黑布小巷

营业中

休息中

煙燻去骨鳳爪 這道煙燻去骨鳳爪肉質鮮嫩，煙燻香氣濃郁，口感滑順，讓人一口接一口，沒有骨，吃十分過癮，是下酒的絕佳選擇。黑布台式香腸黑布台式香腸外皮香脆，內餡多汁，帶有獨特的台灣風味，吃起來十分滿足，特別適合搭配啤酒或米飯。芝士吞拿魚粟米蛋餅 這道蛋餅內餡豐富，芝士的濃郁與吞拿魚和粟米的鮮甜相得益彰，口感滑順，適合作為早餐或小吃。花枝丸配淮鹽（5粒） 花枝丸口感彈牙，搭配淮鹽的鹹香，讓每一口都充滿海鮮的鮮味，作為小吃十分合適。慢煮嫩滑雞扒手工油肉便當 這款便當中的慢煮雞扒肉質嫩滑，搭配香噴噴的油肉，讓人一試成主顧，十分滿足，適合忙碌的日子快速享用。紅燒台式牛肉麵 這碗紅燒台式牛肉麵湯頭濃郁，牛肉軟嫩，麵條彈牙，可向店員取特選蝦米辣椒油更添風味，讓整道菜更加美味，適合喜愛牛肉麵的食客。冬瓜茶（健康少甜） 這款冬瓜茶清爽可口，甜度適中，十分健康，適合炎熱的日子消暑。黑糖蘋果紅棗薑（熱） 這道熱飲結合了黑糖、蘋果、紅棗和薑，暖心又滋補，香甜可口。https://maps.app.goo.gl/72K17BSEwnudZYgZ6?g_st=ic

做完瑜伽同其他同學仔去咗對面嘅億利工業大廈食飯消耗咗咁多卡路里，梗係要邪惡一下食台灣嘢紅燒台式牛肉麵牛肉麵$70唔使，超多牛肉啖啖牛味慢烤雞腿芝士吐司雞腿肉好嫩滑，麵包烘到香香脆脆在查上秘製芝士醬同沙律醬，味道真係一流除咗雞腿之外，吐司仲夾咗一隻流心半熟煎蛋，熱溶芝士配上蛋汁邪惡又好味芝士火腿肉鬆蛋餅蛋餅個餅皮好酥脆，肉鬆亦都係香香脆脆的，夾埋芝士冇得輸桂圓杞子玫瑰三色圓特別鍾意芋頭圓，真係食到粒粒芋頭，就算凍食三色圓口感都keep到腍腍地

今天去左荔枝角工業大廈一間台灣菜小店叫黑布小巷，環境時尚簡約，空間寬敞舒適，適合朋友聚餐或情侶約會😁紅燒台式牛肉麵🍜$68以濃厚醬香的紅燒湯底為靈魂，甘醇香濃, 燉煮入味的牛腱肉入口即化，搭配彈牙的麵條，口感豐富😋慢烤雞腿蛋吐司🥙 $49黑布小巷的招牌吐司！雞腿超大塊，肉質嫩滑，最驚豔的是醬汁！甜甜的，而且分量十足，吃到最後一口都依然醬汁淋漓，超滿足！大力推薦😍黑布台式香腸 $28 外皮烤得金黃酥脆，內裡肉質鮮嫩多汁，散發著誘人的蜜糖甜香😛花枝丸配淮鹽 🍡$28鮮嫩彈牙的花丸，配上淮鹽的鹹香，口感豐富😛芝士火腿肉鬆蛋餅🧈 $49芝士火腿肉鬆蛋餅吃起來鹹香有層次，蛋餅皮煎得微酥，裡面的芝士、火腿和肉鬆搭配得剛好🤗芋頭椰汁三色圓 $46椰汁糖水香濃順滑，芋頭味十足！大顆Q彈的三色圓（芋圓、紫薯圓、地瓜圓），每一種都擁有獨特的風味，口感豐富，令人難忘！冬瓜茶🥤+$9甘甜清涼的冬瓜茶，甜而不膩🎇黑布小巷🎈長沙灣道883號億利工業中心4樓405室

最近多左黎荔枝角食野，今次就食下台灣嘢。去左呢間小有名氣嘅「黑布小巷」。平時呢度lunchtime座無虛席要等位，所以今次就dinner時段黎食！呢度有多款地道台灣美食提供，牛肉麵、滷肉飯、蛋餅、吐司同夜市小食都食得到。吐司係呢度必點！慢烤雞腿芝士蛋吐司。好足料又豐富嘅烤吐司！慢烤雞腿嘅雞肉好嫩滑仲有豐富肉汁。流心嘅雞蛋同芝士雖然好邪惡，但好味。食兩件已經好飽肚！紅燒台式牛肉麵。紅燒牛肉湯好濃厚但唔會過鹹，牛肉煮得好腍又入味，麵條有韌勁有彈性。食得辣嘅一定要落佢個蝦米辣椒油，落左之後惹味好多之餘，蝦米仲好提鮮！蛋餅味道選擇有幾款，點左份芝士吞拿魚粟米蛋餅。份量好大，而且又係勁足料！蛋餅入面嘅餡超飽滿，滿滿嘅吞拿魚餡，粒粒粟米增添口感，熱溶芝士充滿鹹香！建議多啲人share蛋餅。另外點吐司/麵可以優惠價加配小食同飲品，點左份花枝丸，都好彈牙鮮味！飲品點左比較養生嘅黑糖雪耳枸杞同黑糖紅棗桂圓，兩杯都唔會太甜！最後再食埋佢哋嘅三色圓甜品，煙韌嘅三色芋圓配黑糖桂圓杞子玫瑰糖水。滿足。

麻辣鬼椒雞腿芝士蛋吐司 $58流心煎蛋同芝士勁邪惡勁吸引！香辣雞扒辣得過癮仲好juicy ！吐司好香牛油味，加埋芝士同蛋勁好食🥹慢煮嫩滑雞扒手工滷肉便當 $69佢哋係即叫即焗，等咗大約15mins就有了！雞扒勁嫩滑，比吐司嘅雞扒都濃味啲～勁好食！側邊啲魯肉用上半肥瘦豬肉，肥而不膩且滷得入味漬菜酸酸地送飯一流！古早味蜜芋頭撈三色圓（熱）芋圓、地瓜圓同紫薯圖好煙un ，蜜芋頭好甜好糯好好食！芝士火腿蛋餅餅皮好Q彈，芝士火腿呢個combination冇得輸！📍 黑布小巷 (荔枝角)荔枝角長沙灣道883號億利工業中心4樓405室

今日（18-4-2025 Fri）復活節假第一日，梗係要出去抖吓氣，今日陰天落微雨，唔行街，要走入商場，而我因為上次喺黑布小巷食完嘢後，掃code填問劵，而得到佢哋消費滿$100.00，獲得$20.00優惠嘅code（上次食評係2025年3月15日刊登嘅呢篇：https://www.openrice.com/zh/hongkong/review/y-%E5%B0%91%E5%B0%91%E5%A4%B1%E6%9C%9B-e5953957），於是同老公嚟食蛋餅，我哋嚟到，都重有窗邊位，坐低後都係掃code揀嘢食，我哋要咗：3. 跟餐加$18.00嘅煙燻去骨鳳爪呢個上次嚟時都唔見，咁有新意就點佢，呢個係有煙燻味，但都辣辣地，口感係正常爽口。4.5分6. 跟餐$28.00嘅黑布醉蝦一客4隻，呢個一食係甜甜地，唔會只有酒嘅甘苦味，口感係正常爽彈。5分1. $49.00嘅芝士吞拿魚粟米蛋餅都幾大條，已cut成6件，分開時都有啲拉絲，食落，唔會太鹹，餅皮有啲煙韌，幾好食。5分2. 跟餐加$16.00嘅熱黑糖雪耳枸杞呢個味道偏向只有黑糖味，但都見到有雪耳。1.5分5. 跟餐$16.00嘅熱黑糖紅棗

黑布小巷 荔枝角億利工業中心405室🥪慢烤雞腿蛋吐司 $49 黑布小巷嘅招牌吐司 雞腿大件肉質好嫩最欣賞喺個醬汁 甜甜地 而且佢一啲都唔孤寒 比勁多醬汁 一路食一路滴到周圍都喺🍳推薦！🍡花枝丸配准鹽（跟餐）$28🧃茉莉茶（少甜）（跟餐）$12咁樣跟餐 一共只喺$80 絕對食得飽🍤夜市蝦捲手工魯肉便當 $69便當份量驚人 兩個人share食都絕對足夠 除咗有成三條蝦捲 仲有魯肉 酸菜 粉絲 滷水蛋 配料豐富 差啲食唔曬🧃白桃烏龍茶（跟餐）$12🍨芋頭椰汁三色圓 $46同平時食開嘅芋圓甜品唔一樣佢喺好似糊仔咁杰杰地但喺芋頭味好足 食落好滑好香芋圓煙煙韌韌好好食 值得一試！🥓黑布台式香腸 （2條）28🫕湊湊豆腐湯（微辣）$38入面有兩大舊豆腐豆腐微辣得嚟好香好過癮

之前食過大角咀分店覺得幾好，滿心期待嚟再食。 環境方面就略為光線稍暗同埋多雜物堆放。服務方面都ok,會盡快安排座位，open rice $50現金優惠券兌換都算順利，但落單嗰陣時要撳櫃檯付款，之後喺櫃檯用現金或者八達通俾完錢之後先算落單成功。野食係落單後大概兩分鐘已經送到，麵質係正常台灣手工面水準、有咬口，牛肉軟硬適中，但係有少少怪味，至於湯就冇咩特別，但食完好口渴。😣 覺得水準比以前下降左，所以食完有啲失望🥺。總結係如果趕時間想食個快lunch都ok, 但要特登排隊就吾會啦🙈

平時都好鐘意食台灣野，今次跟朋友就去左呢間主打台式吐司既台式餐廳食dinner，餐廳位於工廈入面，環境闊落坐得舒適麻辣鬼椒雞腿蛋吐司 $51麵包烤過表皮輕脆，內裹軟熟，雞腿肉嫩多汁，加上半熟日本流心蛋同秘製醬汁，啖啖都充滿蛋香及肉汁，鐘意食辣可以叫呢個麻辣鬼椒口味，加上辣椒粉層次感更豐富芝士火腿肉鬆蛋餅 $48蛋餅外皮輕脆， 加入帶鹹香既火腿肉鬆及拉絲芝士，邪惡滋味慢煮厚切豬頸肉手工滷肉便當 $69有驚喜! 便當內有大兩舊豬頸肉，大大嚿爽口彈牙超好食，配上香甜滷肉飯惹味香口，自家炒惹味酸菜好食甜品叫左個桂圓杞子玫瑰,三色圓$38 三色圓口感煙韌軟糯，桂圓杞子養生，加上玫瑰香甜滋味，值得一試凡惠顧吐司/蛋餅/牛肉麵/便當，都可以優惠價加配小食($28) /飲品($9起)今次叫左白桃烏龍茶同凍頂烏龍茶，茶香味濃，清新有助解膩小食加左黑布台式香腸 ($28/2條) 同 夜市蝦捲 ($28)香腸外脆內juicy，啖啖肉，蝦卷爽彈，可以沾上甜酸醬食酸甜開胃

呢間台式餐廳主打地道嘅台灣美食，將傳統台式風味同創新元素結合，菜式用料用心，食材新鮮，服務貼心，吸引咗唔少街坊同台灣菜愛好者專登嚟捧場！慢煮嫩滑雞扒手工滷肉便當即叫即做，熱辣辣上枱！雞扒嫩滑多汁，外皮煎得香脆，手工滷肉肥瘦比例啱啱好，滷得非常入味。仲有清新嘅椰菜絲、甜甜嘅粟米粒同開胃嘅酸菜。慢烤雞腿芝士蛋吐司慢火烤熟嘅雞腿，肉質嫩滑，啖啖肉夠juicy！加埋半熟流心嘅日本蛋，配上秘製醬汁，味道真係一流，點食都唔膩，百食不厭！餐廳嘅吐司系列係人氣之選，用嘅麵包夠鬆軟 。芝士火腿蛋餅傳統台式做法嘅蛋餅，煎到外皮香脆，內餡夾住滿滿拉絲芝士同火腿，咬落去又香又濃。自家調配嘅醬汁更加提升咗整體味道。📍黑布小巷 (荔枝角)荔枝角長沙灣道883號億利工業中心4樓405室

星期日，十二點多的時間，付款超過了30分鐘，仍沒有上菜，餐廳做完所有的外賣後才做堂食。食物也沒有其他食評般好吃。食物分量也不多，牛肉麵跟肉羹麵線配上炸蝦卷和醉蝦也吃不飽。在工廈內的食店，配飲品、小食的價格，性價比屬低。

每次食黑布小巷,除左會叫佢地爆漿三文治,仲會叫佢地既牛肉麵,因為真係荔枝角咁多間台食入面,最好味既一間!!!除左湯頭夠濃,略帶微辣,牛肉大概有4塊,塊塊都厚切😍基本上一個女仔食都夠飽🤭所以通常上完瑜伽堂幾個女仔每人叫一樣黎Share!!!今次仲叫左佢地既新出既肉羹麵線,一碗HK$42~ 比台灣食既阿宗麵線濃稠D,仲帶D 微辣~ 味道足夠,唔駛額外落任何調味👍我仲幾鍾意佢地既黑糖紅棗薑三色芋圓,湯水底夠薑🤭芋圓就可以再軟糯少少比較好🤭🤭

想食吐司好耐 叫左個辣味雞肉流心蛋吐司雞蛋同流心蛋配合得好好 不過略嫌辣粉太辣 要係咁飲野解辣 隔籬台客都一食就大叫好辣😂😂再叫左個牛肉麵 牛肉份量都好足夠 又夠淋 相比之下 麵既質地正常發揮 冇話太特別加埋辣味花枝丸 建議食得辣既朋友先好嗌😂😂 不過味道係好食的 下次可能叫番其他味會好啲

今日又去左億利工廈搵食，要平靚正選擇，岩晒我哋。晚餐50蚊就有一個餐，性價比極高，小食主菜甜品樣樣齊🫶🏻🌟#火腿肉鬆蛋餅肉鬆香甜，火腿咸香惹味，軟滑蛋味重，好好食，必試。🌟#醉蝦淡淡的酒香，蝦肉鮮嫩爽脆，幾惹味，而且份量都唔少。🌟#紅燒台式牛肉麵+ #花枝丸配淮鹽牛肉軟爛入味入口即化，而且好大件，湯頭濃郁，搭配彈牙的麵條，好正。仲有酸菜配搭，🫶🏻🌟#芋泥三色圓芋泥好幼滑，仲好香甜，芋圓軟糯，口感煙靭，大滿足。食物水準高，環境舒服，是聚餐理想之地！

黑布小巷真係唔錯！我最近試咗佢哋嘅花枝丸、芝士雞扒吐司同埋冬瓜茶，味道真係好正！☺️😁花枝丸花枝丸外面脆脆，裡面好彈牙，海鮮味好濃，配埋自家製醬汁，味道更加升呢，真係好食！😍😍😍芝士雞扒吐司呢個吐司用咗厚切麵包，外面金黃酥脆🤭裡面係多汁雞扒同融化芝士，口感超豐富，食咗真係會想再嚟！😭冬瓜茶冬瓜茶清清爽爽，唔會太甜，正好解渴，配住呢啲食物最啱不過！😌總括來講，黑布小巷真係值得一試，食完我都想再食！🤩