影片
营业时间
今日营业
11:30 - 21:30
星期一至日
11:30 - 21:30
公众假期
11:30 - 21:30
公众假期前夕
11:30 - 21:30
以上资料只供参考，请与餐厅确认详情
相关文章
我系荃湾西嘅稀客，唔系工作原因都好少会入嚟，呢度真系变咗好多，多咗好多靓商场，海皮𠮶边又好舒适。无意中俾我发现咗一间喺海展商场入边嘅拉面餐厅。傍晚时分去，餐厅嘅玻璃窗可以望到同埋好靓嘅树景，好似去咗日本京都咁。呢度主打日式捞面，面条自己做，除咗捞面亦都有拉面食，不过既然人地招牌系捞面嘅，梗系要食捞面先！我哋一行三人，叫咗两碗叉烧捞面，同埋一碗柚子鸡肉冷捞面，作为食肉兽，我评价一下呢个叉烧真系好出色，得两块真系有啲意犹未尽，块块都有入口即溶嘅感觉。辣肉酱都好正，香得黎带有微微地辛辣，令人会一啖接一啖咁食晒，正！冷面𠮶个都好有惊喜，自制面条系呢一款发挥得淋漓尽致，特别弹牙，仲有小麦香。佢呢度嘅特色就系如果你食晒所有面条剩返啲酱汁喺碗底，店员可以送你一小份嘅白饭捞埋啲汁食，呢个系免费嘅，当然份量唔会好多，但既然系免费嘅都好开心，尽显日本人招待最高嘅心意， 总之就保证你食饱。佢哋嘅自家茶饮都好精美，成个香水樽咁，成件事好有诚意，推荐!
继续阅读
揾到时间去试呢间「麺屋」荃湾店！未入门口已经闻到阵阵浓郁豚骨香，枱椅全部系实木制，坐低已经觉得好治愈💡Menu 主打「正宗全料东京捞面」，当然要叫最经典嘅啦！热辣辣咁上枱，配料成座小山丘咁 —— 半熟流心蛋、厚切叉烧、笋干、葱花、海苔，视觉已经先打 100 分🥚🔥👏 面条弹牙，还原到东京「中华そば」嘅神髓🍜重头戏叉烧厚到夸张，肥瘦均匀，；流心蛋简直系艺术品，蛋黄半固态，捞埋面条食简直邪恶至极😈呢间店真系「平靓正」三字真言！一碗全料捞面，份量足到男生都食饱，环境舒服得嚟又有气氛，无论自己独食定同朋友吹水都适合🥰
继续阅读
落雨天唔想行出街就入左商场开饭，喺荃湾西站一出的商场，位置十分方便。餐厅装饰日系型格，有有靠窗可以看到海景。今次嗌了溶岩芝士捞面、COLD BREW同埋鸟软骨饺子。餐厅出名系捞面，捞面盖满了芝士和肉碎，有张卡会介绍点样享用，就系先戳破蛋黄捞匀，芝士和幼面捞匀后拉上来有很多很多芝士拉丝，十分rich!鸟软骨饺子共有四件，咬下去十分有嚼劲，可以沾一些醋来伴吃。COLD BREW是我最爱的，冰冻冻的，饮到日系咖啡的风味。
继续阅读
最近去咗荃湾嘅麺屋こころ试咗佢哋嘅招牌菜——正宗全料东京捞面，真系不得了！呢碗捞面嘅面条烟韧有嚼劲，每一啖都挂住浓郁嘅酱汁，味道层次丰富。捞面上面铺满咗溏心蛋、叉烧、笋干、海苔同葱花，真系大件夹抵食。溏心蛋半熟爆浆，叉烧厚切软嫩，笋干爽脆，海苔同葱花增加咗口感同香味。捞面嘅酱汁咸甜平衡得刚刚好，捞匀后每条面都挂住浓郁嘅酱汁，真系正到痹！另外，佢哋嘅日本麦茶都非常值得一试。茶味清香，唔会太涩，冰凉解渴，饮完真系好舒服。整体嚟讲，麺屋こころ嘅食物质素非常稳定，捞面嘅味道比想像中更出色，推荐大家去试试！
继续阅读
最近去咗荃湾嘅「面屋」，佢哋嘅拉面真系好有惊喜，尤其系个黑松露鸭胸酱油拉面，真系不得了！一上枱就闻到好香嘅黑松露味，个酱油汤底又够浓郁，配埋啲鸭胸，简直系perfect match！啲鸭胸煎到皮脆肉嫩，食落去好juicy，而且份量都好多，食得好满足！个面质都好弹牙，索晒啲汤汁，好好味！除咗拉面，佢哋嘅日本麦茶都好解渴，味道好清新，饮完好舒服。食完拉面，饮返杯麦茶，可以解腻，啱晒我哋呢啲怕肥嘅女仔！「面屋」嘅环境都好舒服，简约日式风格，啱晒同朋友嚟chill下，倾下计。
继续阅读