龍津美食

有冇人同我一樣，去外地番香港，就會好掛住香港小吃！龍津，係我食左多年的街頭小吃油鑊翻騰的炸大腸，是街角的酥脆誘惑！外皮金黃焦脆，內裡保留肥糯油脂，蘸甜辣醬入口，卡滋聲中油香爆開，罪惡卻過癮。生腸淋上芥末醬油，咬感爽脆如海蜇，冰涼酸辣瞬間醒胃。牛雜蘿蔔是冬日暖手寶，柱侯醬滷得軟糯入味：牛肺彈牙、牛肚嚼勁足，白蘿蔔吸飽肉汁甜如蜜。最經典莫過金黃魚蛋，咖喱魚蛋彈牙辛辣，原味魚蛋配清湯鮮甜，竹籤串起的是港人集體回憶！這四樣街頭王牌，用濃烈氣味寫下香港最生動的食街風景。…查看更多

今日兩個女去街順便掃下街，諗住一人食返串魚蛋先食晚飯。同一個阿姐話要三串魚蛋，諗住拍八達通。點知另一個阿姐問之前個阿姐收幾錢，點知個個阿姐話60。我心諗「吓？廿蚊串咁貴？」點知說時遲那時快就已經拍咗60蚊啦。之後望返阿女同個玻璃架，上面有一兜魚蛋。又一次驚訝，我要三串，點解變咗一兜？正想問口，阿姐又整多兜，吓？因為無其它人買緊嘢食，我就問阿姐，都係我架？佢話係又再整多兜。結果三串魚蛋就變咗三兜魚蛋，重要無乜味。結果一人食咗兩三粒就晒落垃圾桶。成件事重係覺得好奇怪，我掃咗咁多年街都未試過。重知大家下次小心…查看更多

呢間魚蛋，佢一買就要買兩串，12蚊！所以我點了鴛鴦，魚蛋+燒賣佢辣汁滾住魚蛋…比你時再淋上辣醬，辣醬咸中帶辣，幾香既！彈唔彈口？唔太彈喇…不過個汁幾香…彌補一下分數！勝在開通頂，夜晚旺角都可以考慮這地點。…查看更多

龍津煎釀三寶食評：材料很豐富，果然是鎮店必點之選，每次去我都會吃這個，因為便宜，飽肚，又抵食，很好吃。看到如圖，餡料釀得滿滿的，一看便知足料，果然是良心店家，亦很用心經營。豆腐炸得很香，邊皮是脆的，做到理想的外脆內嫩，一點也沒過火，十分專業，豆腐的調味亦相當恰當，不會過咸過淡，又有爽脆的燈籠椒，多重口感享受，不沾醬料都已經很好吃，我喜歡重味，所以建議沾辣甜醬和辣醬，或者椒鹽也是個不錯的選擇。趁熱吃是人間美味。…查看更多

今日旺角行街，行到咁上下有啲肚餓，見到附近有一間食魚蛋燒賣嘅舖頭，口痕又就食下。嚟到食晚飯時間，諗住食啲輕鬆嘅下午茶，就醫下肚。魚肉燒賣又係非常普通嘅燒賣，勝在辣油好味，如果呢個份量，呢個質素，我覺得係有少少貴，評價都係普通。煎釀三寶一早炸好，但如果你點，揀好姐姐會幫你翻炸。三寶基本款式都有，size正常，唔會話細細粒見好多人買雞蛋仔同夾餅，另外仲有腸粉，下次都可以試吓，始終過下口癮食完魚蛋同三寶已經食唔落。…查看更多

16/2晚上12點半左右。1.燒賣 魚蛋 買一送一 原來係5粒燒賣5粒魚蛋。係我食過最粉既燒賣魚蛋 沒有之一2.三十八蚊大碗牛雜，牛膀得果少少，其他腸，牛肺，食落好韌，根本就咬唔爛果種，豆腐卜就已經佔左三分一碗 有4塊。3.店員態度差 返住工戴住白色耳機 厲害講野唔正，表達唔清晰，問清楚多少少嫌你煩 黑口黑面 勁大聲呼喝我。4.個客張一百蚊紙跌落野食度，當沒事發生，洗一洗張一百，野食照舊。幾個月前食都仲可以接受，愈來愈唔掂，員工態度又差，唔會再幫襯…查看更多

龍津喺香港其實冇用質疑，又平又抵食，又多分店！屋企樓下就有間農莊日日經過日日都會食，簡簡單單又一餐。最欣賞龍津嘅辣汁。經濟實惠又好味。小紅書值得推介夠晒香港夠晒地道。…查看更多

最近去到女人街，想喝一杯清涼的珍珠奶茶，結果卻遇到了一堆不愉快的事。之前都有幫襯過都正常，但今次發現店員的態度非常差勁，但我幫襯個時根本無其他客人，你話忙我都明呀，但他們根本不把顧客放在眼裡面，一開始就一臉不耐煩的樣子。我諗住好好睇下，再同朋友傾緊想叫咩時，卻比店員粗魯地打斷，硬是要我立刻下單問你點呀諗咁耐？咁樣的服務真是令人不快！唔好的事都唔止得一件，如果你對佢提出多於一項要求，就會比佢寸，叫你不如唔好食呀，我真的無法理解，點解呢D店員會有這樣的服務態度？因為我地講廣東話？不過睇怕都唔係，佢地完全無將客人當成是上門消費的人，有一些遊客都係咁比佢地對待，佢地根本嫌棄我們佔用他們的時間，阻佢發夢發呆。我真心建議大家，如果你地想測試自己嘅忍耐力，你先好去呢到幫襯，又或者你好肚餓，好想食到一肚氣。…查看更多

平民人隱世咖啡☕️平時番工都有叫開燒賣魚旦做下早餐，但成日都聽到d人叫凍咖啡，都成日聽到賣哂，話轉奶茶好無，但d食客都拒絕，我就諗...唔通支咖啡真係好好飲😐🤔所以我就決定早d出門口去試下🤫咁我今次叫咗個腸粉套餐（$14）連埋凍飲，份量都好足夠「值得一提，龍津辣醬一定要海量，超正」腸粉基本嘢，不過加埋辣醬，個分就提高咗🫣之後講個咖啡啦！嗱...呢個咖啡真係唔錯，聞到好香醇。平衡性好，個口感係好滑嘅，飲完過後有餘韻，整體味道均衡、有層次，呢個價錢做到呢個效果，唔怪得咁多人爭住叫，有時8am都未有，都賣哂🤫如果真係想試..建議真係早D…查看更多

勁多人打尖插隊……叫個撈麵 40幾粒發泡膠..魚蛋口感似濕水麵包……..劣食 幾平都無用喇 ………….茄子又林哂…尖椒得皮 無肉真係得一片皮…..平既 但勁難食 勁多發泡膠.！差差差！ …查看更多

可能因為地段嘅關係，佢比起其他龍津係貴啲啲，但今次叫咗碗生菜魚肉湯，我覺得佢好足料，好抵食，勁多魚肉❤️❤️ 員工服務態度都好好，咁好生意嘅情況下都可以保持咁嘅服務質素真係好難得🤭 雖然客接客，但佢都會將最好嘅俾客，唔會亂落調味料😋 會問足我要唔要麻油胡椒粉嗰啲，前面個客要腸粉同埋魚蛋，又會問辣唔辣，要多啲咖哩汁，亦都滿足哂個客嘅要求🙌 唔會覺得嗰客煩，真係好難得😂 如果有額外要求，現加好多人都會厭煩😂隻手拎得太多嘢冇影食物相📸️…查看更多

我估大家住喺香港都好熟悉依間小食店，由中學開始，放學就已經成日嚟，食到依家😆今次想同大家介紹嘅就係依間位於旺角嘅小食店屹立不倒咗好多年，相信係各位嘅回憶☺️我最鍾意就係食呢度嘅魚蛋，幾蚊一串，超級平😊簡直係月底嘅必食佳品😆仲有辣有唔辣，任君選擇👍🏻雖然魚蛋唔係好彈牙，而且住得有啲硬而且魚蛋偏鹹，就算係辣醬，都淨係得啲油味不過依個價錢來講，絕對對得起價錢😛餐廳：龍津小食店地點：旺角價錢：$5…查看更多

有點心絲絲想食燒賣做早餐早餐種類不多選擇最多的必定係茶餐廳早餐要搵買如上海食品的店就可以話沒有太多選擇小吃點早開門也沒多小間一碗有10粒辣醬似沙嗲醬又似XO醬鼓油有點甜（感覺怪怪）…查看更多

平靚正又快既龍津美食真係糧尾救星。啲魚蛋、燒賣、串燒又平又幾好食，$8串魚蛋/燒賣買一送一真係除咗龍津美食之外唔知邊度會搵到。平日都係食燒賣多，今次就試咗雙拼雞蛋仔($13)，原味mix朱古力味。個雞蛋仔超級脆，朱古力個邊又真係會食到啲朱古力味。雖然某啲蛋糕位脆到有少少硬，但整體黎講都好好食，因為食雞蛋仔就係要脆先好食！…查看更多

龍津出名平，又有多款街頭小食，前日經過旺角龍津，所以決定試吓。我同朋友嗌咗燒賣同魚蛋仲有雞蛋仔。因為我同朋友都鍾意食辣，所以我哋加咗辣油落去燒賣同魚蛋度。燒賣食落似係超市急凍嗰一種，麵粉味較多，冇乜魚肉味。魚蛋都係普普通通，但食落幾咬口，辣椒油都幾惹味。至於雞蛋仔，都係冇乜特別，不過椰香味都幾重。…查看更多