龍江茶寮點心·籠仔蒸飯專門店

营业中

休息中

今次約左朋友，好耐無見，一行四人下午茶時段嚟到文蔚街嘅龍江茶寮，點心即叫即蒸夠熱辣！**三色腸粉**賣相靚、皮滑料足，**腐皮蝦餅**炸得金黃脆口，蝦膠彈牙必試！點心類**蝦餃**皮薄蝦爽、**燒賣**肉香紮實，**牛仔骨**同**鳳爪**醬汁入味。最驚喜係**蟲草蒸雞燉湯**，湯清甜滋潤，飲落暖身。**蘿蔔糕**煎得香脆、**牛肚**軟淋入味。甜品除咗鬆化**蛋散**，仲追加咗碗**綠豆沙**，甜度適中，完美收尾！ 四人分享份量啱啱好，傳統點心風味穩陣，佐敦飲茶又多個好選擇！呢間真係食完想再食😋😋😋😋好好食

外觀及店內裝修實屬一般, 店內座位並不算多, 但勝在好有平民feel, 感覺都好整潔, 總算整整齊齊。🍽️ 薰葱牛柏葉 $28爽脆彈牙, 蔥香入味, 醬汁微辣開胃, 牛柏葉好入味, 份量足！ 🥠 黃金流沙包 $28一撕即爆漿, 鹹蛋黃流心濃郁香甜, 外皮鬆軟不黏牙, 必點！ 🍚 農場蛋牛肉餅籠仔飯 $48牛肉餅厚實多汁, 蛋香滲透米飯, 蒸籠保留原汁原味, 性價比高！ ☕ 茶位 $5普通茶味, 但解膩剛好。平民價錢, 點心同蒸飯都有水準, 流沙包有驚喜！

今日同朋友嚟佐敦飲茶，揀咗去呢間龍江試試，貪佢睇落夠舊式。不過其實入到入面佢個點心紙都幾新式設計，同埋茶係已經用保溫水壺沖好咗，無得用茶壺沖茶，亦都無得揀飲咩茶。唔緊要啦，個茶都夠味好飲又名熱，最緊要嘢好食！我哋叫咗艇仔粥、點心拼盤、黃金糕同埋鹹水角。點心拼盤入面有兩件蝦餃、兩件菜苗餃、一個叉燒包同埋一個奶黃包。咁啱有齊晒我朋友想食嘅嘢。個人覺得叉燒包幾好食，個調味唔會太鹹，又夠多餡。奶皇包可能我放耐咗先食已經唔流心了。蝦餃個餡好足料好多蝦，不過個皮偏厚，口感麻麻哋，個人唔太鐘意。菜苗餃意外地好食，有少少蒜蓉炒豆苗嘅感覺，入面都有粒肉餡嘅好似係蝦，唔係好記得啦。鹹水角就係我平時都必點嘅點心，佢炸皮炸得好脆，個糯米皮都好煙韌，係唔錯嘅。黃金糕我自己就麻麻哋，但我朋友就話幾好食。艇仔粥都唔錯，我平時唔太食粥，不過呢度嘅粥我都有食咗成半碗，餡料都算差唔多每啖都食到啲啲嘢，有唔同口感。可能下次有機會再返嚟試試佢個脆炸奶皇包先，唔多見到其他地方有，今次太飽就食唔落啦～

上次幫襯龍江，全因為想嘆冷氣，於是推門衝入去，而點心亦性價比高，好評.今次幫襯失色咗D，點咗棉花雞，蝦餃，牛肉腸同牛仔骨.失色在蝦餃皮穿咗，另外棉花雞雞肉唔入味之餘口感結實.牛仔骨入味但有少少韌，牛肉腸最正常.雖然今次質素下降，而且環境有點污糟，但都會再幫襯，30蚊一籠蝦餃，一份錢一份貨，繼續好評吧.

《平價性價比高的點心店》1. 蟹籽燒賣皇 ($30)燒賣非常普通，味道偏淡。🌟 評分: 6/102. 龍江蝦餃王 ($32)最推介嘅一籠點心，皮薄軟身，入面嘅蝦肉非常足料同好新鮮又彈牙，每粒都大大嚿！🌟 評分: 9/103. 鮮竹牛肉球 ($22)牛肉嫩滑香口軟淋，一籠三粒份量比出面點心店大好多，好食兼抵食！🌟 評分: 8/104. 酥炸流沙包 ($28)酥炸皮脆適中，奶黃醬唔算太流沙，不過兩者配合都好食！🌟 評分: 7/105. 海皇醬炒蘿蔔糕 ($25)蘿蔔糕煎得非常香口，質感軟淋，好食！🌟 評分: 7/106. 蒜蓉蝦春卷 ($26)春卷炸皮非常鬆脆爽口，蝦內餡好食！🌟 評分: 8/107. 桂林牛肉腸粉 ($27)腸粉皮薄夠滑，牛肉餡料足料，唯獨份量偏小，不過價錢實惠！🌟 評分: 8/10餐廳嘅點心全部都係即叫即蒸，食物質素新鮮，價錢實惠，全日免收加一，食咗咁多嘢埋單都係$200，非常有誠意！🥰🎖️整體評分🎖️❤️ 味道: 7.5/10🧡 環境: 6/10💛 服務: 7/10💙 性價比: 10/10

小弟除咗上門幫人睇風水，仲有另一個上門服務，就係檢查鋁窗，安排維護鋁窗驗窗同驗樓.今次客人收到驗窗令，叫我上門睇睇D鋁窗有無問題同報報價，完成之後就落樓食晚飯，哩區渡船街八文樓有唔少餐廳，今次睇啱龍江茶寮，原因好簡單，有D點食好吸引，流沙包見得多，酥炸流沙包第一次見，另外近排去飲茶，較少遇見牛仔骨，咁就已經睇啱兩款點心.蝦餃同腸粉係飲茶必點，腸粉揀咗牛肉腸，記然食開牛, 唔爭在點埋個牛栢葉.其實最最最大原因幫襯龍江，係上門睇完D鋁窗之後好鬼熱，快快搵間餐廳衝入去涼冷氣! 龍江亦不負眾望，冷氣夠涼! 噢..... 爽YY!身體就想凍但點心就想熱，真矛盾! 牛栢葉一上枱，明顯唔夠熱，相信熱的話口感會好好多!其他點心夠熱，牛肉腸牛肉餡料足料，腸粉夠薄夠滑，無偷工減料又美味，蝦餃蝦肉彈牙，蝦餃皮有D未食已經穿咗，當然明白一份錢一份貨，30幾蚊貨仔已經算係咁囉!牛仔骨入味又肉嫩，酥炸流沙包口感唔夠沙，但外脆內軟口感好正! 哩款酥炸流沙包俾滿份!龍江仲有個大大大優點，不單只有點心供應，仲有粥粉麵蒸飯同奶茶咖啡! 啱啱上完個熱辣辣單位，仲叫我飲壺什麼水滾茶靚嘅普洱水仙我真係屎俾你睇，龍江有凍O茶凍O

籠仔飯，顧名思義就是用平時酒樓常見蒸籠，用荷葉包著飯來蒸。即時糯米雞，但這裡不是糯米，是平常的米。那是不是由生米開始蒸到熟，還是將蒸好的飯倒入蒸籠裡就自行決定。飯是很有荷葉的香味，這個海蝦蒜蓉粉絲飯更加入味，飯完全吸收了蝦和蒜蓉的香味，啖啖飯都散發著鮮味。不過飯的份量有點少，如果大食的可能要點多客點心之類，另這裡千萬不能點咖啡奶茶，絕對是災難級的水準，豆漿是最安全的飲品，當然可以不點飲品。埋單$70有點貴，但此終不是周圍有得食。

星期六早上做完運動，路經佐敦，上網揾到文蔚街有間龍江蒸飯都唔錯，有很多好評。龍江店内裝修已有一段時間，用上有紋木枱木凳，地方尚算整齊，坐抵就order有五星評級的蒸飯。🚵‍♂️鳳爪排骨籠仔飯$47上枱熱辣辣，非常想食，淋上豉油，開始起筷，飯質果然甘香，粒粒米香熟嫩滑，有咬口👍，但是排骨就出事了，入口非常淋偏爛，肉色微紅(可能未熟)，沒有肉味，可能落baking soda太多又唔均勻啦，有微微的梘味，惡心😩。鳳爪就正正常常，但有些偏甜。🚵‍♀️川芎白芷燉魚頭湯$42藥材和湯味都很濃，在家少煮的湯水，現在飲起來也不錯的，唯湯底偏濁，不是即日新鮮出品。食完個蒸飯，飲完個燉湯，只覺一般水準比較同區点心店。落baking soda (Sodium bicarbonate)去醃肉一向是中式點心常用的添加劑，但是份量要適中和混合均勻，才不致影嚮味道和健康。唔知係個排骨定係個燉湯，離開咗龍江個幾鐘，肚子開始攪攪下，要揾洗手間😖😖😖，去完就唔痛了。

佐敦起碼有2間點心，有一間是連鎖的，另一間是老闆自己經營環境真心就一般般而已，比較舊，不過都坐得OK，有電視睇牛仔骨好正，熱辣辣，夠滑，黑椒醬夠入味咖喱牛腩飯都暖的窩心，咖喱汁多，送例湯燒賣及棉花雞都很有水準

點心時即叫即正的很新鮮店面不大只有兩個人在幫手，見到點心是師傅一手一腳做出來，有誠意拳拳奉上，食得出的人情味環境就還好，在這種地方吃總會有特別的風味晚上去食人流比想像中的多，可見在這區也頗有人氣

寂寞到夜深行到渡船角，甜品店都很多人見到這間點心有位掂仔細細，外貌不起眼，不過點心意外地好食！即叫即蒸點心夠熱，牛仔骨十分入味，叫了一蒸再encore 糯米雞也是驚豔，足料有雞髀、臘腸、蛋黃，醬料正。茶位$3，一定會再來。

每次進這小店內進食後，都猶疑了很多次是否為他寫食评，因為此店一貫始終，做街坊生意，點心既有特式，食物新鲜又有誠意，全部點心都是即叫即蒸！店內沒特別多請員工，所以多年來都很有街坊的味道，沒有特別加價，味道卻如舊保留著，比一般乜乜蓮的評分的店子質素還要好！既沒有加一，又沒加昂貴的茶💰！最害怕是驚動了街坊以外的人幫襯，害它被加租變成增成本而加價！但見到在外一般般的點心店卻客似雲來，而這小店卻默默耕耘沒人知曉，柯士甸西九龍站人流一直增多，多想大家都能品嘗到這𥚃的點心才是真正的點心！

夫婦齊心，雅店選用了木刻風，締造了簡約而不奢華的形象，座位和餐桌選擇杉木雕紋(請校)，深淺顏色對比顯眼， 人不多，座位乾淨，也算寬敞，一餐飯吃下來沒有壓迫感，因為坐椅木製，客人也不會坐太久。近年間，結單跟隨連鎖店風格，開業前幾年本來免茶芥，後來加設茶錢愰然付賬，蝦腸也跟了加了脆米紙代替餡料。 推介蟲草燉湯，清甜不膩；籠仔蒸飯是鎮店招牌菜，每檯必點，味道吸引，師傅落手非常重。廚房是開放式的，家庭式經營，前幾年收銀比較酷， 家人招待客人也相對隨和 。端見：連鎖拆店後，客人選擇到鋪面較大店舖幫襯。端以為不跟從連鎖模式，依照開業方式，保留親切感，午市成本硬撼，放在早膳安排生意更有把握。二頭壟断仍有可為。

因為度度都有green and blue objects所以就咁近近地食 但係樣樣都好味 開心😍·鳳爪排骨籠仔飯 $40鳳爪同排骨都超好味 係個飯無咩汁 但係都超好味😍😍😍 ·鹹菜胡椒豬肚湯 $35呢個湯都好味 豬肚超乾淨同口感好好😉·杞子棉花雞 $29又係超有誠意既點心 係個棉花油左少少 不過bit走D excess既油一樣咁入味😌·鮑汁鳳爪 $40佢唔係我地平時食到個個鮑汁味 係唔知咩味 不過OK既 D雞腳超有誠意 大大隻😈😈😈·#rbyeat#rby佐敦·📍佐敦文蔚街8號地舖

同同事lunch time行出黎食點心，平時食開點點心或者添好運，今次就試下呢度嘅點心同籠仔飯啦。蟹鉗蝦春卷 $26炸得啱啱好，唔會太硬太燶，好香脆，蟹鉗突左出黎少少好得意酥炸流沙包 $24流沙包就食得多，酥炸流沙包都係第一次食！佢嘅外型好似炸饅頭咁，入面嘅流沙一咬就咇出黎，唔會好似有時食流沙包咁個餡會過熟流唔到出黎，略嫌有一粒炸得燶左少少龍江蝦餃王 $28最易test到一間茶樓嘅水準嘅classic點心。都做得唔錯，皮唔會好易爛章魚肉餅籠仔飯 $39好鍾意佢個籠夠大，份量都唔細，幾個人share都夠食！