影片
以上资料只供参考，请与餐厅确认详情
相关文章
咁啱嚟到葵涌呢头，见到呢间上海餐厅，有啲古色古香嘅味道，所以就入去试吓到底咩味道！我同朋友就叫咗一个麻辣面、一个花生面，麻辣面嘅味道就系有啲似鸡汤加少少麻辣味，冇乜太大特别，配料有少少榨菜，更有口感，唔会太寡。但系排骨就有啲失望，唔热唔暖，而且啲酥皮都系腍腍地，我自己就觉得同我以前食开嘅唔同。唔太推介！另外，花生面嘅汤底系好浓花生酱味，如果你钟意食担担面，我觉得呢个都OK。肥牛就不过不失，都系你谂到嘅味道。此外，黑豆浆系市面上买到嘅，所以就唔作评论。小笼包就系成间舖最推荐嘅嘢，因为真系好Juicy，一食就爆汁，而且啲汁系好多。同埋系热辣辣喷晒蒸气。还原到上海小笼包嘅味道！总括而言，我系推荐小笼包，而其他食品可以等大家自己去探索！
继续阅读
今次试咗间小店嘅下午茶，整体不过不失～最惊喜系✨酸辣汤饺子✨，酸辣度啱啱好，饺子皮薄馅足，菜肉馅好香浓！🍜麻辣担担面配水饺（$42）就普普通通，汤底唔够浓郁，不过面质几弹牙，系正宗上海面～豆浆正常发挥，解辣一流！重点推介🎉小笼包（11周年优惠加$11多4只）！皮薄到透光，一咬爆汤💦，热辣辣超正！呢个价钱真系抵到烂👍🏻！
继续阅读
黎到葵兴呢边做完野就揾个地方食一个lunch 之后就拣左呢间上海野lunch 等位都等左15分钟, 环境比较迫, 唔系好坐既地方.最后点左醉鸡菜饭, 送是日饮品.是日饮品系樽装, 每日不同既.醉鸡菜饭(OK)醉鸡份量一般, 肉既口感正常,唔系话好滑, 菜饭, 正常味道 不过唔系好够热...不过整体黎讲, 份量系唔算多, 食得唔算话足够, 要加小食先可能叫饱D.价钱50几蚊就叫勉强可以接受既... 不过如果要等位就真系唔会再等了, 唔值.总结只系好一般既上海野, 味道唔算系吸引之选. 速食lunch叫做勉强接受.
继续阅读
老公喜欢食上海菜，但香港好味上海菜馆真系愈来愈少，突然间话想食，真系要谂下。听人讲龙川好味，记忆中之前食过一次，但印象唔深刻，见位置都顺路去，就再试一次。唔记得龙川唔系食小菜，系面、菜饭之类，于是叫了我喜欢的酸辣汤饺子、上海粗炒、煎锅贴同蟹粉小笼包。首先酸辣汤饺子好得，酸辣味道刚好，唯一少咗猪红丝，美中不足。菜肉饺子肉味浓，配埋酸辣汤好美味。煎锅贴正宗煎法，底部㶶脆，里面肉汁保全，👍🏻！蟹粉小笼包比好多上海饭店好好多，抵食👍🏻。上海粗炒比较甜，我哋无食哂，拎返屋企第二日加少少豉油蒸返热刚刚好。豆浆唔系自家制都扣咗少少分，不过今时今日，请人做嘢都难，唔可以样样嘢自制都好明白。临走买多一打菜肉云吞，返屋企整砂锅云吞鸡啱哂👍🏻
继续阅读
中午嚟呢度食饭，12:45入边都仲有大枱，食食吓外面就要排队。中午饭一律$50至$54，几抵食又好味。糖醋鱼块菜饭啲鱼块虽然薄身啲，但系啲炸皮都薄，所以仍然有保留到有肉嘅脆炸。点埋啲糖醋酱，即刻令啲鱼块唔会过分脆硬，好送饭食！不错！另外啲菜饭好特别，有埋啲菇粒喺入边呢个餐$54仲要送豆浆杯热豆浆劲好饮，饮饮下仲要饮到一片片豆浆面头干咗嘅皮，即腐皮，好食好正同事话招牌嘅上海排骨面同埋龙川上海粗炒都好食！全清！下次会再嚟试其他~
继续阅读
您可能会有兴趣的...