齋啡 (已搬遷)

.人生好多時都無預期今日約咗朋友未諗到去邊度之際行行吓嚟到呢度.見到佢寫住今日23/7 係last day話暫停營運人生可能好多時終歸會遇上注定我哋係要到此一遊=================喜歡這杯咖啡☕️食物好健康以沙律🥗為主啱晒今日好熱🥵既夏天.就是到了他們結束營業的時候幸好在結束之前我們能到訪享受😎咖啡及食物第一次試可惜就是最後一次=======================🔖從來都沒有終結，大家只是換個方式再開始。========================.☕️iced latte 喜歡濃濃咖啡 $60是我喜愛的味道.🥗泰式牛油果三文魚沙律$128好好食好鍾意呢個醬汁好fresh酸酸甜甜夏天食真係好開胃而且份量大好足夠.🌮素芝士植物豬柳墨西哥卷配沙律$138冇諗過我咁巨型咁大份真係今日食咗勁多蔬菜好健康個植物豬柳都好好味但係略嫌乾身少少如果相比起牛油果沙津個醬汁我更喜歡.☕️Flat white $50濃濃咖啡 .🍰earl grey cake $48伯爵茶味好夠濃郁但係因為係素食蛋糕為主蛋糕嘅口感同我哋一般食嘅蛋糕不一樣冇咁軟化比較像似中式硬身馬拉糕雖然口感偏硬但係個人嗰味道係不錯配上細滑cream都值得一試======================📍 地址: 齋啡 (尖沙咀)尖沙咀柯士甸道154-156號花園大廈地下7B號舖=======================賣相❤️❤️❤️ ❤️價錢❤️❤️❤️好食程度❤️❤️❤️環境❤️❤️❤️ 服務質素❤️❤️❤️ =======================....…查看更多

第一次來只得廚房那邊，全店就幾個位子。之後擴充多－個舖位，很替他們高興。近來聞說7月23日結業，立刻來再吃一次。有Impossible 豬柳的餐廳我只知道這一家，所以今次跟上次一樣日式咖喱impossible豬柳，配菜豐富，茄子、椰菜、西蘭花、蘿蔔。飯量多，唔記得叫少飯。咖喱微辣很易入口。飯加了烘焙過的黑白芝麻和七味粉。七味粉比咖哩辣更嗆喉。飲品點了黑芝麻latte，純素餐廳好處就是不用加錢轉植物奶🥰希望快點重開，真的再見。…查看更多

話說，訂左個vegan 蛋糕，都食過唔少素食蛋糕，無蛋奶仲好味過普通蛋糕 訂左齋啡個素食蛋糕，睇落簡簡單單咁，希望食落會有多啲驚喜 但係有啲可惜，個蛋糕都真係蛋糕夾住啲cream，味道都夠為平淡🥹 Ps, 個接單既職員都回覆得我比較hea，無介紹過個蛋糕🥲問有咩味道，佢回覆：matcha / earl grey 🥲🥲…查看更多

好少寫食評，但今次想寫一篇，因為真係好失望。☹️好早已經bookmark 左呢間餐廳，一直未有機會試，今日係尖沙咀附近收工，就趁機會黎試一試。餐廳堂食同落order係兩個鋪頭，中間隔左一間鋪，堂食位置整潔。落單後需要自己取餐同收拾餐盤。今日就試左一份素芝士植物豬柳墨西哥卷配蕃薯條，熱黑芝麻latte。賣相唔錯，但味道就強差人意。價錢亦偏貴。🤢先講素芝士植物豬柳墨西哥卷😮‍💨：植物豬柳味道唔錯，但份量十分小，切開左既墨西哥卷橫切面睇，只係佔五份一，其他都係生菜同紅蘿蔔絲，無汁無醬。旁邊既羽衣甘藍蕃茄沙律🙄：無汁無醬，就係一堆菜放係隔離，比較乾身。蕃薯條😒：係凍既，而且十分硬，食左幾條就放棄。本身好期待，因為好鍾意食蕃薯條，但真係硬到可以咬崩牙既程度。熱黑芝麻latte😐：普普通通，無咩特別，好彩都夠溫度，因為有order食物，所以可以飲品減$20，如果以原價$50 order就唔值得喇。總結就係感覺俾左$168食一堆菜同紅蘿蔔絲。👎…查看更多

《Vego coffee 齋啡》📍尖沙嘴站一入去店就見到有好多張敬軒posters & related products✨而且仲有張敬軒嘅歌聽🤭鐘意張敬軒可以過嚟幫襯🤪🤪店舖入面主要用左簡約休閑風格，令我們坐得好舒適😚由於今次有啲趕時間，所以只係買杯咖啡坐一陣間就要走了🥹🥹依間店係主打純素🌱食物&飲品，所以大家可以食得健康又開心😻😻💜Iced Cappuccino 🥤💰$55估唔到用燕麥奶沖嘅咖啡一樣有平時嘅口感🤤飲落燕麥奶泡好順滑可口🤩而下層的咖啡味亦都唔澀，好香口✨但價錢方面感覺有啲進取🥺🥺幸福指數：😻😻😻/5Yumyum舔舔脷指數：🧸🧸🧸🧸/6環境指數：🧸🧸🧸🧸🧸/6服務指數：🧸🧸🧸🧸🧸/6性價比指數：🧸🧸🧸/6回頭指數：🧸🧸🧸🧸/6(滿分為🧸🧸🧸🧸🧸🧸)以上屬小編主觀(非專業)食評，所有意見只供參考 ( ´▽｀)📍 Vego coffee 齋啡🗺尖沙咀柯士甸道154-156號花園大廈地下7B號舖…查看更多

好耐之前嚟食過cake，今次食晚餐，好似去咗張敬軒主題餐廳；擺盤係唔錯嘅，但咖啡 & Smoothie 比食物好，比想像中多「即用即棄」餐具；食落有少少似快餐🫣。🫔牛油果及鷹嘴豆醬墨西哥卷配沙律及番薯脆條 $138🍳全日早餐 $148🧊Pineapple Coffee Soda$58🥑Avocado Smoothie$55。📍 齋啡 (尖沙咀)尖沙咀柯士甸道154-156號花園大廈地下7B號舖。好味指數：🌕🌕🌕🌑🌑回味指數：🌕🌕🌕🌑🌑…查看更多

見到 IG 話純素 cafe $58 / 2件做到5月7日當然要再黎買多次啦上星期光顧左一次蛋糕好好食今次買左不同味道同家人一齊分享抹茶紅豆蛋糕抹茶同紅豆係超配搭的組合抹茶味好香茶味濃伯爵茶蛋糕相比下earl grey 就失色左上次食過佢的紅絲絨蛋糕都好值得推介…查看更多

喜歡軒公的不況可以去打卡去到門口已經見到軒公的新歌poster入到店更加多軒公的文宣想必老闆應該都係軒公fans只要follow 軒公同餐廳的IG 就可以拎到軒公新歌的banner講番間餐廳先做純素的餐廳吾多, 仲要價錢吾貴而且見其他人叫主食都好大份佢係一邊落單同取餐, 餐廳係另一邊自由揀座位, 分開2 個舖位。仲有售賣不同的咖啡豆、咖啡用品仲可以order 散水餅餅好精緻，只係睇樣都已經流口水😋餐廳環境非常舒適, 而且岩晒喜歡打卡的文青, 門口位真係好靚! 不過我地就選擇左座係落單同取餐出面的小座位原因好有種後花園的感覺由於餐廳位置近學校同理大假日去都吾算多人行呢條路一邊同朋友閒聊再一邊嘆杯咖啡同cake當日黎到全部cake 做緊優惠$58 / 2件 (好抵)紅絲絨純素蛋糕好耐無食同好多人推介無麩質蛋糕 朱古力朱古力味超濃配番杯咖啡剛剛好Flat White朋友覺得甜左少少Piccolo咖啡香, 奶份量又吾會過多食完會想下次有時間再黎試其他菜式Cake 已經想好要試試”伯爵茶蛋糕”P.S. 呢度推行善待動物嘅概念, 所以食材同甜品都不含肉類/ 奶類/ 蛋類, 而咖啡/ 飲品都係使用燕麥奶沖調…查看更多

☙ 齋啡💛 ❧ 由幾年前只得幾個座位時，已經認識呢間純素𝗰𝗮𝗳𝗲，到依家擴充經營到隔離鋪，好似見證住小店的成長，但江湖傳聞好似話搵緊頂手，大家要珍惜幫襯的時光了✨每當想食得健康都諗起呢到，不過最近呢次食質素有點兒下滑🥲一直都好喜歡齋啡，但今次有種愈期望反而愈失望的感覺，有點想念幾年前，店鋪最細、環境狹窄但食物高質更多的時光呢🍂 ࿐ 🥑牛油果雜錦素魚生沙律碗 $𝟭𝟮𝟴 素魚生口感特別，食落彈牙又少少爽口，配上新鮮牛油果、羽衣甘藍、生菜等，份量極多，所以食落都幾飽，加埋酸酸甜甜的黑醋汁，好開胃🤗 🌯素芝士植物豬柳墨西哥卷配沙律及蕃薯條 $𝟭𝟯𝟴 墨西哥卷份量好大，夾住大量生菜同紅蘿蔔絲，其實係𝘄𝗿𝗮𝗽版沙律😂但唔知點解會包埋張錫紙入去，食到非常狼狽🌚配上的蕃薯條好硬，食唔到蕃薯味，感覺上似係咬緊無味的脆條🫠 🍰純素紅絲絨蛋糕 $𝟱𝟰 由於不含蛋奶和麩質，所以質地比較濕潤，食落有點漿口，面層同入面𝗰𝗿𝗲𝗮𝗺幾膩，整體都太甜了😕 🍵𝗠𝗮𝘁𝗰𝗵𝗮 𝗗𝗶𝗿𝘁𝘆 $𝟱𝟱 初嚐綠茶𝗱𝗶𝗿𝘁𝘆，綠茶味濃，甘味頗重，入口感覺厚滑，飲落時品嚐到綠茶及奶兩個分層的混合👍🏻但奶味過重，稍為蓋過綠茶香～另外佢只有半杯份量，如果轉返其他杯，觀感會比較好… 👀✨𝗦𝗲𝗲 𝗺𝗼𝗿𝗲 𝗼𝗻 𝗺𝘆 𝗳𝗼𝗼𝗱𝗶𝗲 𝗜𝗚 @𝗷𝗮𝗽𝗷𝗮𝗽𝗲𝗮𝘁𝘆𝗮🧚🏼‍♀️ 👉🏻 https://www.instagram.com/japjapeatya/…查看更多

純素餐廳少，在九龍區更少。要好好珍惜🥰日式雜菜咖喱飯配impossible 豬柳 及雜菜沙律$118 沙律菜冇燶邊👍🏻車厘茄仲有我最鍾意既橙色👍🏻其實一向好少食豬柳，接觸得最多應該係麥記豬柳蛋漢堡😝個塊豬柳超勁胡椒味。impossible呢塊就唔會有呢個問題，我同肉食老公都一致認為impossible好食過真豬柳👍🏻講返個飯，飯量適中，鍾意佢超多雜菜🥰咖喱汁夠多！個汁再杰d就perfect。 絲絨蛋糕鬆軟，正常發揮…查看更多

中午在尖沙咀做完Facial特意走過來享受一個寧靜的下午店子分開兩個鋪位，一個供客人下單點餐，亦有少量咖啡豆、咖啡店售賣；另一鋪就供客人堂食，木系簡約裝潢，配置綠植點綴，讓人舒適放鬆😊點了一份全日早餐，雖說是全素餐，但份量不容小覷，吃完十分飽足😋酸種麵包外脆內軟，塗上鷹嘴豆醬是很不錯的配搭👍🏻；大啡菇juicy多汁；水果有蜜瓜和香蕉，均香甜新鮮👍🏻牛油果份量足，切成薄片，賞心悅目。今次坐在近門口露台位置，望著晴朗街景靜靜地享用清新午餐，也是生活中的小確幸😊用餐後再點一杯Piccolo，坐在門口慢慢小口小口細呷，為這個休閒下午畫上完美句號。…查看更多

專誠陪朋友去依間純素cafe打卡📸餐廳環境非常舒適,而且好啱打卡,門口位真係好靚! 好有木屋田原Feel🏡門口位亦可以帶埋寵物一齊👍食材同甜品都完全不含肉類、奶類、蛋類, 咖啡係使用燕麥奶沖調,鼓勵大家嘗試接觸素食！Pizza Margarita $128🍕Pizza 烤得薄脆,上面有蕃茄,(芝士)諗緊什麼素代替芝士？🤔另外亦落咗好多九層塔香草,Pizza底係蕃茄醬,味道帶酸,幾開胃,食落同普通pizza完全無分別🤤Cappuccino咖啡☕❤️❤️朋友話好靚,凍Latte味道亦ok😋…查看更多

IG既相好靚，黎之前都有幾分期待，之前亦好少食純素，但食完對純素產品有啲抗拒。-👍🏻職員都好有禮貌。好既係入到去唔知係邊到比錢，無幾耐職員就黎提我地去另一間店買。👍🏻第二好既係環境，今次咁岩坐到打卡靚位，都真係幾靚，好好影👍🏻冇限時間，想坐幾耐都得-到食物方面就真係一言難盡1️⃣Vegan Banana Bread咁多款蛋糕佢個樣最普通，但原來係最好食…都食得出香蕉味同食落唔算硬-2️⃣Earl Grey 好乾呀再乾啲可以做曲奇，少少earl 味都食唔出，好唔開心-3️⃣Avocado Smoothies 因為冇落奶，飲落同平時唔同，但清清地都okay -4️⃣黑松露大啡菇雙層豬柳包配牛油果沙律（最伏）全碟得大啡菇同牛油果係入到口，漢堡包包皮好硬，用佢提供既小木刀係切唔開，就算用口咬都咬唔到。我有一秒怕自己會甩牙個種硬。沙律菜好苦，豬柳冇咩味。不過最大問題都係包。硬過我條命。-應該唔會再幫襯…查看更多

因為朋友食素，所以機緣巧合地搵到呢間餐廳，本身對素食既印象都係偏中式，同埋覺得唔太吸引，但係呢間餐廳野食就咁睇相已經覺得好靚，打卡一流，所以一於去試試！一入到去，見到餐廳一個侍應都無，仲懷疑緊究竟係未去錯地方，之後先發現原來落單同用餐既位置隔左一個舖位，落單之後睇號碼顯示再去隔離攞餐，會有少少唔方便🙈我地兩個人都嗌左期間限定既日式雜菜咖喱飯配植物豬柳，食落其實唔會覺得係素食，份量都幾大，不過就偏鹹，食唔到最後。😖另外，甜品就嗌左紅絲絨純素蛋糕，因為無奶同雞蛋，所以質地比較硬身，但味道同非純素既無咩分別，不過如果無咁甜就更加好啦😜而飲品芝麻latte就最有驚喜，滿滿芝麻味，又唔係太甜，飲完一杯都唔會好膩👍🏻總括黎講，味道都唔錯，素食人士可以有多個選擇！p.s. 大家記得食完自助執返好啲餐具啊～…查看更多

˜”*°•.˜”*°• 齋啡。•°*”˜.•°*”˜✿ 牛油果雜錦素魚沙律碗 💵HK$128不得不讚呢個牛油果雜錦素魚個份量真係超級多, 而且非常之colorful😂上邊鋪滿左勁多三文魚同呑拿魚粒望上去已經好吸引, 但其實係用蒟蒻整既口感真係似到不得了, 真係好似食緊真實嘅三文魚咁另外佢配菜仲有好多, 有我鍾意嘅牛油果🥑 蕃茄仔🍅洋蔥🧅同埋有紫菜做點綴✨成件事超健康😂✿ 瑪格麗特薄餅 💵 HK$128Pizza 個餅底勁香脆😝仲有好香濃嘅蕃茄🍅同埋我鍾意食嘅火箭菜喺上面, 酸酸地好開胃😚✿ Early Grey Cake/ Matcha Red Bean 💵HK$48佢哋嘅蛋糕用嚟打卡真係一流📸靚到真係完全唔捨得食😂我個人嘅欣賞佢嘅抹茶紅豆, 抹茶大少少苦甘味, 又唔會太甜, 蠻不錯呢🫶🏻✿ Caramel Latte 💵 HK$50佢地既咖啡真係好值得一讚🙌🏻超香濃既咖啡味☕️佢哋嘅咖啡仲可以轉燕麥奶😚鮮奶超滑, 仲帶有淡淡的焦糖味, 但又吾會太甜, 的確幾出色🫶🏻✨👍🏻✿ Rose Latte 💵 HK$50Rose Latte 一樣都係好香既咖啡🫶🏻有玫瑰既香氣對女仔黎講真係幾治愈味道一樣都吾會太甜😊…查看更多