龍如酒家

早前同屋企人Gathering去咗经常帮衬嘅老牌海鲜酒家🏮一向都系自己带海鲜过去煮🥹味道稳稳阵阵不过不失没有太大惊喜🤔价钱方面CP值一般般啦☺️比较有亮点有蒸蟹肉质唔多但保持咗鲜甜口感🦀姜葱蚝煲好入味而且蚝肉鲜甜饱满🦪鱼汤就一贯嘅鲜甜🐟另一方面上汤龙虾调味就整体芡汁较咸抢过了鲜味🦞蛏子火候有一点点过龙少少韧🐚 斑腩味道就合格啦💙⭐️ 龙如酒家 (流浮山)📍 流浮山流浮山正大街25号地舖…查看更多

今天我跟一位朋友去食饭，两个人每人各食了一只鲍鱼一个带子一只大虾同埋一砵蚝，仲有一碟$100嘅生菜，埋单竟然系$1005问佢攞明细单只有手写冇电脑单提供。我哋叫的海鲜只有一个总数冇细分嘅数，仲以为佢哋有自家嘅海鲜档会平啲问佢的价钱只有讲几多钱一斤冇讲秤嘅多少斤条数都唔清楚，问佢睇所谓嘅手写单，只写了海鲜嘅总价钱547 ，而且仲有加工费300一碗白饭都要成$18纸巾酱油费$10 。以为食到咁贵可以碌卡啦佢就话要收3%嘅手续费咁我只好攞现金出嚟埋单。最初门口写住免+1所以吸引咗我哋入去食饭，点知原来中伏咗虽然啲食物都唔错，但系价钱感觉乱嚟存在欺骗，所以唔会有下次！差评…查看更多

偷得浮生半日闲。有机会到流浮山食海鲜。好幸运有公共泊车位。停好车便直去龙如酒家。每次来都系呢间。服务员态度好，有鱼汤送。唔系话其他唔好。只系唔想周围试。今次三款都系贝类。三种做法：蛏子皇就豉椒汁，元贝就蒜蓉粉丝蒸，鲍鱼当然系果皮豉汁蒸。特别赞元贝，真系大大粒厚身，好正。都算入味。但粉丝白潺潺有点失色，要自己捞汁，扣分。鲍鱼虽然正常，但果皮咬唔开要吐出来，亦无果皮味。又系有点失望。整体配料质量、做法一般，但无损海鲜味道，一碗饭好快食完。结账要573港圆。正常价格。…查看更多

以前来流浮山都系食海湾，自从海湾执咗就试吓新嘢，撞咗入呢间龙如洒家。门面都干净企理。叫了炸生蚝，两只奄仔蟹，三只大南非鲍，鼓油皇大虾。九百几蚊埋单，包埋送鱼汤同埋椰汁糕和饭后果橙。三个人食价钱唔算非常贵，但系感觉真心差，奄仔百一蚊一只，用盐焗，但系有一只系无膏嘅，鲍鱼用嚟做姜葱鲍鱼煲，煮出嚟已经唔靓，d汁一大pat，三只都系超靭，好明显系唔新鲜。我食咗鲍鱼几十年，好清楚系死鲍鱼至系咁嘅质地。以后唔会再帮衬。…查看更多

龙如酒家系朋友介绍，山长水远嚟到流浮山紧系食海鲜 。撇除海鲜嘅质素，其实海鲜新鲜就间间都好食，最主要系食佢哋师傅煮嘢食火喉同调味 。1）豉椒炒蚬唔记得系蚬定花甲，炒得好野味 。干净无沙 。2）龙如脆腩唔记得咗系咪呢个名不过朋友点名话要试佢哋嘅鱼腩，我本身麻麻食鱼，但系佢整得好香口，连骨都可以食埋 。3）姜葱花蟹整体嚟讲佢啲海鲜都好新鲜，唔系水蟹，啲肉都好实净 。4）清蒸陈皮鲍鱼唔系南非鲍，肉质都软熟同滑 。5）椒盐濑尿虾佢地加左大量洋葱，又几好食，调味又唔会过咸 。6）腐乳炒通菜，正常一个炒菜 。本身想点埋佢地豆腐滚汤，不过佢哋当日话豆腐变坏咗所以无缘佢地滚汤 。其实豆腐好容易系出面临急买到，但系佢地都宁愿唔做，相信佢哋对品质都抱有要求 。…查看更多