龍鳳冰室

之前食過蜜蒜醬燒雞脾覺得個汁好好食雖然隻脾我食左兩啖就無食 當時以為醬燒所以硬到咁今日有啲掛住個汁所以下午茶再尼食⋯今次叫左個撈面下午茶餐睇相好似好正尼到都流哂口水⋯點知⋯⋯嘩⋯我真係好想知 係咪無落味粉定點啊？完全無味的未試過食撈面食到要加茄汁加蠔油⋯我平時已經食得清淡⋯但都覺得無味:(之後再叫多左知滷水雞髀薯條⋯唔知佢地係咪有獨特既烹調方法⋯啲雞髀一如以往 硬到啊婆一食會甩牙⋯我都唔想做大哂鬼 但真係好難食⋯⋯…查看更多

咖哩牛坑腩飯，$70，招牌菜式一定要試試，咖哩很香，有點辣。牛坑腩好軟，肉份量很多，薯仔都好吃。白飯份量，我覺得有點少，不過人大了，不想吃太多。再加杯凍檸茶走甜，美好的午餐。…查看更多

番茄牛腩飯好好吃😋，牛腩松化，份量足，蕃茄唔太酸，價錢貴咗小小，約$70，包熱飲一杯，今時今日人工咁貴，都算可以接受啦！咖哩雞排飯都唔錯，雞排炸到香脆可口，只不過咖哩汁太辣了！…查看更多

係附近上完information session 路過呢間野 諗住食d野先留屋企所以就比個熱情既姨姨招左入去😂大伏，唔好試：雞脾薯條茶餐雞脾太濃味 好乾 好老 得個咸字薯條岩岩炸起 得新鮮一樣好 但係冇調味 食到好乾噌噌晚餐價$43 其實只係平左少少 內容同茶餐一樣我比盡你都得$35啦阿姨個句「冇早餐供應所以茶餐轉左做全日餐」其實唔make sense …查看更多

今日孤獨一人去食一個孤獨的午餐，自己一個行下行下見到龍鳳冰室，之前都有食過覺得幾好味，所以今日就去排隊食。雖然好多人等位，但係一個人等位唔需要等太耐就可以入座，入到去揀下揀下最終都係揀咗食雞髀蛋飯。隻炒蛋同之前一樣都係咁滑，啲汁都係咁好味，甜甜地咁，分量都算唔錯。但係今次最失望嘅就係嗰隻雞髀，隻雞髀乾到好似柴咁樣，食落去完全硬蹦蹦，乾爭爭，最終隻雞髀我只食咗三分一之後就唔食啦。飲品都係飲杯凍奶茶少甜，冇乜特別。但係今次食完之後覺得有啲失望，相信要一段時間之後先至會再食呢間龍鳳！…查看更多

平價快餐午市時段基本上都坐滿人，室內環境比較狹窄，turnover都好快，最好就快啲諗定食乜，如果唔係服務員態度就....🙈🙈🙈今次我試咗佢嘅龍鳳推介—炭燒肉鬆雞扒飯（$62）：評分：7/10 味道確實唔錯d肉鬆好好味，送飯一流！個雞扒都幾juicy. 滑蛋水準都合理. 快快趣就食完個飯😋飯可以轉配意粉，但聽朋友講啲意粉淡而無味，所以唔推薦轉意粉。加$15 試咗佢嘅招牌菠蘿冰，上面有五舊菠蘿，比我想像中多。而且啲菠蘿都甜嘅。杯嘢飲都夠晒冰涼，消暑一流午餐加特飲共$77。…查看更多

話說尋日去完書展，唔知食咩好，又行到有啲攰，想大啖肉大啖肉咁食，忽然興起想食茶餐廳喎！上網做下功課，諗住去廉記咖啡，但去到望住個餐牌都唔知食咩好......見到對面呢間龍鳳冰室，個餐牌有好吸引嘅雞髀啊豬扒啊咁，令我諗起以前好傳統嘅茶餐廳，就坐咗入去叫咗兩個餐。一個係蜜蒜雞髀配意粉，仲有一份炒蛋，上面仲有一啲急凍粟米。雞脾非常入味，唔係靠個汁勾個「獻」就當有調味，食落一啲都唔嚡，仲煎得好香口。我叫咗辣味，本來好期待，但辣味一啲都唔強烈，辣嘅程度我覺得好似三哥嘅五小辣咁。最最最抵讚嘅係佢個汁，蒜香十足，又甜甜地，鹹味啱啱好，係傳統嘅豉油汁上面再加添蒜、甜、辣，造成一個層次。唯一美中不足嘅係佢有啲油膩，應該係由於辣油造成。佢嘅炒蛋都非常之好，炒得好滑身，唔會過熟，而且好厚身，仲有好香既蛋味。要彈嘅係佢啲急凍粟米，一啲味都冇，唔知點解要架，令到呢件事錯晒...... 拎走左會令碟飯完美。另一個係特餐，湯意粉配雞蛋火腿，跟一個菠蘿包。炒蛋保持水準，一樣高質。以夜晚九點嘅菠蘿包水準黎講都還可接受，唔會太過乾身，當然我未試過係呢到朝早9 點食，水準係點就不得而知喇。呢個餐就不過不失啦，對得住價錢。整體來講，我幾推介呢間餐廳推介既食物，好味到我食到一半先記得影相，但係餐牌上面嘅其他嘢，就唔好有太大期望啦。有一個減分位，就係冷氣唔夠，一定要叫凍飲。同埋，茶餐廳地方淺窄，唔適合太細個嘅小朋友去。…查看更多

先講重點！唔好中伏！咩都好難食！諗住食個快飯去上堂 叫左個蕃茄牛肋意粉加熱檸水，心諗咁基本嘅食物唔會伏掛，點個知伏到我覺得自己唔自愛，食埋d 垃圾入肚，亦覺得自己成為唔尊重食物嘅幫兇！杯熱檸水佢用小紙杯上，唔環保之餘仲要水有怪味！個意粉仲出人意表，一個碗盛放用水煮好嘅意粉，完全零調味，基本是白烚，走油鹽！個蕃茄牛肋仲經典，牛是用水烚好，又係走油鹽，仲要走埋牛味！ 蕃茄汁如水，之後倒上去嘅，完全無同牛肉一齊煮過，個蕃茄呢，亦無同個汁一齊煮，是生切兩舊放入去，個底仲有d 雪藏薯仔！嘩，食個車仔麵，每樣餸都有自己嘅調味丫，你個意粉，同車仔麵一樣分開煮，之後擺埋就夠膽比客仔，仲要全部野無味架！收70蚊，你收我30蚊我都唔食呀！簡直是侮辱茶餐廳同冰室，你咁嘅食物，同外國唐人街d chinese food 都不如呀！！去超級市場買個幾餸飯都無咁嬲呀！…查看更多

從來未寫過食評，但真係忍唔住，完全物非所值。叫左個蕃茄牛坑腩意粉，番茄還番茄，意粉還意粉，牛腩好似煲湯啲湯渣，打番茄汁好似水咁樣。 未食過咁難食嘅蕃茄意粉。加咗18蚊跟個上湯西蘭花，點知都係冇味嘅，唔明點解可以將所有食材全部走味。以後都不會再去。…查看更多

又到放lunch時間，一如既往灣仔由pacific place行出三五條街既餐廳都係爆滿人今日就行出左好多去到呢間龍鳳冷室，聽同事講話幾出名仲有好多分店樓面裝修又幾有style 所以都好期待等左5分鐘都無就有位雖然入面有啲迫但係勝在唔會浪費lunch hour我叫左個XO滑蛋牛肉飯($62) 首先份量方面呢個飯係無得輸我諗9成人食完都會都至少一定夠飽，滑蛋份量都係，我諗應該至少用左3隻蛋。反而係牛肉比我想像中少，而且係條狀味道方面 滑蛋既味道唔算好香好出，有可能係俾啲Xo醬遮住左。成個飯係小辣既，除左頭果層滑蛋牛肉，下面層飯中間有少少汁，但又唔係好覺夠味，所以最後我問左店員拎美極，先味覺上滿足到我真係有少少失望價錢上呢間茶餐廳一定係中上，但食物質素我就認為只係中等可以一試，但一次就夠…查看更多

今晚在灣仔想食個飯，見佢門口啲飯名好似好勁咁，入去叫左個豬肶飯，加杯凍檸水個豬肶飯有三枝豬肶，唔滑，個汁其實即係豉油汁，有幾粒薯仔，幾塊洋蔥，加埋個白飯，咁就收成75蚊.......實在太唔值…查看更多

《灣仔》難食既極致，香港美食既悲哀可能鄰近遊客區關係，食物質素真係唔使keep。黑松露厚切午餐肉旋風蛋一pat咁細pat黑松露醬你收$70？OK厚切解兩件搭埋一齊叫厚切就算啦，旋風蛋就係普通滑蛋咯市民別中計。食完真係堅嬲。咖哩牛腩唔好味，咁樣茶記又係收你舊幾水，大陸遊客迫到爆佢無驚過。marketing個個自hi個個菜名巧立名目收錢係正當。香港茶餐廳真係唔好食，大陸遊客唔好上當！點解咁多大陸人鍾意食茶餐廳？係咪前世未食過好野？可唔可以俾返個未俾遊客縱壞既茶餐廳我？#hungry #香港美食 #pandaeatshk #hkfoodblogger #hkgoodeats #hkfoodblog #hkfoodie #hkigfood #全力食 #hkfoodstagram #飲食日記 #bestfoodhk #topcitybiteshk #fotdhk #hkeat #hkfood #hkrestaurant #hongkongfoodie #ufoodphoto #foodgasm #foodgasmic #相機食先 #香港美食地圖 #吃貨人生 #popyummy…查看更多

依間唔洗等太耐亦冇得坐太耐好似食快餐咁🙈不過係幾好食又幾特別嫁🤤黑魚子厚切餐肉$62 炭燒肉鬆雞扒$60，好足料好大份🤩 兩個都會配埋佢地既招牌炒蛋、飯或意粉、同埋咖啡或茶💁🏻‍♀️ 午餐肉真係好厚有兩大塊，個汁撈左肉碎，仲用醬拉左個花好格格不入😂 個雞扒好大塊呀亦煎得好香，估唔到同埋肉鬆一齊食係咁夾禾🤓…查看更多

呢間由明星開嘅餐廳都食左好多年!個人認為肉鬆雞扒飯最好食有分辣定唔辣同可以揀跟意粉雞扒燒香左加上肉鬆甜甜地味道都好夾如果叫辣既會加上辣粉，都幾辣架！成碟飯加上兩塊雞扒粉量都幾大女士可能未必食得晒順帶一提呢度啲特飲都相當不錯！…查看更多

今日趕住去睇 Dickson 又係求求其其一餐時候 ， 眼見唔太多人是旦拿拿淋是旦求其食見到有一個餐牌推介， 秘製吉列豬排肉燥飯 (大約65蚊)叫咗都唔夠五分鐘就已經到手啦， D效率果然好快食咗幾啖先記得影相個肉燥飯冇乜特別不過個吉列豬扒都好鬆脆亦都唔會話太乾， 飯內面仲配咗個香滑炒蛋仲叫多個奶油菠蘿包, (我個人覺得係)都係冇乜特別， 我覺得係個包唔夠熱同埋唔夠鬆脆如果話要奶油菠蘿包好食ge店其實我覺得 翠華餐廳 係好食啲嘅 但佢哋嘅煮嘢效率真係好快…查看更多