪️️奶茶控必試佢地嘅奶茶勁多款式▫️️最好係佢地奶茶有唔同甜度仲有無糖▪️️伯爵奶茶好香伯爵味飲完個口都好香▫️️價錢公道都算抵食▪️️都有2個位可以堂食

今次介紹元朗樽仔奶茶，鐘意奶茶嘅朋友啱晒。店舖細細間，奶茶好多款，唔同味道，每款味都可以選擇無糖、少甜或正常口味，啱晒唔同人口味。買完即刻急不及待喺街邊打開支無糖白玉奶茶來飲，茶味甘甘地，奶亦都很滑，同平時飲嘅預製凍奶茶，無論在口感上及味道上都好味很多，絕對推介。另外伯爵奶茶奶香茶濃，都好好味！ 店員話奶茶可放喺雪櫃一星期内飲，適合一次過買幾支，茶癮起就開支飲。

小店中午1點開門，12:55分已經有人排隊～ 堂食只有兩張枱，所以我哋決定買上車食。蟹膏蛋治 $42滑蛋包住蟹肉蟹膏同三文治，上面鋪滿蟹子，夾埋一齊食個口感唔錯～ 價錢略偏貴🌟逢星期三休息

好耐以前見朋友大推呢間，bookmark咗兩年喇，但係元朗對我嚟講太遠，今次終於有機會試到！佢鋪面好細，只有兩張檯，名副其實嘅溫馨小店。一行到過去第一樣吸引到我嘅就係兩個放晒奶茶嘅雪櫃！奶茶控表示心心眼，好彩今日未買手搖，有quota可以試佢嘅奶茶😛企咗喺店外睇餐牌嘅時候女店員已經好熱情招呼我哋入去坐低慢慢睇，撲鼻而來嘅香味原來係老闆準備緊馬騮搣嘅茶底，我哋就被吸引咗去睇奶茶menu...不過女店員好有組織咁樣叫我哋揀咗嘢食先，奶茶可以容後等佢慢慢介紹。我哋揀咗蟹膏蛋治(+煙燻芝士)同埋鰻魚蛋燒豆腐，製作速度都幾快，佢一落枱嗰一下忍唔住「嘩」咗一聲😆 個presentation好吸引，本身唔係好肚餓都狼吞虎嚥🤣 我個人本身唔係太鍾意食蛋，但係佢個炒蛋勁出色，連我咁揀飲擇食都覺得好好食！經過女店員嘅介紹同游說，我哋都想試真啲奶茶嘅味道，所以就分別嗌咗少甜馬騮搣奶茶 同走甜世一奶茶。本身好擔心走甜會有澀味，但一啲都唔澀，完全喜出望外！（利申我平時喺出面飲手搖通常都係飲全糖🙈）女店員話如果走甜會有澀味嗰啲係唔靚嘅奶茶，呢個我哋認同。雖然啲奶茶相對上係少少貴，不過佢嘅質素絕對對得住個價錢。臨走