龍莊

位于太古嘅龙庄，主打结合传统与新派嘅中菜，环境舒适坐得舒服，价钱贴地，未入座已经充满期待。🦆 烟熏樟茶鸭 $168烟熏香气劲浓，茶香同木香渗透入鸭肉每一寸，鸭肉结实之余仲保持嫩滑，咬落去除咗鸭香，仲有层次丰富嘅烟熏味，味道极具特色。🍄 三菇炒牛粒 $158用上三款唔同菇，带出层次口感，牛肉炒得松软又入味，最重要系有镬气，令人一口接一口。🥣 杏汁菜胆炖白肺汤 $88呢款炖汤系传统广东名汤之一，汤底纯正，杏仁清香同猪肺嘅甘香融合得好好，入口清润，有养肺止咳嘅功效，好适合秋冬饮。🦑 椒盐鲜鱿 $78炸到外脆内爽，鱿鱼新鲜有嚼劲，但又唔难咬，配上椒盐炒得香口又带镬气，系非常讨好嘅小炒。相比起一般街坊中菜馆，龙庄嘅出品更细致讲究，将传统手工菜式同新派演绎结合，保留传统味道之余亦多咗新鲜感。价钱合理，水准却比预期高，无论系家庭聚餐定朋友聚会都啱，系一间值得一试再试嘅贴地好店。…查看更多

龙庄主打新派粤菜 保留传统嘅同时 以唔同嘅食材撘配同烹调方式去研制创意菜式❥︎渔乡马友煎藕饼 ($118)猪肉嫩滑 藕粒爽硊 口感丰富☺️马友令到每一啖都充满咸香唯一美中不足系煎得唔够焦脆❥︎杏片脆皮墨鱼饼 ($78)杏仁片煎到金黄香脆 墨鱼饼够弹牙 食落有层次蘸甜酸酱食都好味👍🏻❥︎爆炸糖咕噜肉 ($108)呢个配撘真系好有创意其实咕噜肉本身已经好唔错 酱汁嘅甜酸度恰到好处加左爆炸糖之后要快啲食 唔系溶左就会feel唔到”滋哩咋啦“😆❥︎鱼香原条茄子 ($118)本身以为只系用茄子形状嘅器皿盛载 点知其实系原条荷兰茄子😳鱼香茄子劲惹味 而且份量好多 食极都仲有❥︎烟熏樟茶鸭 ($168)一打开盖烟雾弥漫 打卡一流入口烟熏味真系超级香 仲有淡淡茶香😍皮脆肉嫩之余 肉味都好浓难怪每枱都有叫！😋…查看更多

话说早两晚一家三口去左龙庄食饭食完觉得有惊喜 性价比高㖞！ ❙ 烟熏樟茶鸭 ❙ 绝对系打卡之选👍🏻开盖一刻烟雾弥漫 一阵阵茶香直入鼻窿 鸭肉熏香不在话下 外皮微脆肉质软稔呢味𩠌看似简单 其实工序众多难怪眼见几乎每一枱都会order喇 ❙ 意式醋香骨 ❙ 份量奇多！最重要系唔会净系食到骨🤣镇江醋相当相当突出 酸酸甜甜开胃又可口真心性价比高 好味道！ ❙ 渔乡马友煎藕饼 ❙ 口感丰富🤤有猪肉既嫩亦有莲藕既爽脆充满弹性同肉汁 依稀会食到咸香代表既马友但味道又唔会太抢 呢味𩠌我都钟意 ❙ 虾头油海皇炒饭 ❙ 炒饭最紧要有镬气 每粒饭都色泽黄金炒得干身且粒粒分明 咸鲜味十足 史生唔觉意就清晒🤣 ❙ 香浓芝麻糊 ❙ 我好钟意食芝麻糊😆热焫焫出晒烟芝麻香浓顺滑 质地唔算好杰身 食完头发都好似黑啲haha ❙ 特浓豆腐布丁 ❙ 呢个甜品大推！有原味及抹茶选择 我拣左原味布丁软滑Q弹 面头有啲柚子蜜及酸酸甜甜既粒粒（山楂饼？）真系㖞🤩好特别有创意我钟意！…查看更多

高手在民间！估唔到咁美味嘅私房菜会喺太古栋商业楼宇入边揾到！以旧香港风味装修布置！琥珀色的鸭皮，以樟木与茶叶慢熏，木香与茶韵层层渗入肌理，挟著烟熏香气氤氲而起，瞬间仪式感Level up！⬆️佢哋新派嘅中菜，无论系拥有视觉效果嘅原条「鱼香原条茄子」🍆定系有满满杏仁碎嘅弹牙「杏片脆皮墨鱼饼」🐙，青咇咇充满镬气嘅「带子葱油蛋白炒饭」💚唔少得食埋佢哋嘅甜品，中式滑捋捋「双皮奶」，同西式「特浓豆腐布甸」🍮…查看更多

这次约了朋友来到位于太古「龙庄」，一起聚聚，边食边倾。这里环境宽敞，装潢主要使用红、绿色，感觉时尚中，带点传统的味道。这里的食物选择既多元，又彼有特色，是与一家人或朋友聚会的好地方。 😋是日选择：🟠烟熏樟茶鸭鸭肉吸收烟熏香味，散发著淡淡的香气，卖相吸引之余，味道蛮不错。🟠杏片脆皮墨鱼饼外层香脆，内里有弹性，层次感十足。🟠椒盐鲜鱿鲜嫩的鱿鱼，带嚼劲，椒盐令整体增添味道。🟠意式醋香骨独特醋汁腌制，越食越开胃。🟠原味双皮奶奶香浓，滑嫩，不太甜腻。…查看更多