影片
每次嚟到葵涌广场，一定会想食陈皮鱼蛋，试过龙仔小食之后，每次都会拣返佢。因为佢啲陈皮鱼蛋好烟靭，唔系烚咗好耐淋晒𠮶啲。个咖喱汁又煮到好入味，有咖喱嘅香味，唔会太油腻感，基本上唔使再落任何酱料。同埋每次经过都有其他人买紧，流量多嘅，多数都会安全啲。食呢啲鱼蛋，最惊就系佢个煲唔滚，但每次经过龙仔小食，佢用电饭煲煲住啲鱼蛋一直都系有泡泡。咁会放心D, 因为唔想扫完街之后，返屋企肚痛唔舒服三四日，就好唔抵啦。
继续阅读
真系好钟意食陈皮鱼蛋！呢间既咖喱汁好够辣！配上陈皮鱼蛋简直无得顶😁唔怪之得成日都咁多人！佢地仲有好多传统小食！希望下次有机会试下😌可惜佢地既鱼肉烧卖麻麻地，好粉😅
继续阅读
个汁真系冇得输 甜味 咖喱味 咸味 辣味 全部都平衡得好好每种味嘅比例都好balance 唔会有人过度抢fo冇人系主角 因为全部都系主角每食一啖都五味杂陈 食完唔会过到口渴亦都唔会上瘾 所以佢个酱 somehow 系正常嘢可以放心食多几次 斋买烧卖一串都系十蚊有七粒 重点系个酱得闲经过摆低十蚊 都算实惠配菜 会好推烧卖 同 鸡软骨 山根同猪皮都好 冇雪味冇怪味P.S. 系对个装嘢食嘅纸兜有啲评价 热到揸唔到😅P.S. 呢间嘢好似搬过舖 应该以前已经好多人食 P.S.
继续阅读
上次嚟嘅时候已经食过一次个鱼蛋觉得太辣，但系因为个辣汁甜甜地，真系好好味，所以就算太辣都好想食多次。今次都系叫咗陈皮鱼蛋想试埋佢萝卜。姐姐话辣汁可以拣辣度（小辣、中辣、大辣同特辣），仲有唔辣可以拣。见到前面𠮶啲人买个捞面都会落辣汁。根据睇YouTube同埋上次嘅经验，今次叫咗小辣。真系好好味，但都几辣下，佢甜甜地，但食食下后面会有个辣嘅味道涌上嚟，好有层次，点鱼蛋同萝卜都好夹，至于啲萝卜就同平时𠮶啲差唔多都系炆到好腍。
继续阅读