黑珍姝

今日來到西九龍廣場行街，來到這間全人手細心製作小店，店面張貼好多美食，每樣都好吸引這裏是美食廣場其中一店，所以有很多枱凳供客人使用，而且這裏空間很大睇吓睇吓餐牌越來越肚餓，口腔分泌好多口水，每樣都好想試這個豬扒炒面十分出色，豬扒外皮炸到金黃色又薄又脆的表面，食一口豬扒好好味，肉質有彈性，帶有肉汁，真係好味過出面好多間店舖，公仔麵可以店舖即炸雞肶，真係好大隻，而且熱辣辣，外皮香脆，好似食薯片咁，食一口雞髀，不得了有肉汁和油一齊落嚟，雞肉鮮嫩沒有雪藏味，我真係好鍾意食我個人認為這裏的炸雞🍗好食過三多一D都唔乾，保留到肉汁，食到外脆內嫩的感覺車仔麵，有豬腸，蘿蔔，豬腩肉，豆卜，油麵，1十分大碗，好抵食這柸堅果豆漿真不錯，好濃嘅堅果味，入口細滑直入喉嚨，全人手新鮮製造…ดูเพิ่มเติม

黎到西九龍廣場最鐘意既就係去美食廣場到飲飽食醉今次食既呢間叫黑珍珠睇個名都唔係太知係食D咩但其實佢係一家食米線同小食既店特色南寧老友粉呢度既野食唔算貴, 呢個老友粉都只係$26有成碗咁大, 辣味就自己後加我就鐘意食辣既, 覺得呢度既辣又幾不錯!!超豐富的一餐, 由食材到湯底都係好好味最鐘意就係佢既粉好彈Q好特別!!雞蛋腸呢度有好多唔同既腸粉可以揀而我最鐘意就係佢既蛋腸!!蛋同腸粉MIX埋一齊個口感真係不得了!!皮蛋呢度既辣皮蛋係超正!! 必食推薦!! 唔覺唔覺就食左成碟味道感點小辣, 超過癮…ดูเพิ่มเติม

同事之前去西九龍買嘢，食過呢間鋪頭，大贊食物有驚喜，有水準，於是今日放工，就拉着為食姊妹黎試吓，一出lift 就見到貼滿食物相片的檔口經過一番討論後，決定點個老友記粉，用了豆䜴，酸豆角，辣椒等食材製成的湯底，據說夏天吃可以開胃，冬天吃驅寒，份量不太大，粉煮恰到好處，不太淋也不太硬，配酸辣鹹香兼備的湯底，食落有點新奇，炸麵筋吸收湯味加上豆香，美味可口干炒酸辣粉，賣相有點似韓式炒粉絲，立即夾進口裏，估不到有驚喜，酸辣調得剛剛好，炒粉絲一點也油膩，食落開胃醒神， 配上切絲的紅綠椒和椰菜，很健康哦！肉片也煮得出色，炒得外層微焦，吃落很香口再點了一個小食，滷豬肚和豬腸，兩者都清潔得很乾淨，一點腥味也沒有，豬腸鹵得軟熟，豬肚鹵得爽口彈牙這裏的食物是即叫即做的，所以食物都是熱呼呼的…ดูเพิ่มเติม

某星期六的中午天，我和另外三位友人一起前往位於深水埗西九龍中心美食廣場的黑珍妹砂鍋米線，以品嚐其素食式米粉麵食風味。首先，其中一位友人叫了一碗配素叉燒酸齋連生菜的小麻辣湯底米線，另一位友人叫了一碗配素叉燒素火腿連紫菜蕃茄生菜的小麻酸辣湯底米線，再有一位友人叫了一碗以猴頭菇及香菇貢丸配以白蘿蔔生菜的沙爹湯底烏冬。而我則叫了一碗以豆腐卜魚旦素火腿配以生菜的咖喱湯底油麵。當然我們還叫了一些添加小食，如兩碟即拉石磨腸粉(薄腸粉皮)內配羅漢齋及碎肉生菜等。總之，我們是次盡享一頓以較清淡清味為主的純素食米麵湯餐及膳食，其實也會別具一番較為健康飲食風味。…ดูเพิ่มเติม

今日同男朋友去西九龍行一下就上去8樓的美食廣場食，這間新開的小店共有薯粉及石磨腸粉，所以就來試試。這裡是早上11/12點至下午3:00及下午3點至8點營業。服務姐姐友善好人，耐性幫忙落單、煮食，我們就找了位置坐下等待！1. 砂鍋麻辣湯薯粉有大碗小碗選擇，有不同款式的湯底及粉選擇，也可自行加添餸菜，好自由搭配！湯底可選麻辣、麻酸、香辣、麵豉、老友湯、雞湯、番茄湯等等，粉可選米線、米粉、薯粉、烏冬。餸菜：有麵筋、丸類、生菜、紅腸、豆腐卜、腐皮卷或豬腩肉、豬脷等等，我們點了喜歡麻辣的湯底（選了小辣），又惹味又香口，配上幼薯粉，好吸汁又好彈牙煙韌，大讚！餸菜配了滋味紅腸好耐無食、吸汁多料腐皮卷、吸汁豆腐卜，都美味又好正呀！更可自行調味加入蔥粒、芫茜、筍片等；2. 即叫即拉石磨滑滑叉燒腸粉這個真的必食，腸粉好香滑好軟的口感，配上豉油、片片的叉燒及生菜，好美味又健康3. 檸檬梳打酸酸甜甜，有氣又夠凍又解渴…ดูเพิ่มเติม

西九龍中心八樓就有一個好大好多嘢食揀嘅food court。🐉 而見到呢間有呢個自助調味站，可以自己揀落咩同落幾多調味料好。⁣⁣😌⁣⁣馳名南寧老友粉（$26）［好味度：7.5/10］⁣⁣呢個老友粉喺出面比較少見，到底係乜嚟㗎呢？🤔 其實同雲南米線一樣，都係可以自己選擇想加嘅配料同辣度等等。👨🏻‍🏫 但係配料嘅選擇同湯底就好唔同，所以味道都有分別。😗 其實有啲似係雲南米線同埋螺絲粉中間。😯 食厭咗米線嘅話，真係可以試下呢個。⁣⁣👍🏻⁣⁣素叉燒腸（$26）［好味度：7.5/10］⁣⁣呢間餐廳嘅menu好特別，有一邊係淨係素食嘅menu，反轉先係有肉嘅版本。🥒 咁樣就可以避免素食者揀錯嘢嘞。✔ 呢一個素叉燒腸，真係做得到食落去，味道同埋口感上面同食真叉燒腸一模一樣，真係好佩服。👍🏻 但係又無叉燒咁唔健康，幾推薦大家去試下。⁣⁣😁⁣⁣素紅油抄手（$50）［好味度：8/10］⁣⁣同樣地，呢個都係素食嘅。😂 但係就做到辣汁同埋平時嘅紅油抄手都冇乜分別。🌶 而且入面餡料嘅素肉，竟然做到同平時肉食嘅感覺冇乜分別，尤其是嗰張油脂嘅感覺，令到真係好似分唔出好似食緊齋咁樣，真係好好食。⁣⁣😆…ดูเพิ่มเติม

西九8樓都有品同種類嘅野食 見到依間嘅米線係同平時食個啲唔同就試吓喇 個到有個自助吧係可以簡自己想食嘅配料多與少加落自己嘅野食 咁樣好方便 而且自己可以想點加都得唔流麻煩到人地 唔錯 而且依間都有唔少素食 而素嘅野食都好好味麵食分別叫左兩款唔同嘅米線南寧老友粉（老友湯 炸面筋 雞球 生菜）個湯底好特別 而且好香 食落好開胃 米線麵好掛湯汁 炸面筋平時打邊爐會食到 好少會係食麵個陣見到 麻辣粉（麻辣小辣 素羊腩 猴頭菇扒）麻辣粉特就簡左素嘅餸喇 個湯飲落唔多覺似平時食個啲麻辣湯 係比較溫和啲 同樣啲米線麵好掛湯汁 佢啲素食嘅野不得不讚 真係好惦呀 睇落完全唔似係素 而且食落去嘅口感同肉麵好似 但你知道依個餸唔係肉 小食涼拌皮蛋都幾大份 食落唔會好辣 素酸齋芫茜腸好特別嘅腸粉 出面極少會見到依款嘅腸粉 即叫即整 味道方面好特別 粉皮好嫩滑 腸粉好索汁 大大舊 好抵食滷水汁豬大腸大大碟 滷得好入味 個底仲有啲蘿白墊底索多啲汁野飲柚子梳打 啲柚子蜜好足料 飲極個柚子味都仲係好出…ดูเพิ่มเติม

雲南米線食得多, 但係食得多都會悶，不如試下新口味， 而且中國省份多， 每個地方都有唔同嘅特色菜。 今次就試咗 源於廣西壯族自治區南寧市嘅一種特色米粉 -- 老友粉。餐廳位於西九龍中心，叫做黑珍姝。豬腸 酸 齋 米線 砂鍋米線配老友湯先叫了碗豬腸 酸 齋 米線 砂鍋米線配老友湯， 檯頭已經擺滿晒 芫茜筍花生蔥等等的配料。 老友湯酸辣鮮香， 最主要嘅原因係蘭陵地區夏季濕熱， 要配返酸辣味十足的湯才能醒胃。 砂鍋米線湯底濃郁， 酸度和辣度也夠強， 最重要係那個酸荀的味道能提鮮。 不得不提的是 豬腸有咬口， 滷得入味。 酸齋也不錯吃。南寧老友粉配了腐皮卷和猴頭菇丸另外一碗南寧老友粉配了腐皮卷和猴頭菇丸， 腐皮卷即叫即炸， 最緊要是內涵豐富， 木耳 蘿蔔等等 塞得滿。 素食的猴頭菇丸用料實在口感札實，新鮮好味道。 米線煮得煙韌，不會過淋。豬腩肉 蘿白米線 豬骨雞上湯豬骨雞上湯 每日新鮮製作，滴滴都是鮮雞和豬骨的精華，喝一口味道鮮甜可口， 而且也不覺得味精很重。 豬腩肉層層相間， 最重要是蘿蔔大大嚿清甜可口。什菜煎蟹餅22雜菜煎蟹餅兩面金黃， 吃落香口爽口彈牙。 配備製醬汁可以養蟹餅的味道提升。羅漢齋腸26即叫即拉， 木耳蘿蔔絲 腐皮 等等配料十足。 腸粉皮米香濃盛，幼滑柔嫩。蒸素餃材料豐富椰菜木耳蘿蔔絲等等， 素餃皮薄餡多 ，即使不加任何肉類， 也吃得出餃子的味道很多層次。自家製濃豆漿豆味香濃，好味。柚子蜜酸甜開胃又養生。…ดูเพิ่มเติม

窮遊香港-大份抵食石磨腸粉呢間試左⭐️酸齋芫荽石磨腸粉$26⭐️鮮肉石磨腸粉$26👍🏻價錢平 大份 即叫即做👍🏻口感偏厚身 但正因為咁先做到咁滑 😍我鐘意🤔如果太薄會似腐皮 👍🏻入面加左d菜 而且好足料‼️建議加小小麻醬 口感會更香滑‼️同埋記住趁熱食 凍左會唔好食.呢間既麻辣湯都唔錯 酸辣粉都係$26深水埗真係好鬼抵.出面仲有得自己加配料 加分鍾意螺螄粉既朋友 仲可以任加加 酸豆角 酸筍 我就冇加.#hkfunfoodrecord窮遊香港#hkfunfoodrecord_深水埗.#黑珍姝 (深水埗)地址：深水埗欽州街37號西九龍中心8樓59號舖.⭐️評分：味道：4.5/5環境：3/5服務：4/5抵食：4.5/5.…ดูเพิ่มเติม

就嚟到新年，每年都同我媽都會去深水埗辦下年貨，今年當然唔少得一樣，當然辦年貨前要食野，去左西九龍心中食美食商場，好多鋪頭，見到一間食腸粉，食米線，去叫野食，叫野食姐姐好好人，見到腸粉好多選擇，雞蛋腸，冬菇腸等，怕唔夠飽，仲要有米線 米粉 蕃粉，有其他配料， 仲有小食，涼拌木耳 涼拌青瓜 涼拌皮蛋等小食。取餐既時候發現到有一個調味位，可以自己揀自己口味，叫左兩碗， 一碗麻辣 一碗豬骨湯 都是叫蕃粉，見到最特別猴頭丸， 唔係到到地方有我食，小食：涼拌青瓜 青瓜好新鮮 ，涼拌皮蛋 唔會好辣， 好入味 涼拌木耳 酸酸甜甜 好爽口煎春卷 好脆 入面啲料好足。冬菇腸粉 同素叉燒腸粉 份量好足夠，腸粉好滑，冬菇好香，素叉燒口感好不錯。…ดูเพิ่มเติม

位於深水埗的西九龍中心， 8樓的Food Court簡直是美食天堂。粥粉麵飯樣樣有齊，總有一款啱你口味。今天來巡視一圈，發現了這間特色小店「黑珍姝」。細看之下原來是主打粉麵的，店舖有兩款餐牌，分別是葷食和素食。自選車仔米線，一於試試老友粉。大鄉里第一次聽，原來老友粉源自南寧，加入酸筍、豆豉、酸豆角、青菜、辣椒等材料。取餐處有自助調味區，可以再自行加芫茜、葱、酸筍等。不過筆者未敢加太多酸筍，怕筍味太濃會影響其他食客。湯底非常香，酸辣味道令人食得開胃。米線非常索味，其實感覺也有點像曾經流行一時的螺絲粉。配餸方面，有素食葷食可選。今天健康一點嚐素，分別點了猴頭菇丸、素鯪魚滑、素黃金扒三樣。素食物主要是豆乾豆腐等所製，非常有咬口。而且也好索湯底味。除了米線，這裡也有腸粉，還是即做的石磨腸粉。腸粉夾著雞蛋，非常香蛋味，而且還附加了生菜。份量也蠻多的，有4大條。腸粉也挺滑溜，不過略嫌有一點厚，做得未夠薄身。店主推介的豆漿，原來是自家製造的，非常用心。豆漿入口淳滑，豆味超級濃郁。…ดูเพิ่มเติม

西九龍八樓有food court，有各式各樣的食肆，正好還未食午餐，我們挑了一間新鮮即拉石磨腸粉的店舖來試試。他的餐牌有兩款，素食和葷食。當然你可以又食素又食肉啦！每一枱顧客都會點一種腸粉， 可見這兒主打是即拉腸粉，我也挑了羅漢齋腸。 即拉腸粉比較薄身而且幼滑， 雖然未必包得住所有材料， 但是當你一夾上手的時候， 材料也是散落一地， 因為他是材料豐富。 自家製堅果豆漿， 有別於一般的白豆漿， 多了一些合桃味，對身體非常健康，但如果有熱豆漿的話，更好！他在店面前放了自助調料區有一些配料（筍絲，酸笋，芫茜，蔥花和花生），客人可以按自己需要添加。 如果身體回復後，一定會食他的酸辣粉或者他推薦的南寧老友粉， 在加上配料，一定很好食！我點了砂鍋滑雞米線再加響鈴，響鈴已放了在湯中，所以一半已經淋了，要先食它們。滑雞因為小店關係，所以他的雞是先處理好， uni調味料調號之後，先煎一煎， 再跟米線一齊上。 我點都是蕃茄湯底， 雖然番茄有看到， 但是可能湯底比較鹹的原因， 掩蓋了蕃茄湯的香味， 可能加返一點糖，或者加多一點番茄會好一點。反而媽媽點的菜肉餃加香菇貢丸薯粉，感覺不錯。 菜肉餃有四隻，隻隻都好結實， 入面是椰菜豬肉。 香菇貢丸有兩大粒，每碗湯底都有一些青菜和炸生根， 身體力行實行推廣素食。看到這間小店竟然有素食和葷食兩款餐牌， 令我頓時想想是否真的要每餐都食肉呢？ 看見澳洲山火， 130年來最暖的2019年， 降雪量只有三厘米的韓國， 也許我們食一食素食去救救我們的地球。 最喜歡的還是他的即拉腸粉， 真的是回味無窮。滿分為10分(1分最低，10分最高)食物：8環境：8衛生：7.5服務：8.5價錢: 9舒適度：8總分：8…ดูเพิ่มเติม

黎到深水埗行街 順道黎依度的food court搵下好野食見到沙鍋米線就被吸引, 決定一試。店鋪有兩位職員, 職員都好熱情推介我地唔同既野食見佢大部份係素食, 亦有肉食, 同妹妹每人各自一碗粉, 兩個小食, 一個腸粉, 兩杯超濃豆漿。腸粉叫左素肉碎生菜腸, 腸粉即叫即製皮薄好滑而且帶有濃濃既米香, 涵料份量剛剛好, 豉油帶甜。豆漿除左豆味, 入面仲有少少堅果味, 所以飲起上黎特別香濃。馳名南寧老友粉配腐皮卷及蘿蔔老友粉湯底帶少少辣, 腐皮卷外皮好脆, 裡面有沙葛, 甜甜地。蘿蔔香甜無渣。豬腸米線豬腸滷得好入味, 米線好滑, 而且佢有個自助調料區, 酸豆酸荀芫荽蔥自由配搭涼拌皮蛋 涼拌雲耳麻辣味適中, 岩晒我呢D唔可以食太辣既朋友。雲耳爽脆, 皮蛋入味。職員姐姐服務好, 食物價錢經濟。推介俾鐘意食辣既朋友。…ดูเพิ่มเติม

巳有一段時間無去西九龍中心，今次趁假期約埋班friends 一起去逛逛，無意中發現8/F食街有間廣西南寧地道風味的黑珍姝店鋪。門面貼上多幅menu 款式多樣化，吸引了我們試吃，老闆娘介紹鎮店之寶其中一款老友粉是南寧特產外，自助調料區的材料包括酸筍、豆豉、酸豆角和青菜都是當地運到的，風味十足，湯底還可驅寒去濕功效。即磨腸粉系列和小吃也有多款，义燒腸、雲耳腸、羅漢齋腸、鮮碎肉生菜腸、蛋腸等等...腸粉皮薄餡料足；小食豬腸、豬肉、蘿蔔等也醃得入味。自磨豆漿加有堅果在內，味道與別不同，營養更豐富。整體來說店鋪雖然細小，值得一讚是食物多樣化，味道和質素比一些餐廳更好，街坊價錢，但環境和座位一般。…ดูเพิ่มเติม

今日係西九附近返工，lunch 就去咗西九龍中心搵野食，西九中心八樓都幾多野食，真係花多眼亂，最後我就去咗呢間新開既黑珍姝食。見佢有獨家製既老友粉、又有米線套餐，都幾特別。原來佢仲有素食車仔麵，可以揀一啲素食配菜，然後再揀麵底。我就叫咗個炸雞麻辣米線，食落麵幾惹味，湯道食得出係鮮既，然後米線麵幾腍，熱辣辣食一大碗米線真係好暖身。雞肉係雞球咁樣，食落都算嫩滑，同埋佢都比得多雞球，所以唔會話好快就無送配。我仲叫咗佢地既蟹柳腸粉試下，佢啲腸粉係即叫即做，粉皮都嫩滑。…ดูเพิ่มเติม