黑樺牛 (已結業)

天氣開始轉涼，最啱打邊爐，食日式火鍋，我一定揀「黑樺牛」，因為佢有提供多款A5日本熊本和牛，不同牛肉部位都好出色，仲要係無限量任食，好滿足吖！*此餐廳收取加一服務費。台灣麻辣火山鍋（跟餐$0），好足料，內有A5熊本黑樺和牛肩胛梅花、鴨血、蓮藕、木耳、椰菜，味道麻中辣、帶點藥材味道。黑樺牧場和牛火鍋放題（兩人$876），黑樺牧場精選盛合層架，A5 黑樺和牛肉，油脂分佈呈雪花紋，食落入口即化；日本佐賀名水豚五花，肉質半肥瘦，肉味濃香；手打墨魚丸，內有墨魚粒，食落有鮮味；手打金鑽蝦丸，肉質彈牙，內有鹹蛋黃蓉，味道鹹香；手打雞肉丸，內有雞皮、雞軟骨，口感豐富。A5熊本黑樺和牛特上霜降牛小排（跟餐$0），食落油脂味濃。A5熊本黑樺和牛特上牛小排（跟餐$0）。A5熊本黑樺和牛肩胛梅花（跟餐$0），肉質肥瘦均勻。A5熊本黑樺和牛千本筋（跟餐$0）。A5熊本黑樺和牛上肩胛肉（跟餐$0）。A5熊本黑樺和牛牛頸脊（跟餐$0），肉質嫩滑，牛味濃厚。海鮮拼盤（跟餐$0），日本廣島直送牡蠣，肉質飽滿，食落好Juicy；即捕本地海虎蝦，肉質爽口，味道鮮甜。黒樺韭菜和牛餃子（跟餐$0）。黑啤（單點$58），飲落好清爽。…查看更多

話說經過見到佢做緊午餐優惠，只需要讚好佢嘅社交平台，就可以用68蚊食任何一個套餐，我哋叫咗a5和牛套餐,同埋豬梅肉配牛五花套餐和牛切得好薄,但係都有四塊,而且係油脂極度豐富,真正係入口即溶,估唔到68蚊佢竟然都係畀返呢個質數嘅和牛,係有少少驚喜嘅另外豬梅肉同埋牛五花就真係好一般啦肉質都係軟熟嘅，但係就冇咩肉味另外套餐可以叫一個小食，有啲蔬菜做配菜，同埋可以揀一款主食，而且配埋飲品，正價就唔算特別吸引，但係呢個68蚊嘅優惠價就真係覺得超級抵食…查看更多

同事話呢間lunch set好抵，全部都係$68去到唔洗排隊，好快就可以入座。但和牛set冇貨，最後揀左普通牛同豬嘅set。嘢飲又係冇貨😂，雪糕就要加$10先可以食。食物份量對於男仔黎講應該會唔夠，每樣肉得4塊，再有個細蔬菜藍同一個小食。果日仲要漏單，d肉等左好耐先有。食物質素就正常，但如果係原價嘅話性價比就低。完全唔夠人手，唔好太期望有咩服務。…查看更多

真係未試過要感受差到要打食評當日book咗枱食飯，去到其實都唔洗等，因為基本上都係得一枱客，入到去環境都企理既，有位妹妹仔侍應都好好禮貌。我地就order 咗$438 /1 既 A5 帝王和牛海鮮放題個套餐都包左野，稍後再點評坐好之後侍應係咁不停上前菜同啲海鮮，但就遲遲都唔比order 肉既QR code 我地... ...當我地都食左一大半前菜類，終於都有code 可以落肉嘞! 可惜既係，令人失望到極.... （一）佢個QR Code Menu 有7款A5和牛既item，但入餐廳前無人同我地交代過有4款既A5 牛都已經售罄! 姐係一份放題Menu 有50%既野都無貨其實係唔係應該一早就要通知客人先? 等我哋考慮仲入唔入黎食吖佢又要奇怪在個code 又唔係一早比我哋，我哋又已經食左佢啲海鮮前菜等等其實係咪一個局? （二) 啲肉都仲係雪冷冷既 痴晒碟咁，姐係佢地未有做好解凍既程序...（三) 啲肉除左A5牛小排之外，都基本上係嚡、靱、無肉味...比呢個價，我食啲連鎖店既放題都絶對好過佢咯! 呢件事真係好令人失望如事者，都問左侍應如果真係無A5既，我地仲可以食啲咩? 真心唔係想刁難佢地任何人，因為大家都係想食個飯姐... ... 侍應就話問經理，又等人地覆又唔知點咁，我哋都有成大半個鐘無食到任何食物....最後唔知點切左2塊薄，但油花似返啲A5 既肉黎比我哋我哋就好好奇，咁姐係其實係有貨?? 只係唔切出黎? 而仲要只係比2塊我地??我哋係黎食放題喎... 點解要搞到咁既地步好似要乞你地啲肉咁?最令人覺得唔舒服既係，由頭到尾我哋都好心平氣和，想食飽個肚就算， 但有位我都唔知係主管定洗碗既女士，不停同其他枱既客人講我地咁咁咁係要比說話我哋聽?? 要其他客人覺得我哋係西客??總之，呢個價錢，呢個質素，仲要乜都無食過咁... 真係唔知之前既好評係點解???? ------------------------------1)  海鮮蒸氣鍋佢MENU 話包7款隨機海鮮，但我當日只係有- 青口 -海蝦 -墨魚仔 - 九孔鮑 - 蠔 - 珍珠蜆扇貝皇、蟶子同埋蟹都係無既.... (不過當時都無留意 算)整體上啲海鮮都無味, 又唔鮮但又唔腥咁咯... 蝦就明顯係爛肉... 2) 小食(鬼馬油炸鬼、口水汁拼盤、串燒)無驚喜! 串燒唔熱3) 滋潤魚肚燉雞湯老實講，如果講到咁勁係老火湯，係咪都比舊魚肚客人見下??係飲得出係雞湯底既，但我見到得冬瓜咯.... ??4) 卜卜蜆粉絲煲成晚最好食係呢個! 但好食啫，唔代表蜆係大大粒既... 5)  A5 帝王和牛一) 啲肉都仲係雪冷冷既 痴晒碟咁，姐係佢地未有做好解凍既程序...二) 啲肉除左A5牛小排之外，都基本上係嚡、靱、無肉味...…查看更多

想食高質又豐富的火鍋放題，一定會想起「黑樺牛」！🎈A5帝王和牛海鮮 $438有120分鐘和牛海鮮放題，仲有超豐富的頭盤小食、卜卜蜆粉絲煲、海鮮蒸氣鍋♡︎湯底有8款任選，北海道豆乳玫瑰芝士夠靚，很適合我打卡\(^ヮ^)/ 還送一個黑樺牛牧場精選層架，餐我打卡的畫面更靚靚ఌ✩ 頭盤小食（鬼馬油炸鬼、口水汁麻辣拼盤、正宗泰式串燒拼盤）鬼馬油炸鬼超好食！炸得香口之餘，彈牙的蝦滑讓口感更豐富♥︎ 口水汁麻辣拼盤是涼拌小食，麻麻辣辣甘，好開胃～ 我很喜歡其中的麻辣魚皮٩(◕‿◕｡)۶ 另外仲有正宗泰式串燒拼盤… ✩ 蒜蓉辣椒卜卜蜆粉絲煲卜卜蜆又多又新鮮，微辣惹味，食得出蜆本身的海鮮鹹味(✯◡✯) 煲底的粉絲味道相對偏淡✩ 海鮮蒸氣鍋海鮮有7款，聖子、生蠔、鮑魚、海蝦、青口… 店員會幫手蒸、計時及開蠔，坐著輕輕鬆鬆等食就得٩(ᐛ)و 啖啖鮮味，很不錯～ 但偶爾會食到少少沙粒，是美中不足之處ʕ •́؈•̀ ₎✩ 其他任選火鍋配料食完黑樺牛牧場精選層架上面嘅和牛、豚肉等，我再encore黑樺和牛玉子後腰肉、黑樺和牛牛前胸、黑樺和牛特上霜降小排、牛舌等… 和牛特上霜降小排是我每次必食，油香肉嫩的口感，包你愛上！本yo食力不足，今次試唔到太大嘢食，下之再戰(•̀ᴗ•́)و…查看更多

幾個人食佢所謂和牛放題，人均差唔多五舊，d牛普普通通，你食連鎖店都系呢d咁上下牛，個人覺得唔值呢個價。唔明點解可以收咁既價錢然後d野食勁耐都無黎，叫左幾次，之後同你講無哂貨。其他野食勁少款，仲限時限盛，真心覺得食普通店好過食呢餐，連叫d菜都等到最後熄哂爐先到，咁樣你叫人生食？咩叫任食，青口每人食左兩隻就話無哂？野飲得幾款健康工房，雪糕系完全無見過既香港牌，硬到要放系爐邊解凍，口感就似同食泥膠差不多，真心難食，去其他連鎖食放題都好過佢。唔明點解咁多正評點黎？…查看更多

黑樺牛其實我之前都有食過，質量都唔錯。所以今次專登過去食，但係類型有少少唔同。之前係一個價錢已經食到A5級樓，依家分左兩個價錢，分別係A5同A4 ,我就揀左A5今次。冬瓜湯首先佢會上左前菜同個湯先，前菜不過不失，而湯就係冬瓜湯，同佢寫明嘅雞湯有出入🤔而今日就咁岩汽水冇送貨，所以飲品剩係得雪碧，仲有幾種無糖茶，比較之前有沙冰飲，相對有啲失望。另外佢先上左個有少少肉，同雞同水餃嘅層架，可以打下咭🤗鬼馬油炸鬼呢個咬落去都幾新鮮炸，有啲蝦肉中間唔錯串燒個雞肉有葉包住，又真係幾出色，咬落好嫩滑多汁海鮮拼盤都算多海鮮嘅，因為食極都有同埋啲海鮮都幾新鮮😉卜卜蜆佢第一轉會上咗個整埋俾你嘅沙白，都唔錯，冇沙，同幾好食😋芝士豆乳玫瑰鍋呢個keep住保持到水準👍🏻感覺亦都唔會太膩A5各款牛肉反而呢一次有少少失望，同我上一次到食嘅肉質差有啲遠，有啲亦都冇A5既質素，質素下降左。但無可否認亦都比出邊嘅放題牛肉好食總結依間餐廳之前真係一間我幾中意既餐廳，希望佢地既水準會提升番，例如甜品亦都少咗好多款😓飲品就未知平日嘅款式幾多😿上菜亦隔得耐。希望盡快改善。…查看更多

我同幾個朋友去咗一間號稱和牛放題嘅餐廳，每人差唔多五百蚊，但實際啲牛肉質素平平無奇，完全同連鎖店差唔多，根本唔值呢個價。另外，叫咗好多次嘢食，但等咗好耐都冇嚟，最後竟然同我哋講冇貨。其他食物選擇少之又少，仲要限時限量，仲有叫嘅菜等到最後熄爐先至嚟，咁你叫人點食？至於所謂任食，青口每人只可以食兩隻就話冇哂。飲品就得幾款健康工房，雪糕更係無名牌子，食落好似泥膠咁。真係無良心，去其他連鎖放題都好過呢度。…查看更多

尖沙咀不嬲都好多嘢食，燒肉邊爐咩都有，有時候真係太多選擇唔知揀邊間好。咁啱上網見到呢到可以滿足到我想食蒸氣海鮮鍋同埋邊爐嘅慾望，同時睇到啲相覺得啲牛肉都幾靚，所以就想試吓。自己最近喉嚨有啲痛，揀咗個藥膳雞鍋養下身，如果下次嚟我一定會試豆乳芝士鍋。藥膳雞鍋好足料，個湯飲落好舒服，見到成大隻雞脾拎嚟煲湯，真係一啲都唔肉赤。價錢其實唔係話好平，但係食完就覺得呢個價錢真係超級抵食，啲牛肉質素唔話得。‣ A5帝王和牛海鮮 $438 ⭐️⭐️⭐️⭐️⭐️· 頭盤小食（鬼馬油炸鬼、口水汁麻辣拼盤、正宗泰式串燒拼盤）個人嚟講我最鍾意佢嘅鬼馬油炸鬼，佢喺上面鋪咗一層蝦滑，食落冇想像中咁香口，喉嚨都頂得順，佢仲好貼心咁附上沙律醬。由於我好鍾意佢脆口嘅口感，所以冇試過放佢入火鍋入邊，有興趣嘅都可以試吓。至於口水汁麻辣拼盤，花椒味都比較重，但係都幾香，雖然叫麻辣但係唔會話太辣。而泰式串燒拼盤，我覺得最好食嘅就係斑斕香葉雞，燒得好香，肉質都好嫩滑。· 蒜蓉辣椒卜卜蜆粉絲煲蜆肉都好新鮮而且好多，份量真係比想像中大份。咁啱嗌嘅辣度都係好微，所以食得出本身佢天然嘅海鮮鹹味。粉絲食咗幾啖就冇食，相對上都比較淡味，好在佢嘅粉絲都係比較滑身，我都幾鍾意。因為我揀嘅嘢已經好養生，對我嚟講已經好足夠，食晒啲蜆之後都冇乜點樣食。· 海鮮蒸氣鍋去到食海鮮蒸氣鍋嘅時候，發覺自己都開始飽飽地，喺枱嘅側邊都有一份「說明書」教你啲海鮮要蒸幾耐先好食，跟足啲說明好輕易就將啲海鮮整到啱啱好。而個湯底都係鰹魚昆布湯，食完啲海鮮仲可以用個湯煮吓其他嘢食。蠔肉真係好大嚿，但係因為本身唔太鍾意食蠔，所以俾咗男朋友食。佢都話幾新鮮又夠肥美多汁，唔會覺得特別腥。我自己個人最鍾意青口同扇貝，啲食材食得出好新鮮。整緊墨魚仔嘅時候店員都有提醒我快啲食，同埋主動幫我哋開蠔，服務真係好到不得了。· 黑樺牛精選層架個人最鍾意佢嘅封門柳，真係就算全熟都好好食，咬落去嘅時候時候啲牛味真係出晒嚟，果然不愧係「成隻牛肉味最濃嘅部份」。而且佢嘅封門柳有一定嘅厚度，一啲都唔孤寒。本身層架就送一份，再食嘅話就要加錢，我就留返個肚食其他肉啦。佢啲醉雞都唔錯，但係我覺得未有封門柳咁驚艷。餃子就正常發揮，冇乜特別。· 其他任選火鍋配料我覺得一定要食嘅就係「A5熊本黑樺和牛和尚頭」同「A5熊本黑樺和牛特上霜降牛小排」，啲雪花睇落真係好靚，食落去都唔會好膩，雖然牛味真係冇封門柳咁重，但係個人鍾意食到啲油香味。而和尚頭本身都係牛嘅稀有部位，食得出佢嘅嫩滑，舖頭普遍提供嘅牛質素都好高，油花分布均勻，冇一塊好鞋口。其他配料我就嗌咗啲墨魚滑、羽衣甘藍，然後encore咗鬼馬油炸鬼。佢嘅柚子炸雞翼都唔錯，但係就正常發揮。如果你問我嘅話，淨係專注食牛就已經好足夠，飽到連雪糕都唔想食。…查看更多

慶祝好友生日同佢去咗 食A5和牛放題🥳我哋揀咗好豐富的❤️A5帝王和牛海鮮❤️套餐，任食120 分鐘吃到飽😚✨頭盤小食✨🔸鬼馬油炸鬼🔸🔸口水汁麻辣併盤🔸🔸泰式串燒拼盤🔸一坐低店員就送上幾款小食，小食都好正，油炸鬼脆脆的，口水汁麻辣惹味，串燒特別喜歡燒雞肉。✨蒜蓉辣椒卜卜蜆粉絲煲✨卜卜蜆份量都好多食極都有，好鮮甜，仲有粉絲同娃娃菜都好入味。✨海鮮蒸氣鍋✨（隨機有7 款海鮮）有「大船渡岩蠔🦪、紐西蘭青口、扇貝王、鮑魚、海蝦🦐、墨魚仔」，海鮮好新鮮又大隻，用鰹魚昆布湯底去蒸海鮮，店員教蒸約4 分鐘就食得，全部都非常鮮甜。✨火鍋湯底✨我哋揀咗🔷關東風壽喜燒🔷鍋底，淨係個鍋已經好多配料，鍋底味道鹹甜得宜，唔使點醬料已經好夠味，另外仲送黑樺牛牧場精選層架一個。✨任食火鍋配料✨超過100 款火鍋配料可以任選任食，QR code 下單好方便。必點推介：🔸A5熊本黑樺和牛和尚頭🔸A5熊本黑樺和牛特上霜降牛小排🔸醉玫瑰日本佐賀名水豚五花A5和牛雪花分明，肉質鮮嫩，肉味香濃；豚五花也是不能錯過，油香肉嫩。…查看更多

今日同朋友食飯，大家都好肚餓想食豐富D，近近地搵左呢間尖沙咀打邊爐放題，餐廳提供兩個放題套餐，分別係A5帝王和牛海鮮同A4殿品和牛海鮮，我地揀咗A5帝王海鮮放題，每位（$438 ）任食120分鐘😋坐低無耐就先送上三款頭盤小食，包括有鬼馬油炸鬼，口水汁麻辣拼盤同泰式串燒拼盤😄油炸鬼脆卜卜配蝦膠，油份唔會過多，熱辣辣係即刻整既，麻辣拼盤有牛舌，牛腱，皮蛋同魚皮，口水汁好好食好惹味，泰式拼盤亦都有多款串燒頭盤小食嚟講，呢度真係整得唔錯，相當有誠意👏🏻另外仲有蒜蓉辣椒卜卜蜆粉絲煲，份量好多，蜆肉冇沙，粉絲吸曬湯嘅精華，好入味🐚呢度既另一特色係一邊爐會提供蒸氣鍋蒸海鮮，另一邊爐用嚟打邊爐，海鮮都好新鮮豐富，有海蝦，墨魚仔，九孔鮑 ，大船渡岩蠔 ，青口同貴妃蚌，用上鰹魚昆布湯底去蒸海鮮，令海鮮味道更有層次🦐🦑🦪邊爐我地揀咗壽喜燒，鍋底已經有滿滿既蔬菜，呢個餐可以任食A5熊本黑樺牛，例如A5熊本黑樺和牛特上霜降小排，A5熊本黑樺和牛肩胛梅花，A5熊本黑樺和牛牛頸脊等等，我特別推介牛小排同埋牛頸脊，牛肉雪花分布均勻，食落牛味濃郁、肉質嫩滑🐮火鍋配料有109種選擇，我試咗墨魚滑、午餐肉、紫菜響鈴和芝心獅子狗都好好食，配料質素屬於高質，仲有好多款配料都好正，但真係已經好飽食唔到啦😂餐廳提供飲品，雪糕都係任飲任食，如果唔想咁甜飲汽水，餐廳有多款自製冷泡茶👍🏻總款餐廳無論小食，海鮮，湯底，牛肉，配料款式都好多選擇。每款都新鮮好味，餐廳唔算好大，大家想食既話就最好早d book位😉…查看更多

香港人 春夏秋冬都咁鍾意打邊爐🤭史努比早排就去咗尖沙咀嘅一間日式邊爐放題佢哋主打熊本牧場直送嘅A5黑樺牛有兩個set 分別系$368同$438貴嗰個會多啲海鮮 爸爸👨🏻不嬲鍾意海鮮 咁就揀$438啦~👍🏿A4殿品和牛海鮮120分鐘放題 $438/位用咗昆布湯底嚟蒸海鮮 蒸完之後都可以打邊爐~另外仲可以揀多一款湯底 我哋揀咗花雕日本薩摩雞藥膳鍋不過史努比覺得兩款湯底都比較淡味 分別不大😂唔緊要啦可以去醬料區自己斟醬 有日式醬油 XO醬 沙茶醬 辣油麻油等任君選擇🤭.喺正式打邊爐之前店員先上咗一個精選三層架 一盤海鮮 燉湯以及三款頭盤小食精選三層架👍🏿手切封門牛柳 7/10難得切到咁厚都唔會話好韌 牛味幾濃 不錯不錯~👌🏿豬梅花 6/10砌到花花咁形狀 好有心思❤️食落有豬味 但肉質偏鞋👍🏿醉雞件 7/10連雞皮嘅(當然史努比去皮😂)有適量嘅雞油 食落夠滑😚👍🏿雲吞 7/10見有幾款唔同餡 史努比試咗蝦肉雲吞皮夠薄而且好滑 蝦肉彈牙調味適中 正常水準啦🤭🍲燉湯👍🏿滋潤魚肚燉雞湯 7.5/10飲落帶少少甜味 飲到花膠嗰種黏稠感覺幾滋潤😆但平時史努比唔多飲湯而鍾意飲湯嘅爸爸👨🏻就只系話佢正常發揮姐😬.👍🏿麻辣拼盤 7/10佢個麻辣醬都幾唔錯 香辣而唔系死辣有牛𦟌牛肉豬耳魚皮等配料.👍🏿泰式串燒拼盤 7/10串燒都正常嘅 調味適中豬雞夠嫩 但牛就偏韌.👍🏿蝦多士 7.5/10卜卜脆食落又唔會話好淋油 蝦肉都夠彈牙😆不過呢啲飽肚嘢不宜多食🤣🦞海鮮(包7款一次性)👍🏿扇貝 7.5/10蒸完之後都依然系大大隻冇縮水裙邊有少少韌 但帶子嘅肉質好嫩 帶少少鮮甜🫶🏿.👍🏿青口 7/10同樣好大隻😆 唔腥唔臭 但冇乜甜味🤔.👍🏿鮑魚 7.5/10大隻實肉 爽口彈牙 但都系爭啲啲鮮味😬.👍🏿花甲皇 7.5/10夠大隻 食到鹹鮮味 但如果多少少甜味就好🤣.👌🏿生蠔 4/10呢個唔太掂…雖然蠔肉脹卜卜夠肥美但好好好鹹 系浸鹽水嗰種鹹🥺🔸其他海蝦爸爸👨🏻話唔夠彈牙 墨魚仔就普通啦青口 墨魚仔 魷魚 蜆呢啲都系可以任食嘅👍🏿卜卜蜆 8/10反而最好食系呢個可以任嗌嘅卜卜蜆揀咗bb辣 食得出蜆肉嘅鮮甜帶心微微嘅辣令佢更加香而冇蓋過蜆嘅甜味😚🐮牛肉入戲玉啦😂👍🏿A5黑毛和牛三筋肉 9/10嗌咗兩轉 第一轉冇咁肥 食落牛味好濃郁 肉質亦好嫩滑😆所以encore第二轉油花分佈真系超級靚😳不過好肥😂但真系做到接受入口即融 鍾意肥牛嘅朋友應該超like🤭👍🏿A5特上霜降牛小排 8.5/10相信有打開邊爐嘅都知道牛小排嘅質素系最穩陣架啦🤭睇油花都知實正嗌咗3轉都一樣咁靚仔 入口隨即成個口腔充滿牛脂香🤤不過牛味就相對地冇三筋肉咁濃郁 史努比就鍾意三筋肉多啲🤭👍🏿A5和牛和尚頭 8.5/10呢款牛味濃而且相對冇咁肥 肉質軟嫩好似史努比咁鍾意瘦啲嘅牛肉呢款會啱你🥰.👍🏿A5和牛肩胛五花 8/10👍🏿A5和牛牛頸脊 8/10呢兩款分別不太大 同樣食到明顯嘅牛味相對瘦少少嘅肉 冇上面嗰啲咁滑但唔鞋口都食得過🥰.👍🏿A5和牛五花肉 7/10相對史努比覺得冇咁好食 肥膏積聚咗喺邊邊位食落會有少少膩 但唔系差嘅🤣.👌🏿滑蛋牛尾龍 5/10唯一呢款比較差 切得厚但唔韌應該系因為用粉乸過龍🥲食落冇晒牛味同埋調味偏鹹 可skip🥘火鍋配料選擇好多但史努比當然試唔晒 揀咗幾款嚟分享.👍🏿日本雞蛋 8.5/10有呢樣嘢提供真系值得大大力咁讚🤭食和牛點少得蛋汁架!雖然佢個蛋黃唔系好橙紅色嗰種咁靚但都食到有蛋香 配和牛食簡直一流😍.👍🏿手打爆汁牛根丸 8.5/10食落彈牙 入面冇任何韌嘅牛根咬唔開牛味濃郁而且好juicy😆.👍🏿台灣鴨血 8.5/10軟滑Q彈 冇腥臭味👍🏿.👍🏿墨魚滑 8/10👍🏿粟米墨魚餅 7.5/10兩款都食到粒粒墨魚 爽彈而且有墨魚香試得過😚.🥬蔬菜 7.5/10選擇好多 有個養生素菜小拼盤幾唔錯😎有馬蹄 木耳同蓮藕片 馬蹄爽甜真系幾好食🤭另外特別啲嘅有羽衣甘藍 皇帝菜之類~🍨甜品 8/10用咗香港品牌Victoria雪糕分別有6種口味由於佢唔系重點 史努比狠心地唔詳細講😂本身唔抱期望但估唔到質感幾滑 冇碎冰亦唔系沙沙口感😚雲尼拿同豆腐就甜度高啲 但幾好食🤭海鹽鹹鹹甜甜都幾得意 食得過芒果唔系好假嘅香精味 唯一綠茶少伏 茶味有啲fake🫣食咗啖遞咗比爸爸👨🏻😂仲有士多啤梨冇試🤪.🍹飲品 7/10茶飲分別有桃香烏龍 茉莉綠茶 梨山烏龍同四季春試咗茉莉綠茶唔錯嘅 帶醇茶嘅芳香另外凍櫃仲有汽水同健康工房嘅紙包飲品~*另設加一服務費*整體和牛嘅質素都好穩定 唔會話有一次嚟得特別衰只系部分一兩碟融雪未系處理得好好 同埋都有出現比錯嘅情況 史努比嗌晒所有肉但有啲重複咗有啲冇嚟不過見佢哋人手真系好不足 可以體諒🥺同埋咁忙之下服務態度都依然keep到令人食得舒服又開心加上每碟都有個牌清晰寫明系咩肉 個人覺得呢點好抵讚❤️史努比覺得可以嗌$368嗰個set 主力食和牛😆整體評分：味道: 8/10環境: 8.4/10服務: 8.1/10衛生: 8.3/10抵食: 7/10…查看更多

第二次到訪黑樺牛，上次食完之後就好掛住佢啲牛🐮今次準備好個胃決定要食返夠本。印象中同之前分別唔大😌小食選擇係多咗，食店人氣大咗，氣氛都好好🥳➷🪐 A5帝王和牛海鮮✨ 頭盤小食鬼馬油炸鬼｜口水汁麻辣拼盤｜正宗泰式串燒拼盤頭盤先送上三款唔同滋味嘅小食😲脆卜卜油炸鬼配蝦膠，油份唔會過多，口感都比較豐富😋麻辣拼盤有牛展、皮蛋同魚皮，微微嘅麻辣香🌶️惹味之選。泰式串燒拼盤集合咗牛雞豬，不過就乾身咗少少🤏🏼淨係頭盤都已經咁多選擇，真係要留返個胃食牛呀🤣§✨ 蒜蓉辣椒卜卜蜆粉絲煲份量都幾多，襯熱食會比較好🍲味道可以再濃返少少。蜆肉無沙，配合粉絲一齊吸盡湯底嘅精華，清甜可口👍🏼§✨ 海鮮蒸氣鍋本地海蝦｜墨魚仔｜九孔鮑｜大船渡岩蠔｜扇貝皇｜蘇格蘭蟶子用上鰹魚昆布湯底去蒸海鮮，蒸完仲可以用佢黎打邊爐🍲海鮮要食新鮮，咁就唔會有不必要嘅腥味👍🏼雖然佢地大大隻，但每款要蒸嘅時間唔駛太耐⏳否則就會變得好老🫢佢哋自身嗰種鮮甜係我一直都咁鍾意食海鮮嘅原因🦐§✨ 野生竹笙松茸菌鍋揀咗比較濃味嘅呢款松茸菌鍋🍄‍🟫整個鍋都係唔同種類嘅菇菌。呢個餐可以食盡A5熊本黑樺牛🐮例如A5熊本黑樺和牛特上霜降小排、A5熊本黑樺和牛肩胛梅花、A5熊本黑樺和牛牛頸脊等等都係座上客😍唔同部位嘅牛肉，佢哋嘅肉味濃度同肉質都會有輕重之分🧐不過有樣嘢都好一致嘅，就係佢哋嘅油脂分佈，都係咁細緻🤩我自己偏向鍾意食佢哋嘅和牛肩胛梅花，我認為佢係肉香最濃郁嘅一款😶‍🌫️不過無論邊一款都好，如果想食到最好嘅肉質，自己就要好好掌握淥嘅時間😆另外套餐仲會附送黑樺牛牧場精選層架，可以食到啲較為特色啲嘅火鍋配料🤤例如花雕雞，醃得入味食到啖啖酒香🥃➷飲品除咗有各式各樣嘅汽水提供，仲有冷泡茶🍵就算食到飽一飽都可以消消濟喇。最後記得要食埋雪糕甜品，咁先係完滿🤪➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼8️⃣🌟…查看更多

麻辣拼盤 : 各種醬料搭配得恰到好處，超級惹味，個醬係個靈魂，配上皮蛋、牛展、牛肚、牛舌、魚皮，非常開胃魚肚燉雞湯 : 湯頭濃郁，是一道養生湯品，冇諗過佢個湯都咁濃咁足料鬼馬油炸鬼 : 蝦滑q彈多汁，外層酥脆可口，值得一試。蒜蓉辣椒卜卜蜆粉絲煲 : 湯汁鮮甜，蜆肉肥多汁。辣椒和蒜蓉異常惹味。豬五花, 封門牛, 花雕雞, 自家製餃子拼盤：餃子皮薄而不爛而且細細粒唔會好易食得飽。豬五花八異常出色昆布湯蒸海鮮: 海鮮好新鮮，洗得乾淨，有提示教每種海鮮蒸幾泰式串燒拼盤 ：串燒均烤制得恰到好處, 合格菜式，但食到呢度已經飽左七成湯底揀左野生竹笙松茸菌煲: 湯頭足料而不膩,竹笙和松茸的鮮味完美融合。重點黑樺和牛：呢隻牛睇啲色水同紋理就知好出色！！！無限任點真係無扼人餐水任拎款色好夠，順帶一提叫左啤酒，都係$58 任飲！呢個$438 真係好抵，由頭到尾都有驚喜，二人都可以住卡位，坐得好食得盡興，唯獨是唔好係個胃唔夠大😂 …查看更多

呢間位於尖沙咀k11附近嘅日式放題火鍋🍲，可以任食各種A5和牛！性價比好高！🥩服務態度好好，環境企理，有卡位提供！首先上菜會有數款小食頭盤，包括泰式串燒，麻辣涼拌拼盤及蝦滑油炸鬼。小食都好有誠意，全部都好惹味同埋即叫即整😋頭盤後，會有個魚肚燉雞湯同埋蒜蓉辣椒卜卜蜆粉絲煲，魚肚雞湯好真材實料，好重鮮味，魚肚亦好軟棉。超級補身！而蜆肉煲啲蜆雖然唔係好大隻，但係都夠鮮甜。之後會先上海鮮拼盤，包括有鮑魚、扇貝、廣島蠔、大蝦、蟶子、墨魚仔同青口，蒸焗時間可以望吓餐廳提供嘅指示！海鮮拼盤好大份！🦐🦑海鮮都好新鮮，扇貝同鮑魚好鮮甜彈牙。👍🏻但記得吾好掛住食嘢而蒸過龍，如果唔係會好難咬🤣到重頭戲嘅火鍋，火鍋湯底揀咗每日限定嘅北海道牛乳芝士鍋。湯底芝士味好濃郁，芝士控必選🧀！附送嘅火鍋層架，有和牛，雞件同雲吞。而我哋叫嘅438元既餐係QR code可以任嗌嘅和牛大約有5至6款。分別係A5熊本黑樺和牛特上霜降牛小排、A5熊本黑樺和牛千本筋、A5熊本黑樺和牛牛頸脊、A5 熊本黑樺和牛肩胛梅花同A5 熊本黑樺和牛五花肉。自己就特別推介牛小排同埋千胛梅花！油脂分布平均，肉質好嫩！😝自助吧提供多款飲品，同埋幾款口味既雪糕🙌🏻特別推介豆腐味雪糕🍨鍾意食和牛或者海鮮嘅朋友仔，一定要試下呢間黑樺牛！…查看更多