龍如酒家

早前同屋企人Gathering去咗經常幫襯嘅老牌海鮮酒家🏮一向都係自己帶海鮮過去煮🥹味道穩穩陣陣不過不失沒有太大驚喜🤔價錢方面CP值一般般啦☺️比較有亮點有蒸蟹肉質唔多但保持咗鮮甜口感🦀薑蔥蠔煲好入味而且蠔肉鮮甜飽滿🦪魚湯就一貫嘅鮮甜🐟另一方面上湯龍蝦調味就整體芡汁較鹹搶過了鮮味🦞蟶子火候有一點點過龍少少韌🐚 斑腩味道就合格啦💙⭐️ 龍如酒家 (流浮山)📍 流浮山流浮山正大街25號地舖…查看更多

今天我跟一位朋友去食飯，兩個人每人各食了一隻鮑魚一個帶子一隻大蝦同埋一砵蠔，仲有一碟$100嘅生菜，埋單竟然係$1005問佢攞明細單只有手寫冇電腦單提供。我哋叫的海鮮只有一個總數冇細分嘅數，仲以為佢哋有自家嘅海鮮檔會平啲問佢的價錢只有講幾多錢一斤冇講秤嘅多少斤條數都唔清楚，問佢睇所謂嘅手寫單，只寫了海鮮嘅總價錢547 ，而且仲有加工費300一碗白飯都要成$18紙巾醬油費$10 。以為食到咁貴可以碌卡啦佢就話要收3%嘅手續費咁我只好攞現金出嚟埋單。最初門口寫住免+1所以吸引咗我哋入去食飯，點知原來中伏咗雖然啲食物都唔錯，但係價錢感覺亂嚟存在欺騙，所以唔會有下次！差評…查看更多

偷得浮生半日閒。有機會到流浮山食海鮮。好幸運有公共泊車位。停好車便直去龍如酒家。每次來都係呢間。服務員態度好，有魚湯送。唔係話其他唔好。只係唔想週圍試。今次三款都係貝類。三種做法：蟶子皇就豉椒汁，元貝就蒜蓉粉絲蒸，鮑魚當然係果皮豉汁蒸。特別讚元貝，真係大大粒厚身，好正。都算入味。但粉絲白潺潺有點失色，要自己撈汁，扣分。鮑魚雖然正常，但果皮咬唔開要吐出來，亦無果皮味。又係有點失望。整體配料質量、做法一般，但無損海鮮味道，一碗飯好快食完。結賬要573港圓。正常價格。…查看更多

以前來流浮山都係食海灣，自從海灣執咗就試吓新嘢，撞咗入呢間龍如洒家。門面都乾淨企理。叫了炸生蠔，兩隻奄仔蟹，三隻大南非鮑，鼓油皇大蝦。九百幾蚊埋單，包埋送魚湯同埋椰汁糕和飯後果橙。三個人食價錢唔算非常貴，但係感覺真心差，奄仔百一蚊一隻，用鹽焗，但係有一隻係無膏嘅，鮑魚用嚟做薑蔥鮑魚煲，煮出嚟已經唔靚，d汁一大pat，三隻都係超靭，好明顯係唔新鮮。我食咗鮑魚幾十年，好清楚係死鮑魚至係咁嘅質地。以後唔會再幫襯。…查看更多

龍如酒家係朋友介紹，山長水遠嚟到流浮山緊係食海鮮 。撇除海鮮嘅質素，其實海鮮新鮮就間間都好食，最主要係食佢哋師傅煮嘢食火喉同調味 。1）豉椒炒蜆唔記得係蜆定花甲，炒得好野味 。乾淨無沙 。2）龍如脆腩唔記得咗係咪呢個名不過朋友點名話要試佢哋嘅魚腩，我本身麻麻食魚，但係佢整得好香口，連骨都可以食埋 。3）薑蔥花蟹整體嚟講佢啲海鮮都好新鮮，唔係水蟹，啲肉都好實淨 。4）清蒸陳皮鮑魚唔係南非鮑，肉質都軟熟同滑 。5）椒鹽瀨尿蝦佢地加左大量洋蔥，又幾好食，調味又唔會過咸 。6）腐乳炒通菜，正常一個炒菜 。本身想點埋佢地豆腐滾湯，不過佢哋當日話豆腐變壞咗所以無緣佢地滾湯 。其實豆腐好容易係出面臨急買到，但係佢地都寧願唔做，相信佢哋對品質都抱有要求 。…查看更多

又去流浮山食海鮮啦😎今次都係買海鮮拎去加工😆食左蒸鮑魚，蒜蓉粉絲蒸帶子，炒蟶子，炸生蠔，薑蔥炒蟹，蒸班頭腩，香炸班頭腩整體上菜有序👍🏻食完一道再上另一道，火候控制得好，有鑊氣😆侍應態度有禮, 會主動換碟😆…查看更多

公司週年紀念食靚海鮮🦞🦀❤️最中意到元朗流浮山😜一去到流浮山去海邊行下睇日落🌄當天天氣好睇住日落心情愉快🫶🏻再去食海鮮選擇到食開個間～ ～油鹽焗奄仔蟹 🔺每次都必食，正呀😘 ～龍躉兩味 🔺龍躉炒翠玉瓜正常發揮👍🏻 🔺炸龍躉好驚喜，入口即溶超好味🤩 ～蒜茸粉絲蒸扇貝 🔺保持水準😜 ～薑蔥蠔 🔺個人覺得好普普通通😂 ～芝士龍蝦伊麵 🔺另一出色之作😉 ～椒絲腐乳通菜 🔺有鑊氣嘅🙃…查看更多

母親節一於帶媽咪嚟好耐冇去嘅流浮山食海鮮！本身都住大西北 揸車嚟15分鐘左右出面就有停車場 都好方便👍🏻呢間龍如就喺大街嘅中間4個人叫咗7樣海鮮+1碟炒菜1. 豉汁聖子聖子好爽 一啲都唔腥😻豉汁炒到好香 2. 龍躉球平時唔食魚嘅我 都覺得炒得好好食魚肉好鬆化 唔實 最重要唔腥！3. 椒鹽賴尿蝦冇得彈🥹啲蝦殼炸到好香口 加埋啲蒜直頭想連個殼都食咗🤣賴尿蝦唔算好大隻，但唔會話好瘦，隻度都厚肉👍🏻4. 鹽焗花甲成晚覺得最普通係呢樣 硬係覺得呢啲要豉汁炒但因為老細見我地聖子已經豉汁 所以叫我地轉呢種食法 花甲ok嘅 冇沙 可能個人覺得太重薑味所以扣左啲分5. 蒜蓉蒜貴妃蚌估唔到除咗元貝之外 咁樣整貴妃蚌都一樣好食😋每隻都俾勁多蒜同粉絲一齊蒸 好正😍個蚌唔係好大隻（不過貴妃蚌本身好似都唔大） 唔會蒸到好un 食落爽口6. 花蟹花雕蒸蛋白隻蟹好鮮甜😋蟹鉗蟹身都多肉食蛋白略嫌唔夠花雕味7. 辣酒煮花螺個汁唔算辣 好惹味😚花螺夠晒入味 牙簽一撩就出嚟 唔會話好難撩到總結嚟講覺得算抵食人均$700👍🏻會有下次…查看更多

今日難得朋友揸車去流浮山，帶我哋去食海鮮，去咗呢一間正大街嘅龍如酒家加工，我哋買咗南非鮑魚花竹蝦同埋龍蝦去加工 由於我哋訂咗位，去到走唔駛等直接入去 比較推介嘅，係蒜蓉蒸花竹蝦一嚟到嘅時候已經有好香嘅蒜蓉味，賣相非常吸引清甜既花竹蝦配搭上香噴噴的蒜蓉和豉油，配上粉絲，十分好味，粉絲吸收晒啲精華，非常鮮味西澳嘅龍蝦本身非常新鮮，去到嘅時候仲係扎扎跳 呢個芝士焗龍蝦真係一流，龍蝦肉爽口彈牙，再配埋濃厚嘅芝士味，配搭上真係一流 龍蝦處理上亦都唔會有太過熟嘅情況，火候控制得宜 陳皮蒸鮑魚都隻隻肉質鮮甜，令我非常喜出望外反而豉椒炒蟶子，就有少少過老，有兩三隻都唔係好咬得開…查看更多

1年前與女友去過，味道好，價錢合理。我們今次再去，叫同樣的菜式 (龍蝦，瀨尿蝦，花螺，蟶子)，要兩倍價錢，完全不合理，欺騙食客嘅信任。兩隻瀨尿蝦 (見圖) 要520蚊，未計加工費，自己諗喇…查看更多

龍如海鮮酒家.龍蝦：好食。其他：見人見智。流浮山條海鮮街後d嘅酒家 質素無返咁上下都真係生存唔到 仲要唔洗+1 都真係幾癲 本身同女朋友行嘅時候都幾驚俾人劏，但係發覺門口個阿姐都幾好人 比d指引我地買幾多 兩個人食幾多份量 講返個龍蝦 煎過係幾好食 香口又唔膩 配埋芝士伊麵認真唔錯 食到無停口 食過返尋味 連殼都lam乾淨lol其實仲叫左蟶子同炸蠔 一個就一般水準 一個直頭連蠔味都無 最多可以叫佢炸粉.是但啦 埋單9百幾蚊 算唔錯體驗 但係除左龍蝦蟶子encore 其他無下次-.-…查看更多

年廿八晚飯，諗住去食餐好啲去流浮山食海鮮餐，我哋兩個冇訂枱，經過龍如門口啲夥計又好親切，餐廳門口又有好多海鮮可以揀，我哋就決定揀呢間喇，一坐低夥計就俾咗兩碗魚湯我哋先，其實海鮮只要新鮮基本上都係好食嘅，咁梗係要開返一支白酒啦。龍蝦一大隻🦞，我哋叫上湯龍蝦配煎米粉底，其實真係好好味，唔使每次都係用芝士底太漏又食唔落其他嘢。油鹽水蝴蝶蚌，好似過火咗少少，少韌。椒鹽賴尿蝦兩隻，肥美有糕😋蒜蓉粉絲蒸象拔蚌仔四隻。其實入去流浮山食海鮮，都預咗係貴，冇諗過原來門口買嗰啲海鮮係要另外再俾加工費，但係成餐飯嘅招呼都係一流，所以就算俾多少少都係順氣嘅！…查看更多

🍴龍如酒家 @流浮山🍴 流浮山出名食海鮮就係人都知架啦！小編住大西北咁近就梗係會入去試下食啦！其實係呢間都食過幾次，係友人介紹，覺得味道唔錯價錢又唔會太貴。首先去到門口自己揀左海鮮先，之後同店員講想點煮就得架啦！呢餐平均人頭食左400幾蚊。------------------------------🟠蟶子煎米粉呢碟係小編至愛呀😍蟶子煮得岩岩好，唔會好韌，口感好好。而個汁既味道好惹味。小編係呢度先知有煎米粉呢個小菜，煎完好香口有少少脆，食唔停呀！🔵油鹽焗奄仔蟹平時好少食奄仔蟹，覺得有少少似食大閘蟹，因為佢都係有好多黃黃既膏。之前食過都好爆膏，今日可能隻蟹無咁靚相對就唔多膏。🟢上湯龍蝦伊麵底呢個龍蝦大大隻啖啖肉呀，味道鮮甜，都係每次必叫之選。上湯都幾濃味同埋結身，伊麵吸哂D味，要食返兩碗先得！🟣椒鹽鮮魷呢道菜有驚喜！小編原本唔太鍾意食魷魚，覺得好難咬。估唔到呢度D 魷魚好滑好易咬，味道唔錯。🔴豉油皇海蝦呢道菜相比之下就失色左少少，豉油味夠，蝦都鮮甜大隻既，不過就唔算好特別既款式。…查看更多

我們跟團食團體餐，但想吃多一些東西，於是點多碟豉椒炒蜆 ，侍應說我們八位，兩斤才夠吃，所以我們要了一碟炒蜆再加多碟豉油王炒麵，餸菜上嚟之後，那碟蜆有頗多未開和有殼沒有肉的，碟炒麵就正常，隨後侍應就給我張單，一睇之下，共收$560，碟炒麵$120,即係碟蜆要440蚊，明細看返，來料代烹$164，海鮮代收$276，即係話一斤蜆$138，我們要了兩斤就$276，但為何我在這裡落單要有來料代烹的收費呢，侍應和我說這裡全條街都是如此，因我落單前沒有問清楚，當下唯有做羊牯，結帳了事，所以在這裏提提大家要留意…查看更多

趁假日一行四人去流浮山旅行, 行到五點零鐘去搵嘢食, 龍如酒家門口職員話免加一, 見到酒家門口好多明星相, 所以貢咗入去試下, 門口揀海鮮整個過程也沒有什麼問題, 食物水準一般, 但見張餐廳價目表話蕎頭收15蚊茶錢各樣, 埋呢張單大數每人維到大約接近七百蚊, 但覺得奇怪係上星期啱啱去完三聖村, 人哋啲帳目號分明, 點樣收費好清楚, 但呢度問職員一個大數, 覺得好奇怪十分不透明, 我哋見慣世面, 出慣黎食嘢,所以沒有再追問, 但心目中已經將佢哋列入黑名單, 希望在此提醒需要清楚帳目嘅人, 避免再中招！ …查看更多