點子冰室

嗌瑞士汁雞脾竟然有伏🫨🫨話說今日想試新野就去附近搵下有咩餐廳未食過試下叫左個瑞士汁雞脾配沙律一見到個雞脾俾佢嚇左一跳😱😱心諗係咪燶左？個雞脾仲黑過我塊面💩💩我深呼吸一下，心諗你嚇我唔到既我嗌瑞士汁又唔係炸脾，有乜可能會燶😌等我試下睇下係咪醃到入哂味先變左黑色先連皮食左一啖，太咸喎師兄🤦‍♀️🤦‍♀️咁我就同waiter反映好咸啦點知waiter解釋有人覺得咸，有人唔覺得咸，口味既野好難就。咁我見佢咁樣答我都唔想覆佢了，就唔出聲。😤😤心諗大拿拿俾左$46，無理由個肚唔飽咁離開，咁我就繼續食埋落去。🤷‍♀️🤷‍♀️我唔食塊皮的確係無咁咸，但d肉係唔入味/無醃到，而且好un⬇️⬇️咁我食食下個waiter又行埋黎話隔離檯都有人嗌瑞士汁雞脾，同我一模一樣。我心諗：你意思係見人地無投訴，就係我口味問題？🌚🌚我唔想回應佢，但我塊面已經勁黑。食食下佢又走埋黎話我係咪食食下覺得無咁咸，我同佢講好難食💩💩💩💩💩，不過俾左咁多錢無理由要餓住走。😤😤之後有第二個waiter走過黎安撫我，我建議呢個好心waiter出去其他餐廳食下人地d瑞士汁雞脾係乜野standard。佢話如果唔岩食可以同佢講，佢會換過碟俾我。我同佢講我一早已經有同第二個waiter反映。前一個waiter有即刻出黎承認事件經過，但重申好難就到全部人口味，我叫佢出去食下其他餐廳果d先🌚🌚🌚🌚佢話唔好食唔係佢責任，我心諗：鬼唔知咩！🤦‍♀️🤦‍♀️咁我就同佢講「我係想反映返俾你廚房同事知，如果你答我會反映俾同事知既話我會無咁嬲」。🌚🌚🌚🌚🌚之後我嬲嬲地飲埋杯檸茶拿拿聲走，佢地其他waiter同事都同有我道歉。但無辦法，我真係無勇氣再食多次呢間餐廳🥲🥲埋單$46，咁樣既食物質素+服務真係震驚我三觀！見字速逃！…查看更多

評每日早上，點子冰室永遠都出現我眼前，當然有既得利益者：1）因為由我屋企步行過只要10分鐘，2）二來就係佢嘅食物喺同區嚟講性價比相當高，唔需要嗰份做作，食物有應該有嘅味道⋯ 今日叫咗個早餐D：五香肉丁，我揀跟米粉，然之後將炒蛋改咗做煎蛋，再配牛油多士，再加一杯齋啡完全冇投訴⋯五香肉丁係罐頭來貨當然冇乜特別，但係唔知點解每次用五香肉丁去配米粉我個人感覺係一個相當唔錯嘅配搭，每次都食唔定口⋯煎蛋恰到好處有半流嘅蛋漿食完兩隻差唔多飽晒，但係見到塊多士咁靚就忍唔住食埋佢⋯ 最後杯齋啡香濃提神冇更多修飾嘅詞語可以形容⋯ 😘😘😘…查看更多

第一次食，叫左鮮茄豬扒意粉，意粉發脹又碎，唔知係兒童餐定老人餐。豬扒大塊厚都冇用，又乾又嚡。有鮮茄，但並唔係鮮茄炒嘅意粉，似快餐店。食晏時間都有人排隊，好難明。…查看更多

早餐又貴又難食，份量太少，又加價😵‍💫😵‍💫，我外賣平台 叫外賣自取，等成30分鐘到未取得，直接去店等，好似無人理，叫左兩次好耐未有，服務太差，永遠不會再幫襯…查看更多

都覺得佢個方包難食，所以都多謝佢淨係俾一半蛋我送個包唔係話你要好食夾大份，但係咁樣離譜咗少少奶茶就算啦，冇茶味又唔滑埋單$74都係當買個教訓啦，我買杯咖啡好飲嘅仲好…查看更多

今日到點子冰室食午飯，我都成日會去幫襯. 今次叫咗牛脷燴飯. 因為嚟到嘅牛脷比較乾，所以我同平時做櫃面位小姐講. 我都唔預佢會做啲乜. 當時啱啱有位師傅喺廚房出嚟食飯. 位師傅聽到即刻走過來將碟飯拎起話幫我換. 好快就拎返啲飯出嚟，今次d牛脷好食好多. 而家好多食評都話啲餐廳服務態度唔好，點子冰室真係例外. 佢哋服務好，食物質素都唔錯. 喺何文田嘅街坊，記住多啲去幫襯.…查看更多

去旺角做野之前同男朋友系附近搵間茶餐廳食個早餐醫左肚先星期六朝早都幾旺場，等左十分鐘左右先入座羅宋茄粒叉燒意粉配炒蛋$42男朋友叫左個羅宋茄粒湯底的叉燒意粉，賣相ummm有點求其至於味道，就系罐頭羅宋湯的味道，粉有點硬炒蛋幾深色，蛋味都濃烈，但炒得有點老跟餐的凍奶茶好重奶精味，麻麻地奶油多餐$28因為唔系好肚餓，所以叫左個奶油多餐奶油多煉奶少得可憐得中間有，牛油只搽得一半咁跟餐的熱朱古力好淡口無咩味…查看更多

在寫食評前見到唔係好多評語喎，亦都好壞參半，我果區返工，有時趕住食完就返公司，所以都幫襯下，係一般至麻麻地架啦⋯⋯,但起碼快，多choice , 只可以話係學生和工人飯堂，唔係為佢地平返呀⋯⋯但幾廿蚊想點🤣，起碼我食過六七都冇肚痛😂😂，地方比較細，busy 時要搭檯，勝利道d 鋪位太細冇辦法…佢哋都係做個下午市。Lunch 都多選擇，有set lunch , 點子午餐，常餐散叫等等，今日叫咗個雞球飯，有湯有飲品，ok la ……. $60 蚊搞掂⋯⋯…查看更多

下午茶時間4點去，餐廳半滿，但已經好嘈，可能因為樓底低。點左個$38的芝士火腿丹麥多士三文治餐，黎到真係得兩塊丹麥包夾塊火腿 & 得塊包一半大的芝士，以價錢黎講絕對唔合格。餐具自助，攞左兩隻叉都唔乾淨。所以如title：唔會再黎…查看更多

食物非常一般，態度極差。3個人去食過快飯（晚餐），餐廳已經好靜，得一兩張枱，三個職員，兩男一女同埋個廚房，喺度又玩又嘈，又粗口爛舌，嘈喧巴閉，完全冇理有食客喺度，真係吾知喺間係咩餐廳？ 啲嘢已經吾係好食，我叫左個蔥油雞扒撈丁，啲丁硬硬地，啲碗碟筷子又好似吾多乾淨，有點油淋淋咁。啲位又吾好坐，好迫，枱底又係連埋櫃桶，完美頂住對腳，令人吾陏得個種。仲要成間餐廳咁嘅氣氛，真係吾知想點，吾明點解仲未執笠😵‍💫 …查看更多

今朝第一次去幫襯食早餐， 首先入到去見到個四眼員工， 問我幾多位， 但態度十分惡劣， 點了餐後， 兩杯凍飲發覺冇飲管， 於是問其中一位女員工 ，我問可唔可以畀飲管我， 佢話飲管喺櫃桶， 跟住佢就講你第一次嚟㗎， 我覺得好有問題， 唔清楚就要問有乜嘢問題，都唔係咁樣態度㗎， 食物質素已經普通， 加上員工咁嘅服務態度， 永遠唔會再幫襯， 作為一間冰室，食物質素固之嚴重要 ，但係員工態度咁樣，相信冇人再會返轉頭再幫襯， 之前見openrice嘅評語都係話員工態度差原來真嘅， 一定冇下次。…查看更多

今日難得放假去食過早餐先, 平時出去食鮑魚火腿通粉多, 今日想食d酸酸地, 轉下口味, 叫左羅宋湯餐肉通粉, 丹麥多士, 牛乳炒蛋轉煎反蛋, 多士同蛋先來, 之後來通粉, 多士同蛋正常味道😚, 羅宋湯有d不同蔬菜, 啖湯酸酸地幾開胃, 少少餐肉, 通粉浸左d湯亦幾好味, 熱奶茶正常味道, 不是特別出眾😅但附近早餐佢算比其他好😋…查看更多

點子冰室又係經常光顧員工飯堂😂呢度中午或者下午茶都幾正，Menu都好多選擇價錢都適中，下午茶時間冇乜人入去就有位坐，點咗個西多士食，賣相精緻，分量同其他茶餐廳差唔多，西多都係我最愛😂…查看更多

下午茶個沙律酸酸臭臭，食第一啖以為係自己錯覺，叫埋屋企人試，大家lur都lur唔切！勁似冇洗電飯煲幾日焗住啲酸臭味。臭到呢個程度，加上沙律仲要係暖暖地，冇任何雪過嘅痕跡，好肯定冇長期雪住。呢啲容易變壞嘅食物，成間餐廳都冇意識去妥善處理？出餐5分鐘內已經番到屋企開餐，好肯定唔係因為擺太耐變壞，而係餐廳盤沙律本身就已經係壞咗做餐廳，食物質素一定係行第一。臭到呢個程度都可以發現唔到，實在係十分之離譜。咁都控制唔到？點做生意？…查看更多

1-2年前食過一次，難食到飛起。見佢咁耐都仲係到，今日又諗唔到食乜又唔想行遠就入左去。食左一啖第一個諗法就係topic，點解可以仲未執。個麵好乾，個瑞士汁完全冇味，個西多浸臭油味完全搞唔掂。隻雞比同雞排又乾又咸，癲到。成個餐得一杯凍檸茶係正正常常。仲有個薯條都係乾到柴咁。環境就正常茶餐廳，但好笑既係在場3個樓面各有各發夢，有人叫左幾次想落單都冇理到，但明明幾個人都冇嘢做緊冇傾計冇玩電話所係做人真係唔可以懶，以後會行多幾步，唔會貪方便，真係唔可以再黎…查看更多