麵屋龍平

营业中

休息中

叫咗兩碗沾麵，兩碗都好難食，兩碗都係死鹹，懷疑落咗一樽鹽。同埋非常之油。食咗一啖便吃不下去了。真係搞唔掂，麻煩店主用返啲良心去做生意。一碗麵買成百幾蚊，俾啲咁嘅質素我。

近排佷多地方都有蟹粉沾麵, 今天也是專程到來試下 食物 : 黃金瀑布蟹粉沾麵$59 + 大盛$20 = 共$79 - 蟹粉要咗大盛, 都算幾大碗, 味道唔算好突出, 最差係個麵是煮定, 結埋一嚿, 蟹粉又唔算好熱, 所以感覺麻麻地 極上3L廣島蠔赤海老沾麵$96 - 個湯出到來還很熱, 味道都幾濃有蝦肉, 但飲落有口乾, 吉列蠔幾大隻炸得酥脆, 麵底+豚肉是正常味道 飲品 : 各+$5叫咗可樂及檸檬茶, 是以膠杯裝, 細細杯, 味道有D淡 環境 : 此店在food court, 唔算有好多座位, 要自已先到cashier付款 服務 : 職員有禮貌 費用 : $185 (無收服務費)

呢日去咗樂富UNY行，順便係隔離Food Court搵食～見到「麵屋龍平」黃金瀑布蟹粉沾麵好吸引🤩就揀咗呢間，佢哋除咗沾麵，仲有拉麵，丼飯～價錢合理～每日限量100碗✨黃金瀑布蟹粉沾麵🍜「期間限定」$59就食到蟹粉🦀沾麵，可加$20 double 蟹粉，配料有半隻溏心蛋，沾麵麵條使用特選小麥粉，令口感更彈牙，撈埋蟹醋食，層次🆙🆙特製終極龍蝦沾麵🍜龍蝦湯底熱辣辣，散發出濃濃嘅龍蝦味🦞仲有爽口彈牙嘅龍蝦肉～配料有荀，日式叉燒，叉燒有火炙嘅味道，肥瘦適中‼️✨不錯👍🏾👍🏾💬估唔到food court可以食到咁好味嘅嘢，如果有機會經過樂富，不妨一試✨

係外賣平台叫咗外賣，叫咗牛肉烏冬，有曱甴，向平台反映，要求退款，但平台表示只提供$50優惠券，體驗極差，衛生情況極差，以後都唔會再買，餐廳食物難色係其次，至少要衛生！

今天晚上同家人係樂富food court食晚飯，見到呢間日式餐廳價錢相宜，賣相不錯，就試一試佢！我們買左一個東京咖喱燒牛丼，一個東京壽喜燒牛肉湯烏冬，另外加左$5溏心蛋。牛肉飯分量適中，牛肉都算多，咖哩味道濃。略為少少失望原來個烏冬係普通烏冬，不過湯底都夠味，以四十幾蚊一個晚餐來講，算係幾抵。

再來樂富這間麵屋龍平，今次點了這個日式叉燒飯價錢便宜而且很香口的，叉燒份量很多飯量亦不少，一個人剛剛好，我加了28元升級做套餐，有一杯汽水以及一份日式煎餃子，都是即叫即做的非常好吃。

今天路過樂富中心這個food court看到很多不同的餐廳，突然看到這間龍平面屋，裝修很特別很有日本的風格，煩著吃什麼之際看到有個很大的廣告牌說這個蟹王金粉瀑布沾麵，50多元的確不錯職員說家20元可以增大份量一管一試果然味道很濃。

廣島蠔🦪＆龍蝦🦞，兩樣都係我非常鍾意嘅食材😍，樂富呢間新開嘅沾麵店「麵屋龍平」，主打龍蝦沾麵＆超大隻和肥美嘅廣島蠔，高質得來，價錢出奇地抵食‼️🔹️極上3L廣島蠔終極龍蝦沾麵🦪🦞 $113龍蝦汁超級濃郁😍，入面有唔少龍蝦肉，麵幾彈牙和掛汁👍，配兩隻大大隻和炸得好酥脆的廣島蠔和豚肉，仲有半隻溏心蛋。🔹️咖喱吉列廣島蠔豚肉丼🦪🐖 $78咖喱好香好送飯，配三隻大廣島蠔和豚肉，都幾抵食，飯量仲幾多呀。

朋友之前喺樂富食過一間拉麵舖話唔錯，價錢又唔貴，所以今次專登經過開就再過嚟試一試吓，冇諗過9:00都未收工當然即叫啦，我哋每人一個拉麵餐就送一個汽水唔使10分鐘嘢食就嚟到，份量都比心目中多，沾面嘅鍋熱呼呼幾吸引好香。足料3L廣島蠔+龍蝦+沾麵必食都係$113價錢都幾抵同大碗。隻廣島蠔好大隻，而且炸得好脆口，蠔味十足有驚喜。龍蝦肉都幾彈牙而且沾麵都係龍蝦汁味道好濃郁，變質比較粗身少少所以好彈牙掛汁不錯。赤海老义燒拉麵$68，因為有赤海老嘅原因，所以個味道都幾香下味，义燒薄身不肥，麵比較幼身吸晒啲湯汁。

放假同朋友去樂富行下，肚餓行咗去美食廣場搵嘢食，見到有麵屋龍平，店舖主打沾麵料理。極上3L廣島蠔龍蝦沾麵：麵條上有日式叉燒，經過火炙味道特別香濃，肉質鮮嫩有脂香，仲有爽口嘅筍片和半隻滷蛋。龍蝦湯底非常creamy，散發出濃濃嘅龍蝦香氣，鮮甜濃郁，湯底內仲有粒粒龍蝦肉，濃稠度啱啱好；加上入口彈牙嘅手工麵，層次感豐富。極上3L廣島蠔真係超大隻，炸漿鬆脆，一咬落去滿滿蠔汁，好出色！濃厚豚骨叉燒拉麵：火炙叉燒腹脂甘甜，肉質柔軟，鮮醇豚骨濃湯馥郁濃香，拉麵充滿彈性有咬口，配上濃湯，鮮甜美味。

約咗朋友去樂富逛逛，然後在Aeon 美食廣場 覓食😬😬朋友突然話想食沾麵，就揀咗間日式拉麵😙😙😙 「麵屋龍平」除了拉麵還有沾麵，除了丼飯等……..任何麵食或飯食加$28可以有小食同埋飲品😙濃厚豚骨叉燒拉麵…….叉燒肉質不錯，配料流心蛋也不錯！湯底夠唔夠熱！極上3L廣島蠔龍蝦沾麵⋯⋯ 石鍋上枱熱辣辣，好香嘅龍蝦味！個湯底還有肉質爽彈嘅龍蝦肉粒😙麵條粗身彈牙好掛湯…有 3隻炸蠔…大大隻….炸得香脆可口，蠔隻肉質不錯！

呢間餐廳位於樂富FOOD COURT入面,新開唔係好耐但FOOD COURT座位可以自由選擇坐邊同埋都幾闊落既,我地叫左一碗即叫即炸既3L炸蠔沾麵,呢碗沾麵份量相當驚人,比起平時食既炸蠔佢真係不得了,隻炸蠔大到好似手掌咁大仲有2粒咁多,呢個價錢真係好抵食,佢咬落個皮好鬆脆同平時食既炸粉有D唔同,可見師傅用心制作,拉麵就用左一個熱辣辣既鐵碗裝住有龍蝦肉既醬汁再撈埋粗麵食,另外一碗叫左櫻花蝦拉麵,櫻花蝦既口感好易咬同埋拉麵比較彈牙,仲有即燒叉燒片肥瘦岩岩好。

晚上在樂富Aeon購物後，便到了美食廣場醫肚， 見有間麵屋龍平沾麵店, 除了主打的沾麵外，還有丼飯、拉麵和小食，見到相片好吸引咁，便進入開餐囉。濃厚豚骨叉燒拉麵，叉燒肥瘦適中，咬落有好香炭燒味，肉質淋又有油香味，配料有流心蛋、蔥同筍，我哋湯都飲晒佢☺️。極上3L廣島蠔龍蝦沾麵，炸蠔大隻炸得酥脆可口，肉質嫩滑，拉麵附有2片叉燒，沾麵汁在石鍋上仲滾不停，聞到好香令人十分之想食佢，沾面汁香濃內還有了爽彈的龍蝦肉，麵條粗身且彈牙掛湯。

真係唔記得幾耐冇嚟到樂富，想去UNY睇吓，連上去的電樓梯都唔同曬位置，十足烏龍😛😛行行吓超市好肚餓，最好嘅辦法就係喺food court搵嘢食，以前有嘅，宜家應該都仲有嘅。同以前差不多同一位置，見到有間叫做“麵屋竜（龍）平”嘅，有拉麵，有沾麵食，價錢又合理，就呢間啦。嗌咗個“豚肉魚介沾麵”，另一個就普通的 “赤海老叉燒拉麵”，沾麵粗條D，好掛汁，除咗3片豚肉，仲有啲配菜，例如紫菜、溫泉蛋、竹笋，都非常之好味。拉麵的麵質就係幼條的，亦有同沾麵一樣的配菜，本來叉燒拉麵真係普通D，但我叫嘅係赤海老叉燒拉麵，咁就唔普通啦，赤海老令到個湯底非常鮮甜，最後差不多飲晒成個湯底的湯😛

放工後，我和弟弟一起去樂富逛完商場後，在Food Court初嚐日式沾麵店—麵屋龍平，這是我們第一次光顧這家店。我們找到了座位，迫不及待地選擇了套餐。弟弟選擇了龍蝦沾麵套餐~$80。他非常喜歡龍蝦，所以他相當期待這道菜的味道。而我則選擇了义燒豬骨濃湯拉麵套餐~$70。我對日式拉麵的濃郁湯底和嫩滑的豬肉非常著迷，所以這個選擇對我來說再合適不過了。餐飲方面，弟弟選擇了凍檸茶，而我則選了可樂。我們等待了一會兒，終於可取餐。弟弟的龍蝦沾麵看起來非常誘人，龍蝦肉鮮嫩多汁，搭配著彈牙的麵條，讓人垂涎欲滴。我的义燒豬骨濃湯拉麵也不遑多讓，湯底濃郁香濃，豬肉經過烤製後更加美味。我們大啖大啖吸啜麵條和湯汁，享受著食用日式麵餐的獨有樂趣。