麺屋こころ

日本東京過江龍KOKORO期間限定🇯🇵海膽濃湯系列，有海膽撈麵及海膽沾麵兩款💛嚴選100%日本新鮮空運的海膽✈️味道超濃郁超creamy🌟海膽沾麵海膽味道香濃，散發出奶油般的滑順質感😍自家製太麵富有彈性，帶點麥香🌾掛汁力超强，每條都吸附著濃稠的海膽醬汁🤤配上巨量飛魚子，口感輕脆❣️伴上肥瘦適中的日式叉燒、細碎的紫菜片，新鮮切絲的蔥花、呈橙黃色的蛋黃作點綴，味道層次十分豐富🌟明太子忌廉撈麵配料鋪滿麵面，誠意十足。明太子份量慷慨，與忌廉一起拌勻後🧡緊緊依附在柔韌的麵條上，滑順中帶著一絲細膩的鹹香🐷日式叉燒油脂均衡，增添肉香；翠綠生菜爽脆清新🥬蔥花提香不搶味；紫菜帶來淡淡海藻氣息。再以唐辛子絲與生蒜點醒味蕾🧄整體濃而不膩，既令人滿足又回味無窮🌟Matcha Latte細膩的奶泡融入濃濃的抹茶基底🍵令抹茶的微苦與奶香完美交織，帶來濃郁卻不膩的口感，尾韻留下一絲甘甜🌟Hojicha Latte 茶香與牛奶的比例平衡得宜，既保留了焙茶本身的烘焙感🫖又讓奶香柔和地中和了茶韻的苦澀🤎甜度方面控制得恰好，不會過於膩口，反而讓焙茶的回甘更顯突出…查看更多

《麺屋こころ - 荃灣》荃灣區其實都好多好食嘅拉麵同埋沾麵，其中一間位於海之戀商場入面既Kokoro 😚最鍾意就係佢呢度個面係彈牙嘅粗麵，超級掛汁，午市同下午茶時段仲有優惠添，今次去到餐廳見到佢哋新推出咗海膽系列撈麵同沾麵，我就梗係揀最鍾意食嘅沾麵啦💁🏻‍♀️海膽沾麵凡惠顧海膽系列麵食都可以用優惠價$75加購額外海膽肉，海膽沾麵配咗一碗大大碗嘅海膽忌廉汁，彈牙嘅粗麵配上大量蟹籽同埋紫菜，碗麵入邊都配搭咗一份海膽，食落Creamy又夠濃味，海膽控必食🤗💁🏻‍♀️明太忌廉撈麵朋友叫嗰碗明太子忌廉撈麵本身底下已經有醬汁，同樣地係用左煙韌彈牙嘅粗麵，配上蔥絲、紫菜碎、叉燒、明太子醬咁多食材，可以再淋上餐廳提供嘅醋汁，成件事提升咗更加開胃，酸酸甜甜幾好味👍🏻係我平時都會叫嘅菜式之一💁🏻‍♀️抹茶拿鐵呢度嘅抹茶拿鐵奶味比較重，需要搖勻咗先飲，啱晒唔鍾意飲太苦抹茶嘅人💁🏻‍♀️焙茶拿鐵反而我呢一支焙茶拿鐵個味道比較balance，同樣都係奶味比較重，但係焙茶嗰種烘焙味道比較濃郁，用嚟解膩唔錯…查看更多

KOKORO 門口有個新海膽濃湯系列，完完全全被佢吸引左我入去食呢個~🤩揀左沾麵款~ ✨✨🍜海膽沾麵SEA URCHIN TSUKEMEN一黎到就已經被佢既海膽濃湯味道吸引左，湯汁極度鮮甜~因為呢到既海膽係用💯100%新鮮日本空運海膽，海膽好鮮甜﹐亦都想大讚呢到配上海量既飛魚子，那刻令到個湯汁再昇華，每一條麵要掛到汁同埋沾滿飛魚子，麵質好彈牙，口感好豐富🤤，大家記住早D到黎點呢個，因為係每日限量發售同售完即止~ ✨✨✨🍜明太子忌廉沾麵MENTAIKO CREAM MAZESOBA最愛既明太子令我有驚喜，原來沾麵都做得咁好效果，一共有三個食法，第一個食法係將🥚雞蛋拌勻，食到原汁原味既明太子，第二個食法就係加黑胡椒提升香味，第三個最特別係加陳年雪梨陳醋，酸酸地好開胃，但食到尾既醬汁一滴不漏，因為餐廳會提供一個迷你飯🍚，連D醬汁都唔會剩低~ 🍵抺茶拿鐵MATCHA LATTE☕️焙茶拿鐵HOJICHA LATTE 日本綠茶粉同加牛奶製成，口感順滑~焙茶同鮮奶既比例非常完美，有細緻既茶香味~ 呢到既沾麵非常有驚喜，同出面普通拉麵鋪對比，呢到享受到特別用心意對代味蕾層次既要求~…查看更多

日本過江龍系列(っ´▽｀)っ來自東京嘅日式麵屋採用自家手製嘅太麵 口感介乎拉麵同烏冬之間 煙靭彈牙 帶點麥香✿ 正宗全料東京撈麵 $109✿ 海膽撈麵 $168✿ 焙茶拿鐵 $38｜抹茶拿鐵 $36第一次去叫左招牌「全料東京撈麵」 配料果然豐富有炙燒豬腩肉、紫菜、生蛋黃、辣肉碎等等 撈勻後非常掛汁味道惹味微辣 食到一半可以加秘製香醋汁解膩 最後更可以追加白飯 同剩低嘅精華醬汁撈埋食o(^▽^)o每日限量嘅「濃湯海膽系列」有撈麵、沾麵兩款採用新鮮空運海膽 特別配上飛魚籽 食落非常鮮甜 仲有多款日式焙茶抹茶 都幾有水準 拿鐵濃郁香滑～包裝亦加分喔…查看更多

今日去咗荃灣海之戀食午餐，揀咗Kokoro tokyo mazesoba嘅日本拉麵店，位置就係商場入面，坐低食嘢時望住海景，心情即刻靚晒，加上天氣又好，真係賞心悅目🌤️。🍜 今次試咗佢哋主打之一：海膽沾麵! 一上枱就已經聞到陣陣鮮香，啖啖都係超濃郁嘅海膽汁，口感好creamy，完全唔腥。仲加咗大量飛魚籽同京蔥，食落去鮮味爆燈，層次感十足，海膽控一定唔可以錯過！🥢 另一碗就係正宗東京撈麵，食法都好有趣。開頭要全部撈勻，食到三份一時可以加黑胡椒提香，最後三份一再加佢哋嘅秘製香醋，酸酸地好開胃。最後一定要叫白飯撈埋啲汁，唔好浪費，呢個食法真係正！🍵 飲品方面我哋叫咗抹茶拿鐵同焙茶拿鐵，兩杯都好香濃，奶香同茶香夾得好夾，飲完好滿足。…查看更多

海膽海膽汁大大滿碗，口感超濃郁超CREAMY，加埋巨量飛魚籽鮮度大大提高！食完海膽沾麵個汁原來仲可以加滾水落去做一個超濃嘅海膽湯，呢啖湯大家一定要試，好好飲😋另外正宗全料東京撈麵都好推介，餡料豐富之餘帶有少少辣味兩個面都好濃郁惹味，最後飲埋烏龍茶同埋日本產嘅麥茶，呢個配搭可以解一解膩，海膽迷要嚟試下😍…查看更多

嚟到荃灣海之戀，除咗行超大間 Donki🛒，仲可以搵到東京過江龍——Kokoro Tokyo Mazesoba🍽️。今次週末真係滿滿日本味道，從門口裝潢到餐點設計都充滿日本風💯。🍜 海膽沾麵 $168海膽味香濃但唔膩🦪，醬汁鹹香適中，沾落去剛剛好。加埋香蔥、蟹籽🐚等配料，味道更清爽有層次✨。蟹籽爆開嘅口感同煙韌掛汁嘅麵條好夾，叉燒鬆軟帶炙燒香🔥，成碗滿足感爆燈。🍜 明太子忌廉撈麵 $99明太子份量啱啱好🐟，忌廉醬香滑順口🥛，包住麵條一啲都唔膩。加咗香蔥、蔬菜🥬同蕃紅花，層次感加分💫。叉燒厚切、肥瘦均勻，入口即化🤤。🥤 焙茶拿鐵 $36焙茶香氣濃郁🍵，茶味奶味比例剛剛好👍，唔會過甜，飲完口腔仲留住茶香🌿。🥤 抹茶拿鐵 $38抹茶香濃清新🍃，微微茶澀令味道更立體，甜度恰到好處，抹茶控一定滿意💚。東京過江龍真係有啲唔同🤍——手製全麥麵條煙韌彈牙，帶天然麥香🌾，配埋心思滿滿嘅配料組合，味道與口感都充滿層次🎯。相比一般日式麵店，呢度嘅誠意同細節位絕對值回票價，下次一定再嚟😋。…查看更多

在網上見到非常吸引的新鮮海膽，由於是限量的，於是專程中午到來試試。海膽濃湯系列有沾麵和撈麵兩款，撈麵就是汁和麵已混和好；沾麵則是另外給大滿碗的海膽汁，讓客人自行蘸來吃。個人選擇了沾麵，可隨意沾取合意的份量，口感濃郁又creamy有大量飛魚籽，脆卜卜，增加口感層次。那碗海膽汁超級慷慨，吃到最後還剩半碗呢！另一碗點了正宗全料東京撈麵，下單後送來一個小牌，介紹四款食法。首先刺破蛋黃拌勻嚐撈麵原味，吃掉三份一後加入即磨黑胡椒提升香氣，吃掉三份二後，加入香醋增添開胃感，吃掉全碗撈麵後，可向店員取一碗不另收費的迷你白飯，倒入碗中攪拌後享用。有得食、有得玩，值得推介一下呀👍🏻另點了NOMIMONO系列的綠茶和焙茶，兩款皆有奶香，綠茶偏清淡，焙茶較甜，兩款也不錯，樽仔又精緻🫶🏻…查看更多

𖥧𖧧 正宗全料東京撈麵 $109第一次食就試下招牌菜式啦落單後店員就放上特別食法的小牌配料太豐富了吧同樣有幾片燒香的豬肉、爽荀、生蛋黃、蔥花、紫菜碎首先撈勻全部配料起動 試試原味😍食咗1/3後～就落啲黑胡椒再起動 香！再食2/3後 落少少秘製香醋 再起動 又另一風味！最後的最後就係加添少許白飯（免費！）撈埋醬汁食到乾乾淨淨😆接受每一啖都是不同的味覺享受(推～！).𖥧𖧧 海膽沾麵 $168一上枱就見到賣相七彩繽紛！好吸引有肉燥、生蛋、葱花和三塊紫菜當然唔少得100%新鮮空運海膽啦沾麵超正呀有大大碗濃郁creamy海膽汁!仲有飛魚籽沾滿每條麵條🍝麵質屬於粗身有質感仲好索汁添唔夠喉仲可以+$32追加海膽一份抵抵抵！(一樣推～！)…查看更多

之前食過一間柚子拉麵好好食，就愛上左柚子味既麵食！今次黎到依間見到佢既柚子撈麵就二話不說叫左。最深刻印象係食到最後個汁可以叫佢俾少少飯撈埋黎食！好好味😆有機會一定再黎幫襯。店員都好好提醒我地點食法！…查看更多

🧀今次嚟到荃灣 海之戀商場 嘅 麺屋こころ，主打東京風味撈麵（Mazesoba），拉麵迷又多個朝聖點！裝潢型格有日式街頭 feel，撈麵份量足、配料豐富，重口味 fans 應該會好啱口味！🧀 熔岩芝士撈麵（M）$99撈起嚟芝士拉絲效果唔錯。麵條粗身煙韌掛汁力強，醬底係濃厚少甜嘅醬油豚油 base，撈勻後芝士加強咗 creamy 口感，食落香滑，但中段會開始覺得少少膩，建議落少少醋一齊食，中和一下幾唔錯。🍜 正宗全料東京撈麵（M）$109呢碗真係「全副武裝」！叉燒、溏心蛋、碎叉燒、海苔、蔥花、蒜酥、魚粉一應俱全，拌勻後香味四溢。整體醬汁重口味但唔死鹹，味道層次豐富，每一啖都食到唔同配料嘅滋味，食完滿足感爆燈！…查看更多

🧀今次嚟到荃灣 海之戀商場 嘅 麺屋こころ，主打東京風味撈麵（Mazesoba），拉麵迷又多個朝聖點！裝潢型格有日式街頭 feel，撈麵份量足、配料豐富，重口味 fans 應該會好啱口味！🧀 熔岩芝士撈麵（M）$99一上枱就見到中間放咗球芝士醬，撈起嚟芝士拉絲效果唔錯。麵條粗身煙韌掛汁力強，醬底係濃厚少甜嘅醬油豚油 base，撈勻後芝士加強咗 creamy 口感，食落香滑，但中段會開始覺得少少膩，建議配埋檸檬汁或者餐廳附送既昆布湯一齊食，中和一下幾唔錯。🍜 正宗全料東京撈麵（M）$109呢碗真係「全副武裝」！叉燒、溏心蛋、碎叉燒、海苔、蔥花、蒜酥、魚粉一應俱全，拌勻後香味四溢。整體醬汁重口味但唔死鹹，味道層次豐富，每一啖都食到唔同配料嘅滋味，食完滿足感爆燈！…查看更多

我係荃灣西嘅稀客，唔係工作原因都好少會入嚟，呢度真係變咗好多，多咗好多靚商場，海皮嗰邊又好舒適。無意中俾我發現咗一間喺海展商場入邊嘅拉麵餐廳。傍晚時分去，餐廳嘅玻璃窗可以望到同埋好靚嘅樹景，好似去咗日本京都咁。呢度主打日式撈麵，麵條自己做，除咗撈麵亦都有拉麵食，不過既然人地招牌係撈麵嘅，梗係要食撈麵先！我哋一行三人，叫咗兩碗叉燒撈麵，同埋一碗柚子雞肉冷撈麵，作為食肉獸，我評價一下呢個叉燒真係好出色，得兩塊真係有啲意猶未盡，塊塊都有入口即溶嘅感覺。辣肉醬都好正，香得黎帶有微微地辛辣，令人會一啖接一啖咁食晒，正！冷麵嗰個都好有驚喜，自製麵條係呢一款發揮得淋漓盡致，特別彈牙，仲有小麥香。佢呢度嘅特色就係如果你食晒所有麵條剩返啲醬汁喺碗底，店員可以送你一小份嘅白飯撈埋啲汁食，呢個係免費嘅，當然份量唔會好多，但既然係免費嘅都好開心，盡顯日本人招待最高嘅心意， 總之就保證你食飽。佢哋嘅自家茶飲都好精美，成個香水樽咁，成件事好有誠意，推薦!…查看更多

搵到時間去試呢間「麺屋」荃灣店！未入門口已經聞到陣陣濃郁豚骨香，枱椅全部係實木製，坐低已經覺得好治癒💡​Menu 主打「正宗全料東京撈麵」，當然要叫最經典嘅啦！熱辣辣咁上枱，配料成座小山丘咁 —— 半熟流心蛋、厚切叉燒、筍乾、蔥花、海苔，視覺已經先打 100 分🥚🔥​👏 麵條彈牙，還原到東京「中華そば」嘅神髓🍜​重頭戲叉燒厚到誇張，肥瘦均勻，；流心蛋簡直係藝術品，蛋黃半固態，撈埋麵條食簡直邪惡至極😈呢間店真係「平靚正」三字真言！一碗全料撈麵，份量足到男生都食飽，環境舒服得嚟又有氣氛，無論自己獨食定同朋友吹水都適合🥰…查看更多

落雨天唔想行出街就入左商場開飯，喺荃灣西站一出的商場，位置十分方便。餐廳裝飾日系型格，有有靠窗可以看到海景。今次嗌了溶岩芝士撈麵、COLD BREW同埋鳥軟骨餃子。餐廳出名係撈麵，撈麵蓋滿了芝士和肉碎，有張卡會介紹點樣享用，就係先戳破蛋黃撈勻，芝士和幼麵撈勻後拉上來有很多很多芝士拉絲，十分rich!鳥軟骨餃子共有四件，咬下去十分有嚼勁，可以沾一些醋來伴吃。COLD BREW是我最愛的，冰凍凍的，飲到日系咖啡的風味。…查看更多