麻辣媽媽

酸菜魚原條上，闊過我3塊面，好多粉絲係魚下面，不過略咸。另外幾道菜都好香，如豬油渣菜心、乾香椰菜花，特飲水果茶好多好多水果，起碼5種，但青檸比較清新，沙冰普通。擔擔麵都好食。…查看更多

其實我好鍾意食麻辣 , 無奈個胃唔係幾聽話口可以間中食少少 , 仲要只可以揀少辣 , 到喉唔到肺到 @@"有一次係佐敦o個邊放完狗 , 行過見到呢間 " 麻辣媽媽 "門口貼左好多雜誌訪問, 見到d 相同 menu , 相當吸引 ,幸運地同行的妳都對個田雞煲有興趣 , 太好喇 !!!呢度座位唔多 , 都幾擠迫 , 店員要落單都好難入埋黎見人人都有一個煲 , 當然我地都要試一試啦 ^^ 1. 川北涼粉~ 賣相好靚 , 原來都幾辣幾麻 , 仲以為冷盆小食會溫和 d d 涼粉又白又滑 , 好淋身無乜嚼勁 , 味道幾香幾好食 ,但係唔係幾夠凍 , 浸耐左開始好入味好辣 =p2. 麻辣田雞煲~ 睇個樣好似得好細煲 , 但份量都唔少 , 田雞多過兩隻都幾肥大 , 好多肉食 , 不過因為湯底太濃 , 唔知 d 田雞新唔新鮮有 d 青瓜同薯條o係底 , 好特別o既配菜 , 食到一條都無淨 xd我地叫左少辣 , 但都食到變 " 孖潤腸咀 " , 中間越滾越入味想溝淡 d 但係唔想加熱水 , 就同店員講要左碗清湯 , 旁邊兩位都係叫少辣 , 但係佢地話一 d 都唔辣 .... -.-"3. 黃金蝦~ 份量少左 d , 得六七隻 , 味道都唔錯 , 不過感覺上火喉唔夠無少得香口先落咸蛋黃 , 但有個好處就係無咁油膩 =)4. 乾扁四季豆~ 好夠味又多肉碎 , 撈飯一流 , 唔記得左點解我地呢餐無叫飯就咁空口食黃金蝦同乾扁四季豆呢 d 咁濃味o既小菜 @@"## 珍寶青檸樹係呢度o既必點 , o係唇舌滿是麻辣感o既時候黎一杯冰凍清新o既酸甜青檸冰 , 確實有如雪中送炭 ,呢一餐食得好刺激 , 不過食完之後就好耐無再黎講喇其實睇見張相真係好想再食呀 , 我記得有個魚鰾煲o家!! …查看更多

好高興我有兩位朋友同我一樣都係嗜辣之人, 趁「五一」前夕大家有時間可以聚埋一齊, 就想揀一間o係市區既川菜館挑戰一下味蕾o既極限. 見呢間「麻辣媽媽」係ORice有唔少o既食評, 放出o黎o既相亦睇落唔錯, 於是我地一行3人就決定o係4月30日晚o黎呢度過一過辣癮, 睇下呢度o的麻辣菜式究竟得唔得. 結果係點? 立即去片:點菜之前先飲o的酒warm up一下, 朋友介紹黑啤溝普通啤好道唔錯, 就嗌o左兩支大o既健力士同青島o黎個兩溝. 上檯時, 的大大個o既直身杯係預先雪凍o左(見上圖), 對我地o既佐飲更有慶致, 值得讚! 兩溝o既效果相當唔錯, 加埋用凍杯o黎飲, 我地倍覺慶鬆愉快. 唔洗一陣, 各式小菜陸續上檯. 以下o既評分以10分為滿分, 菜名後面標明我地預先選好o既辣度:口水雞 (例牌, 大辣; 見上圖): 一件件雞好似個金字塔咁疊埋一齊, 有青瓜絲墊底. 面頭淋上黑黑o既口水汁. 就咁睇, 雞同口水汁o既色澤望落okay. 食落口 (見下圖): 雞件大部份係厚切o既雞胸, 口水汁o既醬油味道同質感濃烈, 感到佢辣又未至於好辣, 雞件吸收到汁既辣味, 呢個口水雞做得算係唔錯. 份量方面, 雞大約有7 - 8塊, 兩個人食實在唔多夠分, 更可況係三個? 7分.皮蛋青椒 (小辣; 見上圖): 青椒好甜美, 皮蛋糖心幼滑, 個汁小小辣夠濃厚, 同o的皮蛋青椒都配合得好. 唔洗一陣好快被掃光! 9分.麻辣海帶 (小辣; 見上圖): 以小食o黎講佢o既份量都唔細. 粗粗o既海帶有紅辣椒粒、蔥粒、炸蒜粒同芝麻拌碟, 作為 “麻” o既花椒就蹤影全無, 係唔多好o既先兆. 食落口 (見下圖): 咁覺到佢仲暖o既 (!), 浸過龍條條都軟賴賴, 而且全無任何花椒o既麻味. 呢碟菜明明係一碟涼菜, 有咁樣o既味道同質素實在不可接受! 食o左一陣我地停哂筷子將佢擺埋一邊. 2分.豉椒炒蜆 (中辣; 見上圖): 除o左川菜, 我地都有嗌一呢碟粵式小炒佐酒. 佢熱辣辣上檯, o的蜆係細細隻, 食落感覺係新鮮; 個汁睇o黎滿佈紅椒粒, 其實一o的都唔辣仲甜甜地, 整碟菜最大o既敗筆, 就係食唔到任何豉椒味, 名不乎實! 3分.辣子雞 (大辣; 見上圖): 呢碟菜我地無叫到最辣, 係想用佢同之後上檯o既水煮牛肉(最辣) o既麻辣度作一比較. 上檯時睇到的雞都幾大件, 辣椒同雞o既份量大約係一般川菜館o既7:3之比. 配料除紅辣椒同辣椒乾之外有腰果、蔥、仲有… 咦, 花椒呢? 點解又係無o左最重要o既材料o既? 我地於是好似打war game咁以地毯式搜索, 依然係毫無結果, 花椒蹤影杳然. 食落口 (見下圖): o的雞粒比一般川菜館o既都較大件, 可惜油泡時過o左火, 頗為乾水兼本身無乜調味, 食落相當淡口. o的辣椒o既辣度只係小至中辣o既程度, 令我地一心嚐辣o既都非常失望. 而最令我感到不快o既, 就係呢個標榜 “麻” 、 “辣” 口感同樣強烈o既四川名菜, 居然連半點麻味都無, 非常差勁, 係徹底失敗之作! 用佢o黎送酒都嫌徙. 1分.水煮牛肉 (最辣; 見上圖): 上檯時滾熱辣, 猶如龐然巨物一樣, 又紅又大堆頭感覺好似好嚇人. 對於我地幾個食慣川菜o既人o黎講, 可謂司空見慣. 紅紅o既水煮汁滲著一鼓頗為刺眼同攻鼻o既辣椒氣味, 相當有霸氣; 厚厚o既一層紅辣椒乾下藏有牛肉片、大豆芽菜、土豆(薯仔)絲、青瓜條同腰果, 而作為主要材料之一o既花椒, 同辣子雞一樣, 依然係蹤影全無, 我地o既內心當堂沉o左一大截. 到食落口時, 牛肉o既質感唔錯, 無被醃肉粉 “提練” 過, 幾好趙口. 食完一塊約莫10秒之後, 極強烈o既辣味兇擁而至, 係就係好刺激, 最弊佢同其他標榜有 “麻辣” 兩字o既菜式一樣, 都係一o的麻味都冇, 一味得個 “辣” 字. 其他材料如芽菜同青瓜都同樣被水煮汁浸透, 一樣係辣到冇朋友, 只有土豆絲(見下圖)既密度較高, 無被辣汁全面滲透, 可以作為輕輕舒緩辣味之用. 食到呢一刻我地同辣子雞(大辣)既辣度做比較, 對於兩味菜o既辣度竟然有咁大o既落差, 大感詫異. 對於呢味水煮牛肉我感到相當痛心同失望, 因為不但止食唔到應有o既麻辣味, 大好o既食材亦被一味死辣既味道糟塌晒! 我地食到一半, 被迫放棄. 3分.珍寶青檸樹: (見上圖): 佢係呢度o既招牌解辣凍飲, 所以點都要試o下. 大大杯上, 上層係打到起泡o既檸檬什飲 (lemonade), 下層係青檸汁, 配以一大個青檸做裝飾. 一杯有齊兩種檸類唔同o既酸甜味道, 層次感強, 相當出色. 我鐘意! 8分.總結: 埋單每人約HK$240, 以川菜o黎講可算相當貴. 呢度o既麻辣菜式有辣無麻, 只能用有名無實去形容. 即使佢地部份小食、涼菜同凍飲都做得有版有眼, 依然無法彌補麻辣主菜差劣o既水準. 實在不能接受. 以後要食上好o既麻辣川菜, 我都係會去番元朗o既「香辣風」; 起碼一定唔使好似今次咁貼錢買難受.…查看更多

鋪頭唔係好大, 唔知燈光不足定係慳電無開燈, 下晝去食都好似陰陰暗暗咁; 不過都想下次有機會試下食晚飯口水雞午市套餐 (飯又凍又硬左少少); 口水雞 (有雞脾食, 都叫做滑, 皮就太肥喇無食到, 辣度可以接受, 唔係十分辣又有麻痺既感覺, 唔夠仲有一小格辣汁可以點多d) 酸辣魚腩薯粉 (雖然本身唔係好中意食魚, 不過見人地既反應好似都唔錯, 問阿姐魚腩多骨d定魚片多骨d, 阿姐話魚片多細骨難食d, 都岩, 所以都係揀魚腩; 魚腩份量都足夠, 食落都幾嫩, 係有d大條既骨, 都唔會鯁死既...酸辣湯底唔錯, 辣度同酸度都配合得到, 魚肉既味都無話俾湯底蓋過晒, 麵條索左湯汁愈食愈惹味)川辣牛展刀削麵 (牛展好腍唔韌; 呢個湯底係似麻辣, 應該落左唔少花椒; 刀削麵一片片形狀不一, 不過唔會太多切得太厚身, 索左湯汁食又係好好味) …查看更多

估吾到仔女夠膽挑戰，等位都一試原本以為會細細碟，但估錯咗....咁就叫多咗麻辣海帶 - 極咸又辣，並好味章茶鴨(半只) - 有水準，太乾、表面少少脆，有章茶香，又太咸水煮牛肉 - 牛肉滑而淋，大量大豆牙加青瓜，並是四川那些麻辣香，可能是最後一味上枱..味覺已消失毛血旺 - 用料也非常多，豬腸、豬紅、栢葉...一大盤，籮白放底，又是辣和咸麻辣魚卜 - 魚卜超多，有少少腥，但非入味，辣味和香味盡被魚卜吸收清炒土豆絲 - 土豆絲較白，太多油，夠土豆香甜味椒鹽一口豆腐 - 這個真錯，外脆內軟，脆面又夠味(咸)担担麵 - 沒加蛋黃麵線，有點像金邊粉和水晶粉，加上四川麻辣的担担麵，又幾OK芒果奶 x 2 - 解辣用好似400幾....總要帶現金 (只收現金) - 3人…查看更多

生活上出現了1些煩人的事要先解決，以致超過1個月無寫食評了，心血來潮，就先寫最刺激味蕾的1餐吧！鎖定放工後同男朋友黎麻辣媽媽，刺激下收工後無哩胃口既自己！坐落時間6點多，只有3兩台客，不過入門口前服務員問有無訂位..下？佐敦街舖都要訂位？各路食家要注意了！服務員好好禮貌，幫我地落單果位媽媽級服務員又解釋俾我地聽咩咩魚好唔好食，我地猶豫會唔會食唔晒咁多碟佢又慢慢等我地決定，無催落單，禮貌一等！先叫杯振店珍寶青檸樹($28)，大大杯，係用黎救命架！因為d野食叫小辣都辣到我同男朋友傻左..自問都幾食得辣，不過呢度既小辣確係勁土匪雞唯一唔辣既1碟，雞件夠多，底下又有好多菜頭，吸晒d上湯好好味呀！不過湯好熱，就算唔辣都難以用黎救火-_-麻辣黃骨魚,小辣用小鐵鍋載住辣湯連火1齊上，熱熱熱！再加埋d辣..再好味都覺得條利就黎唔屬於自己..麻辣田雞,小辣同黃骨魚既處理方法一樣，所以都係好..辣..食左差不多一半既時候決定再order多一杯珍寶青檸樹同埋怕辣得咁緊要會傷胃，番到屋企樓下1人1杯M記雪糕，呵番條利同個胃=P…查看更多

原來超多人好彩有訂枱,如果唔係有排等天時暑熱排隊食辣野真係一身汗份量不多,多人食唔夠分中辣唔算辣如果食得辣要叫大辣因為天口熱加上食辣野所以不斷叫飲品最後賣單每人要差唔多$200~…查看更多

我們兩人去食晚飯，揀左五樣餸，之後叫個WAITER落ORDER，我講左第一個餸名，正常梗係接住講埋其他餸，個WAITER叫我等等未得，我問佢要等乜，佢話佢未寫好，唔該唔好講住，等佢寫好先再叫，我心諗唔係下化，之後我地每次要等佢寫好先可以叫第二碟餸，（我唔敢問佢寫好未，驚比壓力佢）我覺得好奇怪，我兩個人叫餸有限，就算我連續UP晒5個餸，都唔會咁快唔記得卦！乜依家D後生仔 WAITER記性真係咁差咩？叫完餸我地舒服舒服傾計坐好等食，同一個WAITER又話我地張枱阻住條路出入不方便，叫我地拍張枱埋去另一張枱，由於隔離枱係角凹頭位，拍左埋去入面D人就出唔到來，出入我地都要借比佢，我地話無路出入喎，依家好地地，叫佢諗清楚先係咪真係要拍，佢再諗又係喎，仲要同我地講佢之前諗得好清楚，好似佢無諗錯咁，好，費事同佢拗，唉，之後佢又話驚隔離的田雞窩會倒瀉，為左我地既安全，叫我地坐另一張角凹頭，但我地見到張枱大，個田雞窩又細點會咁易倒瀉，叫佢唔好咁驚青，但佢係都要我地搬枱，咁咪搬囉～其實我想講D客人坐後舒舒服服等食好ENJOY，最憎被受騷擾，既然張枱你覺得有咁大問題，點解仲要放響度安排比客坐，坐落左攪掂好晒又要人搬來搬去，呢間野真係奇怪！環境OK，之前我地張枱冷氣好涼，但由於我地被調到角凹頭位，冷氣吹唔到，加上食麻辣，去熱好辛苦，真後悔被調枱～食物質素高，好味，我同FD都讚不絕口， 田雞煲值得推介～價錢OK，可以接受～服務，麻麻地～衞生OK～…查看更多

昨晚約了友人去左食麻辣媽媽,,地方乾淨整齊...坐下坐下仲勁多人等位。。好在早小小黎。唔係唔知等幾耐。。都幾好生意喎...本人覺得食麻辣最好就係試o左最細眉細眼o既菜就知間o野得唔得...諗都唔使諗.叫左三個菜, 先黎個麻辣田雞煲...個田雞煲有個火heat住...食舊田雞熱辣辣...田雞肉好幼嫩...老闆話即擋即煮仲有底下個d青瓜同薯仔...好入味...好好味...食到半路開始流汗....口水雞 - 好食...每一間都有d唔同, 但間間都覺得好食水煮牛(中辣) - 味道好好, 中辣都真係幾辣,好耐無試過一路食一路bill汗既感覺 !!! 最欣賞佢+左D薯粉入去, 可以當麵食, 雖然D汗係辣但係用黎做湯配薯粉好野味..珍寶青檸樹呢個後來追加的, 因為見佢成 $28, 不過都實在想搵啲嘢飲嚟降下溫..值得一讚是侍應態度有禮，服務良好，，相當滿意...埋單也是每人 $125 左右。，非常抵食呢..…查看更多

如果要食正宗既當然係麻辣媽媽 ,麻辣度夠勁，而且燒得非常香口，例牌見到門口大排長龍...早前同家人一齊去佐敦廟街麻辣媽媽食晚飯，之前都黎過一次，感覺唔錯及價錢合理..誰知一吃上癮，辣得很有水準.d侍應都唔錯...水煮田雞：食友的最愛，由於平日較少在食肆order到田雞，所以我們主要是欣賞這道菜色中久違了的田雞香滑質感..但如果食慣辣的，肯定要order大辣了。田雞: 味道不錯, 個底落了羅白, 所以吸了好多汁....最「正」既麻辣魚卜到喇~ 講真，未食時真係無諗過呢煲野有咁好味tongue~ 食第一件魚卜時，嘩~~~ d麻辣好堅呀..生蠔煲的生蠔算大隻…每隻都很飽滿肥美...服務員都好好service...成日都添茶同換碟!...overall都幾好,值得推薦呀!lol…查看更多

其實是無意經過, 看過menu覺得還不錯, 所以決定試試.花旗參燉雞湯, $32一盅, 夠兩個人飲啦. 開始覺得有點苦苦d, 第二口就覺得味道很鮮美. 是苦盡甘來的意思嗎烏江魚 $88/份 好大一鍋啊! 4個人吃應該是沒問題的. 好味啊! 不過我第一次吃到烏江魚下面的配菜有黃瓜跟風尾菇的, 奇怪了! 雖然我們要的是小辣, 但都是好辣啊!…查看更多

自從上次幫襯過個麻辣生蠔煲之後, 忍唔住又要黎幫襯多次, 六點幾到達, 唔使等位直入, 睇都唔使睇第一個點既當然係麻辣生蠔煲, 雖然食得辣, 但係都唔想所有送都係辣, 不過詳細睇 menu, 基本上九成以上都係辣.. 兩個人點除左個麻辣生蠔煲外, 仲點左碟麻辣牛展, 我諗唔使多講, 剩睇相都睇到碟牛展唔會乾爭爭, 咬落有好多汁, 加埋碗大碼擔擔麵同碟菜, 兩個人食完都可以初住肚埋單..真係鍾意食蠔, 又食得辣既話, 應該一試..…查看更多

一直都好鍾意食呢間2月14晚 情人節 本想回味下 同女友辣多回但感覺上 唔再係以前既麻辣媽媽了是晚點了 麻辣地雞煲 麻辣魚卜煲 紅油抄手 珍寶青檸樹 2碗白飯麻辣地雞煲每次都必食 今次如常嫩滑 可惜香味,辣味不在 以前煲內會見到好多辣椒乾現在煲內只見數粒指天椒 是人民幣升值原故還是情人節原故?!地雞,魚卜數量均不多 這樣的價錢 這樣的數量 希望能保持食物質素,水準希望是晚只是情人節 人多的原故...希望有所改進 默默支持的小食客上…查看更多

對於所有辣野我都好有興趣!!!!朋友介紹到, 當然一定奉陪, 於是約左成村人(9個)去踩場~因為自己遲到關係, 有幾尾送有食過不過唔知叫咩名~以下幾款是自己order的:川北涼粉 – 最大期望亦係最失望既, 涼粉本身無味道…精髓應該係撈汁, 但係又淡味又唔夠辣~唔知自己食緊乜~水煮魚 – 因為有個煲滾下滾下, d辣味比較出~算好食~不過本身條魚又唔係好新鮮, 一般~麻辣生蠔煲 – 其實麻辣汁都係唔夠辣唔夠麻, 不過又係因為滾滾下既狀態~ 所以辣味出一點~生蠔真係不值一提, 好腥!!!!青檸樹 – 酸酸地甜甜地好醒胃, 好飲得黎又解辣~正!!!!麻辣田雞煲 – 基本上同麻辣生蠔煲既味道係一樣, 但田雞比較新鮮, 幾好~麻辣豬手薯粉 – 真係好差, 又係衰唔辣唔麻~無味, 所以將麻辣煲既汁撈埋一齊食,先可以入口…好明顯.豬手係另外炆完再放上去, 唔match….薯粉仲要唔好食………炮椒雞腳 – 最後order諗住比多次機會佢, 但係真係無辦法~好敷衍!!!!!!!!!完全唔辣, 想點??????我好懷疑麻辣媽媽到底係咪食四川野, 定係辣椒有問題~應該改名叫唔辣唔麻啦…..o徒晒青檸樹既作用!!!!!!!!!!…查看更多

麻辣媽媽喺電視都聽過佢嘅高姓大名, 難得朋友提議去, 當然急不及待答應~一向嗜辣嘅我, 一去到已經忍唔住狂叫我地叫左 青檸樹 - 用青檸做嘅沙冰, 入口清甜, 可以解辣..好飲川北涼粉 (中辣)- book位時講明川北涼粉要訂, 賣完就無, 我地當然唔執輸訂左啦~ 但食落又無想像中咁好味, d麵唔韌唔彈牙, 而且唔麻唔辣, 都唔知佢做乜, 有d失望麻辣田雞煲 (中辣) - 一鍋下面有火熱住上, 田雞有咬口好味道, 而且裡面有青瓜條, 蘿蔔條同薯條, 完全索哂麻辣嘅香, 食完田雞仲有其他配料食, gd~ 最重要佢夠辣, 相當刺激麻辣生蠔煲 (中辣)- 同田雞煲一樣有火熱住, 辣就夠辣, 可惜生蠔用麻辣嘅煮法, 我覺得一般, 好似唔太match 水煮魚 (中辣) - 魚又淋又滑, 裡面加左少少闊薯粉, 如果再辣d會更好~麻辣豬手薯粉 (中辣) - 呢個完全唔知佢想點, 又油又唔辣, 湯又無味, 食左幾啖已經唔想食, 差~炮椒雞腳 (中辣) - 味道一般, 食過一d 獨立包裝嘅雞腳好味過佢~除左有鍋熱住嘅菜式夠辣之外, 其餘都唔夠麻辣~ 令我享受唔到辣嘅刺激感, 有d失望呢…查看更多