麵麵棧

好耐无食过云吞面第一次就去左土瓜湾先话有间面店都算系刘森记家族既餐厅叫做面面栈位置系北帝街欣荣商场对面格离仲有间越南河叫做1986我都有去食过几唔错再加埋间誉面坊土瓜湾呢一带都真系几多面食门口就好港式updup既面店唔系有人讲开我都应该唔会行入去刘森记而家系由大仔同三仔主理而二仔就黎左土瓜湾开店睇片佢话竹升面系自己打既并唔系用刘森记既面墙上面都贴左好多报导餐厅圆台为主多人果时应该多数都要搭台呢一日星期六系附近剪完头发点零钟过到黎就无乜人所以可以独霸张圆台餐牌仲有写蔡澜赞好既南乳猪手佢都几多元化不过主力都佢竹升面虾子捞面50双拼加8蚊价钱唔算系好平果只但如果计埋系手打面既话就算几唔错了服务就一般啦眼见都系得两个人二少老板就负责煮野食收银另外果位可能系老板娘就落单上菜不过落完单话唔要野饮就走左去了另外有人见话餐厅摆左出去放盘咁而家见老板都仲煮紧面就应该未卖出挂不过想食既都应该要快d黎食呢个时势星期六都唔多人可能都真系做唔住不嬲食拉面既话我都系食沾面所以黎到当然系食捞面问左三拼都可以价钱就照加上去所以就叫左虾子云吞猪手捞面仲有比只碟用黎放骨头另外有碗落左葱花既一干三湿先饮一啖只系微暖同埋葱同个汤好似真系唔太夹但好似有少少碱水味不过个面就真系唔错系几爽口有劲既唔似普通果d胶质面另外佢虾子都落几多好重好浓味劲开胃之后食过几间都无呢种感觉双拼就有三粒云吞虾肉弹牙咬落有口感仲有两大件猪手好入味同埋好多胶质虾子再混埋南乳汁就更加惹味用黎捞面真系一流食完个三𩠌面就觉得好满足原来真系会有好食既港式云吞面唯一系个面食完未算好饱肚可能真系要加底先够埋单68蚊只收现金如果单拼就50蚊虾子份量应该都系差唔多咁样加多两个𩠌其实都抵食仲有几条菜配碟街坊生意疫情后加左价都系无可厚非香港都已经番唔到去以前啦咁当然都有佢既缺点既例如人手唔够老板又要煮野食又要收银咁只手套就紧系污糟啦卫生程度都系典型港式面档咁不过老板系几有礼貌既同埋味道都好过晒之后果几间而家土瓜湾有埋党铁都叫方便左好多我地住九龙东既坐巴士就好方便我觉得绝对值得推荐下次可以试下水饺鹅肠黑柏叶果d…Read More

呢间店主打竹升面，系深水埗著名老字号面「刘森记」老板个仔开嘅，咁啱去开土瓜湾就试下佢！对于面店嘅环境要求唔高，呢间人店座位唔算好迫，但走廊空间不足，某啲座位出入可能要其他食客让开先至可以出入！🐷✋🏻🥟🦐🍜猪手水饺甫鱼虾子捞面（$70）竹升面嘅面条系用人手以竹竿打制，面条好幼身，入口爽弹，有少少碱水味，但唔算多，可以接受嘅！虾子系用果皮、姜炒的顶级斗门虾子，有一份咸香味，同个面好夹！本身唔好猪手，但店面写住系「镇店之宝」，所以都试一试！猪手有淡淡嘅南乳味道，入味，但又唔会好咸，个汁用嚟捞面都夹！水饺味道OK，但size就好似细咗啲！另外附送一碗汤，汤用大地鱼、虾壳、猪骨煮成，味道清清地，无死咸！📝总结：传统嘅竹升面所余无几，钟意食虾子面嘅朋友可以嚟试下！（双并加$8，并猪手加$10，3并就每个$10）…Read More

📢都系慕名而来，忽发其想试试同深水埗刘森记有微妙关系嘅面店，晚巿都断断续续多客 。试试一碟「黑柏叶虾籽捞粗面🍜」就知道啱唔啱自己口味，不过渌面嘅时间都等咗有啲耐，差不多要20分钟，同埋欠缺咗任食嘅酸萝卜，感觉争咁啲嘢咁🤔.📢柏叶系爽弹有口感，不过系白烚感觉无乜底味；虾籽都几多铺满成个碟，诚意都好够 ，仲有大量姜葱。粗面感觉到枧水味都几浓烈，未放入口𠮶刻都闻得到。整体来讲唔算太喜欢，感觉仲有更好嘅选择🤔…Read More

土瓜湾单睇外观冇咩特别既面铺，走街坊路线，但都有好野食。 甫鱼虾子捞面，非常澎湃地铺满虾子。 捞埋面时，浓烈既虾子味扑鼻而来。 虾子既量足够捞晒成个面灼灼有余，反而可能要谂下点样捞得晒啲虾子唔好嘥。 呢度用既虾子属非常之浓味既类型，怕口味太浓既，可加少少汤。 捞面跟既汤相当鲜甜。 面质亦都烟韧有弹性。蚬介鲮鱼球，虽未至于超级巨大，但都尚算大粒。 鲮鱼球表面炸得香脆，鱼球肉质有弹性有鱼味。 蚬介鲜味但味道略咸，点少少已足够。整体上食物水平都唔错，路经附近想揾嘢食可以一试。…Read More

下午大概2点半后黎到呢度食个late lunch, 呢度除了面食外, 仲有粥品, 见到墙上的相片, 本来想试鲮鱼球生菜粥同云吞水饺捞面, 可惜鲮鱼球同水饺都卖晒, 睇黎要食就要再早D去。最后叫左云吞面、云吞炸酱捞面同白灼鹅肠。对比几家本地出色的云吞面，呢间的云吞不过不失，面身几弹牙。反而鹅肠系几好食，处理得干净，但唔系脆口个种，而系比较软腍的口感，反而冇咁干身。上面铺满了葱粒，点Ｄ豉油，不错。睇到墙上的剪报，先知道原来系刘森记后人开的店。我自己就觉得如果唔系太顺路，其实去刘森记也差不多。…Read More