龍皇酒家 (開源道) (已結業)

今日父親節，梗係要同父親大人去飲茶啦。商量咗好耐，最終揀咗嚟觀塘龍王飲茶。龍王有好多招牌菜，叉燒王同五層肉，我哋都有叫到。叉燒王Po Lam一啲羹都冇，五層肉有層次，皮好脆，食到我流晒口水。叫咗包汁雞腳，炆得好腍，筷子一篤就穿，老人家食都冇問題。嗌咗個斑球米線，仲有魚湯伴住，嗌了一鍋份量都幾夠，我哋有四個大人，差唔多每人都分到兩碗。點心都唔錯，燒賣都幾大粒，一籠四嚿，份量十足。另外仲叫咗叉燒包，鮮竹卷。今日唔知點解，樣樣食物水準都OK。佢係人數唔夠，加水加得慢，如果唔係就係一次好好嘅飲茶體驗。咁啱呢輪扶手電梯壞咗，走嘅時候好唔方便。有老人家嘅朋友要注意啦。…查看更多

今日晏咗起身，諗住搵個地方下午茶。奶奶提議去呢度，話試過食晏晝，食品水準好。咁我哋就一行四人去到，餐廳安排非常之好，雖然下午茶兩點開始，但係1:55已經安排入座。侍應亦都已經提早準備好一切，低幾分鐘就已經有茶。兩點開始落單之後，食物一步步咁出，唔會太急趕，食物都會好熱。龍王食物質素有所保證，點心都係高水準嘅。最需要嘅就係為店舖嘅職員平反，我哋坐喺一間房仔咁嘅地方，房入邊有五張枱，都係一位侍應安排，雖然好忙碌，但係侍應通常都會喺好短時間回應你，服務態度亦都親切有禮。我哋個侍應叫Sandy。侍應亦都好細心，通常落蝦餃燒賣嘅時候都會問你要唔要辣椒油。總括而言，食物OK，服務一流。…查看更多

很少會寫食評，但係今次真的需要讚一讚旁邊有位老人家一個人，一位着住黑色制服，帶着白色眼鏡嘅男侍應，好主動問過老人家個熱水壺會唔會太重，夠唔夠力拎，不如佢改用個茶壺裝啲熱水俾佢， 擔心個老人家唔夠力會整親感覺真的非常之周到…查看更多

我行14人於16/8到上扯晚飯聚会，我们訂了龍蝦🦞鮑魚全包宴，但最後食唔到鮑魚：用帶子補上。員工落錯單，貨源不足，沒有同顧客講清楚！另外我哋要求退回差價，個經理服務態度非常差😡，講到好似我哋做錯咁！幸好食物質素好，食得美味😋。建議加強員工培訓（包括：經理）…查看更多

昨日15/8一行三人正午光顧，待應安排一張近牆邊冷氣糟下的枱坐下，開茶後長輩發覺頭頂有水，原來係冷氣糟滴水，於是坐過另一張櫈，點知一樣有水滴下，同待應講情況，佢話用布抹吓就不會滴水，我地要求坐過隔離張枱被佢拒絕，話佢地要做多好多野，要同出面交侍咁話，當時我地尚未點野食，覺得佢無理，於是我地自行坐過隔離枱再無理佢😤講番野食方面基本上ok的，只係待應態度就有侍大家領教吓😜…查看更多

龍皇是其中一間偶爾到訪的中式酒樓，剛好下着濛濛細雨卻忘記帶傘便和朋友衝入這裏午飯。牛肉飽非常燙手，肉餡雖然不是充滿肉汁卻有豐富的肉香。蝦餃正常發揮，蝦肉也算爽彈，蝦餃皮也有靭度。不是認知中的鹵水金錢肚，甜味蓋過了滷水的香味，結果是打包回家再行加工。柚子是至愛之物，亦因為這菜式幾次回頭光顧這酒家。柚皮雖然炆得有點爛，但依然美味。炒飯只有菜粒、欖菜和少量蛋白，卻取名一品炒飯還加上店名作為招徠，炒飯的工夫雖然不錯，但欖菜本就惹味，因此炒飯帶有鹹香絕不困難，然而食材與期望有點距離，還是改為尋常一點的菜式名字吧！…查看更多

住響觀塘咁多年，竟然都冇嚟過龍皇飲茶～🤭😅前兩日朋友講起，原來佢响呢頭返工，成日都去飲茶，話啲點心好正，就聽佢點一次，捉老細陪我嚟飲茶～🤭😅講真一句……佢啲點心係即叫即蒸，都算幾好味嘅…😅不過又冇乜驚喜…正常操作啦～點都好過啲工廠交貨嘅，但係唔算出眾囉…造型又唔係特別精緻…價錢又唔平……😓😮‍💨估唔到都好多人嚟飲茶，埋單兩個人差不多要四舊水…其實有其他選擇…我就覺得冇乜嘢驚喜啦…🫣😵‍💫…查看更多

同事點了一枱的點心及小菜，我最愛吃的是菠蘿茘枝咕嚕肉，香脆外皮掛滿酸甜醬汁， 加上夏日時令水菓菠蘿及荔枝， 令味道更提升 ，真是食到舐舐脷，大家搶住吃! 其餘的點心及小菜的味道就不過不失，都滿意啦!…查看更多

龍皇因疫情已執淨無幾，前台服務很好，但大廳阿姐服務認真參差，有趕客之嫌。但只看野食至少係熱先，最欣賞個龍皇招牌炒飯，份量夠，夠火喉，以百零蚊價錢受氣還可以，要是再加價，保證好快執埋尼兩間…查看更多

早幾日打電話book定位，今日同屋企人晏晝飲茶。門口帶位呀姐一路行一路話，今日冇點心呀，食小菜。聽到當然好愕然，晏晝冇點心食？一路行去個位見到枱枱都有點心喎，跟住呀姐就話叫咗小菜就可以叫點心。坐低見冇點心紙問侍應拎，佢就好緊張話要叫咗小菜先，唔肯俾點心紙住。正常人都會睇晒成個菜單先叫嘢食啦，成個感覺已經好差。問佢要叫幾多個小菜，第一位侍應姐姐都好人，細細聲講話最少一個啦。點菜，第二位侍應嚟寫，話要叫兩個小菜。講一大輪公司新年policy，谷鬼氣，新年流流，算數。再點菜，第三位侍應嚟，話兩個小菜唔得喎，你哋6個人，要叫三四個小菜。我哋話唔係喎頭先你哋話兩個小菜得喇喎，然後佢就話咁有人話得就得啦。以為叫菜完結，點知第四位侍應嚟，話一定要叫4個小菜！今次真係火都嚟，明屈，book枱冇講，帶位冇講清楚，落單個個講嘅都唔一樣。咁我哋問3個餸得唔得呀？咁兩個人要叫一個餸，6個人3餸合理丫？唔係架，一定要叫4餸，冇解釋架，隨心所欲，仲我地講你哋book咗枱嘛，唔book都冇得入嚟食啦。態度極之惡劣。唔寫清楚就講清楚，個個講嘅都唔一樣，坐低開咗茶即係局住要叫。新年同屋企人食飯真係唔想同佢嘈，食到一肚火。只怪自己坐低前冇問清楚”公司policy”。而家多返啲人飲茶就大聲夾惡，我就不會再嚟，希望大家唔會有咁差嘅體驗。食物方面點心質素平平，蝦餃燒賣正常，小菜就真係唔好食。小菜唔係海蜤雲耳嗰啲，係一碟碟炒餸，叫咗桂花炒瑤柱，冇桂花味亦見唔到瑤柱，只係一大碟芽茶炒粉絲，只係得油味，同半生嘅芽菜味。…查看更多

8人盤菜盤菜有既野都應有盡有唔多芋頭無丸真材實料海鮮：鮑魚、蝦、魷魚、蠔屎、瑤柱菇、鴨腳、花膠、燒肉、燒鴨、雞、豬皮、蘿蔔、髮菜….咁上下 鮑魚忟到好入味蝦 隻隻爽口魷魚有咬口蠔屎鴨腳我唔食 所以唔知 但好多隻菇忟林一咬出汁花膠都唔少架 食左每人兩舊我地自己分左兩次加左水撈汁滾起醬汁鮮香 唔重南乳 但係好味汁所以我地成個盤菜一次過食晒真係第一次open rice有9折 快試下啦真心好食 我一直都唔多鐘意盤菜 成盤咁多樣野 都一樣味 係咩食法依盤 令我喜出望外 地 食到最後加菜落去滾 都好好食要試下呀…查看更多

生日飯連同其他親友一起，親友新界出來就特登選擇九龍噶酒樓，因此不算在APM附近商場繁忙地段，龍皇有自己噶樓梯門面，方便認路。7個人入座，坐低就直接叫起餸，都系8個餸差不多。其實附近氣氛都算良好，餐廳環境有花心思裝璜以及臺布桌凳有酒樓（非普通酒樓咁），最緊要周圍環境無其他火鍋任食其他嘈雜噶聲音。足一斤蒸魚，鮮甜不算多骨。翡翠炒龍躉球，原來後面塊類似米餅係可以食用。份量好似少左，最多每人一舊。小炒皇算大份。小朋友鍾意噶另一款菜式，蒜蓉蒸粉絲開邊蝦。整體黎講環境同食物都可以算中等，親友用餐聚會可以選擇。觀塘食飯不用下下商場商廈排隊等電梯已算優勢。…查看更多

蛋黃包好好👍🏻燒賣都超級大粒，好多料。點心質素都幾高，不過價錢偏貴。但係最抵食一定係炒飯同埋啲面，大大兜咁樣上，一行四人，已經食到非常之飽。場地偏大，但係服務員人數不多，所以落單較慢。…查看更多

本身都住附近經過見到下午茶有優惠所以過嚟食，叫咗幾碟點心，仲有驚喜係依個包，入邊係叉燒，個餡入面都幾多料🥳🥳但其實重點都唔係嗰啲餡，我想講佢個底好咗啲洋蔥同配料，因為嗰個石鍋熱住嘅關係，成個包嘅外圍都充滿洋蔥味！係超級好食！第二個覺得好食蘿蔔絲酥餅，雖然下午茶依個冇優惠，但都係勁抵食！同埋呢啲功夫點心，都唔係間間酒樓有得食，都試過兩三間，龍皇嘅蘿蔔絲酥餅真係數一數二幾好食🥰🥰！每次去酒樓都要食呢個點心嘅我，都覺得龍皇嘅依個點心係全香港難得又好食又抵嘅！總結： 下午茶嚟食真係幾抵食兩個人買單$300都唔使，下次放假可以再嚟過！同埋下午茶時間好似反而冇咁多人🤣🤣🤣…查看更多

前排阿爸生日想食中菜，之後就搵到呢間龍皇就打去問下可唔可以多過8個人一齊坐啦，點知真係OK，但係就一定要安心出行同埋全部人打曬針先得。之前無試過食呢間，點知食過又真係OK WOR，印象最啱我胃口係個鮑魚煮得好入味，龍蝦都好鮮甜，最緊要我老豆都好滿意，環境舒服乾淨又闊落，坐得好舒服，仲有啲職員真係好NICE，因爲有老人同小朋友關係，所以想轉去一個無咁凍冷氣位，職員都好明白同好熱心幫我地轉左另一張台，真係好好態度同服務。整體黎講我同我啲屋企人都好滿意，會再去支持。…查看更多