龍記餐廳

之前食過佢嘅牛腩湯飯覺得幾好味 大碗，而且個牛肉好多 但而家轉晒師傅之後 就攞啲菜喺底 扮有牛腩 其實牛腩份量又少咗好多 價錢又貴咗 好唔抵食 唔會再幫襯 而且態度服務好差 每況愈下…查看更多

落暴雨週圍去唔到，晏晝醫肚到附近餐廳用膳，原本係銀龍餐廳執咗之後過咗龍記餐廳，咁多年後首次幫襯叉燒切雞湯河，叉燒超鹹湯底一樣超鹹吉列豬算ok奶茶落煉奶超甜，咖啡帶有點酸味大家留意落單睇單，我落2個餐，佢會幫你落左3個餐架…查看更多

叫咗個下午茶外賣，等了接近一小時怕漏單打電話去問，因為之前已經有前科做漏單，所以再打去問問追下，個接綫職員同我講話出咗單，之後又等多半個鐘，唔對路再次打去問又話送外賣嗰個未返，我話啲食物做起咗冇人送，成份外賣成個鐘有多，啲食物咪又凍啲麵又淋點食，跟住個職員又改口風話未做架，即刻做俾你，根本就係又漏單冇做，其實已經唔係第一次係咁，做唔到又唔通知客人，hold住人哋唔打去都唔講，相信唔會再有下一次費事勞氣！…查看更多

好特別嘅街坊茶餐廳，居然有燒味食，下午茶呢到會有燒味賴粉🤤叫份叉燒賴粉，湯底賴粉吸埋浸叉燒油香，至高享受😋但無推薦特餐個叉燒意粉！同食燒味飯嗰啲叉燒唔係同一款黎，偏乾柴☹️…查看更多

早餐叫左個丁麵，跟餐會有多士同餐肉煎蛋。丁麵係正常嘅，個麵唔會太過膠味，而肉丁都OK 嘅，唔會散晒同乾爭爭。 餐肉還可以啦，因為都好油淋淋。因為呢間係做街坊生意， 所以價錢唔會太過貴…查看更多

同屋企人喺呢間餐廳食過一次，以後都唔會回頭。見佢環境好似唔錯，又冇咩人先諗住試吓。雖然款式算係多，甚至係明顯比起其他餐廳豐富。但啲小菜都唔算平，50幾蚊一個而且份量又唔算多。最唔好係侍應企一路企喺隔離等我哋落單，同佢講咗我哋未ready都照企喺度。…查看更多

諗住落樓下食個簡單既午餐。都唔求有咩特別好食，食得落口就得。有一間茶餐廳，一直都未食過，所以諗住試下。見到快餐有個東坡肉，都諗住會肥，都試下啦。好快就黎左，一碟飯加一碗肉。飯係熱既，但碗肉係涼既🤦‍♂️🤦‍♂️唔係呀？似係一碗普通肥肉咋喎。有啲汁，淋落飯到試下食，無味。係無味，啲肥肉都真係肥肉，一樣無味。唉，50蚊有杯野飲，雖然唔要求好好食，唔駛咁hea呀？我本人都唔係細食，但食左一半，我都頂唔住，放了。真心，用難食形容，無下次了。…查看更多

呢晚同屋企人去食飯，揀咗呢間乾淨光猛嘅茶餐廳。我地叫咗幾款小菜分享。椒鹽豬扒有超多炸蒜，惹味多肉汁。魚香茄子煲惹味唔油膩，好多肉碎，餸飯一流。價錢唔算貴，但質素唔錯。…查看更多

今日天氣很好，下午陽光普照，便到後面山上的彩德村附近散步，順便去銀龍茶餐廳食下午茶。怎知去到才知，原來銀龍已經結業，換了一間叫龍記餐廳，似乎是六樓龍順軒海鮮酒家的姐妹店。看到門外的餐牌，與以前的銀龍大同小異，便進去試試。龍記的間隔和銀龍一樣，不同的是卡位的椅背加高了，增加了私隠度。茶餐價錢適中，選擇亦不少，我點了豬扒包和奶茶，價錢是$29。我不知餐廳開了多久，只見地方整潔新淨，餐桌上的調味架和放餐具的小抽屜，亦很有調理，感覺相當不錯。豬扒包和奶茶先後送上，雖然是不足$30的下午茶，豬扒包做得一點也不馬虎。豬仔包烘得很脆，切開一半夾著豬扒、青瓜、番茄和生菜絲，還伴著酸酸的沙律醬，惹味得來，蔬菜又中和了豬扒的肥膩，故吃起來感覺很清新。至於奶茶亦不錯，茶味濃郁但香滑而不澀，如果再熱一點便更好了。食客都是附近的街坊，相信這個位置較難有街外客。雖然如此，由於彩德村只有幾間食肆，所以生意亦不錯。我見很多客人也點燒味粉麵餐，下次一定再來試試。…查看更多