龍華海鮮酒家

一行四人，由索古灣行去榕樹灣，到達榕樹灣有不少食店，千揀萬揀，揀著個爛燈胆，叫了4人海鮮套餐，蒜蓉炒鮮尤，皮厚不脆，蛋白汁豆腐，根本是魚腐，不是豆腐，不過是全餐最可食的，薑蔥炒蟹，半隻手掌大，超小形，存放很久，不新鮮，睇樣都知，蒜蓉炒蝦，蝦居然未熟，攞番廚房再炒過，已經老了，不是換一碟給你，而是番炒，蒸魚一碟，又係超細條的，手掌咁大，多骨，無味，另加揚州炒飯，隔夜油多，又係無味，總結全餐，食物不新鮮，味道不佳，普通快餐店比此店好味10倍，埋單每人$220，水魚做一次就夠！…查看更多

我們的路線由索罟灣行到榕樹灣，所以最後在榕樹灣終點站隨便找了一間海鮮餐廳吃午飯。來到這間叫龍華的，要了一個六人的海鮮套餐$980，有以下六樣嘢：豉油王海中蝦椒鹽鮮魷清蒸海上鮮咖哩炒蟹椒鹽炸雞清炒時蔬另外再加了一個菜及一個飯：豉椒炒蜆$98咖喱楊州炒飯豉油王海中蝦炒得很入味，但我略嫌豉油王的醬汁有點太鹹，另外海中蝦也不夠新鮮，不像是游水的，有點像是急凍的貨色。就算不是急凍的貨色，也不算新鮮。椒鹽鮮魷同伴們都算好吃，但因為我不能吃炸物，所以把外層的脆皮都拿掉後只吃魷魚，那就發現所有的調味都在外層，內裏的魷魚味道普通，肉質較硬，而且比較乾身，感覺不出像吃新鮮貨，比較像是急凍的。清蒸海上鮮本來是看到餐廳門口的游水魚才來的，但套餐內的清蒸海上鮮和門口游來游去的魚沒有任何關係，是我自己想多了。清蒸海上鮮有兩條小型魚，六個人分有點不足，但因為肉質麻麻，比較結實又不鮮甜，所以仍然會剩下。咖哩炒蟹雖然這碟咖喱炒蟹用上兩至三隻蟹，但尺寸很迷你，蟹蓋才¼隻手掌的大小，肉就比較少，吃起來不夠過癮，但蟹肉還算新鮮，起碼不是梅的，仍然吃到蟹肉一絲絲的感覺，品種像是奄仔。椒鹽炸雞我還想像炸雞會是像中式的脆皮炸子雞的模樣，同伴們又以為是脆炸雞球的模樣，說到炸雞一般都不會出錯中伏的，但結果又是我想多了的一道菜色。只是用切雞炸一炸，連粉也沒有上，所以雞皮炸得不脆，雞肉已經很乾身鞋口，一無是處。清炒時蔬正常的一碟清炒時蔬，用的是菜芯，但這個油份真的有點恐怖，每一條菜都包裹着滿滿的油份，一入口咬下去，別人家都是爆汁，這裏是爆油，吃一條已經超標。豉椒炒蜆$98另外外加的豉椒炒蜆，蜆用上很細隻的花甲，大概是指甲大小，雖然很大碟，但很少肉，吃得不過癮，但仍然尚算是新鮮的。咖喱楊州炒飯最後是老闆推薦的咖喱楊州炒飯，算是唯一一個比較正常的菜式，就是黃姜粉咖喱粉炒飯，味道正常中規中矩吧。下次來南丫島知道來陸榕樹灣食飯的話仍然是吃西餐比較穩陣，要去食海鮮的話到索罟灣的天虹，雖然比較貴，但仍然是可以吃到正常質素的海鮮。…查看更多

今日去南丫島行山，行到下午兩點，大家又唔想食海鮮，揾咗這食店食午餐。我超級肚餓，叫咗個粟米朱扒飯、凍檸茶。叫我驚喜的是，粟米朱扒飯竟然有埋火腿煎蛋！這個火腿蛋並不是早上賣剩的餸，而係熱辣辣、即叫即製😋雖然鄰近碼頭，午餐價錢也不貴，只需$45！唔想食貴價嘢，可以來一試😄…查看更多

放假同屋企人來南丫島一日遊，天氣熱辣辣，想搵個地方抖下，經過依家酒家就入左去。入面環境都幾舒適，最緊要係冷氣開得夠大。我哋叫左幾碟老闆推介，都幾好味！我最鍾意碟黑椒牛肉，老公同細路鍾意碟辣子雞。另外椒鹽鮮魷同薑蔥炒蟹都幾好味。本身入左去之後睇openrice見到啲差評驚驚地，但係服務同味道比想像中好好多！後尾同老闆傾計，佢話原來佢地兩夫婦係上年年中接手嘅，上一手成日比人投訴，做唔落去，所以接手之後花左好大功夫又裝修又換大廚。下次如果再同屋企人來南丫島，會考慮再來食多次😄…查看更多

我們點了一碟腸粉，鳳爪，鮻魚球及糯米雞加上一碟炒河粉：點心及粉麫十分難吃，價格不便宜！最離譜埋單收多左錢重要對客黑面。奉勸各位不要幫襯! 貼錢買難受兼一肚氣。正九流店！…查看更多

早幾日入南丫島玩順便食下海鮮啦，原本book左索罟灣果邊食既，但行完榕樹灣唔想行返過去，結果問當地人介紹呢間餐廳，叫左個薑蔥炒蟹，盛惠$910，我都未食過9百幾蚊兩隻既花蟹囉，見你人少少入黎但係當我地遊客係咁劏，仲有扇貝$60一隻都可以接受，碟炒蜆全部都係沙，碟蒜容蒸蝦正常少少，但都收5百幾蚊一碟，6個餸埋單盛惠$2900，呢間黑.店專劏人既，大家千期咪去，d野又難食，去過一次之後我連南丫島都以後唔會再去…查看更多

今日係復活節假期, 同朋友兩個入左南丫島玩, 去到差唔多6點到就係碼頭附近搵到呢間餐廳醫肚啦~可能時間尚早, 一入去就有枱唔洗等位.我地叫左一碟豉椒炒蜆 ($98), 都算大碟, 蜆肉肥美炒得好入味, 而且唔會好多都係得個殼無肉食,另外我地仲叫左椒鹽瀨尿蝦 (例牌, $180), 個人認為呢個大碟夾抵食! 2個人每人起碼食到7隻, 雖然佢有D係細SIZE, 不過都有好多肉同埋好新鮮! 唔會得個咸字.最後我地叫左個咸魚肉餅煲仔飯 ($89), 佢D咸魚唔係乾箏箏個D, 而係好似新鮮魚咁粉紅色好鮮味! 肉餅好滑, 有好多肉汁, 唔洗落豉油都夠哂味!個煲仔飯好大個, 2個人每人食左4碗 (滿滿的)!最後埋單約$200一位 (加一連茶錢$5位), 比係市區食唔係特別平, 不過覺得D食物係新鮮D~…查看更多

行完山,一行6人去食海鮮,搵咗依間外表舊舊的但我們喜歡這感覺,果然我們無選錯海鮮新鮮,價錢都算大眾化,唔係太多外地海鮮選擇多數是這裡的海鮮!無叫餐, 我們自己揀:炒蜆薑葱炒蟹椒塩九肚魚(中)炸子雞(半隻)炒菜搖柱蛋白炒飯啤酒和汽水埋單918元…查看更多

心情的跌宕被一袜的藍天白雲洗滌, 心靈也就接通了,開開心心入南丫. 走在連綿不斷, 上上下下的山徑, 雖然不知它會接引我們往何方, 卻安静愉快地在小島走着. 面對烈日當空,惡蚊群襲, 也能處之泰然.實在太熱了,幸好下午找到一間有空調的酒吧Happy Hour, 獲得無比舒暢. 日落天黑,就閒適地走去揾食.雖然海邊雅座食海鮮,似是浪漫! 不過 ....熱浪迫人,無法啦, 最後還是走入這間沒有海景的小店(龍華海鮮酒家), 為的,貪它有空調,人少安靜.心情都美麗起來.睇睇有乜海鮮,問問事頭婆,最後定下今晚食乜餸了.1) 鼔椒炒大花蛤, 真係好大隻(売),但煮埋肉就小D.例牌一碟十鬆隻,賣一百大元. (有點貴?)2) 椒鹽鮮魷,就大大碟,但鮮魷太大,太厚,就無咁好食.係咪新鮮,有D? 3) 金銀蛋筧菜,理應很簡單,菜沒問題,但點解D蛋係切條嘅,怪! 4) 葱油蒸細鱗,事頭婆話好食,十蚊両,細細條,兩個人夠食啦! ($140), 但敗筆是過了火,小店蒸條魚仔,都搞成咁,就抵鬧啦. 飲飲啤酒,一天的時間好快就過了, 沒有挑剔環境的舒適, 沒有挑剔食物的好壞. 因為有您在!埋單四佰大元. 唔係咁低, 不過做遊客係咁啦!二人世界,背著大堂望著大玻璃,就當前面有著昏暗的海景,也不理背後遲來的喧嘩. 也寧願搭遲一班船! 墾願以後的日子都是這樣!…查看更多

到南丫島除了吃海鮮，其實亦可以試試各飯店的小炒。龍華做的是街坊生意，很多島上居民幫親。我們叫了潤腸排骨煲仔飯、鹹魚煎肉餅和清炒西蘭花。煲仔飯好有份量，潤腸油香，排骨肥瘦得宜，三人共享，清了一整煲。鹹魚蒸肉餅是家常菜，但是煎的，還是第一次吃到。肉餅不是完全刴爛的免治豬肉，混了鹹魚和蝦，煎的甘香彈牙，是送飯送酒上佳之選。西蘭花炒得軟硬適中，亦見可口。是晚，連啤酒也不用二百元，每人數十元埋單，認真抵食！…查看更多

前兩日去食過, 求其見冇乜人就入去, 點知呢間真係好污濁...d 食具全部都又油又有漬...點用呀...洗左幾次先敢食呀...開始食野, 叫左幾個飯同埋拎左幾個點心, 又一次失望, 點心唔好食...牛肉球入面紅當當, 都唔知熟未, 味道又唔係話好...仲有d 飯真係...求其到乜咁...平都唔洗咁卦...兩舊肉加小小白飯再上小小豉油...就係咁...講到服務就更加係冇啦, 全程個老闆都係黑面, 埋單又計錯數, 睇張單耐d都好似冇好氣咁... 唔係見我地外來人就好似好恰d 卦??總之一句講哂, 下次我一定唔會再去…查看更多