龍蝦燒

上湯打边爐，不如自己用史云生鷄湯打重好，一位278，蝦又细隻，除蝦之外每樣海鲜一人得一隻，松露蛟有八隻但味道一般，碟牛肉及响靈卷义吾多食完，要問佢先話漏左，唉！其實祗有菜先係任食，就吾同人講任食，啤酒自費，我地兩个人食醉鹅鍋底要加20，食左六隻生蠔5送1，58蚊隻，啤酒兩支每支15，埋單998，价錢貴左D，但味道大家樂差不多，不会再去…查看更多

近黎甘流行醉鵝當然要試一試啦，我地係食7點個轉，人唔係太多，俾左個4人座位我地坐，一坐底已經即刻落order,最後都要等45分鍾先上個鍋，海鮮盤其他既配菜又早早上黎，有得睇無得食😥，等既過程當中個店員都知我地等得耐，已經講左唔好意思幫我地催左，話個D order多做唔切，好彩我地好耐無見，吹下水時間就過。醉鵝點火個下係特別，但食落去無咩特別囉，我朋友仲話苦得滯，可能落得太多酒😂😂海鮮盤內龍蝦肉唔錯，幾滑，個餐跟既牛脊肉都唔錯，比想像中好味，起碼無雪味先，值得一提既係個栗子豚肉餃，個味幾特別未食過，另外冬菇煆膠幾特別，起碼呢D配料唔係甘易係街食到先囉。其實D野食係好多，根本就唔會食得哂，好在配料特別食個新鮮感囉。基本上我地係食左一個鍾到，食到7788都已經就十點，埋單時計一計都要3百一個人，係就係無限時，但睇你啦，3百蚊食其他野都可以食得好好。…查看更多

想試試呢間龍蝦燒好耐㗎喇，不過每次行過都見到要排隊，所以今次好醒目訂左位先🖖🏻是次我們1行14人的慶祝生日聚會。首先係等齊人的時候，點了些佐酒的小吃，1路食，1路等😏店內的環境都很企理乾淨，沒有太大的油煙味之後，到了我們的「頭盤」，雞煲。因應有些同事s,係唔食辣的緣故，所以叫了這個。正呀，好夠味我們的主菜來了☺️首先，重中之重，龍蝦。鮮鮑呢個硯真係首推，因為真係好鮮甜，建議唔好甜醬油，就咁食跟著有蟹，龍躉，蝦店員的服務都很好👍，跟老闆交談了幾句，原來因爲我們預先訂了9重蒸，所以特意為我們準備。所以也建議想試試的朋友也可以參考一下，訂位時，預訂埋9重蒸。還順帶一提，如果人多訂位，可以包場（仲有得唱k)🙊，真係好喜出望外的服務😂…查看更多

間吾中食下串燒都幾好，最緊要吾駛自己落手燒。今次我點左有d出面比較少有既食物，點左燒龍蝦，味道幾鮮，龍蝦肉咬落爽口彈牙既，加上有香蒜蓉一起燒人，份外特別香。又有燒魷魚，特別在入面釀左臘味糯米飯，陣陣香糯米，甘樣食又幾得意啊。燒蝦串味道鮮甜，蝦肉爽口今次又比我試到新試野，燒煙肉荔枝卷。好特別，煙肉帶咸味，荔枝就甜味而且好香。煙韌既感覺配搭好得意。燒粟米係我既指定動作啊…查看更多

我工作經常都要四圍走，好處係成日可以比我發現好多新食物，今日經過到呢間餐廳，眼見有杯特飲既特別，好想試下。就係紫薯鮮奶，呢杯飲品係用紫薯溝鮮奶而成，味道有好香既紫薯味，甜甜地，再加上鮮奶令到滑上加滑，香帶濃味岩我口味。再加上一碟小食，海膽燒生蠔。海膽味道非常新鮮，甜甜地而且黏牙，我至愛啊。而燒生蠔係呢度既主打，有鮮蠔味道，蠔肉都算肥美，小吃一道幾好啊。…查看更多

本來諗住結婚週年同老婆2個去食,一去到神奇既事發生, 全間店只有一台人,仲要得1個人, 入去後我地諗發生咩事冇人跟住樓面不停推介火鍋,早2日先食完所以先想食串燒,點知拎完餐牌仲以為行伯母政策, 咩海鮮都無, 聖子皇無, 羊架又冇左款, 到叫野飲啦, 上次個水果酒一渣都唔錯, 點知今次問佢有冇佢話生果未買, 生果都唔緊要啦, 我話要白酒, 佢話紅酒好D, 跟住我話算啦都係唔要, 跟住話要白酒等陣,白酒要出去買無晒白酒, 咁我造算啦都係唔要牛舌,烏頭燒得幾好,仲有芝士魚餅唔錯.不過最幸運就係冇叫D龍蝦, 當日最大隻58蚊龍蝦埋單時去睇, 燒完應該冇乜肉…查看更多

最近龍蝦燒唔只做晚市，朝早仲變身做埋早，午，下午茶餐😋我係中午近下午茶時段去，鋪內充滿濃濃咖啡香味。我同女朋友就點左芝士焗肉醬意粉，西多士，凍奶茶。意粉非常足料，粒粒鮮茄分佈於肉醬之中。西多好有蛋香，入面既花生醬亦算幼滑。奶茶幾香濃，幾大杯抵飲👍🏽我同女友叫左一杯都夠飲。值得一讚既係員工好有禮貌同人情味，有其他食客反映要多飯，多汁等，佢地都好熱情地為食客添加，冇西口西面既情況👍🏽…查看更多

有日聽朋友講佐敦有一間開半隻既龍蝦燒，仲有其他串燒食，聽落好吸引，就去咗揾食。見到佢門口有poster寫住＄10/1隻生蠔就沖左入去啦。而佢哋有做promotion，而家like佢哋Facebook個page就有燒大蝦送俾你食。唔好以為送嘅就唔好，上台嗰陣時真係超級吸引。大蝦超過半隻手咁長，啖啖肉之餘仲好彈牙實淨，係新鮮嘅蝦。真係好好食🍤🍤😋之後我哋叫咗主打嘅龍蝦，大家要有心理準備通常＄38同＄58嗰隻龍蝦一早去到已經冇晒架啦，我哋大概6點幾7點鐘去到都冇哂。咁一場嚟到梗係一定要食主打龍蝦啦，所以我哋帶咗＄88半邊嘅龍蝦。果然係有水準，好夠肉，又彈牙，夠新鮮，但各位唔好預好濃蝦味，但絕對對得住價錢。我地系咗芝士味同蒜蓉味，個人覺得芝士味香同唔會蓋龍蝦本身既鮮味。蒜蓉味就重味啲。另外有驚喜嘅就係個茄子，好香滑，不過就會比較多油少少。🍆🍆牛仔骨就唔差，同平時出面食冇乜分別。燒鯖魚就一般，個人覺得可以再燒香少少，皮唔係好夠脆。大姑非常之有肉地，兩個燒完都唔會乾爭爭仲好juicy，反而我覺得可以燒耐啲等啲水收一收會再香啲。雞翼有芝麻香，鍾意食雞翼嘅人必點。反而我最鍾意食嘅豬頸肉就麻麻哋啦。可能燒得唔夠時間，邊位唔夠脆豬肉唔夠熱，唔夠彈牙。有少少失望。PS. 不過呢一間店都係即點即燒，所以各位要俾少少時間食好嘢啦。仲有我去嗰日係假日，所以冇10蚊一隻生蠔食，如果係生蠔控記住平日去食喇。…查看更多

從一些食物雜誌得知佐敦有一間4層火鍋，還配上海鮮，雞鍋而吃，此外，還有燒烤提供，朋友從而得知便想大眾一起去吃，我們便決定出發旅行之前一晚，相約晚飯，還收手信，開心一番。龍蝦燒食物材料新鮮，海鮮雞鍋份量都幾多，每層都可以放置不同的食物物，也可以燒烤，蒸物等，一個4層鍋就能吃出幾種食法，算是一個幾新的想法，但食物收費有點略貴。***************************龍蝦燒以4層火鍋作賣點，每層都有不同作用，所以單餐內的食物都會提供不同的食法，最重要是先選好最低層的鍋底。餐單選擇也不少，還會註明每層可選的食材配料是什麼，價錢都有點略貴。飲品有不同的特飲，還有竹庶馬蹄茅根，不怕熱氣。最低層火鍋配料，即做嚮鈴卷 HKD20和凍豆腐 HKD20。 即做嚮鈴卷都很香口，浸入湯鍋把湯汁入味很好吃。 凍豆腐口感一流，而且把湯汁浸入其中，更覺多了湯中的鮮味。 合時時蔬娃娃菜 HKD28，其實只有2棵娃娃菜切開4份，確實有點貴。 娃娃菜確能把湯中的味道一起吃出，吃菜如同飲湯一樣的好吃。 選了第2層燒烤配料，風鱔 HKD38/串、金菇肥牛 HKD21/串、牛脷 HKD15/串和皇牌羊肉串HKD28/2串。 在第2層的鍋中放上牛油紙，便可以把肉串放上待熟。 風鱔都新鮮肉厚，都幾有口感。 牛脷都幾爽口。 羊肉一點都不羶，也幾腍身。 金菇肥牛很香口。 日本黑豚肉 HKD88，一份有5大片，一點都不平。 第3層百搭鍋類，鐵板清酒煮蜆 HKD65，蜆都不算細隻，還有些是花甲，清酒味道都幾香，放入鍋中不停發出酒香。 最底層的極品龍蝦海鮮雞煲一隻 HKD388，海鮮和龍蝦另上，以便我們放入雞煲湯中。 竹庶馬蹄茅根 HKD38/渣，竹庶馬蹄茅根又不是很甜，味道都幾清香，都幾潤喉好飲，我們都要了2渣。 食物來齊了，便來張大合照，放在枱上滿滿的很豐富。 把食材放入鍋中，就是這樣，每一層都放入合適食材，我們這次沒有為最高的第4層選上食材。 黑豚肉放在第2層中燒，能把豚肉內的油脂完全放出來，所以吃下時一點都不覺油膩，肉質也腍和香豬味，感覺不錯。 燒扇貝 HKD58/隻，這是由廚房所燒的，就是不吃火鍋也能另外散點燒烤食物。 扇貝都幾大隻，加了少許蒜蓉，鮮味十足，而且肉厚又有咬口，好吃。 我們把底層的極品龍蝦海鮮雞煲的鮑魚在最高的第4層，蒸熟而吃，鮑魚很有咬口，可惜這樣蒸少了點鮮味。 …查看更多

講起食海鲜大家就會諗起西貢，鯉魚門等等，市區内又可以食海鮮即有特色既原來都有一間，我地幾個朋友特登夜晚揸車前往嚐試。好有香港夜市特色，D海鮮也非常新鮮美味，超大隻聖子，經遇燒烤後肉質肥厚鲜嫩，爽口彈牙，配搭葱花美味可口。清蒸基圍蝦，用蒸氣清蒸5分鐘，鮮味撲鼻，蝦身肉地飽滿，配合醬油極之鮮甜。再來大大隻虎蝦，用椒鹽燒烤至外脆内嫩，蝦身肉質结實有口感。最後再來原隻烤魷魚，用上特制烤汁，令魷魚煙靱彈牙，肉質爽而不膩，炎炎夏日可以在燒烤店食到美味既烤魷鱼，或香或辣，十分过瘾！…查看更多

一大班朋友黎龍蝦燒聚餐，坐落黎之後，見到有位師傅係鐵板上面燒龍蝦，一陣陣香味飄散過黎，令人垂涎欲滴，特別想試下招牌燒龍蝦，即叫即整十分新鮮。燒烏魚，燒過之後外層更加濃香酥脆，魚肉完全冇腥味，肉質鮮嫩有汁，每一啖啖口齒留香，值得一試。芝士燒龍蝦，芝士配龍蝦一起燒，令到龍蝦更加香濃够味，又保留住龍蝦肉鮮甜彈牙，啖啖飽滿龍蝦肉汁香味，味道恰到好處！！芝士燒蘑菇，蘑菇够曬大隻，經燒過之後散發出好濃郁既蘑菇香味，口感嫩滑香口，食過之後仲想食。凉伴皮蛋，切開後里面黝黑光亮，聞一聞，一種特殊香味撲鼻而黎，再加上香辣碎椒更加惹味，口感鮮滑爽口，色香味均有獨特之處。…查看更多

前幾日去佐敦行街時，路經見到有間龍蝦燒，今日突然唸起，得登帶朋友一起黎試下，呢間串燒選擇非常多，先點幾串試下味道先。燒菠蘿，燒過之後更加濃香，菠蘿己經切好一塊塊，食起來非常方便，一啖啖菠蘿汁水濃郁香甜可口。燒鷄軟骨串燒，口感柔中帶脆，味道調料適中，非常香辣够味，令人愛不釋口。燒鷄柳串燒，經過醃製之後更加入味，鷄肉燒過之後更加美味濃香，入口脆嫩多汁，味美鮮香。燒7吋大蝦，鹹鮮大蝦經過高溫烘烤，散發出一種純天自然香味，紅火明亮色澤誘人，蝦肉肥美，鮮嫩香甜，醇而不膩，令人垂涎欲滴。椰青，消暑解渴佳品，味道清香淡淡微甜，口感十分回味。…查看更多

宜家燒烤場所啱晒香港人既生活模式，吾洗自己燒就有得食，而且又干淨，又有冷氣嘆。清蒸大蜆，食蜆最怕有沙，但聽店員講D蜆浸過一晚，吐晒沙啦可以放心食，隻隻蜆肉肥味無比，肉質厚實彈牙，味道鲜甜。脆炸豬大腸，入口香濃外層酥脆内裏嫩滑，經過醃製嘅豬大腸油炸後非常好味，係送酒極品。法式芝士牛油焗西蘭花濃濃既芝士配西蘭花烤焗後，散發香噴噴香味，西蘭花爽脆配合牛油芝士，味道非常清新。串燒牛肉，牛肉經過醃製好入味，燒烤過既牛肉質感嫩滑，肉汁鲜嫩，牛味甚重，令人回味無窮。炎熱夏天，朋友相聚飲上一杯凍啤，配上小食同燒烤，簡直係嘆。…查看更多

晚餐時間經過附近，所以試一試呢間小餐廳。燒生蠔蒜溶醬很香，但是蠔偏細隻。白酒煮青口，全餐最好食的東西，很濃酒香，青口也不會太老。燒蝦。不過不失。另一樣值得推介的就是燒龍蝦。雖然唔太大隻，但係好新鮮，肉質彈牙。蒜溶醬不會落得太多，調味剛剛好。…查看更多

今日食呢個燒烤都幾好玩， 食左超長既燒烤串燒, 聽老闆講足足有80幾cm長既串燒。入面串起，有香腸啦有青椒紅椒黃椒 粟米，雞翼 ，蝦東菇及牛舌那等等 。我感覺好似係 食緊巴西燒烤咁樣，成中串就咁樣燒，好過癮。燒完之後，一件件自己揀岩既就食喇。仲有招牌燒芝士龍蝦新鮮龍蝦肉，肉質甜美爽口涼伴皮蛋炮製得很好味道，皮蛋夠靚又挺身，有少許呈jelly狀，正。呢支西柚啤油味道一流，入口感覺到香濃既西柚味，甜甜好香地易入口既啤酒，用飲管吸更入味，值得一試。…查看更多