麵屋丸京

《麵屋丸京》清湯丸京拉麵 🍜📍牛頭角宜安街9號地舖丸京對我來講係有種情意結，因為牛頭角店就响我轉左觀塘返工冇耐之後開，應該都差不多係9年前，可以話睇住佢開，而咁多年，特別我响觀塘嗰幾年一路都有食開，味道各方面都唔錯，lunch食返碗絕對係好嘅選擇。我冇做觀塘份工都有3,4年，今日特登抽空去探一探佢。《清湯丸京拉麵 🍜》香味 (3.5/5)因為點左嘅係清湯，冇刻意加香味強烈嘅香油，所以香味並唔算好強，都ok。湯 (3.5/5)湯底應該係主要係用雞骨煲，或許都有加豬骨，不過雞骨味為主，食到中後段香菇🍄‍🟫嘅味會出左黎。醬油有加但比例唔算重，鹹甜度算剛好，稍偏甜，順喉，完全冇任何負擔。湯嘅溫度就唔多夠，不過咁啱今日係大熱天，反而好，唔駛食到身水身汗。麵條 (3.5/5)中細麵，煙韌，麵味中等，正好同個清湯幾夾，幾好食。配料 (4/5)豬叉燒份量非常足！有4塊較細塊嘅叉燒，同3塊較大嘅叉燒，睇肉嘅紋理同味道應該都係豬肩肉。第一款叉燒有頗重蒜味，我就幾鍾意。第二款佢地稱之為”真叉燒”，大塊好多，不過冇特別調味。兩款叉燒肉味甘香，不過唔算好軟嫩。因為份量真心多，食得非常痛快，唔駛就住食。筍方面真係抵讚👍，非常咁好！夠粗，夠腍又不失爽口，口感係完美，調味又剛剛好，超水準！溏心蛋就一般，雖然生熟度係好，但調味出左事，有少許苦味，可能料理酒加多左。整體 - 值得小推薦👍。因為呢間店咁多年都有保持一定水準，而且限定湯底常常有推出，永遠唔會悶。…Read More

服務態度好差，樓面好專心玩電話，叫咗個麵同波子汽水，波子汽水先到，就咁粒聲唔出放低走咗去，我想叫佢比飲管，但佢已經勁快返埋收銀位專心玩電話，我望住佢成五分鐘，想睇吓佢會唔會見到有客搵佢，真係完全唔理。到有一張準備埋單，佢先抬起頭見到我叫佢，天氣咁熱五分鐘，凍飲都變熱飲！ 問佢有冇飲管，快而準「無！」，就咁走咗返去繼續玩電話！ 大佬你冇都比隻杯嚟啦，hea到咁,早知幫襯馬蹄徑新開嗰間拉麵店，咁多嘢飲賣竟然冇飲管？ 罐裝可以就咁飲（只要人哋唔嫌你個罐污糟），但波子汽水點就咁飲？ 我倒落杯都比粒波子kick 住出唔到汽水，希望呢間鋪嘅老闆見到呢個po, 真係比之前差咗好多，連食物賣相都係，唔會再有下次，勁hea, 埋單$118 ，唔怪之得個個北上消費！ No next time!感覺店舖環境/衛生/服務都差咗好多，明明以前丸京唔係咁樣！…Read More

麵屋丸京 牛頭角店 好鐘意丸京呢間分店的裝潢，好多宅宅物，睇見都開心，店內亦播好多J-POP、ANI-SONG，好似去左日本咁，有FEEL枱面有壺冰水，夠冰凍，而落單就係自己畫紙仔🦪 炸牡蠣（$35）寫明35蚊5隻，計落幾抵就試下粉漿好厚，蠔無咩味道亦好細隻，只能夠話好彩叫左都唔肉赤🍗 沙律炸雞（$42）呢個炸雞係我心中嘅丸京MVP，大件夾抵食肉汁豐富，炸起來香脆熱辣辣，沙律醬同大量蔥花同雞件夾到爆！🍜 清湯丸京拉麵（＄100）要成舊水係因為點了真叉燒，呢個係佢地招牌主打，不負眾望，真係幾好食，肥瘦適中，熟度掌握準確，出面好少食到咁有心思嘅日式叉燒湯底食落應該係醬油湯底，清澈得來足味，麵條就一般般，感覺無以前咁好食了溏心蛋、筍就依然保持水準，我平時食拉麵好少食筍都會食哂丸京嘅筍🎋🍜 濃湯豚骨拉麵（＄78）湯底香濃，完全滿足想要油脂嘅感覺普通叉燒就無真叉燒咁高質，但都係合格以上…Read More

濃湯丸京拉麵中規中矩，冇乜特別但樓面態度不良好，唔想做你生意咁同朋友嗌咗2碗麵，上菜個時完全聽唔到佢講乜，唔知邊碗打邊碗冇下一次！！！唔需要特登過黎食，不推薦！…Read More

呢間日本拉麵店真係唔錯！佢嘅招牌半熟叉燒拉麵好吸引，份量幾足，叉燒多得滿滿一碗，叉燒肉質鮮嫩多汁，好入味，令人回味無窮。拉麵麵條爽口唔會太腍，加上濃郁嘅豚骨湯底，啲麵都係超級掛汁，味道更加香滑。每一口都充滿叉燒同湯底嘅味道，令人食完都想再嚟一碗。呢間拉麵店唔浮誇，但係每樣嘢都好用心烹調同準備。如果你鍾意叉燒同拉麵，真係值得一試！總括嚟講，佢嘅半熟叉燒拉麵係美味同滿足嘅完美組合，絕對值得推薦，而且價錢唔貴！…Read More

I ordered the “Real Chashu Ramen” it’s basically a meat party. It comes with 6 pieces of chashu and an egg in a super thick bowl of pork bone broth.The broth is super creamy and I love how thick it is and it’s not overly salty😊I think the broth itself can already easily go on my top 3 pork bone broth list. The texture of the noodles is also very fulfilling, it’s really fresh and crunchy. As for the chashu, like what I said, it’s a meat party and each piece of chashu is as big as my palm😋and they are really yummy and tender. Think my experience in here is beyond satisfactory. This place is a tad out of the way but totally worth it☺️ I reckon this is the best pork bone broth ramen I had so far😋…Read More

假日出到嚟觀塘行街搵野食，諗起前年嚟吃過呢間印象係深刻的，於是決定再次嚟吃吓。店舖不算大，入面放咗好多動漫公仔，貼滿marvel嘅海報，日式風格裝修，整體環境舒適整齊。💚真. 叉燒拉麵 $108（真叉燒6枚、蛋）揀咗濃湯，湯底濃郁入味，不會覺得鹹叉燒份量多，鋪滿成個碗💚丸京拉麵 $100（叉燒3枚、真叉燒3枚、蛋、筍）+$20 期間限定 ^蟹膏蟹肉濃湯^上枱聞到好香，試咗第一啖湯是濃濃的蟹肉味，印象很好兩款叉燒對比下真叉燒較為出色，以慢煮方式烹調，見到啲肉仲係紅紅的，肉質又軟又嫩；而拉麵就正正常常；蛋最後吃，一啖食落去覺得有點鹹😅；最後我哋清晒，整體都係好味道👅💚吉列炸蠔 $35個人覺得粉比較厚，而個蠔系好細粒，感覺一般…Read More

1. 試了清湯拉麵🍜，麵質真係麻麻地，可能成本問題，用了低質素嘅麵粉。還有，食落個麵質都偏硬😞😞，但份量就不過不失啦。2. 叉燒得3塊，好似紙一樣咁薄，而且咬落去鞋口到呢...無言😭🥲3. 呢間拉麵店嘅侍應全部都係20歲出頭嘅後生仔女，完全無笑容，非繁忙時段幫襯，放低拉麵喺枱面就走，一言不發，同客人零交流、零親和力，態度真係唔多掂🤦🏻‍♂️🤦🏻‍♂️4. 食完嘢埋單，只收現金，唔收信用卡或其他電子支付工具，有點兒落後同不方便客人😣。香港近年電子支付已普及化，其他拉麵店都有各式各樣嘅電子支付工具方便客人，呢d好基本。呢間丸京應該要與時並進一下吧😎5. 最後，比現金💰埋單，侍應連多謝一句都無😱😱，好似客人老鳳一定要幫襯你呢間店咁，真係好差嘅體驗，成件事好敗筆，咁嘅待客之道，真係好差😩😫🤦🏻‍♂️。唔怪之得香港飲食業搞成咁😭...唯有北上消費💪🏻💪🏻…Read More

最後本身係想去試埋牛頭角新開既マヌル屋呢間都係由日本師傅一人打理主打雞白湯但佢寫lunch開到三點我星期日兩點去到都話已經截左龍幾顛下咁果日真係想食番碗拉麵所以就去左附近既丸京丸京都算係我第一次約老婆食飯既地方但其實味道我一直都覺得好一般所以我之前都無乜興趣寫不過今次食唔到マヌル過到黎反而有驚喜牛頭角丸京同マヌル一樣開到三點落場但而家lunch黎到都已經唔洗等位入面人好少大約只得三成滿左右始終宜安街唔係大街又唔係新野仲要係連鎖丸京既選擇同一般拉麵店唔同佢係以唔同肉來劃分成唔同價最貴既六塊真叉燒就108三塊叉燒三塊真叉燒就100咁多年都無加過價限定湯再加12蚊咁我揀左三叉燒同三真叉燒既限定小蝦干醬油拉麵佢寫有濃湯同清湯侍應無問就預設左係濃湯呢個就唔係以前舖滿成個碗果隻擺盤係六塊疊埋一齊筍係勁大塊蛋正常麵條係幼麵有咬口既而個湯飲落第一啖係有驚喜既係幾順口既蝦湯味唔杰身飲落係舒服既入面好多蝦干感覺上有炒過好香而六塊叉燒都好薄疊埋一齊就痴埋左一夾起就會爛真叉燒即係慢煮叉燒好軟好嫩普通叉燒就真係鞋鞋地真係加多8蚊好過整體比想像中好食最後成個湯都飲晒呢個限定蝦干拉麵都要過百蚊但叉燒好食湯又好飲係足夠令我對丸京改觀既以後黎丸京真係唔食豬骨湯就好侍應就一般般啦問一句答一句唔會多地點既話都有唔同分別九龍東大西北或者旺區深水埗都有都算係咁…Read More

有拉麵腔朋友介紹，所以來牛頭角分店試試真假！WEEKEND 夜晚7點來到幸好唔洗等位。環境日式格調都算舒服今次我點左最普通的豚骨拉麵濃湯底，而蕃薯老豆就點咗丸京拉麵濃湯底。鐘意食🐷骨既我地一上菜就迫不及待試左佢既湯底，湯底顏色係啡白色，飲落去豬骨味真係好濃厚，富有油脂香味。（食得拉麵真係唔好怕肥呀😍）🍠 豚骨拉麵 $78有3塊叉燒，一隻蛋。叉燒係薄片叉燒，唔會太靭但又唔算太嫩滑。至於拉麵硬度方面屬於標準偏硬，粗度中幼，而隻流心蛋就做得好出色，口感非常軟滑。🍠 丸京拉麵 $100賣相非常吸引，碗面鋪滿曬叉燒。分別有3塊叉燒， 3塊真叉燒。慢煮出黎既真叉燒顏色粉嫩，口感好淋。肉既份量都真係算幾OK! 性價比不錯📍丸京拉麵牛頭角宜安街9號地舖不設加一服務費…Read More

在这座喧器城市的某个角落，我发现了一家日式拉面店，它以其独特的清汤与令人难忘的炸鸡，为我带来了一场味觉的双重享受清汤豚骨拉面这家拉面店的清汤酱油汤底，追求的是一种极致的纯净与甘甜，汤色清澈透亮，轻轻一嗅，便能感受到一股自然的香气扑鼻而来。甘甜而不腻，清新而淡雅汤底的甘甜并非单一无味，而是经过精心调配，将多种食材的精华完美融合。据店员所说在熬制清汤时，选用了猪骨. 经过长时间的慢火细炖，使得骨髓中的精华与清水完美交融，形成了这碗独一无二的甘甜清汤。七味炸鸡炸鸡的口感外酥里嫩，鲜美多汁如果说清汤是这家店的灵魂，那么炸鸡则是其不可或缺的点睛之笔。这道炸鸡，无论是从选材、腌制还是炸制过程，都透露着店家对品质的追求。炸鸡的外皮金黄酥脆，轻轻一咬，便能感受到那层薄薄的脆皮在口中碎裂开来，发出悦耳的声响。这层脆皮不仅锁住了鸡肉的鲜美，还赋予了炸鸡独特的口感和风味。而鸡肉部分，则是鲜嫩多汁，肉质紧实而不柴，每一口都能感受到鸡肉的原汁原味总结这家日式拉面店以其独特的清汤甘甜和炸鸡的酥脆口感，给我留下了深刻的印象。清汤的甘甜让我感受到了味蕾上的清新与宁静；而炸鸡的鲜美多汁则让我体验到了味觉上的极致享受。两者相辅相成，共同构成了一场难以忘怀的味觉盛宴。这家日式拉面店绝对值得你一试。…Read More

探访日式面屋丸京小店的日常随感:)某天闲逛时，偶然间踏入了这家藏在街角的日式拉面店，没想到这一进，就成就了我近期的一次美食小确幸一进门温暖的灯光立刻包围了我，墙上挂着许多当红动漫的海报，吧台上也摆满了大大小小的手办，桌椅摆放得整整齐齐，空间虽不大，却处处透露着温馨与雅致，让人不自觉地放慢了脚步坐下后，我毫不犹豫地点了他们家的招牌——浓汤真叉烧拉面。开始还不明白什么叫“真叉烧”，店员也耐心的为我解释：原来是低温慢煮而成的叉烧，口感软嫩。等待的时间并不长，一碗热气腾腾的拉面就被端了上来。汤头色泽金黄，香气扑鼻，轻轻一尝，那豚骨的醇厚与鲜美瞬间在口中绽放，没有过多的调料味，就是纯粹的骨汤香，让人忍不住一口接一口。面条弹牙有嚼劲，搭配上几片柔嫩的叉烧，每一口都是满足。而让我惊喜的是他们家的饺子，本以为只是拉面店的配角，没想到味道如此出众。饺子皮薄而不破，内馅饱满多汁，轻轻一咬，鲜美的汤汁就在口中四溢。整个用餐过程，店里播放着轻柔的日式音乐，周围食客的低语和偶尔传来的笑声，构成了一幅温馨的画面。这里没有华丽的装饰，也没有刻意的营造，有的只是一份对食物的执着和对顾客的真诚。离开时，心中已暗暗决定，下次再来香港游玩还想到这品尝一次，享受这份简单却真挚的美味。这家日式真叉烧拉面店，用它独有的方式，给了我一个平凡日子里的小小幸福…Read More

真叉烧拉面$108 一味辛濃湯+$12卖相靓 湯底濃味 但系食完唔会口渴 而且唔会好油 几好飲！唐心蛋做得好好 超好食 呢度啲叉烧比较特别 真叉烧系用低温慢煮 比较粉嫩同冧身 唔会太肥自家製饺子🥟$35饺子食落去唔会好油腻 外面食落去好脆 一口咬落去會爆汁 但係每日限量供應 上次黎就食唔到 所以今次特登喺開門嗰陣就嚟排隊 就係為咗食餃子 果然冇令我失望入到去可以见到好多MARVEL 嘅海報 戲飛 同公仔 裝修都好日式干淨整潔 整体环境雖然唔大不过都幾舒適面質可以揀淋硬 不过需要同店員講 枱面仲有蒜蓉醋辣蒜胡椒粉 可以根據個人口味選擇 店员嘅服务态度非常好 我哋问咗几个问题都一一解答 仲有舖頭值得一讚嘅地方係 每一枱都有一壺冰水 跟足日本🇯🇵文化 …Read More

未食個樓面後生仔搞到我一肚氣等位等足35分鐘，仲要一位既人等十分鐘都無就入到去我之前食過呢間店好多次 從未試過要等咁耐樓面後生仔懶理排隊等候既人先後次序一個人既唔洗等就入得無籌號拿 離曬譜由得人無係中午太陽照射好熱等35分鐘 番工放飯時間俾佢咁樣搞法焗住等望去入面見到佢仲同廚房係度笑 無視我企係度望住佢地直到我入去話佢安排不當佢先慢慢執檯 都無主動叫人坐起初應該一開始佢俾未齊人既入去就話佢走個陣係度講多謝曬不如講辛苦曬好過。呢張紙貼係門口簡直係搞笑大把時間既可以去食…Read More

今日晏晝諗住去試吓呢間拉麵，去到門口有一位先生企咗係度。見門口無指示，淨係得張手寫嘅A4紙寫住齊人先可以入坐，咁就係門口諗住問吓店員洗唔洗攞飛。都未問到，就有另一group人好熟練咁排咗係位先生後面，後來先知原來呢度無得攞飛。後來有位時，店員安排我哋入去坐，之後遲過我哋到嘅人想打尖，就同店員講話佢哋早過我哋嚟，叫我哋出返去，然後店員就無理我哋講咩，就叫我哋出返去……嘢都未食就一肚氣。舖頭安排混亂，指示又唔清晰，店員仲為咗唔好麻煩就迫我哋比人打尖。最後就係個拉麵其實好普通，唔係唔好食，但真係唔值得受住氣同被打尖都去食。想受氣同比人打尖就歡迎多啲去食。…Read More