龍朝牛雜牛腩專門店

朋友哋同我講話元朗有間牛腩店又正又抵食，我就落去龍朝牛雜牛腩專門店一試。店面乾淨企理，一入到去就聞到陣陣肉香，真係好惹味😋！首先我點咗個崩沙牛腩米，嗰塊牛腩嘅味道香得嚟仲滑得滑唔膩口，湯底都濃郁得嚟，食咗心情都好咗！跟住就嚟咗個紫菜四寶米，嗰個紫菜香撲鼻，四寶丸咬落去彈牙得嚟，唔會太硬，而且鮮香得嚟，食完真係滿足至極🍲。另外，我仲試咗佢哋嘅雲吞，個皮薄餡足，咬落去蝦味十足，真係一試難忘。總之，喺呢度食嘅每一款都係好有水準，令人食指大動！如果你都係牛腩控，咁真係要嚟龍朝試吓咁正宗既港式風味啦！👍😄…查看更多

今天在元朗閒逛的時候還不算很餓 但想吃點東西所以隨便進入一間牛腩專門店沒有太大的期望因為店鋪有點小而且桌子也非常小還要跟別人搭檯😂但當牛腩飯上來後一試就喜歡了牛腩很容易入口一到口就融化了超好吃😊…查看更多

今日行過去試咗間有「撈勁」北角風味嘅食店，叫我點可以唔講下佢個牛魔王幼麵啦👑🍜！一啖落去啲牛肺咬落去爽脆得嚟唔噏舌，牛腸肥美滋味，牛筋嚼勁正，令我心思思想緊再嚟一碗！再嚟佢個崩沙牛腩河，汁濃味正嘅牛腩流晒河粉間隙，個蘿蔔係真心融化咗我心，又細嫩又入味😍。 喂，講完重菜未講靚湯啊。雜七雜八嘞，個湯底清甜又有層次，正宗老火湯味，飲一啖個心情都好晒喎！淨鮮蝦雲吞？唔好小瞧！啲雲吞大大粒，蝦肉Q彈鮮甜，啲皮滑溜溜嘅，完全係雲吞控嘅最愛💖。最後加碟腐乳通菜，咸香開胃，簡直係搭配神隊友。真係平民美食嘅典範，無論邊碟都做到拿捏得宜，寫緊食評我都自己垂涎三尺。話咁快，我要趕住再去幾轉，追返啲失咗嘅牛腩夢！🏃‍♂️💨…查看更多

住天水圍，心血來潮，來元朗搵牛腩飯。緣由係前幾日係樓下商場食左一間難食的牛腩飯，心有不甘….我的要求好簡單，唔好有異味，牛腩要有咬口，但不可以太硬。係openrice search 左一round，揀左呢間。整體來講，無失望，係我可以接受的口味同價錢..比起我樓下商場個間，真係超班..崩沙腩配飯，一啖啖都係滿足感..除左我覺得飯太硬之外..推薦大家一試..牛腩店係元朗真係開到成行成市，要整到好食，係一件唔簡單的事。下次繼續試下一間！…查看更多

💬 食過好多次都冇出post，呢間開到朝早5點，半夜想食宵夜嘅好選擇🤭牛腩河/麵 $36 ，牛腩都幾好食，有啲咬口，係湯底咸咗啲，但整體都ok，不過呢個價錢仲要咁多舊牛腩，性價比贏晒😌…查看更多

去元朗買新年用品，行完買一袋二袋，去食個快的午飯。行兩條街就有牛腩麵，就入去食，5：00 又未好多人，門面光猛，都好乾淨。服務員又笑容滿面。同家人兩個麵一個飯，咖哩牛腩飯$42好惹味呀，薯仔入味又夠淋，咖喱小小辣好好送飯呀，成碟清晒。仲有價錢真係好抵食。崩沙牛腩拼牛肚，湯底清甜，蘿蔔好甜，炆得夠淋，牛腩肥瘦均勻，有咬口又帶點淋，有牛肉味。牛肚非常出色，入味又彈牙。雲吞好大粒，入面蝦彈牙爽口。加炸魚皮$20，又脆又新鮮。另外健康啲，叫左油菜生菜。3 個人$200 好抵。…查看更多

細個媽咪好鍾意帶我同細妹食牛腩河，食過咁多間最鍾意就係女巴士站近元朗廣場果間，可識呢排食番，成個湯底走晒樣，好傷心！成十一月都係咁落雨，屋企附近行入呢間粉麵店快快食完快快番屋企，估唔到誤打誤撞有驚喜！打開餐飯見到$42一個崩沙腩河仲要包野飲，唔係掛？好唔好食架？估唔到可以咁好食，放入口有些微溶化，牛肉味頗濃，淋得黎有咬口，又唔會肥膩，食過番唔到轉頭～蘿蔔淋得黎又冇渣，正！牛雜湯飯真係第一次食，未見過，見免費轉湯飲試下啦！牛雜份量多，食到底仲有紫菜，牛雜充滿腩汁，口感絕無欺場！湯底同粉麵同一個湯底，香得黎仲有浸浸蘿蔔味，呢個一樣包野飲，抵！油菜$10份量剛剛好，$10又唔貴，一個人食就剛剛好，唔洗迫住叫一大碟要食淨！豆漿+$7睇番招紙，糖每100g只有4.3g，飲落去的確冇咩糖好健康～辣椒油粉麵一定要食埋辣椒油，呢間辣椒油幾特別，油花椒味，幾香～呢間又唔貴，質素又高，環境乾淨，食粉麵最怕就係地方污糟！我已經諗緊下一次要試雲吞啦！…查看更多

🌟餐廳：龍朝牛雜牛腩專門店📍地址：元朗教育路51-61號紫荊樓一期地下J號舖💰價位：～$50⏰營業時間：星期一至日 11:00 - 05:00📱電話：2636 0089今日黎到元朗做treatment，順便約埋家姐食埋飯先返屋企。元朗稱得上美食集中地，林林種種既佳餚美食，應有盡有！今日我地一於試下呢間主打崩沙腩既「龍朝牛雜牛腩專門店」先～———————————————————🔹崩沙牛腩米崩沙腩係位於牛既橫隔膜附近兩邊既腩位，係眾腩位最有嚼勁及矜貴既部分！！呢度既崩沙腩，肥瘦適中，入口煙韌口感一流，而且仲炆得好入味！！再加上鮮甜既白蘿白，入口完全無渣，係一碗好高質既崩沙腩！記得加埋潮式粉麵必備既炸蒜及唐芹蔥花，用黎送米粉一流！———————————————————🔹牛丸及墨魚丸(淨食)既然崩沙腩咁出色，一於試埋佢地既手打牛丸及墨魚丸先～牛丸及墨魚丸淨食每碗有7粒，而且仲有好多菜鋪底，好抵食！兩種手打丸，好爽好彈牙，特別係墨魚丸，一咬開滿滿爽脆墨魚粒，真材實料～食辣既朋友記得搭配埋佢地既自家制潮州辣椒油，冇得彈！！———————————————————🔹鮮蝦雲吞(淨食)另一得意之作~雲吞皮薄，大細剛剛好，岩哂我地2個女仔食～最鍾意雲吞餡料充足，蝦肉結實鮮味，而且啖啖大地魚既咸香味！———————————————————🔹蠔油芥蘭秋冬季節，就緊係要食芥蘭啦～呢度既芥蘭質素佳，爽脆鮮嫩，每次食潮式粉麵，必點之選！———————————————————😋味道：4/5🏢環境：3.8/5💁🏻‍♀️服務：4/5💵價錢：4/5🤟🏻性價比：4/5———————————————————👅整體小總結一向都好鍾意食潮式粉麵，食物選擇夠多之餘，亦比較清淡，而且最緊要係 快！靚！正！呢度既粉麵，性價比極高，大大碗配料充足，主打既崩沙腩係一種好講究心機及時間處理既食材，加上唔係周圍都食到，值得一試！…查看更多

元朗新開粉麵檔，抵食又大碗👍🏻我地叫左崩沙牛腩麵，牛三寶河同淨鮮蝦雲吞，碗碗都份量好多。崩沙腩食落好有層次感，又唔會韌😋牛肚同牛筋都好滑。每碗麵都會附送三舊蘿蔔，好正，蘿蔔都好清甜😆另外鮮蝦雲吞每粒都真材實料，粒粒鮮蝦係入面🤩🔹🔹🔹🔹🔹🔹🔹🔹🔹🔹🔹🔹🔹🔹🔹…查看更多

星期五放工，自己一個人來食牛腩河，享受一個人的浪漫。入面環境乾淨企理，燈光明亮，懂得用年輕人愛雲石枱配木色牆板。點了牛人氣三寶河（腩、肚、筋）$42，套餐加配芥蘭同豆漿都只係需要$14，好抵食。牛腩湯底清甜，一湯匙蔥花少許乾蒜。牛腩肥瘦得宜、牛肚彈牙、牛筋炆得好冧身，河粉偏幼滑身，幾索湯汁。蘿蔔細細粒，一啖一口，清甜冇渣。最近芥蘭時令，嫰綠新鮮爽脆，加點蠔油一絕。枱面有辣菜脯，唔算辣但爽脆，添口感，不過樽辣椒油幾夠辣。星期五獎勵放縱自己，加點炸魚皮（小）$12，其實份量不少，用膠袋包裝，保持香脆口感。…查看更多

又到四處搵野食既時間 自己好想想食牛雜麵 剛好遇見了它 在店外已經陣陣牛雜香氣吸引住我望住窗外的牛什 更是吸引於是入去試吓叫了牛雜河 係好耐冇食過嘅味道份量十足之餘 牛雜好入味好淋身 食過唔停 牛腸自己至愛 好有牛味好肥美一流 另外 牛肺又夠爽身 牛肚亦係自己大愛之一好入味 牛筋好大件炆得好淋 好易入口 湯底方面配上河粉 好夾另外加左腐乳通菜 呢個係必然配搭 腐乳味極濃食得出材料好新鮮 坐位及燈光十分舒服 店員亦親切呢度絕對係唔錯嘅開飯之選…查看更多

放假我入到元朗行街，見到有間龍朝牛雜牛腩專門店剛剛下午茶時間舖頭唔使等位就決定入去試吓門口喺廚房，同傳統潮州粉麵店嘅格局一樣店內大概有20多個座位，環境整潔呢度除咗有潮州粉麵食之外，仲有飯餐崩沙牛腩米🍜牛腩味香濃，肉質爽口唔油膩而且肥瘦適中有口感湯底亦充滿牛腩味，誠意滿滿啊！❤️❤️紫菜四寶米好滿足啊一放上枱就聞到紫菜既香味有魚蛋、豬肉丸、墨魚丸、魚皮餃每款丸類都爽口彈牙夾鮮甜，口感十足魚角大大粒，魚味香濃夠哂爽口；魚皮餃足餡飽滿，皮滑餡靚。大大碗既紫菜四寶米，好滿足！另外叫咗淨雲吞同生菜雲吞皮薄餡靚，入面滿滿嘅蝦肉好大粒，雲吞可以一齊share!!龍朝牛雜牛腩專門店元朗教育路51-61號紫荊樓一期地下J號舖…查看更多

勁鍾意食牛腩既我，今日係元朗食到間正野😍😍價錢仲要好抵食。.🍴崩沙牛腩伊面 $47好正既崩沙腩👍🏼鍾意佢個位切得好靚，有一層薄膜配埋豐富的膠質，爽軟不硬，仲要40幾蚊有交易😅真心好鬼平。本來就$42但加左$5轉伊麵，所以真抵食。.🍴淨雲吞 $32屋企人叫左個淨雲吞，都有成7粒，蝦與肉比例幾平均，另加$14轉套餐，配生菜+凍檸茶。.🍴紫菜四寶河 $38四寶河有兩粒豬肉丸、一粒魚皮餃、一粒魚蛋同一粒魚片頭，魚皮餃同魚蛋抵讚👌🏻口感爽口彈牙。加多個炸魚皮(細)都係 $12。。…查看更多

龍朝牛雜牛腩專門店 (元朗)元朗教育路51-61號紫荊樓一期地下J號舖如果突然想吃牛腩麵，我回來這間牛坑腩做得1十分出色的麵店，每次來吃他的牛坑腩麵都會感到很滿足。崩牛腩麵＄42香港美食一定不少得牛腩麵，於牛前後腿之間的牛腩可以再細分成「坑腩」、「爽腩」和「崩沙腩」等……在各個部位中，崩沙腩最為珍稀，軟腍而牛味香濃，油份滿滿而且富有咬口。放上去難份量比多個，而且湯底清甜有昇華作用，麵質爽口彈牙，價錢不貴。紫菜四寶麵$38（魚蛋、魚餃、豬肉丸、墨魚丸）小朋友最喜歡食魚蛋，你這個四寶麵，裏面有齊各款的魚蛋，滿足小朋友幾個願望。豬肉丸爽口彈牙墨魚丸也勁有咬口。魚蛋和魚片頭爽脆。炸魚皮（小）$12食牛腩麵又點少得炸魚皮，把炸魚皮放入湯頭裡吸收湯頭的精華。菜心$10菜心新鮮翠綠。紫菜湯$10紫菜湯清甜，我因為特別喜歡喝紫菜湯，所以就算麵裏面有也特別叫一碗豆漿$10檸樂$18…查看更多

又係入元朗搵家姐，當然要順便去搵食。可惜時間有啲趕，入到元朗已經7:00pm，所以最後決定外賣返家姐度一齊食。落咗車行入教育路搵下食乜好，諗諗吓家姐話都係食牛雜牛腩河粉麵，快靚正穩陣。行咗個路口就見到呢間「龍朝牛雜牛腩專門店」，睇落唔錯、價錢唔貴，咁就試吓佢啦。鍾意食牛嘅我，成日都好恨食崩沙腩，不過可遇不可求，因為吾係度度有，有又唔一定夠靚仔。而且好多鋪都供應量有限，晏的去食都沽清。為食嘅我都即管多口問仲有冇崩沙腩，Yeah ~ 今日真好彩，居然仲有崩沙腩，吾使諗即叫碗《崩沙腩河》（$42），外賣一定分湯上免得河粉淋晒。返到屋企打開，真真有驚喜，目測好靚仔，食落肉質同筋位都炆得恰到好處。配上唐芹蔥花、冬菜提升味道，夠曬滋味。可惜太急，忘記拎辣椒油。家姐食《牛雜河》（$38），牛雜分量足，味道正常水準。家姐大讚除咗河粉夠爽滑，佢最欣賞係果兩舊蘿蔔，又甜又嫩又入味喎。另外跟餐油菜（加$7），凍奶茶（加$7）。菜心、奶茶都ok 嘅，老老實實認真覺得真係平靚正。不過因為外賣加上分湯，所以外賣盒另加左$6，埋單合共$96 。下次有時間一定要坐低慢慢食，應該仲正。餐廳仲有提供外賣火鍋配料及辣椒油等，價錢都係吾貴抵食。遲啲天氣凍，屋企打邊爐都不妨可以買啲返屋企試下。…查看更多