龍川雲南米線

营业中

休息中

兩個人共消費 $167，性價比不錯！點了以下幾款菜式：香炸倉魚米線（沙爹湯底，小辣） $64這道菜給人驚喜滿滿！香炸倉魚皮酥脆可口，魚肉卻保持嫩滑多汁，完全不乾柴，讓人一試難忘。沙爹湯底雖然沒有傳統沙爹的味道，但湯底濃郁，帶有麻辣湯的風味，別有一番滋味。豬頸肉米線（酸麻辣湯底，少少辣） $52這碗米線更加豐富，加了招牌腩肉和豬大腸。豬大腸入味十足，令人回味無窮；腩肉則偏肥，與平時吃到的口感稍有不同。豬頸肉炸得外脆內嫩，口感爽滑，非常出色，為整碗米線增添不少層次感！醬拌皮蛋 $25這道菜稍顯普通，味道不夠突出，僅僅是一般的皮蛋，略有遺憾。整體來說，這次用餐體驗還是很不錯的，特別是香炸倉魚米線和豬頸肉米線，絕對值得一試！

食雲南米線食來食去都係個D餸好悶? 今次去食 即叫即炸嘅炸倉魚米線. 係太子呢間隱世小店都幾隔涉，但星期六下午茶時間都座爆。炸倉魚係原條上，上檯時仲見到魚上面嘅油係度喺度唧唧跳，魚皮好脆好香口，重點係用左落咗少少椒鹽調味，就咁食都好好味，魚肉炸得岩岩好，仲好嫩，索埋湯仲正! 米線叫左酸麻辣湯，有肉燥酸菜芽菜，味道正常，但米線份量偏少。總體來講，炸倉魚米線 $62 ，小店用心製作，值得支持! 炸倉魚米線 $62   

🐉龍川雲南米線🐉💫太子塘尾道186號地舖💫元朗鳳攸南街9號好順利大廈地下14號舖🧏🏻‍♀️豬頸肉米線 $49麻辣湯 BB辣呢間豬頸肉相比雲川惹味啲麻辣湯好香(˶‾᷄ ⁻̫ ‾᷅˵)有花椒粒粒嗰排嘴角爆拆我照食辣野，諗返都覺離譜∠( ᐛ 」∠)＿唔記得了⋯🍚香草雞扒滷水蛋肉燥飯 $52睇名唔覺係炸雞扒，嚟到先知炸XD脆的！偏乾身嘅脆皮🦑黃金墨魚餅 $35好油⋯似魚餅多啲Btw 呢間嘅炸倉魚米線都出名！有機會再去試試佢呢間米線好遠⋯坐得有啲逼睇親啲post都話大排長龍好在嗰日無乜人感謝成日同我去偏遠地方食野嘅朋友sss

龍川雲南米線揀左小鍋米線 酸麻湯底少辣 麻辣味足夠 好濃厚 但係有少少胡椒味 米線係幼身 非常掛湯入味 炸豬頸肉外皮燶邊有焦香 脆口惹味 不過餐廳位置有啲尷尬 係太子同大角咀交界 唔太方便!!

酸麻湯底味道唔錯，但層次有點單調。份量比想像中少，下次可能要叫大大碗…餸都還不錯，偶爾食下都幾好。空間比較細，有時都要排隊。會再幫襯，試多幾款米線，不過又覺得唔洗特登去的程度。

今日我去太子上堂，特登行過去試吓好多人推介的龍川雲南米線。雖然位置有啲偏，但唔算太遠，值得一試。佢哋嘅豬軟骨真係好正，有兩件，味道同以前川之味差唔多。墨魚餅就正常，唔算特別。米線係幼身，份量有啲少，但麻辣胡椒湯就好特別，小辣但幾辣，裡面有肉碎同辣椒碎，愈食愈辣，真係刺激！全部$49，兩個餸，所有餸都係$9，性價比唔錯。如果你鍾意辣味食物，可以考慮試吓！

食過哂香港出名既米線龍川一定係我最喜愛米線List Top 3!個酸辣湯好啱我口味 米線又唔會煮到過淋D餸都好食 最鍾意係豬頸肉❤️好少米線鋪有原條炸倉魚炸得唔錯 好食希望龍川長做長有如果去開太子又鍾龍食米線既人一定要幫襯有陣食米線好易肚痛 但食龍川食過咁多次都無事 呢方面對腸胃差既我都好加分———————————————————-———————————————————-———————————————————-

🥢太子 一間成日會心思思想去食嘅麻辣胡椒湯倉魚米線#食好西太子美食 #食好西米線指南 🥢成日都好想食米線，由其會成日心思思想食嘅荃灣老板娘，但係天氣咁熱真心唔想喺咁熱嘅環境排隊，之後就會想食太子呢間，雖然成日都好多人食，但感覺可以快食快走唔洗搞咁耐，佢哋最出名嘅係招牌炸倉魚米線，好多人會為咗呢條魚而過嚟🥢炸倉魚米線 (酸辣）$62 +凍飲 $8倉魚係即叫即炸，上檯時魚上面嘅油仲喺到跳動緊，非常熱，魚皮已經好乾身好香口最啱就係魚皮及魚肉浸湯咁食，吸曬湯底味道，酸辣小辣味道酸度剛剛好，唔會死酸嘅感覺，但肉燥就相對會少咗好多，米線煮得有d 太腍無乜咬口，下次要叫米爽🥢兩餸小窩米線 (麻辣胡椒湯）$49 +凍飲$8豬腸及腩肉兩餸，豬腸滷水過，表皮會比較乾身感，口感幾實在唔會太軟，腩肉每片肥瘦不一，但份量都算ok ,麻辣湯幾夠濃味，今次胡椒味道比較薄弱，只食到麻辣香比較重 ,但感覺因為湯底夠濃而且辣度夠，所以都成日好掛住呢個湯📍龍川雲南米線 (太子)太子塘尾道186號地舖#龍川雲南米線 #龍川#太子美食#米線

小鍋米線 $49湯底有酸麻辣湯/麻辣湯/沙嗲湯/麻辣胡椒湯。沙嗲湯同麻辣胡椒湯比較想試吓。我最後揀左麻辣胡椒湯，小小辣。因為未試過呢間就唔揀太辣。食第一啖覺得唔係好夠味，不過愈食愈有胡椒味，都唔錯既。小鍋米線本身就包左$9 既2個餸，我揀左麻辣鴨血、黃金墨魚餅。鴨血有三大舊，唔會有怪味。而個墨魚餅就普通啦。今次平日中午去到唔會太多人，但餐廳比較細，坐滿既話都好迫。下次會想試吓沙嗲湯底、腩肉、炸韮菜餃子。

作為米線愛好者當然要試晒香港所有好食米線店見到介紹太子有間好食米線就即刻約咗朋友一齊食結果一直夾唔岩時間拖咗一陣先食到湯底都唔少我地都叫咗沙嗲湯而餸同小食嘅選擇就仲多每樣都好吸引每樣都想試完全唔知應該揀邊款好同朋友就試咗炸雞同豬頸肉兩樣都即叫即煎炸脆皮熱焫焫好好食炸野份量都唔少可以叫另上就唔怕淋晒我果碗仲加咗招牌腩肉都幾入味幾好食但份量就少咗啲沙嗲湯都好正好惹味米線軟硬適中配埋一齊真係唔錯以後嚟到太子又多一間選擇啦

今天下班後專程來吃這間米線，地方比較小，不算坐得舒服。幸運的是，因為時間尚早，不用等位就能入座。我點了一碗龍川雲南米線大大碗，裡面料很足，有雞肉、牛肉、蘿蔔、滷水蛋、豬紅、貢丸和豆腐皮。這麼大碗米線只要 $62，非常划算，既大碗又好吃。

厚切腩肉肥瘦均稱，軟腍香口，穩陣發揮嘅米線🫡！・・・・・・・・・・・・・・・・・・・・🍜 小鍋米線 微辣 HK$63＞招牌腩肉＋蘿蔔・味道：湯底正常發揮，微辣對肚波嚟講唔多夠皮🤭，少過十小辣嘅味，愛辣人士可以挑戰高級數辣度。腩肉肥瘦均稱，肥豬肉好軟腍香口，入味好食👍🏻！蘿蔔冇渣不過唔甜亦唔淋，差咁啲。・口感：厚切腩肉好香口！米線正常發揮，唔算彈牙亦唔會好淋，整體正常發揮。食咗朋友嘅豬頸肉，仲好食！外皮燶邊燒到焦香，逼晒啲豬頸肉油脂出嚟，肥仔必試XD！・・・・・・・・・・・・・・・・・・・・🤰性價比：中～🤰9衝度：可試～🤰結論：佢位置有啲尷尬，太子同大角咀交界，味道正常未去到必食不可，有好多同佢差唔多水平嘅米線舖，經過可以食，唔使特登去～・・・・・・・・・・・・・・・・・・・・📍龍川雲南米線地址：太子塘尾道186號地舖

經過太子 諗住搵下有咩好食嘅米線比我發現呢間幾特別鋪頭係一個唔起眼嘅轉角位細細間 唔係好多位 坐滿人我都等咗一兩張枱先入到去入到去自己寫紙落單種類都幾多有米線 有飯餐餐紙令人有啲混淆😂不過照圈 佢都睇得明1️⃣炸豬排麻辣黑胡椒湯米線 小辣網上推介 要叫麻辣黑胡椒湯再加蘿蔔每個餸加$9個湯嘅胡椒味都幾出😍同麻辣好夾食完唔會好頸渴炸豬排好脆2️⃣炸墨魚卷呢個推介！炸到好脆加埋雞醬 好食同埋份量都多總結中意食米線一定來試試

呢間位於太子嘅米線小店雖然細細間，但係米線款式與別不同，招牌米線有胡椒豬肚湯米線、麻辣口水雞米線、香炸倉魚米線等等！作為一個米線控，就梗係一定要來品嚐吓呢啲獨特風味嘅米線啦～胡椒豬肚湯米線💰HK$50同平時食開嘅胡椒豬肚湯嘅味道有少少唔同，湯底好濃郁，甜得來胡椒味又夠突出，美中不足係米線口感比較淋～小鍋米線(包兩款$8餸)💰HK$47朋友呢碗就叫咗清湯，味道清甜，但味道冇胡椒豬肚湯令人咁深刻！餸就簡咗墨丸同埋招牌腩肉，墨丸好彈牙，招牌腩肉好惹味，唔錯～香炸豬頸肉💰HK$28外層炸到好酥脆，入面嘅豬頸肉好juicy得來又保持到爽口彈牙嘅口感，大推👍🏻～

今次蒞到太子試呢間龍川雲南米線。米線真係經常食，有譚X，去埋佢個三哥，仲有雲桂X，仲有好多唔記得乜名，又食過荃灣嘅阿婆米線。但令我食完仲想encore嘅真係唔多，反而比較多係為填飽個肚。呢間係我食過仲想encore N次嘅米線。真係好正。呢度點米線一碗填一張，先點上面的米線，再點湯底和辣度（清湯可免），再點菜料、小食和飲料（optional)。特別推介香炸䱽魚米線。原條䱽魚，大大碗米線，有牙菜、芫茜、韮菜等，非常足料，小弟唔係好食辣，叫咗胡辣湯底，辣度選咗少少辣，加埋條䱽魚，香脆唔油膩。註：䱽魚亦都可以在小食餐牌獨立叫今次仲幫家人點咗胡椒豬肚米線，胡椒味足，奶味重，如果喜歡奶味湯底的同好，推介你試試。豬頸肉都好味，今次叫咗清湯，豬頸肉夠香夠嫩。小鍋米線都唔錯，不過好睇你選咩餸，我就叫咗魚腐和鹵水雞翼，湯底係酸辣微辣，味道唔錯。下次再去encore慢慢試埋其他嘢。呢度除咗米線仲有飯食，不過我仲未試。