龍記飯店

中環燒味專門店 抵食下午茶！白切雞飯嫩滑鮮香，配埋冰涼醒神嘅凍奶茶，單拼燒味飯 經典組合 連埋凍飲只需$41！中環搵到咁高質又抵食嘅下午茶，快啲嚟歎返個超值套餐啦！#中環美食#下午茶推介 #燒味…查看更多

今日下午茶嚟咗龍記食油雞飯份量足夠 雞都唔少下午茶嚟食好抵食 單拼燒味飯 連埋凍飲都係$41 抵到爛 味道亦都唔差凍奶茶都好飲下次黎可以試埋其他燒味味道應該都唔錯如果經過中環又唔想食咁貴既話可以試下…查看更多

中環燒味 之選同同事平時去開既燒味店裝修 但又想食燒味 就發現 公司附近有幾間 見龍記既燒味幾靚 就試下佢地既外賣佢地既叉燒 唔會太肥 幾岩我口味 60蚊仲有熱飲或者湯 我覺得中環地區黎講 算幾抵 又方便公司附近！…查看更多

父親去買一隻燒鴨，回來發左邊身無咗上裝，右邊身則唔見咗下裝。味道已是其次，呃老人家就是奸商，賤格。以前龍記在結志街時，我們也有幫襯的，但近幾年食物的質數每況愈下，現在致出下三流的行為，我們以後也不會再去幫襯。…查看更多

朋友介紹滿心期待因為已很久沒食過一碗好食的夕叉燒瀨粉誰知不論叉燒及湯底比一般快餐店還要差 侍應態度是不錯的結脹收銀態度極惡劣很沒品德教養掉錢黑臉什麼都齊是本人遇過3甲最差的服務態度…查看更多

又係中環早餐系列今次繼續燒味檔食早餐，由於中環勁多間燒味檔，所以兢爭都幾激烈。朝早返工人流都好誇張人多到密密麻麻，所以係度食早餐想舒服啲又唔想俾人趕呢，就最好早啲去，0830前就比較安全啦。 話說呢間龍記其實都有三間分店：中環、上環、灣仔；今次去就係中環。早餐款式都係最基本嗰啲～咁揀得燒味店，梗係要叫佢個叉燒啦，我就叫咗G餐叉燒即煲出前一丁 + 煎雙蛋 + 牛油方包～出餐夠快，煎雙蛋牛油方包賣相就好一般，亦其實唔會有咩要求。叉燒煲出前一丁就靚仔好多～叉燒被蜜汁封住，甜蜜加燒烤嘅滋味填滿每一個味蕾，食完一碗都唔夠喉～臨走買多半斤叉燒外賣～要讚讚員工都有禮貌，又夠快手～…查看更多

如果本人在中環街市附近，下午茶時間，一定會去呢間食半肥瘦义燒湯瀨加杯奶茶。其他燒味都好靚，不過我鐘情义燒多D😍$39在中環出名貴租的地段、可以有一碗美味的义燒湯瀨，還有一杯凍飲，極端抵食，湯瀨還有一條菜心，相當窩心，只可惜沒有葱花。今日杯奶茶比平時淡左少少，我已經叫左少甜少冰，都仲係覺得有D淡。可能今早十時許先落左八號風球，可能師傅吾多夠時間做預備功夫🤨不過整體上已經滿足本人的食欲，希望下次黎杯奶茶會香濃D👍…查看更多

難得中午跑到中環，經過這間餐廳，因為趕時間便入內點選「叉燒併燒肉河粉」，結果兩個燒味肉硬到不得了；叉燒因為切得薄，所以「咬」得入口；那燒肉肉質十分硬，只選了一塊細細的肉入口，肉質硬到差點吞不下去，其他的燒肉已不想吃落去。湯河粉則中規中矩。總體來講，入口就知原材料是什麼肉，難道生意差嗎？看現場又很多打工人在用餐喎！難道這種食材已是香港人的常規嗎？中伏一次，以後路過就好。…查看更多

其實只怪自己衰，前幾年以經買過一次外賣，當時都覺得幾難食，今次再一次外賣希望有好轉，不過可惜又一次中伏。燒鵝份量不但少(只得下脾，上脾唔知失左邊）、而且冇肉、乾、硬。燒肉一様，又乾又硬，肉簡直似紙皮，皮似橡筋！雖然外賣冇乜服務可言，但係收銀阿哥同包盒阿姐都唔多友善。超難食但收足中環價錢。燒鵝下莊加一份燒肉一共$195。應該可以話我近年來我去過香港最難食餐廳之一。今時今日呢D餐廳香港地重生存到都算奇蹟。…查看更多

天氣熱，唔想煮飯，本想快快手手搞掂一餐，就去office附近龍記飯店買叉燒準備炒滑蛋。行到櫃面，見到滿滿蜜汁叉燒，肥瘦分明，令人食欲大振。於是問價買半斤叉燒，向落單個女人講明要半肥瘦，女人只落order一句:「半斤叉燒」，我怕師傅聽唔到，再重複講一次。結果手起刀落，最後盒面的都係超瘦肉，一望就知係湯渣式鞋皮肉，下層只有數片是帶少許肥膏的，師傅還說:「呢d係半肥瘦啦！」呢間野個名聽左好耐，卻名大於實，唔會再幫襯啦!…查看更多

食物一般！見佢老字號幫襯咗好耐至專登去幫襯，周圍都開咗10間八間燒臘舖，佢又唔係好食過人，點知啲態度直頭係劣，俾錢過嚟幫襯啫，唔使睇你面色，樓面夥計嗰兩個女人嗰個打開個櫃桶放手機入邊睇，老細請到呢啲夥計想吾執笠都幾難，已經唔係平過人，可能俾個招牌覺得自己好巴閉，下場咪同九記一樣🥲香港人北上消費已經成為大風氣，香港嘅餐廳食肆仲係沿用以前要求佢等位嗰啲咁嘅服務態度，俾錢受氣嘅年代已經過咗，服務態度直接影響生意🤮…查看更多

難得有金錢雞, 之前買乳豬亦不錯但今次買叉燒, 去邊度買都會要求半肥瘦買外賣落單講要半肥瘦, 個女人完全唔回應等果陣同執外賣個女人講都係0回應自問正常語氣有禮咁冇禮貌都唔會再去食了,又唔係特別出色。服務係0星星！…查看更多

中環抵食餐廳，就近中環街市附近，方便上班一族食飯，食物質素平靚正晚餐點了外賣豬扒飯，重量級豬扒飯如圖所見，足足三塊大豬扒，勁抵食跟中式餐湯，足料，唔係只係水熱奶茶好味😋…查看更多

今日我去咗間洋溢著人氣嘅飯店，鐘意食中環三寶嘅朋友一定要留意咗！嗌咗份「金牌四寶飯」，叉燒啊，香甜得黎唔膩，肉嘅質感又夠腍，卜卜脆的燒肉皮得我完全停唔到口🤤，每啖都食到啲肉汁湧出嚟，真係過癮！飯量又啱啱好，夠晒飽肚。雞肉又幼滑得黎有啖啖肉嘅實在感，仲有嘅咸蛋，啱晒愛呷鹹嘅朋友。👍🏻配嘅凍飲啲冰塊清脆，飲落去清新解渴，真係食得開心又舒服。值得一讚嘅係，呢度環境幾乾淨，衛生又打得好分。我食嘅每一口都嘆為觀止，呢間餐廳確係有佢既獨特之處，可以話係心滿意足咁走人😌，下次仲會拖埋朋友再黎試其它菜式添！…查看更多

難得晚上在中環，一定要到訪「龍記飯店」，去吃他們很快售完的乳豬。幸好今晚可點「乳豬三寶飯」$81包例湯，除乳豬外，要看當天師傅想配什麼燒味，好像廚師發板，哈哈哈。今次師傅幫我配上叉燒及白切雞，份量剛好，乳豬皮脆可口，肥肉部份都很甘香，不會油膩。叉燒鬆化嫩腍，白切雞肉質滑溜，點上薑蓉，更添滋美，飯底有香米味，例湯也不過不失。現在已經入冬了，下次來訪不一定要吃燒味，可試下蛇羹及臘腸潤腸糯米飯，套餐價錢都合理，可來進補，要吃潤腸，我見很多人在吃。…查看更多