麵屋 元祖達摩 (已結業)

星期五晚又係大埔覓食夜，今次近近地，揀左間係鐵路站附近嘅拉麵店。原來晚市都有套餐，我地一行四人，叫左個四人餐$448，內有4碗拉麵(可以揀任何一款湯底)、4個$40以下嘅小食、4罐飲品。豬軟骨櫻花蝦上枱果陣蝦味撲鼻，飲落都有蝦味，而且少少辣，唔錯，唯一缺點係唔夠熱。麵量唔多，男仔食一定唔夠。豬軟骨煮到好淋，而且有三大舊，非常滿足。豚腩雞骨醬油我只試左湯底，有淡淡嘅雞味。豚腩辛辣(小辣)呢個辣度比櫻花蝦辣少少。豚腩好好味，豬味濃郁。牛肉辛辣(中辣)日式嘅牛肉即係肥牛，相當肥，而且無牛味，一致認為牛肉唔好味。所有小食雖然都係入貨，但勝在新鮮炸出黎，熱辣辣、脆卜卜，呢個好加分。吉列炸蝦蝦肉細，炸衣較厚。大阪燒每件外層都炸到啡黃色，再加上大量醬汁，唔中意食大阪燒同椰菜嘅朋友都夾黎食，因為係佢眼中，只係一舊炸油器😆。中唔中意就見人見智，但肯定呢度唔係正宗大阪燒。 北海道蟹肉薯餅預左無蟹肉味，薯蓉似係用粉開出黎果D薯味。我個人唔太中意。一口蝦多士蝦肉好淋，而且蝦味一般，油膩感偏重。埋單連加一，人均$123，每人一碗拉麵、小食、飲品，性價比都算唔錯，但味道唔可以太高要求😅。另外，餐廳只收現金。…查看更多

🍜 辛辣拉麵 $82 （紫菜+$8）小編食拉麵最中意叫辣既😬 惹味啲！但呢度既辛辣大家唔好當佢小兒科🥶係真係辣架🥵 仲要唔係一食即逝既辣～ 好彩中意食辣既小編只係叫左小辛咋🥶本身揀左豚腩，不過當日店員話賣晒所以轉左揀豚肩，份量得兩片，不過都算厚身同埋幾有豬味😬😬😬另外我叫左幼麵，其實份量唔算多，不過有啲辣到頂唔順，所以都食唔晒🤣 男仔黎食可能要加底先夠了！最後加左紫菜，不過不失😳 偏淋身，唔脆～ 不過我都會浸落湯再食，所以都冇咩影響😬午市會送飲品同免加一架❤️…查看更多

今日又一人獨食去🌱入到去坐位好寬敞，環境舒適整潔，日本拉麵店典經風格。🍽 姬達摩辛辣拉麵 $82叫法有啲似車仔麵，基本上可以自選想要嘅湯底麵底同配料組合，岩曬你自己鐘意嘅口味。比較特別係配菜仲有豬軟骨、牛肉、野菜揀，有別於一般傳統拉麵。個人比較食鐘意食麻辣，譚仔視乎心情決定食中辣-大辣程度。幸好點餐前先問職員中辛與激辛差別，職員還是建議先試試中辛程度，如果唔夠可以再加。中辛已經去到最高的可接受程度，偏刺激。幼麵份量正常，個人食量唔大，自己一個食得曬所有麵+配茶。反而配料分量多過傳統拉麵店，荀都有好7-8片，牛肉都唔止4片，以為溏心蛋要加錢配，上餐至發現本來有配埋。湯底可以，唔油膩，但由於偏辣冇飲太多🙈。…查看更多

🎈#cathlife_yum 麵屋 元祖達摩⛳️🚨大埔拉麵黃店🚨🌸新出北海道3.6牛乳拉麵🌸 ════════════════════麵屋 元祖達摩一直很受歡迎，評價也很不錯，經常大排長龍，今次終於食到啦！不過「期望越大，失望真的越大…」希望店舖下次再食會有改善😟💨點菜紙先點湯底再點麵類，然後選配菜（豚腩、豚肩、豬軟骨、牛肉、野菜）꧁••••••••••••••••••••••••••••••꧂🔸 北海道3.6牛乳豚腩拉麵(̆̈$̆̈7̆̈2̆̈)̆̈🌟先嚐湯底，呈奶白色的湯底食落味道帶輕微奶味，但不算濃🍂如果湯底可以重味少少會比較好，差點鹽味，但又缺奶的甜味，湯底略淡🌟這碗選了豚腩作配菜，薄切的豚腩肉質幾腍，是半肥瘦嘅腩肉👍🏻.🔸櫻花蝦味噌湯底配豚腩豚肩木耳(̆̈$̆̈1̆̈0̆̈6̆̈)̆̈🌟先嚐湯底，顏色的確似濃湯色調🍂但不濃稠，較稀，味道較淡，缺了櫻花蝦的味道🌟擺盤賣相令到睇落好豐富，豚肩口感較實而豚腩較腍，但兩者的肉味也重.🔸小食：吉列蠔、章魚小丸子、大板燒🌟章魚小丸子外層好脆🍂小丸子入面食吾到章魚🐙🥺🍂章魚小丸子同大板燒也是粉漿太多😢🍂吉列蠔炸粉太厚😢.🗯麵類可選粗曲麵、幼麵、烏冬🗯🌟麵的份量還多，食到飽來說是可以的🍂由於第一次食，事前也沒有做資料搜集，所以不知道幼麵似是上海幼麵，同埋點菜紙不能選擇麵質，煮出黎較淋，所以食落似不似拉麵.👀整體✅：@建議選粗曲麵@湯底欠濃稠@小食多選擇…查看更多

櫻花蝦味增湯拉麵 $78麵條:粗曲麵，掛湯掛得多啲，好食啲。麵條有咬口軟硬適中。配料:豚腩，話明食拉麵一定要揀豚腩，三片大大片，適量脂肪，好香口。麵條爽口，唔會好淋。流心蛋正常發揮，整體都好食，湯底都唔會太鹹😊香料:香蔥、荀、蒜，幾樣都有加，我自己鍾意全部落晒，湯底會濃味好多。芝士玉子燒🙈🙈 $28我本來就好鍾意食玉子燒，呢間嘅玉子燒平得黎好大件。口感軟林林好滑。配上適當份量嘅芝士沙律醬，經過火槍燒後，芝士拉絲拉到好長。…查看更多

拉麵款式多而且富特色，包括櫻花蝦味噌、墨魚汁、北海道3.6牛乳喇沙及咖喱等湯底，麵條、叉燒等亦可自選粗幼度部位等。今日食左2款拉麵 水準都唔錯!辛辣拉麵 配炙燒叉燒 醬油蛋半隻 筍絲 紫菜 湯底落足辣醬,湯底基底係豚肉濃湯,入口先飲到辛辣既刺激味道接住飲到豚骨濃湯既甜味,湯底質感醇厚 麵身微曲好掛湯亦幾彈牙黑蒜油湯拉麵 湯底好香黑蒜味 厚厚一油黑蒜油豚肩叉燒肉厚切大大塊,有3片,份量蓋滿麵上濃濃既黑蒜香氣入口香而不油膩 唔辣既重口味選擇好好食!炸薯餅用日本薯仔做既脆薯餅,好香脆有薯味!大埔大埔太和路15號太和中心地下12號舖消費$200…查看更多

店內擺放好多可愛既達摩公仔作裝飾，帶出日式風格❤️二人套餐$228二人套餐包括兩碗拉麵/飯，再配上兩份小食，小食方面都幾多種嘅選擇，另外再送汽水或紙包飲品。麵底分別有幼麵、粗曲麵和烏冬三種供選擇，而配料則有五款供選其一：豚腩、豚肩、豬軟骨、牛肉和野菜。櫻花蝦味噌湯底 配豬軟骨 幼麵香濃嘅味增湯底拉麵，再配上櫻花蝦。碗內有一片紫菜同埋半隻流心蛋，而豬軟骨都好大嚿，同時都幾林身，食落口啖啖肉辛辣湯底拉麵 配豚腩 粗曲麵果然係辛辣湯底，入口真係好辣！粗曲麵更有咬口，加埋腩肉真係好香口惹味章魚小丸子一共有五粒，章魚燒嘅質感較實淨，做得到外脆內軟嘅口感芝士玉子燒一共有四舊，夾起做得到芝士拉斯嘅效果之餘，入口嘅玉子燒質感好嫩滑，同時食得出蛋香同埋芝士味…查看更多

北區(上水粉嶺大埔)其實都有好幾間高質拉麵店，今日想介紹呢間都幾多好評👍 而今次冬甩妹就係星期日下午茶時段去，懶洋洋嘅週日，第一餐已經係late lunch🤣 去到見門口用張櫈攔住咗，即時上網check先知原來有落場時間。不過店員見我哋喺門口徘徊，都即時開門招呼我哋入去，服務一流👍👍👍.今次冬甩妹嗌咗個幾抵食嘅二人套餐：👉 二人套餐 ($228)- 任選 拉麵/飯 2款- 指定小食 任選2款- 指定飲品 任款2款------------------------------👉 豚骨湯底 (幼麵、豚腩)推介指數: (8/10) 呢款應該係咁多款湯底最好味嘅一款，豚骨味濃而不膩，配上肥瘦平均嘅薄切豚腩，口感一啲都唔「鞋」，好好味！😋.👉 雞骨醬油湯底 (幼麵、豚肩)推介指數: (6/10)雞骨醬油湯底相對就比較遜色，醬油味道略嫌太過濃烈，豚肩亦相對比較「un」，因為這個部位的豬肉本身比較瘦，唔喜歡食肥豬肉或者減肥人士，可以揀豚肩。.👉 芝士玉子燒推介指數: (9/10)冬甩妹絕對係一個玉子燒忠實粉絲！今次呢個玉子燒好正，口感軟林林，再配上份量剛好嘅拉絲芝士同埋沙律醬，簡直係絕配！😍 推薦！.👉 吉列炸蠔推介指數: (7/10)炸得非常之鬆脆！炸漿亦唔會過厚，只係隻蠔細隻咗少少，但對得住呢個價錢👍…查看更多

今日食咗間唔錯嘅拉麵～🍜 我哋叫咗個二人餐，又拉麵、小食同飲品，都幾抵食！我食嘅黑蒜油湯底好香蒜味😋 豚肩肉厚切大大塊，仲有半隻溏心蛋🤤朋友食嘅北海道3.6牛乳湯底就話一般，佢話咸中帶甜有少少唔夾🥛芝士玉子燒好有驚喜！玉子燒好厚身，食落好香蛋味、好嫩滑，上面嘅芝士拉絲增添視覺同味覺嘅享受～🧀😎 仲有少少沙律醬，炙燒過後風味十足～ ☺️北海道男爵薯餅都ok，新鮮熱辣出爐～不過可能大埔太多好嘢食，今晚我哋兩個人包晒場，走嘅時候先見有另一枱客黎🥺 大家下次經過大埔/ 太和可以黎試吓！…查看更多

高質日式小店🥰-以拉麵🍜為主既日式餐廳，濃厚豚骨湯叉燒拉麵係佢地既招牌菜，吸引好多係附近反學既學生們👍-佢哋嘅豬軟骨大大嚿，完全豪氣畀我哋，而且湯底都幾濃好啱重口味嘅人， 佢哋嘅鯖魚真係值得一👍，雖然佢哋嘅鯖魚唔係招牌但係都一定要試下，唔係好多地方嘅鯖魚都可以煮得咁入味，而且好送🍚，本身我哋只係叫咗一杯嘢飲，老闆就同我哋講飲品free備我哋，實在太好人了吧😆小食都有好多選擇， 雞軟骨份量好多，呢個價錢唔識係超抵，芝士年糕都係必點嘅，襯熱嘅時候要即刻食仲可以拉絲🧀…查看更多

北海道3.6牛乳拉麵🍜（$88）湯底係用日本3.6牛乳熬製，奶香味唔算太重，咁樣反而冇咁容易滯，又可以帶出湯底嘅鮮味，濃度可以話係啱啱好，我最後係飲曬成碗湯🤣溏心蛋帶淡淡酒香味，非常入味，蛋香味十足，半熟口感超級正！至於肉就有好多唔同部位比你揀，總有一款啱你口味，今次我就揀咗豚肩肉，相對豚腩脂肪少好多，好味嘅同時食落都冇咁大罪惡感😂肉非常厚且大塊，而且有燒過，會更加香口👏🏻呢個價食到碗咁出色嘅拉麵真係無得輸👍🏻…查看更多

同朋友黎太和食呢間達摩拉麵真係超級失望我叫左個黑蒜油豚肩拉麵，黎到賣相都已經麻麻，勝在湯底「睇落」幾濃🤔但一飲啖湯就知中伏，湯底唔係非一般嘅淡，而係淡到好似水咁🥴得黑蒜油嘅香味.起初我都懷疑可能係自己味覺出問題，所以叫朋友試啖湯，但之後佢都覺得真係好似溝左水咁無味，完全唔係拉麵應有嘅湯底🙄.而朋友就叫左個北海道3.6牛乳湯拉麵，雖然牛乳湯唔算特別濃郁，但起碼味道還好，未至於淡到唔可以接受😮‍💨整體上味道都只可以話一般.認真，如果要用$82黎食呢個拉麵，我寧願返屋企食個杯麵仲好，真係完全唔合格，絕無下次😔…查看更多

昨天下午食了蒜香牛肉粒飯、黑蒜油豬軟骨拉麵、雞軟骨餃子同埋黑松露雜菜。牛肉粒有少少韌，但蒜香味足夠。至於拉麵，黑蒜油非常入味，但豬軟骨又唔夠淋，扣分少少分。雞軟骨餃子同埋黑松露炒雜菜都非常好食。至於環境方面，冷氣好唔足夠，我尋日1:00入去食，食到我周身汗，好想食完快啲走，希望老闆加大啲冷氣同埋加多幾把風扇啦，唔好令啲食客食得咁辛苦。…查看更多

星期日Lunch 去食拉麵，人唔係好多，拉麵有好多款湯底可以揀，亦可以自己配搭要豚肩/豚腩/牛肉/豬軟骨。同一般拉麵店一樣，都可以揀配料要唔要蔥呀蒜蓉呀荀果d第一次食，所以揀左最穩陣既配搭，1人叫左1碗麵，1碗豚腩+豚骨湯底，另一碗豚肩+豚骨湯底。豚腩叉燒肥d，豚肩瘦d但相對鞋d，湯底唔係好濃味，清清地唔會咸，就係普普通一碗拉麵，唔係好好食但又唔會難食～整體黎講質素同價錢成正比，唯一驚喜係隻溏心蛋好甜好好味，半熟岩岩好又入味！Lunch time 送一包紙包飲品或者可樂，不過星期6日全日都要加一。…查看更多

.去開大埔上堂 喺附近搵下野食啦～舖頭入面都大既 好多位有卡位 有吧枱 咁岩我去到無哂卡位咁就坐吧枱啦 無緊要～.我最鍾意食日本野 見到呢間麵屋就試下啦！我叫左黑蒜湯底豚腩粗曲麵 $82通常湯底我都會揀黑蒜油😙 大愛😘湯底仲有香蔥、蒜蓉🧄 午市仲會送野飲 配綠茶🍵.其實我覺得就一般般啦☺️湯底睇落好濃 但食落無咩味道 得油味😂好似公仔麵仲好味啲呢🙈.佢既豚腩就好肥 無咩肉 得肥膏我覺得全個麵最好味係隻蛋😇 .呢間係有加一服務費架～.🥢麵屋 元祖達摩 (大埔)📍大埔大埔太和路15號太和中心地下12號舖 …查看更多