麵道

🐻石門糧食🐻🍜味玉博多豚骨湯拉麵食拉麵第一口當然係飲左啖湯先啦！豚骨湯底味道夠濃又夠香，麵條硬道適中。有埋味玉（糖心蛋）為拉麵加咗好多分，差啲想再加多一粒蛋！🥟羽根燒餃子加左一份餃子，味道正常發揮，唔太驚喜。🍈蜜瓜味梳打飲料每次去日本都忍唔住要飲既色素藥水，味道見仁見智啦😂📍麵道 (沙田)沙田石門安群街3號京瑞廣場第一期地下G1號舖味道😋:🌕🌕🌕🌕🌑性價比💰:💵💵💵回訪度🤤:🥴🥴🥴…查看更多

😎石門 麵道😎石門呢一間拉麵舖都開咗好耐，一直聽唔同朋友推薦，終於有機會嚟試吓。咁啱撞正有位，唔使等好耐，平時路過見到都要排隊😝。👍🏻博多雞叉燒雞白湯拉麵🍜拉麵嘅湯底一直都係精粹，呢度嘅湯底都不錯，夠濃郁，但唔會好油膩。係拉麵嘅麵質有少少偏硬，已經叫咗軟身質地。不過整體嚟講都幾好食，係有少少偏貴。👍🏻味玉伊勢海老豚骨湯拉麵🍜海老湯底味道再濃郁啲，少少咸，如果唔想咁鹹，可以揀返清淡啲，我呢次係食正常。大推嘅溫泉蛋，好食。…查看更多

長期見呢間野多人食諗住試下啦，結果不似預期，仲有D失望，填食材果陣好多都無，填完個職員又同你講呢樣無果樣無，不如直接D 同個客講邊樣先有啦，叫左碗伊勢拉麵及餃子，黎到唔覺得特別香，食左舊叉燒OK 啦，唔係話特別好味，餃子係好食既。個湯睇落好濃但完全無味，以為自己食緊水溝拉麵，仲要食唔哂碗拉麵，事後個胃同個肚仲有D唔舒服，咁既價錢去返大埔食Ｘ鳴算，因為住大埔，食過一次唔會再幫襯的拉麵店。…查看更多

其實每次經過呢間拉麵舖都想入去試，但每次都因為趕時間攪到未有機會，上星期做完針灸之後終於有時間幫襯😊石門站一出就會見到，所以正常好多人都會經過，外面望其實舖吾大，夜晚去食通常都要排隊，好彩我今次針灸完吾太晏，去到排左幾分鐘就入得，喺完全冇諗過食乜，冇上openrice睇評語介紹，膽粗粗叫左個特盛海老豚骨湯拉麵同埋餃子，因為第一次食呢間，所以麵質揀左適中，湯底揀左中味，心諗應該都安全呱😅拉麵黎到望落感覺好油，但賣相幾好，試左啖湯，個湯好濃，好重豬骨味，仲有啲鮮味，好足料嘅湯底，飲落反而吾覺油，好香好好飲🤤🤤麵系幼麵，好吸湯，但又吾會太淋，啱啱好😋😋😋豚肉叉燒，脂肪比例啱啱好，每塊吾太厚，又吾會薄到大風啲都吹走嗰隻，入口即溶，正😍😍😍麵裡面仲有2粒好似雲吞嘅野，不過放入口有陣酸味，其實我有諗過會吾會系變壞左😂仲有隻流心旦，因為我吾食所以吾知好吾好味，配菜仲有啲木耳，紫菜嗰啲，整體黎講碗麵系好好味，如果冇左嗰2粒野會仲好🤣🤣🤣小食叫左餃子，煎餃子好香口，但又吾會燶左，咬落去皮好薄，裡面嚿肉多汁，就咁食已經好正😋😋😋我食完個麵同餃子，但支茶仲未到，比我感覺如果我吾問，其實佢哋會吾會吾比我🤨裡面枱又吾多，你話好忙又吾系，細心留意其實都會見到個客冇野飲，又或者落單後即時比支茶吾系正常做法咩🧐系唯獨呢方面可能要改善下，其它都感覺良好，野食又好☺️…查看更多

🍽麵道📍 沙田石門安群街3號京瑞廣場第一期地下G1號舖石門都係一個多野食嘅地方，發掘過唔少嘅美食，慢慢同大家分享。麵道喺石門站附近，一岀就會見到。店舖冇想像中大，同隔離位食客好近。🍜 醬油特盛叉燒味玉豚骨湯拉麵 $93湯底好濃郁，好重豬骨味，而且份量都好足。配菜都好足料，唔會比碎碎嘅木耳絲，值得讚賞🤣 如其他拉麵店一樣，可自選拉麵軟硬度、濃稒度、辛辣度。🍗 唐揚炸雞都係比較濃味，份量可以再多啲🙊 唔夠喉🤣———————————————評分5⭐️最高)味道:⭐️⭐️⭐️⭐️環境:⭐️⭐️⭐️打卡:⭐️⭐️再訪:⭐️⭐️⭐️⭐️#石門美食 #沙田 #拉麵 #foodiehkfoodlover …查看更多

石門呢一間拉麵店成日都要排隊，基本上繁忙時間長期都會坐滿人，今次係閑逸嘅兩點幾嚟到，但係都要排隊，完全睇得出小店嘅人有幾高🫡今次食嘅呢個係博多雞白湯素面（ $77 ）🍜聽講佢哋嘅雞湯好出名，之前又喺YouTube見過其他人介紹佢哋嘅雞湯同埋雞叉燒，食落去佢嘅雞叉燒都幾嫩滑❤️而且特別鍾意佢個面底唔係拉麵，所以唔會咁油膩，因為冇經過油炸🤤而且佢個湯底都好暖笠笠，雞味幾濃郁，又唔會太過油膩😛明白點解可以咁多人排隊🤑另外午市套餐會送汽水🥤…查看更多

咁啱經過就嚟咗食六點幾去到唔使排坐低咗之後就見到有好多人喺出邊排隊睇嚟應該都幾出名🤣🤣🤣拉麵$70幾去到$90不等 都算係幾平加$25就可以有一個小食 再加一個嘢飲加隻溏心蛋都只係$6 幾抵我就加咗一個天婦羅無骨雞翼同埋日本生啤佢個豚骨湯同雞白湯都好濃值得一讚嘅係佢個叉燒好好食 有炭燒味不論係雞叉燒定係豚肉叉燒都好佢個天婦羅無骨雞翼都炸得好香啲肉好滑杯生啤就唔係好多 不過都好飲職員服務幾好 係後生仔多 店入邊仲播住kpop歌🤣 正去開嗰頭嘅話值得一試👍🏼👍🏼…查看更多

新年係一個最繁忙既假期拜年聚會堆埋一齊有日經過一間小小拉麵店氣氛唔錯就入去食試下佢招牌拉麵醬油豚骨湯（特盛叉燒）同豚王相似在麵質配料都可提出要求湯底好濃郁豚肉味突出叉燒薄切但係每一塊都沾滿湯底溏心蛋質素穩定麵量略少但彈牙掛湯芝士羽根燒餃子唔推介啦餃子本身正常但係唔夾芝土兩者加埋冇咩特別聽聞先到先得既限量清雞湯好高質下次可以一試…查看更多

呢間真係要讚，首先麵條係幼條，我個人最唔鍾意係似油麵果種粗度既麵條，呢間係幼既。落單有得揀湯濃度，我就鍾意濃，個豬骨湯濃而不油。叉燒肥瘦均衡，我最怕食d全瘦，又無煎過既叉燒，呢間肥瘦適中，重有煎過！香。唯一美中不足係咬一口之後會散，但我接受woo，因為佢有肥膏分布喺中間。如果要結實但瘦差，我情願有肥有瘦會散。另一樣係連葱都係用靚葱，食落係會散d葱香，剛好既。香港要搵第間有呢個質素既豬骨湯叉燒拉麵真係少。老婆嗌左個雞叉燒雞湯，一樣好夠濃，但雞叉燒我就麻麻，無乜香味，有d鞋。。。最後個小食天婦羅手羽先都好有趣，去骨雞翼，炸得剛剛好唔油膩，有咬口，無乜地方食到。(店員後生仔，好有禮貌，氣氛好)…查看更多

和同事外出午餐，見到麵道有款廣島蠔拉麵便被吸引住了，就決定在這裡午餐！店面小小的，午市繁忙時間大約輪候了10分鐘左右才有位。入座前，店員先提醒店內冷氣不足，會比較焗熱。雖然已增設風扇，但確實比較熱～～毫無懸念的選了極上牡蠣清雞湯拉麵，這款拉麵每日限量20碗！拉麵上桌後，先試一口湯底，充滿蠔的鮮香味湯底是雙湯頭 - 「牡蠣出汁 x 鶏清湯」，採用鮮雞熬製雞清湯，融合牡蠣的鮮甜，加上拉麵內的肉碎，帶有肉的香甜，濃郁滋味加倍！拉麵配料豐富，有三隻飽滿的廣島蠔之餘，還有原隻溏沁蛋，廣島蠔鮮甜軟嫩，飽滿多汁，很好吃！！溏沁蛋入味，蛋黃流心～～粗麵掛湯，配上京蔥絲及柚子肉，中和濃膩感，並豐富了拉麵的味道層次～～～同事選吃伊勢海老豚骨湯拉麵，有兩大片火灸叉燒，賣相肥瘦均勻。嚐了一口湯底，濃郁的豬骨湯底中充滿蝦的鮮香味，入口順滑。同事說這款拉麵都不錯啊～～～沙田區內的日式拉麵小店不多，麵道的拉麵有水準之餘，價錢亦屬合理。…查看更多

數月前曾慕名而來，在店外輪候，等左20分鐘左右，終於有位坐。店舖坐位不多，十分擠迫，與鄰座幾乎是肩貼肩的坐 。坐下後叫左一碗豚骨拉麵，結果等左足足30分鐘才送到，味道也著實一般，快快吃完就走了。今日經過，見無人排隊，決定再試，叫了一碗雞白湯拉麵，19：30落單，等到19：58才說落錯單，雞湯已賣完。今日明明人不多，也沒有人排隊，卻追了數次才發現錯誤，實屬無奈。平常吃完就算的我，也忍不住要留下評論，發洩一下心中的不滿。…查看更多

下晝4點係石門站覺得有啲餓，見到麵道無人排隊又有tea set，menu圖文並茂，有6種拉麵，點餐紙簡單易明，下午茶餐送餃子同汽水雞叉燒唔錯，湯底濃厚得滯，個麵唔係我鍾意嘅拉麵，質地太軟，湯底鹹得滯，食左3分1碗已經飲左兩杯水。不過隻蛋好正，真係溏心，唔會overcooked。同埋幾欣賞佢嘅點係佢有擺少量洋蔥粒呢1點，而且蔥花都比得好大方餃子3隻就下午茶餐跟餐嘅，無乜特別，唔係好食但都唔難食，不過自己煎大阪王將餃子會好食過佢個種…查看更多

。🦪 牡蠣出汁雞清湯 ($108) -每日限量20碗， 用上牡蠣及雞骨熬製出的雙湯頭，濃郁的雞湯和牡蠣的鮮甜完全融為一體，廣島蠔大大隻，煮得剛剛好，鮮甜又多汁，還有柚子免治雞肉及醬油溏心蛋，真係好好食。波浪形的粗身拉麵條也不錯，但要食快啲，以免變淋。。🐚 蜆貝醬汁湯 ($95) - 用新鮮的蜆肉及醬油煮出鮮甜的湯頭，鮮味十足，再加上黑松露醬令鮮味昇華。三隻大大隻的蜆肉，嫩滑的豚叉燒及雞叉燒，個人覺得豚叉燒較出色。至於拉麵是幼身的白拉麵，較有嚼口亦較彈牙，兩碗面比較這碗更岩我口味。…查看更多

石門呢間拉麵店喺正地鐵站隔離，成日經過，終於約倒朋友食🥰🐟伊勢海老豚骨湯拉麵 $87個湯底豬骨同魚味都好濃，但又唔會好油膩，飲落口好順滑🥹 拉麵揀咗幼麵所以好吸湯，叉燒大大塊，表層燒得好香，肥瘦比例啱啱好，同埋好淋，一咬落口就好似融喺口🥰 湯裏頭仲收埋咗兩粒迷你雲吞🤩+ 滿腹套餐 配小食+飲品 $25🐔天婦羅無骨雞翼個天婦羅皮做到好薄！雞翼好大隻，去咗骨食落啖啖肉似雞扒🤣 面頭有啲明太子粉，食落好惹味～ 🍺日本生啤（小）生啤唔使加錢，份量都唔細，味道唔會好苦，女仔都啱飲🐷醬油豚骨湯拉麵 $77醬油豚骨個湯底係奶白色，因為加咗醬油會鹹啲，所以朋友揀咗湯底做淡味，食落就啱啱好😝 飲落膠質重，同埋好重豚骨味！配菜仲有啲爽口嘅木耳絲😝 朋友驚唔夠食所以加咗底，但其實一碗份量都好多！+ 滿腹套餐🥟羽根燒餃子餃子有4隻，一人小食嚟覺份量好足☺️ 個底煎到好脆但唔會好油🥤支装麥茶-呢間小店座位唔多，但食落有驚喜，食物質素係石門數一數二高😁 嚟開沙田呢區又想食拉麵好推薦呢間☺️-味道: 8/10服務: 8/10環境: 7.5/10回頭率: 8/10總評: 8/10💰人均消費: $110…查看更多

身為一個拉麵愛好者，自從日本封咗關都無食過拉麵啦，最近拉麵癮已經去到臨界點，等唔到去日本啦，所以去屋企附近嘅麵道止止癮，之前一直想試，可惜每次都太多人，今次終於有機會啦，入到舖內，好在日本麵屋嘅格調，大大個麵道木製招牌，開放式嘅廚房，可以睇到師傅嘅煮麵過程，食麵嘅bar檯，檯上面仲有冰水、七味粉，即刻令感受番係日本食拉麵嘅氣氛。特盛味玉伊勢海老豚骨湯拉麵 $103食拉麵第一件事一定係試吓個湯底，海老豚骨湯底好濃郁，每啖都好似有好多海老衝擊我嘅味蕾，而湯底有微微辣味，令湯底更有層次，豚肉叉燒脂肪比例好好，好腍，入口即溶，鮮蝦雲吞皮薄蝦蝦彈牙，配菜仲有蔥花、木耳、紫菜。黑松露蜆貝醬油湯拉麵 $95蜆貝同黑松露嘅味道，再來就有醬油甜香，湯底濃厚度屬於中等，材料有豚肉同雞肉叉燒、蜆肉及流心蛋，雞肉叉燒外層炙燒得香脆，而雞肉嫩滑，蜆肉同樣新鮮，連埋蜆貝湯相輔相成。真係好好味，忍唔住連湯底都飲哂。滿腹套餐 $25每碗拉麵可以加$25加點1款小食同飲品，包括有唐揚炸雞、天婦羅無骨雞翼、翼根燒餃子及迷利黑咖喱飯。而飲品有可樂、綠菜、生啤等等。唐揚炸雞(3隻)炸雞用特製醬汁醃製，炸得好香口，肉質嫩滑，配上燒烤醬，即時炸起，入口熱辣辣。翼根燒餸子(3隻)餃子賣相非常吸引，同日本嘅餃子一樣，一排排上枱，食落非常香脆，材料新鮮。…查看更多