龍媽媽糕點

屋企人啱啱出院，成日話口乾，又口淡淡。咁就醒起有間糕點鋪，咁就專登出嚟買少少返去試吓。怕屋企人都未算好開胃，其實佢其他款式都好吸引，都好想買多啲試，不過又怕說到第日會晏，淨係買咗兩款綠豆糕同埋九製陳皮糕。返到屋企食完飯，就做飯後甜品。好彩媽子試咗先，知道原來陳皮比綠豆甜好多。咁所以先食咗個綠豆先，都真係幾清唔算甜，感覺上好似健康啲。山楂相對嚟講係龍尾啲酸酸甜甜，但係又唔會真係死甜。呢款又真係好似出邊好少見其他舖頭有做，都係吸引我買嘅原因。剩低嚟講係可以encore嘅，不過就要行遠少少先買到。…查看更多

睇呢到既相覺得幾吸引，咁岩又係公司附近，所以去左買黎試下。第一次去，舖頭位置唔難搵。去到舖頭，見到舖面同職員個感覺係乾淨既。第一次試，好多款選擇，最後揀左$20/3件既糕點，整體感覺唔太甜，想食得唔太甜既朋友可以一試。******************************椰汁斑蘭千層糕/紅豆糕/眉豆糕******************************椰汁斑蘭最好味，三款之中最甜，煙煙韌韌咁，最好味，椰汁同斑蘭味都唔錯紅豆糕竟然唔太甜，味道正常發揮眉豆糕好多豆，咬口唔錯呀下次想試下佢一樽樽個d甜品…查看更多

咁好食嘅糕點鋪，實在太遲先發現🥹用薄層嘅方式去造，卷起嚟起碼14層，層次分明，咬落去爽口彈牙。黑芝麻同埋椰汁斑蘭味道都好濃(完全唔係香精隻味)。兩隻味都好食，我就鐘意椰汁斑蘭千層卷多啲。去開佐敦一定會再試佢其他糕點。黑芝麻卷+椰汁斑蘭卷(4條) $28*夜啲賣哂㗎啦，三點前好嚟~…查看更多

之前約左朋友係佐敦食飯，係網上面search「佐敦美食」，意外穩到依間好多人讚嘅「街坊糕點鋪」，所以就順便買嚟試下！果然冇令人失望！！一定要講嘅係我食嘅依 4 款糕點甜度都好適中，而且口感超好，感覺每款糕點都係真材實料，真係好耐冇食過味道同口感都咁好嘅糕點！！椰汁斑斕卷 - 好鍾意，超推薦！椰汁味好香，加上斑斕味，真係好正👍！雖然佢一層一層嘅，但驚喜嘅係佢嘅口感一啲都唔厚實！整體好清新！黑糖薑汁糕 - 亦都係好鍾意嘅一款！唔單只有好重嘅薑味，另外仲帶啲黑糖嘅香味！真係第一次食到有咁重薑味嘅薑汁糕，超正！芝麻糕 - 芝麻嘅味道既濃郁又香，好值得一試！紅豆糕 - 雖然味道上冇乜驚喜，但入面有好多紅豆，勁足料，好適合鍾意紅豆嘅朋友！另外，佢地仲有其他口味嘅糕點，好似牛奶布甸、芒果布甸、馬豆凍糕、飲品、桃膠楊枝甘露、椰汁西米紫米露等等，聽講都唔錯！建議大家盡量早啲嚟，因為佢地熱賣嘅糕點甜品都賣得幾快！*佢地禮拜日唔開…查看更多

路過龍媽媽，外部見企企哩哩，買了共六款糕點回家試試。我品嚐後如下：1）黑芝麻糕很重芝麻味很香👍2）椰汁斑蘭如是👍3）馬蹄糕足料，也不是很甜4）鳳梨糕較罕有,味道清新5）椰汁桂花都好味6）黑糖薑汁個薑汁味很出，不太甜起初只係試吓,不予厚望，但食後就滿意度提升。而且這些舊式糕點可能唔興，但對於好質素的食物應該給予鼓勵和支持💪，以免被淘汰整體來說,龍媽媽糕點很岩我的口味，所以我會再幫襯,再試吓其他出品…查看更多

芝麻卷❤上次試過芝麻糕，2個分別就係味道都一樣咁香，但卷既口感會滑身好多，我中意嚡口既口感，所以下次再買會買返糕斑斕卷❤ 真係好香，又唔死甜，好清新馬蹄卷❤ Q彈爽口，仲食到粒粒馬蹄紅豆糕❤ 勁 香 甜! 黑糖薑汁糕❤ 中意薑既你必點!! 真係好夠重薑味綠豆糕🤗 如果中意好豆得黎又唔甜既，呢個岩你~椰汁桂花糕🥰 希望可以出個無椰汁既版本三寶糖水❤ 桃膠 雪燕 雪蓮子 紅棗 第一眼見佢好似冇咩料咁，一開蓋，一"不"起，啖啖都好足料佢地既甜品都唔死甜，樣樣份量都好重手，口感好實在，好味!🥰🥰…查看更多

今次第二次幫襯第一次去幫襯嗰陣係因為好想食芝麻卷於是上網search就發現咗呢間舖頭而家喺香港要搵呢啲傳統糕點原來真係得幾間，呢間裝修都比較新派仲記得第一次去舖頭嗰陣大約五點幾第一個感覺覺得款式都幾多仲見到後面有一個個膠袋裝住客人預留嘅糕亦都咁啱撞到有人拎糕但係我發覺原來有一款已經比其他客人預留哂喺個櫃裏面見唔到嘅就係椰汁斑蘭千層糕由於我第一次食唔到呢一款糕點於是乎我今次就早d去就成功買到了但試完後我最欣賞係膠盒裝$28嘅菲林卷不論係芝麻定係椰汁斑蘭卷口感都一流，軟滑稱得上好玩又好食，小朋友可以玩住食至於$20/3件嘅糕點:黑糖薑汁糕-薑味好重,適合鍾意薑嘅朋友,甜度適中椰汁桂花糕-我個人偏向比較鍾意食普通桂花糕,夾雜咗椰汁令到桂花味淡咗,但係估計舖頭可能想創新啲所以加入椰汁椰汁斑蘭千層糕-口感同椰汁斑蘭卷差不多,但我比較鍾意食卷狀馬蹄糕-一粒粒馬蹄切到好細粒,食嗰陣有啲口感,硬度甜度適中，幾有誠意紅豆糕- 足料，有咬口位置方面，唔係太近地鐵站，兩次去都係揸車去買…查看更多

若果鍾意食中式糕點嘅就介紹你哋嚟呢一間🌸龍媽媽🌸，佢哋全部都係手製造做，講到鎮店之寶，就係呢款桃膠楊枝甘露 $38 ，非常聚手，證明餡料相當豐富🙏🏻，外型吸睛，底層係滿滿嘅桃膠，之後就係粒粒芒果肉，好甜好新鮮，最頂層就係楊枝甘露，香味濃郁，食完真係飽晒😍😍😆😆其次值得推介嘅，就係另外一款好似黑白棋嘅🐮3.6牛乳芝麻糕 $30，口感相當煙韌，牛乳同芝麻味各有千秋，味道非常夾👍🏻👍🏻另外仲買咗啲糕點，有黑芝麻糕，椰汁斑蘭千層糕，椰汁桂花糕，椰汁粟米糕等，佢哋每一款嘅糕點味道相當濃郁，絕無偷工減料，口感煙韌，都係$20 / 3件 咋😆😆，仲唔快啲嚟試下😍😍😍…查看更多

5月1號放假原本去佐敦文苑街搵開心果泡芙點知去到嗰間好出名嘅麵包舖其實都兩點幾都話未有得賣住好失望唯有死死氣行返去油麻地地鐵站返屋企途經呢間糕點鋪個廚櫃好吸引就俾咗呢個班蘭椰汁糕吸引住冇得試食㗎，買盒試吓囉！呢個糕係凍食嘅捲埋卷埋我食到佢啲斑斕唔係香精應該係真材實料我見到間鋪仔細細但入邊有三個師傅喺度整嘢食都應該支持吓本地唯一唔好就係個位置超級山旮旯…查看更多

專賣傳統中式糕點以蔗糖及少甜作主打。 雖然位於偉睛街，地方隔渉但人流卻不絕， 大部份都是周邊工作的女士們， 仲要有幾款已售罄，今次試左幾款糕點： 芝麻糕：芝麻味很出，因為少甜更能吃到芝麻香，口感不會太淋亦不會太實。黑糖薑汁糕 ：好出色！要食搶味食材就一定要去得好盡，因為外間好多薑汁食品都係唔夠薑唔夠辣。但龍媽媽的薑汁糕就做得非常夠薑，再加上黑糖中和下， 成件事都變得好完美。 砵仔糕：好鬼多豆，味道可以，但唔明點解唔夠挺身同有點濕。員工推介下次可以試下佢地芝麻卷同椰汁班蘭千層糕，收到！…查看更多

早前睇過啲飲食雜誌嘅報道，先知呢間賣傳統中式糕點嘅「龍媽媽」原來製作喺咁有誠意，所以，今日襯出開嚟佐敦一帶都有少少專誠過到嚟幫襯下，買啲糕點返去當飯後甜品，加上老婆本身都鍾意食呢一類中式糕點。門口放咗兩組凍櫃，所有出品一眼睇晒，左邊矮身凍櫃放晒所有糕點，右邊高身凍櫃就放咗一啲滋潤養身飲品，睇起嚟都幾特別:)，不過，今次就試試店家嘅糕點先。不得不講，無論糕點，還是飲品，都放得整齊。再細看啲糕點，唔單止款式多，而且，有啲可以講喺坊間少見，重點喺真材實料製作，並非工場交貨嘛！定價$20 / 3件，最正喺可以任搭，咁就可以一次過試到多款唔同口味。晌等候期間，又無意中睇到鋪內一角，果然嚴選優質材料嚟製作，更標明每日新鮮製造。 左度右度，買咗6件心水嘅返去試試。件件糕點都大片又厚身，而拎起嚟都好墜手，感覺份量十足無欺場。紅棗糕紅棗糕夠養顏， 揀嚟畀老婆試，聞落就唔喺好特別，但食落就確喺好有紅棗嘅清甜味，口感軟軟糯糯，糕身算喺幾挺身，裡面仲有少少紅棗肉。椰汁桂花糕 兩層桂花糕夾一層椰汁糕，所以，賣相好睇，桂花都睇得出落唔少，所以，桂花糕部份好有自然嘅桂花香氣，淡雅清幽，糕身亦好有彈性；而椰汁糕部份，椰香十足，兩者估唔到都以夾。黑糖薑汁糕 色澤最深沉嘅一款糕點，但絕對喺「有料」之糕，咬落糕身比較煙韌，味道方面，先有陣陣黑糖香氣，但嗒落去，薑汁嘅味道強勢滲出嚟，更感受到嗰份辛辣之勁，冬天食呢款糕，實有禦寒之效。綠豆糕 咁多款糕品中，以綠豆糕相對平淡少少，不過，你睇見糕身平均填滿綠豆，同樣喺用料無欺場。其實，食味都唔錯，有淡淡綠豆香，只不過，喺無咁特別而已。紅豆糕 老婆一向對紅豆情有獨鍾，所以，晌眾多糕品之中，就幾鍾意食紅豆糕。呢一件紅豆糕，質素都唔錯，裏面嘅紅豆大大粒、好飽滿，清甜味十足，又唔會太甜。椰汁斑蘭千層糕雜誌特別講到佢哋喺用新鮮斑蘭葉榨汁，所以，點都揀一款有斑蘭元素嘅糕點。呢件千層糕，綠白相間足有9層，絕對喺心機嘢，而淡淡綠色絕對唔喺人造色素，原汁原味以斑蘭汁去做，故入口確有有陣陣斑蘭清香，質地煙韌有彈性，配以椰汁糕，極具東南亞風，好睇又好食。先後分享咗6款糕點，可謂各有特色，果真用料十足，平均算為$7件，呢個價實在喺抵食。仲有，糕點都喺當日做當日賣，食過之後，每一件都都食得出喺新鮮貨，唔會話放耐咗有啲部分就會變硬嘅感覺，真喺好夠誠意。…查看更多

之前有朋友買過啲芝麻糕，超級好味，所以今日諗住特登走去買，點知去到已經賣晒！老闆話芝麻糕好搶手，所以想食就要趁早。既然去到，都買咗幾款試吓：牛奶布甸，美顏三寶，紅豆凍糕，馬豆凍糕，椰汁桂花糕，椰汁西米紫米露。我覺得椰汁桂花糕好出色，口感超級好，桂花味清清地，加埋椰汁都幾配！之後就係牛奶布甸，超級滑，又唔會過甜，連屋企老人家都話好好食！一直都有人排隊，老闆都做到冇停手，但係老闆好好人，同個個都有傾又講，超級有人情味！所以下次一定會早啲嚟幫襯！…查看更多

🥠🥠🥠佐敦隱世中式糕點▫️$20/3件☑️芝麻糕都算大件厚切，未食已經聞到好香芝麻味，食落有芝麻糊沙沙地嘅口感，一路咬，濃香嘅芝麻味會慢慢出黎，吾會過甜，煙煙韌令人回味無窮。☑️椰汁斑蘭千層糕綠白色一層一層外表已經好靚，總共有9層，誠意之作。椰汁味同斑斕味都好出，兩者簡直係絕配。咬落同樣煙靭，層次做得幾實，用叉叉起都唔會逐層分開，抵讚。🆗椰汁桂花糕分為三層，兩層桂花糕，中間夾着一層椰汁糕，桂花糕晶瑩剔透，只有清淡桂花味，不太濃，冇咩味，相對失色。🔸龍媽媽糕點🔸地址：佐敦偉晴街81-87號翡翠閣地下H號舖#傳統糕點 #傳統糕點店 #小食 #柯士甸美食 #佐敦美食 #芝麻糕 #懷舊老店#小食店 #甜品 #糕點 #椰汁斑蘭千層糕 #中式糕點 #中式糕點店#龍媽媽糕點 …查看更多

雖然冇幾耐前新年先食完糕🙈但係經過見到佢買啲咁精緻嘅糕又想試吓加上佢係新開嘅，支持下啲本土小店啦足足有10款口味嘅糕點任揀😍 $20/3件，可以唔同口味配搭除咗糕點之外，仲有各類型嘅糖水，全部走滋補養顏路線✨舖頭寫住用泮塘牌純馬蹄粉，主張無添加同埋每日新鮮製造！件件糕點都好厚身同大片，有料嗰啲仲好足料添！(幫大家量一量重量，每件有接近100g架😲)糕點望落似啫喱，但比啫喱實身啲，同埋冇咁容易爛▶️ 芝麻糕成件黑蚊蚊🖤係唯一一件冇餡料嘅糕，亦係佢熱賣之選🔥聞落同食落都好香芝麻味，咬落食到啲芝麻沙，冇其他料都唔覺得好齋甜度啱啱好，比起出邊食嘅好多芝麻糕唔甜口感偏煙韌😋十分之推介！▶️ 眉豆糕自己好似冇食過眉豆，所以特別好奇佢咩味因為眉豆偏大粒，咬落十分之有質感，仲要入邊起沙件糕完全唔甜，零負擔😌口感偏啫喱少少▶️ 紅豆糕差唔多成件都佈滿大大粒紅豆粒🫘會食得到同眉豆味道唔同，不過紅豆味本身唔算好重，口感上比眉豆更加沙同樣唔會好甜▶️ 綠豆糕同紅豆糕一樣都係佈滿豆豆綠豆比起紅豆同眉豆細粒，比較似綠豆爽，相對冇咁有質感▶️ 椰汁粟米糕有啲似泰式甜品，椰汁糕入邊放咗粒粒甜粟米🌽椰汁糕超香椰汁味🥛呢個係起六款入邊最甜嗰個糕嘅質地相對水潤少少🤏🏻不過覺得佢入邊啲粟米粒比較生，咬落少少硬🤥唔係啲會爆汁嘅粟米，亦唔夠香粟米味，所以差少少▶️ 椰汁桂花糕上下兩層半透明嘅桂花糕，夾住一層椰汁糕，望落好「優雅」一開始以為會有少少花香味，但實質冇咩味🫣主要都係食到中間椰汁糕嘅味，同上面椰汁粟米糕嘅味道一樣-平日唔係特別鍾意食糕，但係呢間真係做得唔錯👍🏻糕嘅質感做得好好，唔鬆散而水潤度啱啱好，帶少許嚼口鍾意佢唔會太甜❣️食完成件都唔會太膩✔️個人推介芝麻糕，豆味嘅糕都OK服務超好，有個後生仔幫手賣糕 (應該係家庭式生意？可能係個仔)🥡包裝亦細心，用個可以放喺微波爐嘅膠兜裝住，完全唔驚壓扁啲糕性價比亦算高，平均$7/件，食一件都已經好滿足夠飽 (不過當然如果有人可以同你分享就可以試晒唔同味😙)唯一喺舖頭位置比較唔方便，無論柯士甸站定佐敦站都要行一陣先到，同埋唔係喺啲旺街嗰度，唔特別搵可能就見佢唔到 ;(希望多啲人會發現到呢間隱世糕點店啦！…查看更多

見到openrice全部好評，本來期望甚高，但食完發現食評水份甚高。排列整齊，樣都好靚仔，但味道淡到不得了，好輕微的芝麻味，質地係一咬即斷，零咬口嗰隻。適合淡口味人士，連甜度都好低，白色部分奶味亦無乜。紅豆糕係我地一致認為最唔好食的，紅豆偏硬，糕嘅部分好淡，幾乎無味，都係一咬就斷開，完全唔甜，唔太知食左乜。我覺得唯一可取嘅係包裝爭氣，d糕外貌亦乾淨整齊，但味道真係平平，無回購嘅意欲，唔明點解咁對好評。…查看更多